ᐃᐱᓯᒥᐅᓄᑦ 2
2
ᑐᖁᒥᑦ ᐃᓅᓯᕐᖕᒧᑦ
1 #
ᑯᓘᓯ 2:13. ᐃᓕᑦᓯᑦᑕᐅᖅ ᐅᒃᐱᕐᖕᓂᕐᖕᒥ ᑐᖁᖓᓚᐅᖅᐳᓯ, ᐱᐅᖏᑦᑐᓕᓂᕐᖕᒧᑦ ᐊᔪᖅᑐᓕᓂᕐᖕᒧᓪᓗ. 2ᑍᑦᓱᒪᓂ ᑍᒫᒃ ᐃᓅᓯᖃᖅᑎᓪᓗᓯ ᓯᓚᕐᔪᐊᕐᖕᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᖅᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᖕᓂᕐᖕᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ. 3ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᖅᑕᖓᓂᒃ ᐊᑐᖅᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᖅᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᖅᐹᑎᒍᑦ.
4ᒎᑎᐅᓪᓕ ᓂᑲᒍᓱᖕᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓᓄᑦ, ᓇᒡᓕᒍᓱᖕᓂᕐᔪᐊᒥᓄᓪᓗ ᓇᒡᓕᒋᓚᐅᕋᒥᑎᒍᑦ, 5ᐅᒃᐱᕐᖕᓂᕐᖕᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᖕᒧᑦ, ᐆᒻᒪᖅᑎᓚᐅᖅᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ. 6ᐃᓚᒋᓪᓗᒍᓗ ᒪᑭᑎᓚᐅᖅᐹᑎᒍᑦ, ᕿᓚᖕᒥ ᐃᒃᓯᕙᖃᑕᐅᖁᓪᓗᑕ ᔩᓱᓯ ᙭ᔅᑑᓯᒧᑦ. 7ᑍᒤᓕᐅᓚᐅᖅᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᖅᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ. 8ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᐱᐅᓕᔭᐅᓯᒪᒐᑦᓯ ᐅᒃᐱᕐᖕᓂᒃᑯᑦ; ᑕᒪᓐᓇᓗ ᐃᓕᑦᓯᓐᓂᒃ ᐱᓯᒪᓐᖏᓚᓯ, ᒎᑎᐅᓪᓕ ᑐᓂᕐᕈᑎᒋᕚ ᐊᑭᖃᖏᑦᑐᖅ. 9ᐱᓂᐊᕐᖕᓂᒃᑯᑦ ᐃᒻᒥᓂᒃ ᐱᓯᒪᔪᖃᖏᒻᒪᑦ, ᑍᒤᒻᒪᑦ ᓇᓪᓕᐊᓪᓘᓐᓃᑦ ᐱᐅᔪᕆᑦᔪᑎᖃᕈᓐᓇᓐᖏᓚᖅ ᑕᒪᑐᒥᖓ. 10ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᖅᑎᓚᐅᖅᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᖅᓯᒪᓚᐅᖅᐹ, ᑍᒤᓕᐅᖁᓪᓗᑕ.
᙭ᔅᑑᓯᒥ ᐊᑕᐅᓯᐅᓂᖅ
11ᑍᒤᒻᒪᑦ ᖃᓄᐃᑦᑑᓚᐅᕐᖕᓂᑦᓯᓐᓂᒃ ᐃᖅᑬᓚᐅᕆᑦᓯ, ᔫᑎᐅᖏᑦᑐᓯ ᑍᔭᐅᓪᓗᓯ ᑭᐱᓯᒪᖏᑦᑐᓂᒃ ᔫᑎᓄᑦ, ᐃᒻᒥᖕᓂᒃ ᑍᔪᓄᑦ ᑭᐱᓯᒪᔪᓂᒃ ᓇᖕᒥᓂᖅ ᑎᒥᒥᒃᑎᒍᑦ ᑭᐱᓯᒪᔪᑦ ᐊᒡᒐᖕᓄᑦ. 12ᐃᕾᒋᑦᓯ ᑍᑦᓱᒪᓂ ᙭ᔅᑑᓯᖃᕋᓯ ᐊᕝᕗᑎᓯᒪᓚᐅᖅᑐᓯ, ᐃᓴᕆᐊᓕᒥᐅᓪᓗ ᓂᕈᐊᖅᑕᐅᓯᒪᓂᖏᓐᓄᑦ ᐃᓚᒋᔭᐅᓚᐅᖏᑦᑐᓯ, ᐊᖏᕈᑕᐅᓯᒪᔪᒥᒡᓗ ᐱᓯᒪᖃᑕᐅᓚᐅᖏᑦᑐᓯ, ᑍᒤᑦᑑᓪᓗᓯ ᐃᓅᓚᐅᖅᑐᖅᓯ ᐅᕙᓂ ᓯᓚᕐᔪᐊᕐᖕᒥ ᓂᕆᐅᒋᔭᒃᓴᖃᕋᓯ ᒎᑎᖃᕋᓯᓗ. 13ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᖅᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ. 14᙭ᔅᑑᓯᐅᑉ ᐃᓅᖃᑎᒌᑦᓯᐊᓕᖅᑎᓚᐅᕐᖕᒪᑎᒍᑦ, ᔫᑎᓪᓗ ᔫᑎᐅᖏᑦᑐᓪᓗ ᐊᑕᐅᓯᓐᖑᖅᑎᓪᓗᒋᑦ, ᐊᕙᓗᕐᔪᐊᕐᓗ ᐊᒡᕕᐊᕈᑕᐅᔪᖅ ᓯᖅᑯᒥᓚᐅᖅᐹ ᐊᕕᑎᑦᓯᓯᒪᔪᖅ ᐊᑭᕋᕇᒃᑎᑦᓯᔪᕐᓗ. 15#ᑯᓘᓯ 2:14.ᔫᑎᓪᓗ ᐱᖁᔭᖏᑦ ᐊᕕᓯᒪᑎᑦᓯᔪᑦ ᐊᑐᕈᓐᓃᖅᑎᓚᐅᖅᐰᑦ, ᑖᒃᑯᐊ ᒪᕐᕈᐃᓕᖓᔪᑦ ᐊᑕᐅᓯᓐᖑᖅᑎᑕᐅᖁᓪᓗᒋᑦ ᐃᒻᒥᒍᑦ ᓄᑖᓐᖑᖅᑎᑕᐅᓗᑎᒃ, ᐃᓅᖃᑎᒌᑦᓯᐊᓕᖅᑎᓪᓗᒋᓪᓗ. 16#ᑯᓘᓯ 1:20.ᑐᖁᓂᕐᖕᒥᒍᓪᓗ ᓴᓐᓂᖓᔪᓕᖕᒥ ᐊᑭᕋᕇᖕᓂᖅ ᓄᖑᑎᓚᐅᖅᐹ; ᓴᓐᓂᖓᔪᓕᒃᑯᓪᓗ ᐊᑕᐅᓯᓐᖑᖅᑎᓚᐅᖅᐹᑎᒍᑦ ᑎᒥᒥ ᐃᓅᖃᑎᒌᓕᖅᑎᓪᓗᑕᓗ ᒎᑎᒧᑦ ᐅᑎᖅᑎᓪᓗᑕ. 17#ᐂᓮᐊᓯ 57:19.ᑎᑭᓚᐅᕆᕗᖅ ᐅᖃᐅᓯᖃᕐᓗᓂ ᑕᒤᓐᓄᑦ ᐃᓅᖃᑎᒌᑦᓯᐊᓕᕐᖕᓇᖅᑐᒥᒃ ᐃᓕᑦᓯᓐᓄᑦ ᐅᖓᓯᒃᑐᒦᓚᐅᖅᑐᓄᑦ ᖃᓂᑦᑐᒦᓚᐅᖅᑐᓄᓪᓗ; 18ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᖅᐳᒍᑦ ᐊᑖᑕᒧᑦ ᐊᓂᕐᖕᓂᒃᑯᑦ ᐊᑕᐅᓯᒃᑯᑦ.
19ᑍᒤᒻᒪᑦ ᓄᓇᖃᑎᒋᔭᐅᖏᑦᑐᑎᑐᑦ ᑕᑯᓕᒪᓇᖏᑦᑐᑎᑐᓪᓗ ᑍᒤᑦᑑᓐᓃᖅᐳᓯ, ᐃᑦᔪᕐᖕᓁᑎᑕᐅᓯᒪᔪᓄᓪᓕ ᐃᓚᒋᔭᐅᓕᖅᐳᓯ ᒎᑎᐅᑉ ᐃᒡᓗᒥᐅᖃᑎᖏᓐᓄᑦ. 20ᐃᒡᓗᓕᐊᖑᖃᑕᐅᓕᕐᓗᓯᓗ ᐋᐴᓯᑕᓖᑦ ᓇᓚᐅᑦᑍᔪᓪᓗ ᑐᓐᖓᕕᓕᐊᕆᓚᐅᖅᑕᖓᓐᓄᑦ, ᑐᓐᖓᕕᖕᒧᓪᓕ ᑎᕆᖅᑯᕆᔭᐅᕗᖅ ᑕᕝᕙ ᙭ᔅᑑᓯ ᔩᓱᓯ. 21ᑖᓐᓇ ᐃᒡᓗᓕᐊᖑᔪᒧᑦ ᑕᒤᓐᓂᒃ ᐊᑦᓱᖏᐅᒪᑎᑦᓯᕗᖅ ᐱᕈᖅᑎᑦᓯᓪᓗᓂᓗ ᑕᑯᒃᓴᐅᖏᑦᑐᒥᒃ ᐃᑦᔪᕐᖕᓁᑦᑐᒥᒃ ᑐᒃᓯᐊᕐᕕᒡᔪᐊᕐᖕᒥᒃ ᐊᑕᓂᕐᖕᒥ. 22ᑖᑦᓱᒨᓇ ᐃᓕᑦᓯᑦᑕᐅᖅ ᐃᒡᓗᓕᐊᖑᖃᑕᐅᓕᖅᐳᓯ ᒎᑎᒧᑦ ᐃᓂᒋᔭᒃᓴᐅᖁᓪᓗᓯ.
Currently Selected:
ᐃᐱᓯᒥᐅᓄᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᐱᓯᒥᐅᓄᑦ 2
2
ᑐᖁᒥᑦ ᐃᓅᓯᕐᖕᒧᑦ
1 #
ᑯᓘᓯ 2:13. ᐃᓕᑦᓯᑦᑕᐅᖅ ᐅᒃᐱᕐᖕᓂᕐᖕᒥ ᑐᖁᖓᓚᐅᖅᐳᓯ, ᐱᐅᖏᑦᑐᓕᓂᕐᖕᒧᑦ ᐊᔪᖅᑐᓕᓂᕐᖕᒧᓪᓗ. 2ᑍᑦᓱᒪᓂ ᑍᒫᒃ ᐃᓅᓯᖃᖅᑎᓪᓗᓯ ᓯᓚᕐᔪᐊᕐᖕᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᖅᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᖕᓂᕐᖕᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ. 3ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᖅᑕᖓᓂᒃ ᐊᑐᖅᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᖅᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᖅᐹᑎᒍᑦ.
4ᒎᑎᐅᓪᓕ ᓂᑲᒍᓱᖕᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓᓄᑦ, ᓇᒡᓕᒍᓱᖕᓂᕐᔪᐊᒥᓄᓪᓗ ᓇᒡᓕᒋᓚᐅᕋᒥᑎᒍᑦ, 5ᐅᒃᐱᕐᖕᓂᕐᖕᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᖕᒧᑦ, ᐆᒻᒪᖅᑎᓚᐅᖅᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ. 6ᐃᓚᒋᓪᓗᒍᓗ ᒪᑭᑎᓚᐅᖅᐹᑎᒍᑦ, ᕿᓚᖕᒥ ᐃᒃᓯᕙᖃᑕᐅᖁᓪᓗᑕ ᔩᓱᓯ ᙭ᔅᑑᓯᒧᑦ. 7ᑍᒤᓕᐅᓚᐅᖅᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᖅᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ. 8ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᐱᐅᓕᔭᐅᓯᒪᒐᑦᓯ ᐅᒃᐱᕐᖕᓂᒃᑯᑦ; ᑕᒪᓐᓇᓗ ᐃᓕᑦᓯᓐᓂᒃ ᐱᓯᒪᓐᖏᓚᓯ, ᒎᑎᐅᓪᓕ ᑐᓂᕐᕈᑎᒋᕚ ᐊᑭᖃᖏᑦᑐᖅ. 9ᐱᓂᐊᕐᖕᓂᒃᑯᑦ ᐃᒻᒥᓂᒃ ᐱᓯᒪᔪᖃᖏᒻᒪᑦ, ᑍᒤᒻᒪᑦ ᓇᓪᓕᐊᓪᓘᓐᓃᑦ ᐱᐅᔪᕆᑦᔪᑎᖃᕈᓐᓇᓐᖏᓚᖅ ᑕᒪᑐᒥᖓ. 10ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᖅᑎᓚᐅᖅᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᖅᓯᒪᓚᐅᖅᐹ, ᑍᒤᓕᐅᖁᓪᓗᑕ.
᙭ᔅᑑᓯᒥ ᐊᑕᐅᓯᐅᓂᖅ
11ᑍᒤᒻᒪᑦ ᖃᓄᐃᑦᑑᓚᐅᕐᖕᓂᑦᓯᓐᓂᒃ ᐃᖅᑬᓚᐅᕆᑦᓯ, ᔫᑎᐅᖏᑦᑐᓯ ᑍᔭᐅᓪᓗᓯ ᑭᐱᓯᒪᖏᑦᑐᓂᒃ ᔫᑎᓄᑦ, ᐃᒻᒥᖕᓂᒃ ᑍᔪᓄᑦ ᑭᐱᓯᒪᔪᓂᒃ ᓇᖕᒥᓂᖅ ᑎᒥᒥᒃᑎᒍᑦ ᑭᐱᓯᒪᔪᑦ ᐊᒡᒐᖕᓄᑦ. 12ᐃᕾᒋᑦᓯ ᑍᑦᓱᒪᓂ ᙭ᔅᑑᓯᖃᕋᓯ ᐊᕝᕗᑎᓯᒪᓚᐅᖅᑐᓯ, ᐃᓴᕆᐊᓕᒥᐅᓪᓗ ᓂᕈᐊᖅᑕᐅᓯᒪᓂᖏᓐᓄᑦ ᐃᓚᒋᔭᐅᓚᐅᖏᑦᑐᓯ, ᐊᖏᕈᑕᐅᓯᒪᔪᒥᒡᓗ ᐱᓯᒪᖃᑕᐅᓚᐅᖏᑦᑐᓯ, ᑍᒤᑦᑑᓪᓗᓯ ᐃᓅᓚᐅᖅᑐᖅᓯ ᐅᕙᓂ ᓯᓚᕐᔪᐊᕐᖕᒥ ᓂᕆᐅᒋᔭᒃᓴᖃᕋᓯ ᒎᑎᖃᕋᓯᓗ. 13ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᖅᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ. 14᙭ᔅᑑᓯᐅᑉ ᐃᓅᖃᑎᒌᑦᓯᐊᓕᖅᑎᓚᐅᕐᖕᒪᑎᒍᑦ, ᔫᑎᓪᓗ ᔫᑎᐅᖏᑦᑐᓪᓗ ᐊᑕᐅᓯᓐᖑᖅᑎᓪᓗᒋᑦ, ᐊᕙᓗᕐᔪᐊᕐᓗ ᐊᒡᕕᐊᕈᑕᐅᔪᖅ ᓯᖅᑯᒥᓚᐅᖅᐹ ᐊᕕᑎᑦᓯᓯᒪᔪᖅ ᐊᑭᕋᕇᒃᑎᑦᓯᔪᕐᓗ. 15#ᑯᓘᓯ 2:14.ᔫᑎᓪᓗ ᐱᖁᔭᖏᑦ ᐊᕕᓯᒪᑎᑦᓯᔪᑦ ᐊᑐᕈᓐᓃᖅᑎᓚᐅᖅᐰᑦ, ᑖᒃᑯᐊ ᒪᕐᕈᐃᓕᖓᔪᑦ ᐊᑕᐅᓯᓐᖑᖅᑎᑕᐅᖁᓪᓗᒋᑦ ᐃᒻᒥᒍᑦ ᓄᑖᓐᖑᖅᑎᑕᐅᓗᑎᒃ, ᐃᓅᖃᑎᒌᑦᓯᐊᓕᖅᑎᓪᓗᒋᓪᓗ. 16#ᑯᓘᓯ 1:20.ᑐᖁᓂᕐᖕᒥᒍᓪᓗ ᓴᓐᓂᖓᔪᓕᖕᒥ ᐊᑭᕋᕇᖕᓂᖅ ᓄᖑᑎᓚᐅᖅᐹ; ᓴᓐᓂᖓᔪᓕᒃᑯᓪᓗ ᐊᑕᐅᓯᓐᖑᖅᑎᓚᐅᖅᐹᑎᒍᑦ ᑎᒥᒥ ᐃᓅᖃᑎᒌᓕᖅᑎᓪᓗᑕᓗ ᒎᑎᒧᑦ ᐅᑎᖅᑎᓪᓗᑕ. 17#ᐂᓮᐊᓯ 57:19.ᑎᑭᓚᐅᕆᕗᖅ ᐅᖃᐅᓯᖃᕐᓗᓂ ᑕᒤᓐᓄᑦ ᐃᓅᖃᑎᒌᑦᓯᐊᓕᕐᖕᓇᖅᑐᒥᒃ ᐃᓕᑦᓯᓐᓄᑦ ᐅᖓᓯᒃᑐᒦᓚᐅᖅᑐᓄᑦ ᖃᓂᑦᑐᒦᓚᐅᖅᑐᓄᓪᓗ; 18ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᖅᐳᒍᑦ ᐊᑖᑕᒧᑦ ᐊᓂᕐᖕᓂᒃᑯᑦ ᐊᑕᐅᓯᒃᑯᑦ.
19ᑍᒤᒻᒪᑦ ᓄᓇᖃᑎᒋᔭᐅᖏᑦᑐᑎᑐᑦ ᑕᑯᓕᒪᓇᖏᑦᑐᑎᑐᓪᓗ ᑍᒤᑦᑑᓐᓃᖅᐳᓯ, ᐃᑦᔪᕐᖕᓁᑎᑕᐅᓯᒪᔪᓄᓪᓕ ᐃᓚᒋᔭᐅᓕᖅᐳᓯ ᒎᑎᐅᑉ ᐃᒡᓗᒥᐅᖃᑎᖏᓐᓄᑦ. 20ᐃᒡᓗᓕᐊᖑᖃᑕᐅᓕᕐᓗᓯᓗ ᐋᐴᓯᑕᓖᑦ ᓇᓚᐅᑦᑍᔪᓪᓗ ᑐᓐᖓᕕᓕᐊᕆᓚᐅᖅᑕᖓᓐᓄᑦ, ᑐᓐᖓᕕᖕᒧᓪᓕ ᑎᕆᖅᑯᕆᔭᐅᕗᖅ ᑕᕝᕙ ᙭ᔅᑑᓯ ᔩᓱᓯ. 21ᑖᓐᓇ ᐃᒡᓗᓕᐊᖑᔪᒧᑦ ᑕᒤᓐᓂᒃ ᐊᑦᓱᖏᐅᒪᑎᑦᓯᕗᖅ ᐱᕈᖅᑎᑦᓯᓪᓗᓂᓗ ᑕᑯᒃᓴᐅᖏᑦᑐᒥᒃ ᐃᑦᔪᕐᖕᓁᑦᑐᒥᒃ ᑐᒃᓯᐊᕐᕕᒡᔪᐊᕐᖕᒥᒃ ᐊᑕᓂᕐᖕᒥ. 22ᑖᑦᓱᒨᓇ ᐃᓕᑦᓯᑦᑕᐅᖅ ᐃᒡᓗᓕᐊᖑᖃᑕᐅᓕᖅᐳᓯ ᒎᑎᒧᑦ ᐃᓂᒋᔭᒃᓴᐅᖁᓪᓗᓯ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.