Luka 15
15
Moò bɛmm tɛ̧ɛ̧ tirɛ, kə hənnɛ
Mat 18:12-14
1Náa sɔŋ zɔmɔgɔl vɛ vere náa zɔʼ kɔl hɛn ɓɛɛ vɛ ve sɔŋ yaa tɛʼ Yeesu o hɛge ka ve kiirarɛ. 2Náa farize vɛ vere náa it mɔyi̧zə moò buu an vɛ ve kə̧ə̧za moò; ve fee: «Wa̧y ɛnɔ, o ɓa náa kɔl hɛn ɓɛɛ ak verɛ de lɛgi voo lɛm yɛɛ daŋ». 3Ɛn Yeesu moot vo moò bɛmm nɛʼi̧: 4«Ha̧a̧ zɔʼ o vo tiŋza̧a̧re òo ɛ tɛ̧ɛ̧ wɔɔk saa, daŋga òo ti o ve tiŋza̧a̧re tuurɛ nɔ, o kaa ɛnn tɛ̧ɛ̧ wɔɔk natto daam maʼraa zoo natto nɔ ve looke tuu, ka tak tee hən zɔʼ daŋga ke ti nɔ doʼ yɛrɛ? 5Ɛn òo hə̧ tɛ̧ɛ̧ ɛnɔ, oy bɛllaa: de ganaa o bəŋba, 6Pik an, o ɗɛɛ kəy o gba̧ʼba ya̧a̧ gbaare an vɛ vere daa ka̧a̧ hiʼ vɛ kə feet vo: “Vo yaa ba gbo̧ʼ vo daŋ, ɛnɔ mi hə̧y tɛ̧ɛ̧ min ke ti nɔ ma!” 7Mii feet vora de too ɛnɔm vin, gbo̧ʼo̧ za̧a̧ ɗəəra de bɛlba, ha̧a̧ daŋga òo hoozi hɛn ɓɛɛ vɛ kɔllarɛ, de ɗəəra náa za̧a̧ wɔɔk natto daam maʼraa zoo natto ve hi̧i̧n von si̧i̧ fillina yɛ nɔ verɛ».
San waa tirɛ kə hənnɛ
8Ongɛɛ, kep zɔʼ ɛ san waa boʼ, daŋga tirɛ, o kaa kon lalap an, zeen likkɔ ka tee so̧ǒ̧ʼ ka hə̧ doʼ yɛrɛ? 9Ɛn òo hə̧ kəzəkkɔ, o ya̧a̧ gbaare an vɛ vere daaa ka̧a̧ hiʼ vɛ kə feet vo: «Vo yaa ba gbo̧ʼ vo daŋ, ɛn mi hə̧ san waa min ke ti nɔ ma. 10De too ɛnɔm vin, mii feet vora, Go̧o̧ge zə̧ə̧ an vey gbo̧ʼo̧ bɛlba ha̧a̧ kɔl hɛn ɓɛɛ ak daŋga òo fil si̧i̧ an nɛ nɛy».
Tan tirɛ, o hən kəyrɛ
11Yeesu feet zɔʼ ɓɛʼ: «Wa̧y zɔʼ tin, o ɛ tan itto. 12Tan sa̧a̧ nɔ feeza Baʼan: “Baa min, mɔ poy hɛn ba̧a̧n vin nɔ min gəl.” Ɛnɔ Baʼan ɓɛ̧ɛ̧zin hellɔ sâm an itto nɔ verɛ sɛw. 13Bolaa kaʼso pik an, tan sa̧a̧ nɔ mak anaa nɔ verɛ tɛʼ luun tak hɛk yɛɛ yəəte. Ggbɔ tuu nɔ, o kan nambatere, o lel hel an nɛ tɛʼ. 14O tut hɛn an vɛ tɛʼ kəzəkkɔ, gɔ̧l aʼ yaa hɛkpa tuu, yɛɛ lɔɔza ma o ɛn hɛn zɔʼ ka za̧a̧nin nɔ ɓɛ yɛ. 15O tak tee kɔm ha̧a̧ daŋga náa hɛkpa tuu nɔ o ve po, o yaʼa tak o han naksak ve laaa. 16O hi̧i̧ ka lɛ lɛm naksakkɔ vey lɛra nɛy, ha̧a̧ ponaa yɛ, ve yaŋzarɛ. 17Ɛnɔ o zɔɔ vəʼə moò, kandi an tuu nɛy, o kə fee: “Baa min kɔm ak an ve tɛʼ vey lɛra lɛmmɛ too ve hi̧i̧ nɔm, ɛn min mii vɔnna gɔ̧l nɛ! 18Mi hi̧i̧ kay kə tak Baa min oppo, kay feeza: Baa min, mi kɔ hɛn ɓɛɛ Go̧o̧ge oppo vere umpo, 19Mi liin kaam ya̧a̧y tan mɔni ɓɛ yɛ. Mɔ iŋŋi too kɔm ak mɔn vɛ, daŋga von vin.” 20Ɛn o luu kə tak Baʼan oppo. «Tan nɔ o yəəzinga de Baʼan ka̧a̧ nɔrɛ kere, Baʼan hə̧ʼə̧ ma, gim kɔza orɛ kpɛŋ: o luu at tak kasinga yanaa, ɓaʼa naak itto va̧a̧a̧rɛ kə warga tin. 21Tan nɔ feeza Baʼan: “Baa min, mi kɔ ɓɛɛ Go̧o̧ge oppo vere umpo, mi liin kaam ya̧a̧y tan mɔni ɓɛ yɛ.” 22Ɛn ɗaa, Baa nɔ feeza gbay an vɛ: “Vo yak vo pani sam za̧a̧ sȩȩ ɗəə nɔ, vo dɔzarɛ; Vo dɔza va̧l waa naak waa ba tin, vere tɛk dɔʼi tin.” 23Vo tak səəy naa wa̧y aʼ bɔk ba yaa vo nɔ vo sə̧ə̧ə̧rɛ; Ba lɛ vorɛ ba hì̧ì̧ vo duʼ aʼa, ba gbo̧ʼ vorɛ, 24Ɛnɔ tan min nɛnɔ bɔk vɔrɛ o niŋzi kəy za̧a̧na, bɔk o tirɛ mi hə̧ʼə̧ kəy ma. Ve bi̧i̧ duʼ hi̧i̧i̧. 25Yo̧o̧n ɛnɔ, wa̧y nɔ tan an kɛŋŋɔ bɔk oy kɔm kɔra han. Oy kəy ba maa, oy sanna gbɔyy gba̧ʼa̧ba nɔ, kii hɛn naa de liraa. 26O ya̧a̧ Baʼ gbay an zɔʼ daŋga viʼi hɛn daa nɛy. 27Gbay nɔ hi̧i̧za: “damsa̧a̧ kəyrɛ, ɛn baa mɔn ke fee doò vi sə̧ə̧ naa wa̧y aʼ bɔk ba yaa vo nɔrɛ, moò tan an hən kəy za̧a̧za̧a̧ nɛy.” 28Tan kɛŋŋɔ kii nɔ noʼo zatta bɔn dɔra kaarɛ. Baʼ an vugi mooza doò dɔ kaa. 29Ɛn ɗaa tan nɔ hi̧i̧za Baʼan: “Baa mɔ kii doʼ, vɛlna, vɛlna, mii kɔzumma kɔm ba, mi bɔnin hɛn mɔy feeyya̧ nɔ ve yɛ. Ɛnɔ mɔ poni min hol waa maaki kaay hi̧i̧n duʼ vire gbaare min ve dɔm yɛ. 30Ɛn tan mɔn bɔk tak leli hel mɔn ve tɛʼ, vere ya̧a̧ gbaage ak vey, o kəy nɔ, mɔ sə̧ə̧za an naa wa̧y aʼ bɔk ba yaa vo nɛy!” 31Baʼan feeza: “Tan min, yo̧o̧ tuŋ bay kanna de nɛ hɛn mi ɛ nɔ ve tɛʼ de mɔni sɛw. 32Ɛn sɛw tɛʼ ke lii, kaa ba hi̧i̧ vo duʼu kaa ba gbo̧ʼ vorɛ, ɛn daam ɛnɔ bɔk vɔrɛ o niŋzi vɔɔ yɛɛre kəy za̧a̧na, bɔk tirɛ o hən kəyrɛ!”»
Currently Selected:
Luka 15: dae
Highlight
Copy
Compare
Share
Want to have your highlights saved across all your devices? Sign up or sign in
