Matiye 4
4
Sɛɛɗan goo Yeesu ho̩o̩t talle
Mar 1:12-13; Luk 4:1-13
1Pik an, Go̧o̧ge fəəm an pan Yeesu tana ho̧o̧t talle gáp doò gooorɛ. 2Yeesu kan kɔ yo̧o̧ wɔɔk itto vi̩i̩ wɔɔk itto o lɛn lɛm yɛ kəzəkɔ, go̧l ya̧ʼa̧rɛ. 3Gap goo hɛn akkɔ ɗiŋŋi Yeesu o hɛge kə feeza: «Oò mɔ Go̧o̧ge tan ani nɔ, mɔ fee pîn ɛnɔ vɛ do ve fi nanna.» 4Yeesu hi̧i̧za: «Dɛptɛl fee: “Há̧a̧ za̧a̧nin lɛmma zaʼ yɛ, ɛn vey Go̧o̧ge yak moot an moo tɛʼ nɔ tin.”» 5Ɛnɔ gáppɔ pan tan Yeesu anɛɛ zeruzalɛm, kap dɛ̧ɛ̧tɔ oppo. O ɛʼɛ Go̧o̧ge likkɔ o wɔɔk dakke 6kə feeza: «Oò mɔ Go̧o̧ge tan ani nɔ, mɔ hɔk zo̧o̧ hɛge; ɛnɔ Dɛptɛl fee: “Go̧o̧ge de yaʼay zə̧ə̧ an vɛ doò ve kǎm o ve naʼa dɔʼ mɔn ka bo yaa gbaa pinn ba.”»#4:6 Vo to Dɛg 91:11-12 7Yeesu kə hi̧i̧za: «Dɛptɛl fee de ɓɛʼ: “Gaa mɔ goo Gbɛ̧ɛ̧ Go̧o̧ge mɔn sɛ.”» 8Gappɔ pan Yeesu dɔnna gbɔk biri zɔʼ o mɛɛkpa, kə iza gbɛ̧ɛ̧ yɛɛ hɛkpa nɔ ve tɛʼ vere gbəəm an nɔ vɛ, 9kə feeza: «Mi̧i̧ pomma hɛn ɛnɔ verɛ tɛʼ, oò mɔ ɗiksi ii timba, oò mɔ bɛʼzirɛ nɔ gɔ.» 10Ɛnɔ Yeesu feeza: «Mɔ luu ii ɛtɛɛrɛ sɛɛɗan! Dɛptɛl fee: “Mɔ bɛʼzi gbɛ̧ɛ̧ kɛŋ mɔn Go̧o̧gey ɛn mɔ kɔza maak oy zaʼ”.» 11Ɛn kəzəkɔ, gáppɔ luu ɛʼɛrɛ. Ɛn Go̧o̧ge Zə̧ə̧ an ve sɔŋŋi Yeesu oppo, ve sɛ̌karɛ.
Yeesu bi̧i̧ kɔm an Galile
Mar 1:14-15; Luk 4:14-15
12Ɛn Yeesu kii bo ve so zâŋ lik naʼrɛ nɔ#4:12 Ve so Zâŋ lik naʼre: Zâŋ wa̧y po Batɛmmɔ ve dɔza lik naʼre oy. , o luu tak Galile. 13O kanin Nazarɛt yɛ, ɛn o tak kan kapernaʼum, kap kan lɛk Galile nɔ o yakpa, hɛk zabulɔŋ vere Nɛftali nɔ oppo. 14Hɛn nɔ daa too ɛnɔmmɔ, hɛn Go̧o̧ge yaʼyɛɛ an Ezǎy bɔk fee nɔ doò kurɛ: 15«Hɛk zabulɔŋ, hɛk Nɛftali, yana takka tɔŋ lɛke nɔ oppo, Zurdɛŋ o dən ii ba, Galile náa ve paam náa yuuda vey yɛ nɔ vey kana tin nɔ oppo! 16Zik bɔk de kana visǎme nɔ o hə̧ yɛɛ dȩȩt aʼa! Náa vey kana hɛk visǎme vɔɔ̀ yɛɛre nɔ vɛ yɛɛ dȩȩt de dȩȩzinna o ve po.» 17Bɔk ɛn oppo vin, Yeesu bi̧i̧ moò ooraa o fee: «Vo fill kandi von nɛ, ɛnɔ Go̧o̧ge de bɛlba nɔ gbɛ̧ɛ̧ an sani ma!»
Yeesu ya̧a̧ náa sǒl dut ve natto
Mar 1:16-20; Luk 5:1-11
18Yeesu de ɛmma maam aʼ Galile nɔ o yakpa. O həʼ daak ve itto ve náa sǒl dut ak vey: Simɔŋ ve ya̧a̧a̧ bo piyɛr nɛy, vega daak an Anderey; Vey sǒlla dut maame tuu vere yaama. 19Yeesu feet vo: «Vo yaa òorirɛ ɛn kǎy bi̧i̧zi vo náa sǒl há̧a̧ vey.» 20Ɛtuu vin, ve ɛ yaam von verɛ ve oo yeesuy. 21O diŋ yəə tak kaʼaso nɔ, o hə daak zɔʼ ve itto: Zâk vere zâŋŋi zebede sâm an vey. Ke vey o ve kɔmballe vega baa von Zebedey, ke vey sɛkka yaam von vɛy. Yeesu ya̧a̧ vorɛ; 22Ɛtuu vin ve ɛ kɔmbal von nɔ verɛ vere baa von nɔ daŋ ve oo yeesuy.
Yeesu òo moǒ kə poozi náa duʼ nɔ ve tin
Mar 1:39; Luk 4:44; 6:17-18
23Yeesu tak hɛk Galile nɔ oppo sew tɛʼ. O òo moò náa yuuda o ve lik faa yakke hɛkpa tuu, òo moò za̧a̧ Go̧o̧ge o Gbɛ̧ɛ̧re nɛy, kə pooza náa ve ho̧o̧ von verɛ tɛʼ vere kpellɔ ve tɛʼ. 24Ve kii vey moo Yeesu moò an hɛk siriya nɔ oppo tɛʼ nɔ. Ve paŋzay náa vey yȩʼginna vey ho̧o̧ kətkət vey gaara gim vey fo̧o̧ ho̧o̧ kətkət: Náa fəəm ɓɛɛ dɔt vo fɔn nɔ vey, náa ve ɛ ho̧o̧ gǐkkɔ vey, vere náa kɔkrɔk akkɔ vey. Ɛn Yeesu poozi vorɛ. 25Duʼ yəm ve òo yeesurɛ; ve yaay Galile, hɛk kap aʼ boʼ nɔ vɛ oppo, zeruzalɛm, Yuuda vere hɛk dən zurdɛŋŋɔ oppo.
Currently Selected:
Matiye 4: dae
Highlight
Copy
Compare
Share
Want to have your highlights saved across all your devices? Sign up or sign in
Matiye 4
4
Sɛɛɗan goo Yeesu ho̩o̩t talle
Mar 1:12-13; Luk 4:1-13
1Pik an, Go̧o̧ge fəəm an pan Yeesu tana ho̧o̧t talle gáp doò gooorɛ. 2Yeesu kan kɔ yo̧o̧ wɔɔk itto vi̩i̩ wɔɔk itto o lɛn lɛm yɛ kəzəkɔ, go̧l ya̧ʼa̧rɛ. 3Gap goo hɛn akkɔ ɗiŋŋi Yeesu o hɛge kə feeza: «Oò mɔ Go̧o̧ge tan ani nɔ, mɔ fee pîn ɛnɔ vɛ do ve fi nanna.» 4Yeesu hi̧i̧za: «Dɛptɛl fee: “Há̧a̧ za̧a̧nin lɛmma zaʼ yɛ, ɛn vey Go̧o̧ge yak moot an moo tɛʼ nɔ tin.”» 5Ɛnɔ gáppɔ pan tan Yeesu anɛɛ zeruzalɛm, kap dɛ̧ɛ̧tɔ oppo. O ɛʼɛ Go̧o̧ge likkɔ o wɔɔk dakke 6kə feeza: «Oò mɔ Go̧o̧ge tan ani nɔ, mɔ hɔk zo̧o̧ hɛge; ɛnɔ Dɛptɛl fee: “Go̧o̧ge de yaʼay zə̧ə̧ an vɛ doò ve kǎm o ve naʼa dɔʼ mɔn ka bo yaa gbaa pinn ba.”»#4:6 Vo to Dɛg 91:11-12 7Yeesu kə hi̧i̧za: «Dɛptɛl fee de ɓɛʼ: “Gaa mɔ goo Gbɛ̧ɛ̧ Go̧o̧ge mɔn sɛ.”» 8Gappɔ pan Yeesu dɔnna gbɔk biri zɔʼ o mɛɛkpa, kə iza gbɛ̧ɛ̧ yɛɛ hɛkpa nɔ ve tɛʼ vere gbəəm an nɔ vɛ, 9kə feeza: «Mi̧i̧ pomma hɛn ɛnɔ verɛ tɛʼ, oò mɔ ɗiksi ii timba, oò mɔ bɛʼzirɛ nɔ gɔ.» 10Ɛnɔ Yeesu feeza: «Mɔ luu ii ɛtɛɛrɛ sɛɛɗan! Dɛptɛl fee: “Mɔ bɛʼzi gbɛ̧ɛ̧ kɛŋ mɔn Go̧o̧gey ɛn mɔ kɔza maak oy zaʼ”.» 11Ɛn kəzəkɔ, gáppɔ luu ɛʼɛrɛ. Ɛn Go̧o̧ge Zə̧ə̧ an ve sɔŋŋi Yeesu oppo, ve sɛ̌karɛ.
Yeesu bi̧i̧ kɔm an Galile
Mar 1:14-15; Luk 4:14-15
12Ɛn Yeesu kii bo ve so zâŋ lik naʼrɛ nɔ#4:12 Ve so Zâŋ lik naʼre: Zâŋ wa̧y po Batɛmmɔ ve dɔza lik naʼre oy. , o luu tak Galile. 13O kanin Nazarɛt yɛ, ɛn o tak kan kapernaʼum, kap kan lɛk Galile nɔ o yakpa, hɛk zabulɔŋ vere Nɛftali nɔ oppo. 14Hɛn nɔ daa too ɛnɔmmɔ, hɛn Go̧o̧ge yaʼyɛɛ an Ezǎy bɔk fee nɔ doò kurɛ: 15«Hɛk zabulɔŋ, hɛk Nɛftali, yana takka tɔŋ lɛke nɔ oppo, Zurdɛŋ o dən ii ba, Galile náa ve paam náa yuuda vey yɛ nɔ vey kana tin nɔ oppo! 16Zik bɔk de kana visǎme nɔ o hə̧ yɛɛ dȩȩt aʼa! Náa vey kana hɛk visǎme vɔɔ̀ yɛɛre nɔ vɛ yɛɛ dȩȩt de dȩȩzinna o ve po.» 17Bɔk ɛn oppo vin, Yeesu bi̧i̧ moò ooraa o fee: «Vo fill kandi von nɛ, ɛnɔ Go̧o̧ge de bɛlba nɔ gbɛ̧ɛ̧ an sani ma!»
Yeesu ya̧a̧ náa sǒl dut ve natto
Mar 1:16-20; Luk 5:1-11
18Yeesu de ɛmma maam aʼ Galile nɔ o yakpa. O həʼ daak ve itto ve náa sǒl dut ak vey: Simɔŋ ve ya̧a̧a̧ bo piyɛr nɛy, vega daak an Anderey; Vey sǒlla dut maame tuu vere yaama. 19Yeesu feet vo: «Vo yaa òorirɛ ɛn kǎy bi̧i̧zi vo náa sǒl há̧a̧ vey.» 20Ɛtuu vin, ve ɛ yaam von verɛ ve oo yeesuy. 21O diŋ yəə tak kaʼaso nɔ, o hə daak zɔʼ ve itto: Zâk vere zâŋŋi zebede sâm an vey. Ke vey o ve kɔmballe vega baa von Zebedey, ke vey sɛkka yaam von vɛy. Yeesu ya̧a̧ vorɛ; 22Ɛtuu vin ve ɛ kɔmbal von nɔ verɛ vere baa von nɔ daŋ ve oo yeesuy.
Yeesu òo moǒ kə poozi náa duʼ nɔ ve tin
Mar 1:39; Luk 4:44; 6:17-18
23Yeesu tak hɛk Galile nɔ oppo sew tɛʼ. O òo moò náa yuuda o ve lik faa yakke hɛkpa tuu, òo moò za̧a̧ Go̧o̧ge o Gbɛ̧ɛ̧re nɛy, kə pooza náa ve ho̧o̧ von verɛ tɛʼ vere kpellɔ ve tɛʼ. 24Ve kii vey moo Yeesu moò an hɛk siriya nɔ oppo tɛʼ nɔ. Ve paŋzay náa vey yȩʼginna vey ho̧o̧ kətkət vey gaara gim vey fo̧o̧ ho̧o̧ kətkət: Náa fəəm ɓɛɛ dɔt vo fɔn nɔ vey, náa ve ɛ ho̧o̧ gǐkkɔ vey, vere náa kɔkrɔk akkɔ vey. Ɛn Yeesu poozi vorɛ. 25Duʼ yəm ve òo yeesurɛ; ve yaay Galile, hɛk kap aʼ boʼ nɔ vɛ oppo, zeruzalɛm, Yuuda vere hɛk dən zurdɛŋŋɔ oppo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in