ᑎᒧᑎᒧᑦ ᐂᑉᐸᖏᑦ 3
3
ᐅᓪᓗᐃᑦ ᑭᖑᓪᓕᕐᐹᖏᑦ
1ᐅᓇ ᖃᐅᔨᒪᓕᕈᒃ, ᐅᓪᓗᐃᑦ ᑭᖑᓪᓕᖏᓐᓂ ᐃᓅᓯᕐᒧᑦ ᐊᒃᓱᕈᕐᓇᕐᑐᖃᕈᒫᕐᒪᑦ. 2ᐃᓄᖃᓕᕈᒫᕐᒪᑦ ᓇᖕᒥᓂᑐᐊᖅ ᐃᓱᒪᒋᔪᓂᒃ, ᑮᓇᐅᔭᓂᒃ ᐱᔪᒪᓗᐊᕐᑐᓂᒃ, ᐱᐅᔪᕆᔪᓂᒃ, ᐊᓯᒥᖕᓂᒃ ᓈᓚᒍᓐᓇᖏᑦᑐᓂᒃ, ᒥᑕᐅᑎᖃᕐᑎᓂᒃ, ᐊᖓᔪᖅᑳᒥᖕᓂᒃ ᐊᑖᑕᒃᑯᒻᒥᖕᓂᒃ ᐊᓈᓇᑯᒻᒥᖕᓂᒃ ᓈᓚᖏᑦᑐᓂᒃ, ᖁᔭᓕᔪᓐᓇᖏᑦᑐᓂᒃ, ᐅᒃᐱᕐᓂᖃᖏᑦᑐᓂᒃ. 3ᑐᓐᖓᓇᖏᑦᑐᓂᒃ, ᐃᓱᒪᒋᔪᓐᓁᕐᕕᖃᕈᓐᓇᖏᑦᑐᓂᒃ, ᐅᖃᐅᑎᒃᓴᕐᑎᓂᒃ, ᐱᔪᒪᔭᓕᒫᒥᖕᓂᒃ ᐊᑐᑐᐃᓐᓇᕐᑐᓂᒃ, ᑲᑉᐱᐊᓵᕆᔨᓂᒃ, ᐱᐅᔪᒥᒃ ᐆᒥᓱᒃᑎᓂᒃ; 4ᐱᔭᐅᒃᑬᔨᓂᒃ, ᐃᓕᕋᒃᑯᑎᔪᓐᓇᖏᑦᑐᓂᒃ, ᐱᓯᑎᐅᔪᕆᓂᕐᒧᑦ ᐱᐅᔪᕆᓗᐊᕐᑐᓂᒃ, ᖁᕕᐊᒋᔭᒥᖕᓂᒃ ᐅᖓᓂᕐᓴᐅᔪᓂᒃ ᒎᑎᒥᑦ; 5ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ. 6ᐃᓚᖏᑦ ᐃᒡᓗᓄᑦ ᐃᔨᕋᕐᑐᕐᓗᑎᒃ ᐅᐸᒍᑎᖃᑦᑕᕐᐳᑦ ᐊᕐᓇᓂᒃ ᐱᔭᕐᓂᕐᑐᓂᒃ ᕿᓂᕐᓗᑎᒃ, ᐊᔪᕐᓂᕐᓄᑦ ᐅᖁᒤᑦᔪᑎᖃᕐᑐᓂᒃ ᐃᒃᖠᒎᕐᓂᕐᓄᓪᓗ ᓱᓇᑐᐃᓐᓇᕐᓄᑦ ᐊᐅᓚᑕᐅᔪᓂᒃ. 7ᓇᓪᓕᐊᓐᓄᑐᐃᓐᓇᖅ ᑐᑭᓯᓇᓱᐊᖃᑦᑕᕐᐳᑦ ᓱᓕᓂᕐᒥᒡᓕ ᖃᐅᔨᔪᓐᓇᓐᖏᓚᑦ. 8#ᒨᓯᓯ ᐂᑉᐸᖏᑦ 7:11.ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ. 9ᐊᑯᓂᓕ ᑍᒤᓕᐅᕈᓐᓇᕐᓂᐊᓐᖏᓚᑦ, ᑕᒤᓐᓂᑦ ᖃᐅᔨᔭᐅᓂᐊᕐᒪᑕ ᓯᓔᓐᓂᖏᑦ, ᑍᒃᑯᑎᑐᓇᖅ ᐊᖑᑎᑎᑐᑦ ᑍᒤᓕᐅᓚᐅᕐᑐᑎᑐᑦ.
ᐅᖃᐅᑦᔪᐃᓃᑦ ᑭᖑᓪᓕᕐᐹᑦ
10ᐊᔪᕆᕐᑐᐃᓂᕋ ᑕᑯᓐᓈᕐᓯᒪᒐᕕᐅᒃ, ᐱᐅᓯᕋᓗ, ᐃᓅᓯᕐᒥᓗ ᑐᕌᕋᓱᐊᕐᑕᕋ, ᐅᒃᐱᕐᓂᕋ, ᕿᓄᐃᓵᕐᓂᕋ, ᓇᒡᓕᖕᓂᕋ, ᐊᒃᓱᕈᕐᓇᕐᑐᓃᖃᑦᑕᕐᓂᕋ, 11#ᐋᐴᓯᑕᓖᑦ 13:14-52; ᐋᐴᓯᑕᓖᑦ 14:1-7; ᐋᐴᓯᑕᓖᑦ 14:8-20.ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ. 12ᐅᒃᐱᑦᓯᐊᕐᑑᔪᒪᔪᓕᒫᑦ ᙭ᔅᑑᓯ ᔩᓱᓯᒥ ᐊᑭᕋᕐᑐᕐᑕᐅᓂᐊᕐᒪᑕ, 13ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ. 14ᐃᕝᕕᓪᓕ, ᓱᕐᕋᒃᑍᓕᒋᑦ ᐃᓕᓐᓂᐊᕐᑎᑕᐅᑦᔪᑎᒋᓚᐅᕐᑕᕐᓂᑦ ᐅᒃᐱᕐᓂᕆᔭᕐᓂᓪᓗ, ᖃᐅᔨᒪᓪᓗᑎᓪᓗ ᓇᓪᓕᐊᓐᓂᑦ ᐃᓕᑎᑕᐅᓚᐅᕐᒪᖔᕐᐱᑦ, 15ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ. 16ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ, 17ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.
Currently Selected:
ᑎᒧᑎᒧᑦ ᐂᑉᐸᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
