ᓴᒧᐃᓕ ᓯᕗᓪᓖᑦ 24
24
ᑍᕕᑎᐅᑉ ᐱᐅᓕᒃᓯᓂᖓ ᓴᐅᓕᒥᒃ
1ᓴᐅᓕ ᐅᑎᕐᒪᑦ ᐅᓇᑕᕆᐊᕐᓯᒪᓚᐅᕐᓗᓂ ᐱᓕᔅᑍᓂᒥᐅᓂᒃ, ᐅᖃᐅᑦᔭᐅᓕᕐᐳᖅ, “ᑕᑯᒋᑦ, ᑍᕕᑎ ᐃᓐ-ᒋᑎᐅᑉ ᐃᓄᖃᔪᐃᑦᑐᖓᓃᓕᕐᐳᖅ.” 2ᑕᕝᕙ ᓴᐅᓕ ᐅᓇᑕᕐᑐᒃᓴᓂᒃ 3,000ᓂᒃ ᓂᕈᐊᕐᑕᐅᓯᒪᔪᓂᒃ ᐃᓚᖃᕐᓗᓂ ᐃᓴᕆᐊᓕᒥᐅᓂᒃ, ᕿᓂᕆᐊᓕᕐᐳᖅ ᑍᕕᑎᒥᒃ ᐃᓄᖁᑎᖏᓐᓂᒡᓗ ᕾᕈᓱᖕᓄᑦ ᓄᔪᐊᕐᑐᑦ ᒎᑦᓰᑦ ᐃᓂᒋᔭᖏᑕ ᖃᓂᒋᔮᓃᑦᑐᓄᑦ. 3#ᐃᓐᖏᕈᑦ 57; 142.ᕾᕈᓱᖕᒧᐊᓚᐅᕐᐳᕐᓗ ᓰᐱᖃᐅᑎᒥᒃ ᐊᑎᓕᐅᑉ ᐊᖅᑯᑖᑕ ᓴᓂᐊᓃᑦᑐᒧᑦ, ᑕᕝᕙᓂ ᕾᕈᓱᒃᑕᖃᕐᒪᑦ; ᑕᕝᕗᖓᓗ ᓴᐅᓕ ᐃᑎᕐᐳᖅ ᐊᓇᕆᐊᕐᑐᕐᓗᓂ. ᑍᕕᑎᓕ ᐃᓚᖏᓪᓗ ᐃᔨᕐᓯᒪᓚᐅᕐᐳᑦ ᐃᓗᐊᓂ, ᕾᕈᓲᑉ ᕿᓐᖑᐊᓃᑦᓱᑎᒃ. 4ᑍᕕᑎᐅᓪᓗ ᐃᓄᖁᑎᖏᑦ ᐅᖃᕐᐳᑦ, “ᐅᓪᓗᖅ ᑕᕝᕙ ᐊᑕᓂᐅᑉ ᕾᑎᑉᐹ ᐅᖃᓚᐅᕐᑕᖓ ᐃᓕᖕᓄᑦ, ‘ᑕᑯᒋᑦ ᐊᑭᕋᑎᑦ ᐃᓕᖕᓄᑦ ᑐᓂᔪᒫᕐᐸᒃᑲ, ᐃᓱᒪᕐᓲᑎᒋᔪᒫᕐᐸᑎᓪᓗ ᖃᓄᐃᓕᐅᕈᒪᑐᐊᕈᕕᒋᑦ.’” ᑕᕝᕙ ᑍᕕᑎ ᒪᑭᑉᐳᖅ ᑎᕐᓕᐊᕐᓗᒍ ᐲᕐᓯᕗᖅ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ. 5ᑕᒪᑐᒪ ᑭᖑᕐᖓᒍᑦ ᑍᕕᑎ ᐆᒻᒪᑎᕈᕐᑕᐅᕗᖅ, ᐲᕐᓯᓚᐅᕋᒥ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ. 6#ᓴᒧᐃᓕ ᓯᕗᓪᓖᑦ 26:11.ᐃᓄᖁᑎᒥᓄᓪᓗ ᐅᖃᕐᐳᖅ, “ᐊᑕᓂᐅᑉ ᐱᐅᖏᑦᑐᒥᒃ ᐱᓇᓱᐊᕐᑎᑦᑍᓕᓛᖓ ᐊᖓᔪᖅᑳᓐᓄᑦ, ᐊᑕᓂᐅᑉ ᐅᕐᓱᕐᑎᕐᓯᒪᔭᖓᓄᑦ, ᐊᒡᒐᒃᑲ ᑖᑦᓱᒥᖓ ᐊᒃᑐᐃᖁᓇᒋᑦ, ᐊᖓᔪᖅᑳᕐᔪᐊᖑᖕᒪᑦ ᐊᑕᓂᐅᑉ ᐅᕐᓱᕐᑎᕐᓯᒪᔭᖓ.” 7ᑕᕝᕙ ᑍᕕᑎᐅᑉ ᐃᓄᖁᑎᓂᒃ ᓴᖑᑎᑉᐰᑦ ᐅᖃᐅᓯᕐᓄᑦ ᑖᒃᑯᓄᖓ, ᑐᖁᑦᓯᖁᓇᒋᑦ ᓴᐅᓕᒥᒃ.
ᓴᐅᓕᓗ ᒪᑭᓐᓇᒥ, ᕾᕈᓱᖕᒥᑦ ᐊᓂᕗᖅ ᐅᑎᕐᐸᓪᓕᐊᓕᕐᓗᓂ. 8ᑍᕕᑎᐅᓪᓗ ᒪᑭᓐᓇᒥ ᒪᓕᒃᓴᕐᐹ ᕾᕈᓱᖕᒥᑦ ᐊᓂᓪᓗᓂ ᓴᐅᓕ ᐅᖃᐅᑎᕚ, “ᐊᑕᓃᖅ ᐊᖓᔪᖅᑳᕋ!” ᓴᐅᓕᓗ ᑭᖑᒧᑦ ᑕᑯᓴᕐᐳᖅ, ᑍᕕᑎ ᐹᒻᒪᒃᐳᖅ ᓄᓇᒧᑦ ᒪᓂᖅᑲᒧᑦ, ᐅᑯᓪᓗᓂᓗ. 9ᑍᕕᑎᐅᓪᓗ ᓴᐅᓕ ᐅᖃᐅᑎᕚ, “ᖃᓄᐃᒻᒪᑦ ᐃᓄᐃᑦ ᐅᖃᐅᓯᖏᓐᓂᒃ ᓈᓚᖃᑦᑕᕐᐲᑦ ᐅᖃᕐᑐᓂᒃ, ‘ᐃᓛ ᑍᕕᑎᐅᑉ ᕿᓂᕐᐹᑎᑦ ᑐᖁᑦᓱᒪᓪᓗᑎᑦ?’ 10ᑕᑯᒋᑦ, ᐅᓪᓗᒥ ᐃᔨᖕᓄᑦ ᑕᑯᕗᑎᑦ ᐊᑕᓂᐅᑉ ᑐᓂᓚᐅᕐᐹᑎᑦ ᐊᒡᒐᓐᓄᑦ ᕾᕈᓲᑉ ᐃᓗᐊᓂ, ᐅᖃᐅᑦᔭᐅᓚᐅᕐᐳᖓ ᑐᖁᑕᐅᖁᔭᐅᓪᓗᑎᑦ, ᐅᕙᖓᓕ ᓴᐳᑎᓚᐅᕐᐸᒋᑦ, ᐅᖃᓚᐅᕋᒪ, ‘ᐊᒡᒐᓐᓄᑦ ᐱᓇᓱᐊᕐᓂᐊᓐᖏᓚᖓ ᐊᑕᓂᓐᓄᑦ; ᑖᓐᓇ ᐊᑕᓂᐅᑉ ᐅᕐᓱᕐᑎᕐᓯᒪᖕᒪᒍ.’ 11ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ. 12ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ. 13ᐅᖃᐅᓯᕐᑕᖃᕐᒪᑦ ᐅᖃᐅᓯᑐᖃᕐᒥᒃ ᐃᒫᒃ, ‘ᐱᐅᖏᑦᑐᒥᑦ ᐱᒋᐊᕐᐳᖅ ᐱᐅᖏᑦᑐᓕᓂᖅ’; ᐊᒡᒐᒃᑲᓕ ᓵᓐᖓᓂᐊᓐᖏᓚᑦ ᐃᓕᖕᓄᑦ. 14#ᓴᒧᐃᓕ ᓯᕗᓪᓖᑦ 26:20.ᐃᓴᕆᐊᓕᒥᐅᑦ ᐊᖓᔪᖅᑳᔪᐊᖓ ᑭᓇᒦᒃ ᕿᓂᕆᐊᕐᐸ? ᑭᓇᒦᒃ ᒪᓕᒃᐱᑦ? ᑐᖁᖓᔪᒦᒃ ᕿᒻᒥᒦᒃ! ᑯᒪᖕᒥᒡᓘᓐᓃᑦ! 15ᑍᒤᒻᒪᑦ ᐊᑕᓂᖅ ᐃᖅᑲᕐᑐᐃᓕᕐᓕ, ᓇᓗᓁᕐᓯᓗᓂᓗ ᓇᓕᕐᐳᒃ ᐸᓯᔭᒃᓴᐅᖕᒪᖔᑦ, ᑕᑯᓕᕐᓕ ᐱᓂᐊᕐᓂᑦᑎᓐᓂᒃ, ᖃᐅᔨᓴᕐᓗᖓ, ᐱᐅᓕᓗᖓᓗ ᐊᒡᒐᖕᓂᑦ.”
16ᑍᕕᑎ ᐅᖃᕇᕐᒪᑦ ᓴᐅᓕᒧᑦ ᐅᖃᐅᓯᕐᓂ ᑖᒃᑯᓂᖓ, ᓴᐅᓕ ᐅᖃᓕᕐᐳᖅ, “ᐃᕝᕕᓪᓚᕆᖏᓐᓈ, ᐃᕐᓃᒃ ᑍᕕᑏ?” ᓴᐅᓕᓗ ᓂᐱᖅᑯᕐᑐᓪᓗᓂ ᕿᐊᓕᕐᐳᖅ. 17ᑍᕕᑎᒧᓪᓗ ᐅᖃᕐᐳᖅ, “ᐃᓱᐊᕐᑐᓕᓂᕐᓴᐅᕗᑎᑦ ᐅᕙᓐᓂᑦ; ᐱᐅᔪᒥᒃ ᐊᑭᓕᖔᕋᕕᖓ; ᐅᕙᖓᓕ ᐱᐅᖏᑦᑐᒥᒃ ᐃᓕᖕᓄᑦ ᐱᓇᓱᐊᓚᐅᕐᑎᓪᓗᖓ. 18ᐅᓪᓗᒥ ᓇᓗᓁᕐᓯᕗᑎᑦ ᐅᕙᓐᓄᑦ ᐱᓂᐊᑦᓯᐊᕐᓂᕐᓂᒃ, ᐊᑕᓂᐅᑉ ᐊᒡᒐᖕᓄᑦ ᑐᓂᒐᓗᐊᕐᒪᖓ ᑐᖁᓚᐅᖏᓐᓇᕕᓐᖓ. 19ᐊᖑᑎᐅᑉ ᐊᑭᕋᓂᒃ ᓇᓂᒍᓂᐅᒃ, ᐊᐅᓪᓚᕐᑎᒃᑲᔭᕐᐸᐅᒃ ᖃᓄᐃᓕᖏᓪᓗᓂᐅᒃ? ᐊᑕᓂᐅᑉ ᐊᑭᓕᕐᓕᑎᑦ ᐅᓪᓗᒥ ᐅᕙᓐᓄᑦ ᐱᑦᓯᐊᕐᓂᕆᔧᑦ ᐱᓪᓗᒍ! 20ᒫᓐᓇᓗ ᖃᐅᔨᕗᖓ, ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᒐᕕᑦ, ᐃᓴᕆᐊᓕᒥᐅᓪᓗ ᐊᖓᔪᖅᑲᐅᕕᖓ ᑲᔪᓯᑎᑕᐅᓂᐊᕐᐳᖅ ᐊᐅᓚᑦᓯᓂᕐᓄᑦ. 21ᑍᒤᒻᒪᑦ ᐊᖏᕐᕕᒋᓐᖓ ᐊᑕᓂᐅᑉ ᐊᑎᖓᓂ ᐃᓚᒃᑲ ᐱᑦᓯᐊᕐᕕᒋᓗᒋᑦ ᑐᖁᑦᓱᒫᓐᖏᓚᑎᑦ, ᐊᑎᕋ ᐊᓯᕈᕐᑕᐅᖁᓇᒍ, ᐊᑖᑕᒪᓗ ᐃᒡᓗᒥᐅᖃᑎᖏᑦ.” 22ᑍᕕᑎᓗ ᐊᖏᒻᒪᕆᒃᐳᖅ ᑕᒪᑐᒥᖓ ᓴᐅᓕᒧᑦ. ᑕᕝᕙ ᓴᐅᓕ ᐅᑎᓕᕐᐳᖅ ᐊᖏᕐᕋᒧᑦ; ᑍᕕᑎᓕ ᐃᓄᖁᑎᖏᓪᓗ ᐅᑎᕆᕗᑦ ᕾᕈᓱᖕᓄᑦ.
Currently Selected:
ᓴᒧᐃᓕ ᓯᕗᓪᓖᑦ 24: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
