ᔪᐊᓇᓯᐅᑉ ᐱᖓᔪᖏᑦ 1
1
ᓇᓗᓁᕐᓯᑦᔪᑏᑦ
1 #
ᐋᐴᓯᑕᓖᑦ 19:29; ᕉᒪᒥᐅᓄᑦ 16:23; 1 ᑯᕆᓐᑎ 1:14. ᐃᓐᓇᕐᑕᕆᔭᐅᔪᒥᑦ;
ᓇᒡᓕᒋᔭᓐᓄᑦ ᒊᐊᓯᒧᑦ, ᓱᓕᓂᕐᒥ ᓇᒡᓕᒋᔭᓐᓄᑦ.
2ᓇᒡᓕᖕᓇᕐᑐᑎᑦ, ᑐᒃᓯᐊᕐᐳᖓ ᖃᓄᐃᖏᑦᓯᐊᖁᓪᓗᑎᑦ ᑎᒥᒃᑯᓪᓗ ᖃᓄᐃᖏᑦᓯᐊᖁᓪᓗᑎᑦ; ᖃᐅᔨᒪᒐᒪ ᑕᕐᓂᒃᑯᑦ ᖃᓄᐃᖏᑦᓯᐊᕋᕕᑦ. 3ᖁᕕᐊᓱᒻᒪᕆᓚᐅᕐᐳᖓ ᑐᓴᕐᑎᑕᐅᒐᒪ ᐅᒃᐱᖃᑎᕗᑦ ᑎᑭᓐᓇᒥᒃ ᐅᓂᒃᑳᓚᐅᕐᒪᑕ ᓱᓕᔪᒧᑦ ᐃᓅᓯᕐᓂ ᑲᔪᓯᑦᓯᐊᕐᓂᕋᕐᑕᐅᓪᓗᑎᑦ, ᐃᓛᒃ ᑍᒪᓐᖓᑦ ᓱᓕᓂᕐᒥ ᐃᓅᒐᕕᑦ. 4ᐊᖏᔪᒻᒪᕆᐊᓗᖕᒥᒃ ᖁᕕᐊᓱᒃᑎᑕᐅᓚᐅᕐᐳᖓ ᑐᓴᕐᑎᑕᐅᒐᒪ ᕿᑐᕐᖓᒃᑲ ᓱᓕᓂᕐᒥ ᐃᓅᖕᒪᑕᒎᖅ.
ᒊᐊᓯᐅᑉ ᐅᐱᒋᔭᐅᓂᖓ
5ᓇᒡᓕᖕᓇᕐᑐᑎᑦ, ᐅᒃᐱᕐᑑᖃᑎᑎᓐᓄᑦ ᓱᕐᕋᔪᐃᑐᒥᒃ ᐱᓇᓱᐊᑦᓯᐊᕐᓯᒪᒐᕕᑦ ᐅᒃᐱᕐᑑᖃᑎᖕᓄᑦ ᑕᑯᔭᕆᐅᕐᑕᕋᓗᐊᕐᓄᑦ ᐱᑦᓯᐊᓚᐅᕋᕕᑦ, 6ᑖᒃᑯᐊ ᐅᖃᐅᓯᖃᓚᐅᕐᒪᑕ ᐅᒃᐱᕐᑑᖃᑎᖕᓄᑦ ᓇᒡᓕᖕᓂᖃᕐᓂᕐᓂᒃ. ᐊᐅᓪᓚᓕᕐᐸᑕᑦ ᐃᑲᔪᕐᓯᕋᔭᕋᕕᒋᑦ ᐃᓱᒫᓗᖏᓪᓗᑎᒃ ᐊᐅᓪᓚᓕᖁᓪᓗᒋᑦ ᒎᑎᐅᑉ ᐱᔪᒪᔭᖓ ᒪᓕᒃᓗᒍ. 7᙭ᔅᑑᓯ ᐱᑦᔪᑎᒋᓪᓗᒍ ᐱᓇᓱᐊᕆᐊᕐᑐᕐᓗᑎᒃ ᐊᐅᓪᓚᓚᐅᕐᒪᑕ ᐅᒃᐱᕋᓱᐊᖏᑦᑐᓂᑦ ᐃᑲᔪᕐᑕᐅᔭᕆᐊᖃᕋᑎᒃ. 8ᐅᕙᒍᑦ ᑍᒫᒃ ᐱᓇᓱᐊᕐᑐᓂᒃ ᐃᑲᔪᕐᑐᒃᓴᐅᒐᑦᑕ, ᐱᓇᓱᐊᕐᓂᖓ ᓱᓕᓂᒃᑰᕐᑐᖅ ᐱᖃᑕᐅᕕᒋᓂᐊᕋᑦᑎᒍ.
ᑎᐅᑐᕆᐱᓯᐅᑉ ᑎᒥᑐᕆᐊᓯᐅᓪᓗ ᐅᓂᒃᑲᐅᓯᐅᓂᖏᒃ
9ᐅᒃᐱᕐᑑᖃᑎᒌᓄᑦ ᑎᑎᕋᓚᐅᕋᓗᐊᕐᑐᖓ; ᑭᓯᐊᓂᓕ ᑎᐅᑐᕆᐱᓯ ᓯᕗᓕᕐᑎᐅᔪᒪᒐᒥ, ᓯᕗᓕᕐᑎᐅᓂᕋ ᓈᓚᒍᒪᓚᐅᓐᖏᓛ. 10ᑎᑭᒃᑯᒪᓕ, ᐱᓂᐊᕐᓂᕆᓯᒪᔭᖏᑦ ᓴᖅᑭᑎᑦᓱᒫᕐᐸᒃᑲ, ᐅᕙᑦᑎᓐᓂᒃ ᐱᐅᖏᑦᑐᒥᒃ ᐅᖃᕐᓂᕐᓘᑎᖃᕐᓯᒪᖕᒪᑦ, ᓱᓕᓇᓂᓗ ᐅᖃᐅᓯᖃᖃᑦᑕᕐᓗᓂ, ᑍᒤᓕᐅᑐᐃᓐᓇᓐᖏᓚᕐᓕ; ᙭ᔅᑑᓯᒥᐅᑕᐅᖃᑎᕗᓪᓕ ᑎᑭᒃᑲᓗᐊᕐᒪᑕ ᐃᓚᓕᐅᓚᐅᓐᖏᓔᑦ, ᐃᓚᓕᐅᕐᓯᔪᒪᔫᒐᓗᐊᓪᓗ ᐃᓚᓕᐅᕐᓯᖁᓚᐅᓐᖏᓔᑦ ᐅᒃᐱᕐᑑᖃᑎᒌᓂᓪᓕ ᐊᓂᑎᓐᓇᓱᐊᓚᐅᕐᐰᑦ.
11ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.
12ᑎᒥᑐᕆᐊᓯ ᑕᒤᓐᓄᑦ ᐱᑦᓯᐊᕐᓂᕋᕐᑕᐅᓪᓗᓂ ᐅᓐᓂᕐᓯᐅᑕᐅᕗᖅ, ᓱᓕᔫᓪᓗ ᓇᖕᒥᓂᖅ ᐅᓐᓂᕐᓯᐅᑎᒋᓯᒪᒋᕚ; ᐅᕙᖓᑦᑕᐅᖅ ᑖᑦᓱᒥᖓ ᐱᑦᓯᐊᕐᓂᕅᔪᓄᑦ ᐃᑲᔪᕐᑐᐃᖃᑕᐅᒋᕗᖓ, ᖃᐅᔨᒪᕗᓯᓗ ᓇᓗᓁᕐᓯᓂᕆᔭᕗᑦ ᑕᒪᓐᓇ ᓱᓕᖕᒪᑦ.
ᐅᖃᐅᓰᑦ ᓄᖅᑲᐅᓯᕈᑏᑦ
13ᓱᓕ ᐊᒥᓱᓂᒃ ᑎᑎᕋᐅᓯᒃᓴᖃᕋᓗᐊᕐᑐᖓ ᐃᓕᖕᓄᑦ, ᑭᓯᐊᓂᓕ ᒥᓱᒃᑕᐅᑎᑐᐃᓐᓇᒃᑯᑦ ᑎᑎᕋᕐᕕᒃᓴᑐᐃᓐᓇᒃᑯᓪᓗ ᑎᑎᕋᕐᕕᒋᔪᒪᖏᓐᓇᒃᑭᑦ; 14ᒫᓐᓇᕈᓗᒃᑯᑦ ᑕᑯᔪᒪᒐᒃᑭᑦ, ᑲᑎᒪᓕᕈᓐᓄᒃ ᐅᖃᖃᑎᒌᑦᓯᐊᓛᕐᐳᒍᒃ ᑕᑯᓐᓇᖃᑦᑕᐅᑎᓗᓄᒃ.
15ᓮᒻᒪᓂᐅᑉ ᐃᓚᒋᓕᑎᑦ. ᐃᓚᓐᓇᕆᔭᑦᑎᓐᓂᑦ ᑕᕝᕙᐅᕗᑏᕐᑕᐅᕗᑎᑦ. ᓇᖕᒥᓂᕐᓗ ᐃᓚᓐᓇᕆᔭᕗᑦ ᑕᕝᕙᐅᕗᑏᕐᐸᕗᑦ ᑍᑲᓃᑦᑐᑦ.
Currently Selected:
ᔪᐊᓇᓯᐅᑉ ᐱᖓᔪᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.