Matiye 5
5
Yeesu pa pamò gbɔkpa (dən 5–7)
1Yeesu hə̧ duʼ ɛnɔ ve kəzəkkɔ, o hiŋ dɔk gbɔkpa kə zɔɔrɛ. Kaam an ve yaa o sɛkpa 2ɛn o pɛ moò oot vo nɛʼi̧:
Kandi za̧a̧ree ginu
Luk 6:20-23
3«Náa ve gaa o ve yɔm bo ve gim ak vey nɔ vey za̧a̧re yɔ, ɛnɔ Gbɛ̧ɛ̧ yɛɛ bɛlba gaŋ gɔɔ nɔ de vonaa! 4Náa vey ba̧a̧ nɔ vey za̧a̧re yɔ, ɛnɔ Go̧o̧ge de náazi voo meem von nɛ! 5Náa ve kan de munna nɔ vey za̧a̧re yɔ, ɛnɔ vey hakka hɛt Go̧o̧ge bɔk bɛn vo nɔrɛ! 6Náa gɔ̧l de ho̧o̧ voo ɛn vey ɔra moò ve hi̧i̧ ka ve kan too Go̧o̧ge hi̧i̧ nɔmmɔ vɛ vey za̧a̧re yɔ, ɛnɔ Go̧o̧ge de ɓa kɔt voo hɛn ve hi̧i̧ nɔrɛ! 7Náa gim de kɔt voo daaa ve nɔ vɛ vey za̧a̧re yɔ, Ɛnɔ Go̧o̧ge gim de kɔzaa vorɛ vin sɛw! 8Náa ve ɛ de si̧i̧ dȩȩta nɔ vey za̧a̧re yɔ, ɛnɔ vey həra Go̧o̧gerɛ! 9Náa vey hə̧ppa#5:9 Náa vey panii sosin kappa nɔ vey sosin o ve sɛkpa nɔ vɛ, ɛnɔ Go̧o̧ge de ya̧a̧ voo sâm an vey! 10Náa vey gaan voo gim moò bo vey kɔra hɛn Go̧o̧ge hi̧i̧ nɛy nɔ vɛ vey za̧a̧re yɔ, ɛnɔ vey hakka Go̧o̧ge Gbɛ̧ɛ̧ an nɛ! 11Voy za̧a̧re náa òo ve zɛɛ vorɛ, òo ve gaan vo gimma òo ve kə fee moò ɓɛɛ zɔʼ ve o vo po və̧ə̧ke ɓaʼ ɓaʼ moò bo voy tu̧u̧ mii nɛy nɔ; 12Vo gbo̧ʼrɛ, vo kan za̧a̧re, ɛnɔ hɛn naazi zum aʼni de laa vora bɛlba. Ɛnuu, bɔk ve ɗeʼen Go̧o̧ge yaʼyɛɛ an bɔk ve ɓəəy o vo tinba nɔ vɛ too ɛnɔm vin#5:12 Vo goozin vere 2 kornik 36: 16; Yaʼ 7:52 .»
Yɔmma vere yɛɛ dȩȩta
Mar 9:50; Luk 14:34-35
13«Voy de yɔm hɛkpa yɔ. Ɛn ɗaa yɔm òo tit lakka an nɛ nɔ, vey kɔra tuubɔgɛ ka ve kənza lakka an ze nɔ nɛy? O sȩȩn ɓɛ yɛ vey wizaa gɔ̌n náa vey ɗaʼgii dɔʼi. 14«Voy de yɛɛ dȩȩt hɛkpa yɔ. Kap aʼ zɔʼ òo kan gbɔkpa nɔ ɗinin yɛ. 15Ɛn ve kǒn lalap ka ve su̧ʼun mage yɛ. Oò za̧ǎ̧ nɔ vey ɛʼɛɛ o yɛɛ kandi ba te, doò dȩȩzin náa kaa tuu nɔ o ve po tɛʼ. 16Ɛn yɛɛ dȩȩt von do dȩȩzin náa o ve timba too ɛnɔm vin, do ve hə̧ hɛn za̧a̧ voy kɔra nɔ verɛ ɛn do ve gbəŋ Baa von oy bɛlba gɔɔ nɛy.»
Moò oori moò buu ba nɔ vɛy
17«Ka voy vəʼəra gɔɔ boy yaay de Moyi̧zə moò buǔ an nɔ vɛ vere Go̧o̧ge yaʼyɛɛ an vɛ yak moot von nɔ vɛ tutta oy sɛ. Mi yaani kay tuttɛ yɛ ɛn kǎy kǔt vorɛ. 18Ɛn mi feet vora, de ginu: Ɛn bɛltii vere hɛttɔ kaà ve ha̧ yəə tuubɔgɛ siʼ̧ moò buu zɔʼ daŋga de tunna yɛ, ɛn bi̧i̧t an bɛʼ̧ deso de nuginna yɛ, ɛn wɛɛra an kaʼ teet intuu iŋŋin yɛ, ɛn de gbɔra hɛk siʼ̧tumba. 19«Moò an oy, há̧a̧ òo gbəll moò buu daŋga ɛn oò iza náa zɔʼ ve doò ve kɔ too ɛnɔm vin, oy fira wagaa Go̧o̧ge o Gbɛ̧ɛ̧re bɛlba yɔ. Ɛn há̧a̧ òo sorɛ za̧a̧za̧a̧ òo kə iza náa zɔʼ ve doò ve kɔ too ɛnɔm vin nɔ, oy fira kɛŋ Go̧o̧ge o Gbɛ̧ɛ̧re bɛlba yɔ. 20Mi feet vora de ginu: Oò vo kiizinna Go̧o̧ge kɔʼ ɗəən náa it moyi̧zə moò buu an vɛ vere náa farize ve yɛ nɔ, voy haginna dɔnna Go̧o̧ge o Gbɛ̧ɛ̧re bɛlba yɛ.»
Leezinna vere sosinna
Mar 11:25; Luk 12:57-59
21«Bɔk vo kii ve feeza aŋ ban vo vɛ: “Mɔ vɔt há̧a̧ sɛ; há̧a̧ òo vɔt daa zɔʼɔ nɔ o lii kaa ve pana wa̧y yȩʼ moò ak o timba.” 22Ɛn sȩȩrɛ, min mii feet vora: Há̧a̧ òo kɔza daak an si̧i̧ zat sɛw tɛʼ o lii kaa ve pana wa̧y yə̧ʼ moò o timba; Há̧a̧ òo zɛɛ daak an: “Mɔ liin dɔk yɛ” o lii kaa ve yȩʼȩ náa kɛŋ visin moò o ve timba; há̧a̧ òo feeza daak an: “Mɔ yo̧ǒ̧” nɔ o lii kaa ve gbəlla vɛɛ va̧a̧re. 23Oò mɔ yaa yɛɛ kɔ maakpa kǎm po pori mɔn Go̧o̧ge o timba, ɛn oò mɔ vəʼə gaa daam zɔʼ ɛzum de moò si̧i̧ ba nɔ, 24Mɔ ɛ pori mɔn nɔ yɛɛ kɔ maakɔ o timba ɛtuu, mɔ kə tak kiizingay daam doʼ; pik an mo ɗɛɛ kəy mɔ po pori mɔn Go̧o̧ge oppo ze. 25«Oò vo ɛsinga de há̧a̧ moǒ, mɔ yak mɔ ɓa gbo̧o̧k mɔn nɔ voga de yanaa kere nɔ oppo. Too ɛnɔm mɔy pekka zammɔ ka yaa hěm wa̧y yȩʼ moò ak o naʼa, ɛn yȩʼ moò akkɔ ka yaa pom wa̧a̧ vɛɛ̀ o naʼa ɛn ka ve yaa yaʼam lik naʼre sɛ. 26Mi feezummɛ, de ginu: Mɔy vuginna intuu yɛ oǒm tok si̧zin ɓɔl mɔn nɔ tɛʼ doʼ yɛ nɔ gɔ.»
Gbaagi moǒ
27«Bɔk vo kii ve fee: “Mɔ ya̧a̧ gbaagi sɛ#5:27 Ɛkz 20:14; Dət 5:18.” 28Ɛn sȩȩrɛ, min mii feet vora: Há̧a̧ òo to daaa kenaa vere ɗɔkka nɔ o ya̧a̧a̧ gbaagi o si̧i̧ba ma. 29Nɔt mɔn naak za̧a̧ ba nɔ òo de dɔzumma hɛn ɓɛɛ kɔlla yɔ nɔ, mɔ pə̧ə̧ gbəlaa yɛɛ yəəte: Poo kaam tit fo̧o̧ mɔn sɛk daŋga ɛn kǎm dɔ vɛre vere fo̧o̧ mɔn ve sɛw tɛʼ nɔ gɔ. 30Naak za̧a̧ mɔn òo de dɔzumma hɛn ɓɛɛ kɔlla yɔ, mɔ vəʼəə hɛge ɛn mɔ gbəlaa yɛɛ yəəte: Poo mɔ tit fo̧o̧ mɔn sɛk daŋga kam dɔ vɛre vere fo̧o̧ mɔn ve sɛw tɛʼ nɔ gɔ.»
Waa nɛnna moò
Mat 19:9; Mar 10:11-12; Luk 16:18
31Bɔk ve fee tin sɛw: “Há̧a̧ òo de kənna kenaarɛ nɔ do poʼo ɗɛɛwal kəninnaa nɔ tin#5:31 Dət 24:1.” 32Ɛn ɗaa min, mi feet vora: Ha̧a̧ wa̧p tɛʼ oò kənn kenaarɛ nɔ, ɛnɔ bɔk oò kɔn namate yɛ, de yaʼaa gbaagi ya̧a̧raa oò tak ɓa wii zɔʼɔ nɛy; Ɛn há̧a̧ oò ɓasinga kep wanaa nɛnaa nɛy o ya̧a̧ gbaagii.»
Gall sa̧a̧ moǒ
33«Bɔk vo kii ve feeza̧a̧ ǎŋ ban vo vɛ: “Gaa mɔ sa̧a̧ gall və̧ə̧k sɛ. Ɛn mɔ kɔ hɛn kum sa̧a̧n gâl Go̧o̧ge o timba nɔrɛ.” 34Ɛn min mii feet vora: Gaa vo sa̧a̧ gall sɛ ɓim. Vo sa̧a̧n gall vere bɛltii sɛ ɛnɔ de Go̧o̧ge yɛɛ kandi ani. 35Ɛn vo sa̧a̧n gall vere hɛt sɛ ɛnɔ de Go̧o̧ge yɛɛ dii dɔʼ ani. Vo sa̧a̧n gall vere Zeruzalɛm sɛ de Gbɛ̧ɛ̧ kɛŋ kap aʼni ani. 36Vo sa̧a̧n gall vere wɔɔk von sɛ vin, ɛnɔ kaǎm lɔn kənina wɔɔk hu̧u̧ von daŋga buy yɛ ongɛɛ ti̧i̧ yɛ vin. 37Oò lii hi̧i̧ra ə̧ə̧, vo hi̧i̧ “ə̧ə̧” òo hə̧ə̧̌, vo hi̧i̧ hə̧ə̧̌ zaʼ òo vo hi̧i̧ òo ɗəə ɛn nɛ nɔ yaay fəəm ɓɛɛ oppo.
Ɓɔl pura moǒ
Luk 6:29-30
38«Bɔk vo kii ve fee: “Nɔt vey nɔtta ɛn nuut vey nuuta#5:38 Ɛkz 21:24; Lɛv 24:20; Dət 19:21.” 39Ɛn ɗaa, min mii feet vora vo pu kənza há̧a̧ ke kɔ vo ɓɛɛ nɔ sɛ. Há̧a̧ oò dɛnum vɔm sɛk naak za̧a̧ ba nɔ oppo, mɔ ɛʼɛ do dɛn vɔm sɛk naak kpay ba nɔ tin. 40Há̧a̧ oò hi̧i̧ ka tanum náa yȩʼ moò o ve timba ka bo ve iŋ sàm mɔn nɛ mɔ ɛʼɛ do iŋ lugin mɔn tin sɛw. 41Há̧a̧ oò kpɔ̀ksum do bǒm ɛ̌m kilomɛɛtɛr daŋga nɔ, mɔ ɛmga kilomɛɛtɛr itto. 42Há̧a̧ òo haam hɛnna mɔ poʼorɛ; há̧a̧ òo dȩȩm ɓɔlla mɔ yaŋza sɛ.»
Vo hi̧i̧ zaak von verɛ
Luk 6:27-28, 32-36
43«Bɔk vo kii ve fee: “Mɔ hi̧i̧ namza̧a̧rɛ ɛn mɔ bɔn zammɛ#5:43 Lɛv 19:18.” 44Ɛn ɗaa, min mi feet vora: Vo hi̧i̧ za̧a̧k von verɛ ɛn náa vey ɗeʼen vora nɔ vɛ vo fáat vo yakkɛ. 45Too ɛnɔmmɔ voy bi̧i̧ Baa von de bɛlba nɔ sam̂ an vey. Ɛnɔ oy vuksii yo̧o̧ an za̧a̧za̧a̧ náa ɓɛɛ o ve po too náa za̧a̧ o ve po nɔm vin sɛw. Oy naŋzaa náa za̧a̧ vɛ maam too de nâŋzaa náa ɓɛɛ ve nɔm vin. 46Oò vo hi̧i̧ náa vey hi̧i̧ vora nɔ vey zaʼ nɔ, voy laa Go̧o̧ge doò dɛn vo naak moò nɛɛ? Náa sɔŋ zɔmɔgɔl ve siʼ̧ vey kɔra too ɛnɔm vin sɛw! 47Oò voy moogaa daam vey zaʼ nɔ, vo kɔ de ɛn hɛn yellarɛ? Náa gaan Go̧o̧ge yɛ ve sɛw vey kɔra de too ɛnɔm sɛw! 48Vo kɔ za̧a̧ too Baa von oy bɛlba o za̧ǎ̧ nɔm!»
Currently Selected:
Matiye 5: dae
Highlight
Copy
Compare
Share
Want to have your highlights saved across all your devices? Sign up or sign in
Matiye 5
5
Yeesu pa pamò gbɔkpa (dən 5–7)
1Yeesu hə̧ duʼ ɛnɔ ve kəzəkkɔ, o hiŋ dɔk gbɔkpa kə zɔɔrɛ. Kaam an ve yaa o sɛkpa 2ɛn o pɛ moò oot vo nɛʼi̧:
Kandi za̧a̧ree ginu
Luk 6:20-23
3«Náa ve gaa o ve yɔm bo ve gim ak vey nɔ vey za̧a̧re yɔ, ɛnɔ Gbɛ̧ɛ̧ yɛɛ bɛlba gaŋ gɔɔ nɔ de vonaa! 4Náa vey ba̧a̧ nɔ vey za̧a̧re yɔ, ɛnɔ Go̧o̧ge de náazi voo meem von nɛ! 5Náa ve kan de munna nɔ vey za̧a̧re yɔ, ɛnɔ vey hakka hɛt Go̧o̧ge bɔk bɛn vo nɔrɛ! 6Náa gɔ̧l de ho̧o̧ voo ɛn vey ɔra moò ve hi̧i̧ ka ve kan too Go̧o̧ge hi̧i̧ nɔmmɔ vɛ vey za̧a̧re yɔ, ɛnɔ Go̧o̧ge de ɓa kɔt voo hɛn ve hi̧i̧ nɔrɛ! 7Náa gim de kɔt voo daaa ve nɔ vɛ vey za̧a̧re yɔ, Ɛnɔ Go̧o̧ge gim de kɔzaa vorɛ vin sɛw! 8Náa ve ɛ de si̧i̧ dȩȩta nɔ vey za̧a̧re yɔ, ɛnɔ vey həra Go̧o̧gerɛ! 9Náa vey hə̧ppa#5:9 Náa vey panii sosin kappa nɔ vey sosin o ve sɛkpa nɔ vɛ, ɛnɔ Go̧o̧ge de ya̧a̧ voo sâm an vey! 10Náa vey gaan voo gim moò bo vey kɔra hɛn Go̧o̧ge hi̧i̧ nɛy nɔ vɛ vey za̧a̧re yɔ, ɛnɔ vey hakka Go̧o̧ge Gbɛ̧ɛ̧ an nɛ! 11Voy za̧a̧re náa òo ve zɛɛ vorɛ, òo ve gaan vo gimma òo ve kə fee moò ɓɛɛ zɔʼ ve o vo po və̧ə̧ke ɓaʼ ɓaʼ moò bo voy tu̧u̧ mii nɛy nɔ; 12Vo gbo̧ʼrɛ, vo kan za̧a̧re, ɛnɔ hɛn naazi zum aʼni de laa vora bɛlba. Ɛnuu, bɔk ve ɗeʼen Go̧o̧ge yaʼyɛɛ an bɔk ve ɓəəy o vo tinba nɔ vɛ too ɛnɔm vin#5:12 Vo goozin vere 2 kornik 36: 16; Yaʼ 7:52 .»
Yɔmma vere yɛɛ dȩȩta
Mar 9:50; Luk 14:34-35
13«Voy de yɔm hɛkpa yɔ. Ɛn ɗaa yɔm òo tit lakka an nɛ nɔ, vey kɔra tuubɔgɛ ka ve kənza lakka an ze nɔ nɛy? O sȩȩn ɓɛ yɛ vey wizaa gɔ̌n náa vey ɗaʼgii dɔʼi. 14«Voy de yɛɛ dȩȩt hɛkpa yɔ. Kap aʼ zɔʼ òo kan gbɔkpa nɔ ɗinin yɛ. 15Ɛn ve kǒn lalap ka ve su̧ʼun mage yɛ. Oò za̧ǎ̧ nɔ vey ɛʼɛɛ o yɛɛ kandi ba te, doò dȩȩzin náa kaa tuu nɔ o ve po tɛʼ. 16Ɛn yɛɛ dȩȩt von do dȩȩzin náa o ve timba too ɛnɔm vin, do ve hə̧ hɛn za̧a̧ voy kɔra nɔ verɛ ɛn do ve gbəŋ Baa von oy bɛlba gɔɔ nɛy.»
Moò oori moò buu ba nɔ vɛy
17«Ka voy vəʼəra gɔɔ boy yaay de Moyi̧zə moò buǔ an nɔ vɛ vere Go̧o̧ge yaʼyɛɛ an vɛ yak moot von nɔ vɛ tutta oy sɛ. Mi yaani kay tuttɛ yɛ ɛn kǎy kǔt vorɛ. 18Ɛn mi feet vora, de ginu: Ɛn bɛltii vere hɛttɔ kaà ve ha̧ yəə tuubɔgɛ siʼ̧ moò buu zɔʼ daŋga de tunna yɛ, ɛn bi̧i̧t an bɛʼ̧ deso de nuginna yɛ, ɛn wɛɛra an kaʼ teet intuu iŋŋin yɛ, ɛn de gbɔra hɛk siʼ̧tumba. 19«Moò an oy, há̧a̧ òo gbəll moò buu daŋga ɛn oò iza náa zɔʼ ve doò ve kɔ too ɛnɔm vin, oy fira wagaa Go̧o̧ge o Gbɛ̧ɛ̧re bɛlba yɔ. Ɛn há̧a̧ òo sorɛ za̧a̧za̧a̧ òo kə iza náa zɔʼ ve doò ve kɔ too ɛnɔm vin nɔ, oy fira kɛŋ Go̧o̧ge o Gbɛ̧ɛ̧re bɛlba yɔ. 20Mi feet vora de ginu: Oò vo kiizinna Go̧o̧ge kɔʼ ɗəən náa it moyi̧zə moò buu an vɛ vere náa farize ve yɛ nɔ, voy haginna dɔnna Go̧o̧ge o Gbɛ̧ɛ̧re bɛlba yɛ.»
Leezinna vere sosinna
Mar 11:25; Luk 12:57-59
21«Bɔk vo kii ve feeza aŋ ban vo vɛ: “Mɔ vɔt há̧a̧ sɛ; há̧a̧ òo vɔt daa zɔʼɔ nɔ o lii kaa ve pana wa̧y yȩʼ moò ak o timba.” 22Ɛn sȩȩrɛ, min mii feet vora: Há̧a̧ òo kɔza daak an si̧i̧ zat sɛw tɛʼ o lii kaa ve pana wa̧y yə̧ʼ moò o timba; Há̧a̧ òo zɛɛ daak an: “Mɔ liin dɔk yɛ” o lii kaa ve yȩʼȩ náa kɛŋ visin moò o ve timba; há̧a̧ òo feeza daak an: “Mɔ yo̧ǒ̧” nɔ o lii kaa ve gbəlla vɛɛ va̧a̧re. 23Oò mɔ yaa yɛɛ kɔ maakpa kǎm po pori mɔn Go̧o̧ge o timba, ɛn oò mɔ vəʼə gaa daam zɔʼ ɛzum de moò si̧i̧ ba nɔ, 24Mɔ ɛ pori mɔn nɔ yɛɛ kɔ maakɔ o timba ɛtuu, mɔ kə tak kiizingay daam doʼ; pik an mo ɗɛɛ kəy mɔ po pori mɔn Go̧o̧ge oppo ze. 25«Oò vo ɛsinga de há̧a̧ moǒ, mɔ yak mɔ ɓa gbo̧o̧k mɔn nɔ voga de yanaa kere nɔ oppo. Too ɛnɔm mɔy pekka zammɔ ka yaa hěm wa̧y yȩʼ moò ak o naʼa, ɛn yȩʼ moò akkɔ ka yaa pom wa̧a̧ vɛɛ̀ o naʼa ɛn ka ve yaa yaʼam lik naʼre sɛ. 26Mi feezummɛ, de ginu: Mɔy vuginna intuu yɛ oǒm tok si̧zin ɓɔl mɔn nɔ tɛʼ doʼ yɛ nɔ gɔ.»
Gbaagi moǒ
27«Bɔk vo kii ve fee: “Mɔ ya̧a̧ gbaagi sɛ#5:27 Ɛkz 20:14; Dət 5:18.” 28Ɛn sȩȩrɛ, min mii feet vora: Há̧a̧ òo to daaa kenaa vere ɗɔkka nɔ o ya̧a̧a̧ gbaagi o si̧i̧ba ma. 29Nɔt mɔn naak za̧a̧ ba nɔ òo de dɔzumma hɛn ɓɛɛ kɔlla yɔ nɔ, mɔ pə̧ə̧ gbəlaa yɛɛ yəəte: Poo kaam tit fo̧o̧ mɔn sɛk daŋga ɛn kǎm dɔ vɛre vere fo̧o̧ mɔn ve sɛw tɛʼ nɔ gɔ. 30Naak za̧a̧ mɔn òo de dɔzumma hɛn ɓɛɛ kɔlla yɔ, mɔ vəʼəə hɛge ɛn mɔ gbəlaa yɛɛ yəəte: Poo mɔ tit fo̧o̧ mɔn sɛk daŋga kam dɔ vɛre vere fo̧o̧ mɔn ve sɛw tɛʼ nɔ gɔ.»
Waa nɛnna moò
Mat 19:9; Mar 10:11-12; Luk 16:18
31Bɔk ve fee tin sɛw: “Há̧a̧ òo de kənna kenaarɛ nɔ do poʼo ɗɛɛwal kəninnaa nɔ tin#5:31 Dət 24:1.” 32Ɛn ɗaa min, mi feet vora: Ha̧a̧ wa̧p tɛʼ oò kənn kenaarɛ nɔ, ɛnɔ bɔk oò kɔn namate yɛ, de yaʼaa gbaagi ya̧a̧raa oò tak ɓa wii zɔʼɔ nɛy; Ɛn há̧a̧ oò ɓasinga kep wanaa nɛnaa nɛy o ya̧a̧ gbaagii.»
Gall sa̧a̧ moǒ
33«Bɔk vo kii ve feeza̧a̧ ǎŋ ban vo vɛ: “Gaa mɔ sa̧a̧ gall və̧ə̧k sɛ. Ɛn mɔ kɔ hɛn kum sa̧a̧n gâl Go̧o̧ge o timba nɔrɛ.” 34Ɛn min mii feet vora: Gaa vo sa̧a̧ gall sɛ ɓim. Vo sa̧a̧n gall vere bɛltii sɛ ɛnɔ de Go̧o̧ge yɛɛ kandi ani. 35Ɛn vo sa̧a̧n gall vere hɛt sɛ ɛnɔ de Go̧o̧ge yɛɛ dii dɔʼ ani. Vo sa̧a̧n gall vere Zeruzalɛm sɛ de Gbɛ̧ɛ̧ kɛŋ kap aʼni ani. 36Vo sa̧a̧n gall vere wɔɔk von sɛ vin, ɛnɔ kaǎm lɔn kənina wɔɔk hu̧u̧ von daŋga buy yɛ ongɛɛ ti̧i̧ yɛ vin. 37Oò lii hi̧i̧ra ə̧ə̧, vo hi̧i̧ “ə̧ə̧” òo hə̧ə̧̌, vo hi̧i̧ hə̧ə̧̌ zaʼ òo vo hi̧i̧ òo ɗəə ɛn nɛ nɔ yaay fəəm ɓɛɛ oppo.
Ɓɔl pura moǒ
Luk 6:29-30
38«Bɔk vo kii ve fee: “Nɔt vey nɔtta ɛn nuut vey nuuta#5:38 Ɛkz 21:24; Lɛv 24:20; Dət 19:21.” 39Ɛn ɗaa, min mii feet vora vo pu kənza há̧a̧ ke kɔ vo ɓɛɛ nɔ sɛ. Há̧a̧ oò dɛnum vɔm sɛk naak za̧a̧ ba nɔ oppo, mɔ ɛʼɛ do dɛn vɔm sɛk naak kpay ba nɔ tin. 40Há̧a̧ oò hi̧i̧ ka tanum náa yȩʼ moò o ve timba ka bo ve iŋ sàm mɔn nɛ mɔ ɛʼɛ do iŋ lugin mɔn tin sɛw. 41Há̧a̧ oò kpɔ̀ksum do bǒm ɛ̌m kilomɛɛtɛr daŋga nɔ, mɔ ɛmga kilomɛɛtɛr itto. 42Há̧a̧ òo haam hɛnna mɔ poʼorɛ; há̧a̧ òo dȩȩm ɓɔlla mɔ yaŋza sɛ.»
Vo hi̧i̧ zaak von verɛ
Luk 6:27-28, 32-36
43«Bɔk vo kii ve fee: “Mɔ hi̧i̧ namza̧a̧rɛ ɛn mɔ bɔn zammɛ#5:43 Lɛv 19:18.” 44Ɛn ɗaa, min mi feet vora: Vo hi̧i̧ za̧a̧k von verɛ ɛn náa vey ɗeʼen vora nɔ vɛ vo fáat vo yakkɛ. 45Too ɛnɔmmɔ voy bi̧i̧ Baa von de bɛlba nɔ sam̂ an vey. Ɛnɔ oy vuksii yo̧o̧ an za̧a̧za̧a̧ náa ɓɛɛ o ve po too náa za̧a̧ o ve po nɔm vin sɛw. Oy naŋzaa náa za̧a̧ vɛ maam too de nâŋzaa náa ɓɛɛ ve nɔm vin. 46Oò vo hi̧i̧ náa vey hi̧i̧ vora nɔ vey zaʼ nɔ, voy laa Go̧o̧ge doò dɛn vo naak moò nɛɛ? Náa sɔŋ zɔmɔgɔl ve siʼ̧ vey kɔra too ɛnɔm vin sɛw! 47Oò voy moogaa daam vey zaʼ nɔ, vo kɔ de ɛn hɛn yellarɛ? Náa gaan Go̧o̧ge yɛ ve sɛw vey kɔra de too ɛnɔm sɛw! 48Vo kɔ za̧a̧ too Baa von oy bɛlba o za̧ǎ̧ nɔm!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in