Uluk 7
7
Abọng-ale ukandi bitye-binde
(Mat 8:5-13)
1Ujeso a kọng biwọm abin de bendi puu, a ha gye he Ukapanum. 2Ukandi ishogya ususo angwu a ma be le he Urom a ma yi ha. Ubọyi uma angwu ki nyin he le he kaang a ma ngbam teng he lihwu-lihwu. 3Ukandi umen ana a gyo gbe le Ujeso. A sọm bekandi Ijuus besuso le be le de-e le u be mbee he ubọyi. 4Be be hwaa le Ujeso, be tim he anung kaang, de-e le, “Ungikye angwun a kpe le wo kpel he. 5Ki nyin he le bendi betyan. Ufe-gyang a tye li ushọm Unim angwu li kwu liwu.” 6Ujeso a kung bo utung ha abe.
A le fel kpee-kpee he ahe ushọm, ukandi ishogya a sọm bedimma le be le de Ujeso le, “Ukandi, shi ban kunyọng kugang ye. Mi kpe angwu wo be ha ami ushu ye. 7Mi nde kuhwo-gi le mi kpe angwu mi naa he kushu ye. Wo kọng igie ife-ife ọ, ma ubọyi ugi u mbee. 8Mi ọ titi, mi yi he kubwo bekandi ishogya abe be yi-m le he kushu, mi shi ishogya isuso le he kushu. Mi da undi ken le u gye ha ana, u gya ha. Mi da angwel le u be nyin, u ba. Mi da ubọyi ugi le u shi kiwọm, u sha ashi.”
9Ujeso a gyo ashin, ki kwu-e he kuhwo. A bel ashi nde liwu bendi abe be yi utung he ahe, a de be le, “Mi kee le ma ngye le mi wa nde undi le abọng-ale kitaa i he Izwel ọ ngye ye.” 10Bendi-kisọm abena be tem gye he ushọm ukandi ana le nde ubọyi angwuna a mbee.
Ujeso a wum unwaa ungye-uhwuu le he lihwu
11Ki gbe kigbe ye, Ujeso a gye he kiteng ashi be ko le Uneyin. Bendi gbam be fel te utung he ahe le bendi-utung bema. 12Nya ana a maa ndu wu he ungwu-likọng kiteng kimen ana, a kpee le bendi be so likwọm undi be la ngya. Ungikye umen angwu a ma hwo ana a ma yi anam kugbe unwaa ken a. Anam u shi ungye-uhwuu a. Bendi gbam be ma yi utung he ahe be le ha he lifung-ushu. 13Nyọng Ada Ujeso a nde ungye-uhwuu ana, beshi be shi-e le he kaang. A kung de-e le u shi kii ye.
14A ha gbe le tyọ kakpa likwọm kubwo. Bendi abe be so-e be kung naa. Ujeso a kung kọng le, “Ushọmate, bo kinaa.” 15Ungikye umen angwu a hwo ana a bo kinaa, u fel kọng likọng. Ujeso a tem le he fe anam he kubwo.
16Befe puu, kushel ku ma kwu abe. Be pee Unim de le, “Utye-ugie kisọm Unim ugyang angwu ukandi a fem ha abel liwu. Unim a be he u kpel bendi bema.” 17Bendi be ma gyo gbe le Ujeso mbee kubọng Ujudia puu le abọng angi a yi nya kel-kel.
Ujọn a sọm bendi hwaa le Ujeso
(Mat 11:2-6)
18Bendi-utung Ujọn be de-e gbe le biwọm bimen i puu. Ujọn a kung ko bendi-utung bema bendi befee. 19A sọm abe le be le bii Ada Ujeso le, “Wo na Ujọn a ma de le wo baa, ha li ndọ lishi undi ususo?”
20Be le nde Ujeso, be de-e le, “Ujọn angwu u maa wu bendi umbwo a sọm li le li be bii a le wo na a ma de le wo baa, ha li ndọ lishi undi ususo?”
21Nya he kunyọng kumen ana Ujeso a ma mbee bendi gbam le he angbam atyetye-atyetye, u ndo ikeb ibibi, u shi bihwọ-ashi gbam bi fel nde. 22A fan bendi abe Ujọn a sọm le, “Ma tem le de-e biwọm abi ma nde le abi ma gyo. Ma de-e na abe be hwọ ashi be fel nde, abe be hwo abee be fel tan, abe akpaa be taa, abe be kwọm atyung be fel gyo, akwọm a wum, bendi-likaa be gyo kisọm kinunung. 23Kukwun ku yi ke undi uyang-yang angwu u tyang ityang gbe le mi ye.”
Ujeso a kọng gbe le Ujọn angwu a maa wu bendi umbwo
(Mat 11:7-19)
24Bendi abe Ujọn a sọm be gbe ligye gbe-gbe, Ujeso a keb akọng-ale gbe le Ujọn de bendi gbam abe be yi ha le, “He kunyọng ahwu ma ma le hwaa le Ujọn he afee ugbaa-libeb, ma ma ndọ lishi le ma la nda kibang a ha? Abia angi kufem ku shi nii angi a? 25Ha ma maa ndọ lishi le ma la nda kibang a? Ma maa la nda undi angwu a fe bihwọm binunung a? Bendi abe be fe bihwọm kitaa ana, be mbu kingbeb, be nda he ishaale besu a. 26Ma ma ndọ lishi le ma la nda kibang a? Utye-ugie kisọm Unim a ye a?” A tem le shi fan le, “Eng, ukpọ ma ma nde undi angwu a dyam hwo angwu u tye ugie kisọm Unim. 27Ujọn na be fee he kushia Unim gbe le he le-iti le, Unim a de le,
“ ‘Unwaa-kisọm ugi u yi nyin.
Mi sọm he u taa a le he kushu he u le shi kukwo ndọ a.’ ”#7:27 Umalakai 3:1
28Ujeso a mbee de le, “Mi kee le ma ngye le Ujọn u yi he kukpo hwo bendi-gye puu. Ukpọ undi angwu a zen hwo he kiteng kusu Unim a fel he kukpo hwo Ujọn.”
29Bendi abe be kpe ukpanda le bendi besuso gbam nyọng be gyo igie Ujeso, be ma bọng le kukwo Unim ku yi kununung, Ujọn u wu abe umbwo. 30Iferesis le bitisha Iten be mọ kiwọm ashi Unim a ma kam ndọ abe. Be ma swan le Ujọn u wu abe umbwo ye.
31Ujeso a mbee bii le, “Mi kung bendi abe ati anyin paa ha kibang a? Be yi na kibang a?” 32A tem le shi fan le, be yi na inwaa-bwan i kwu he ushokwo kate.
“Li gwee upipi gyam agyam igọ fe men
ma ngyọ ye
‘li gyam agyam lihwu,
ma kii ye.’
33Ujọn angwu u maa wu bendi umbwo a ma be kwu itung, u ngwo kutyo ye. Ma ma de le ikeb ibibi i yi he ahe. 34Mi Unwaa undi-gye, mi be, mi za bizizi, mi ngwo bingwu-ngwo, ukpọ ma kọng le, ‘Ma nde ungikye angwun, u yi undi kupuu a, u mbee ngwo betyo kaang. U yi udim bendi abe be kpe ukpanda le bendi abe be shi biban.’ 35Bendi abe be yi le lishi-abyele Unim, likpe libel li tyung le lishi-abyele Unim li yi kigyang a.”
Ungingye kiban a wu Ujeso behwu
36Undi ken le he likwu Iferesis a ma hwaa Ujeso le u te le zi lizi. Ujeso a gye he ahe ushọm le kwu ko he u zi lizi. 37Undi-kiban ungingye akpla ususo a ma yi he lishi limen ana. A gyo le Ujeso u za lizi he ushọm ungikye umen angwu u yi he likwu Iferesis ana. A ha be le udim behwu abe be nung nyin. 38A be Ujeso le he item, u die ngie abee ama keb akye akyele wu-e he abee, u bel le igil ima shel he angi, u fe-e angi ungwu, u kung behwu abena wu-e he abee he ki tyung ife.
39Kunyọng undi Iferesis angwu a ma ko Ujeso gye he ahe ushọm a nde ashi ungingye umen i a shi, a kung kọng he ahe lityam le, “Ungikye angwun u yi utye-ugie kisọm Unim a ye. U kwu ufe a, hang a ngye kitaa undi ashi ungingye angwu u tyọ he abwo ana u yi, u ngye kitaa u shi kiban.”
40Ujeso a kung fan he le, “Usaimọn, mi yi le ashi mi la da-a.”
Usaimọn a kung kọng le, “De-m, itisha.”
41Ujeso a ha kung de-e le, “Bendi befee be ma zi undi angwu u pwee bendi unde lihwọ. Undi ken a ma zi-e igaa ikwudi idyọng, angwel u zi-e kigem ugaa ikwudi. 42Puu abe, undi ken ọ, a ma yi le unde le u ha ndu hwee he ye. A tyang ke be le be tem hwee he ye. Ayang angwu ki nya nyin he le ungikye angwuna hwo?”
43Usaimọn a fan le, “Mi gim le angwu lihwọ lima li go hwo a.”
Ujeso a de-e le, “Wo fan del-del.”
44A bel ashi nde angwu ungingye, u de Usaimọn le, “Wo nde ungingye angwun a? Mi be ha awo ushọm, wo ke-m umbwo le mi to abee na ki yi ka-a le wo shi ye, ukpọ ufe a wu akye ama to mi abee, u kung igil ima shel mi angi. 45Wo gaa mi le uko he ki tyung le wo kpe-m ye, ukpọ gbe mi be na ufe a keb u fe abee agi ungwu kugbe ibwan-ibwan. 46Wo wu-m behwu he lishi ye, ukpọ ufe a wu-m behwu abe be kaa kate he abee. 47Ngye le benyin bekandi abe a tyung nyin be tyung le mi tyang biban bima puu ke-e. Undi angwu Unim a tyang kiban zang a ke-e, u tyung benyin zang a.”
48Ujeso a de angwu ungingye ana le, “Mi tyang biban bigang ka-a.”
49Bendi abe be yi kwu ha be zi lizi utung he ahe be keb akọng-ale ha abe atyam le, “Ayang angwu u tyang biban ọ ke bendi i?”
50Ujeso a kung de ungingye angwuna le a fel le likpan kunyọng likọye a bọng he ahe. U ndu gye le kukwun.
Currently Selected:
Uluk 7: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 7
7
Abọng-ale ukandi bitye-binde
(Mat 8:5-13)
1Ujeso a kọng biwọm abin de bendi puu, a ha gye he Ukapanum. 2Ukandi ishogya ususo angwu a ma be le he Urom a ma yi ha. Ubọyi uma angwu ki nyin he le he kaang a ma ngbam teng he lihwu-lihwu. 3Ukandi umen ana a gyo gbe le Ujeso. A sọm bekandi Ijuus besuso le be le de-e le u be mbee he ubọyi. 4Be be hwaa le Ujeso, be tim he anung kaang, de-e le, “Ungikye angwun a kpe le wo kpel he. 5Ki nyin he le bendi betyan. Ufe-gyang a tye li ushọm Unim angwu li kwu liwu.” 6Ujeso a kung bo utung ha abe.
A le fel kpee-kpee he ahe ushọm, ukandi ishogya a sọm bedimma le be le de Ujeso le, “Ukandi, shi ban kunyọng kugang ye. Mi kpe angwu wo be ha ami ushu ye. 7Mi nde kuhwo-gi le mi kpe angwu mi naa he kushu ye. Wo kọng igie ife-ife ọ, ma ubọyi ugi u mbee. 8Mi ọ titi, mi yi he kubwo bekandi ishogya abe be yi-m le he kushu, mi shi ishogya isuso le he kushu. Mi da undi ken le u gye ha ana, u gya ha. Mi da angwel le u be nyin, u ba. Mi da ubọyi ugi le u shi kiwọm, u sha ashi.”
9Ujeso a gyo ashin, ki kwu-e he kuhwo. A bel ashi nde liwu bendi abe be yi utung he ahe, a de be le, “Mi kee le ma ngye le mi wa nde undi le abọng-ale kitaa i he Izwel ọ ngye ye.” 10Bendi-kisọm abena be tem gye he ushọm ukandi ana le nde ubọyi angwuna a mbee.
Ujeso a wum unwaa ungye-uhwuu le he lihwu
11Ki gbe kigbe ye, Ujeso a gye he kiteng ashi be ko le Uneyin. Bendi gbam be fel te utung he ahe le bendi-utung bema. 12Nya ana a maa ndu wu he ungwu-likọng kiteng kimen ana, a kpee le bendi be so likwọm undi be la ngya. Ungikye umen angwu a ma hwo ana a ma yi anam kugbe unwaa ken a. Anam u shi ungye-uhwuu a. Bendi gbam be ma yi utung he ahe be le ha he lifung-ushu. 13Nyọng Ada Ujeso a nde ungye-uhwuu ana, beshi be shi-e le he kaang. A kung de-e le u shi kii ye.
14A ha gbe le tyọ kakpa likwọm kubwo. Bendi abe be so-e be kung naa. Ujeso a kung kọng le, “Ushọmate, bo kinaa.” 15Ungikye umen angwu a hwo ana a bo kinaa, u fel kọng likọng. Ujeso a tem le he fe anam he kubwo.
16Befe puu, kushel ku ma kwu abe. Be pee Unim de le, “Utye-ugie kisọm Unim ugyang angwu ukandi a fem ha abel liwu. Unim a be he u kpel bendi bema.” 17Bendi be ma gyo gbe le Ujeso mbee kubọng Ujudia puu le abọng angi a yi nya kel-kel.
Ujọn a sọm bendi hwaa le Ujeso
(Mat 11:2-6)
18Bendi-utung Ujọn be de-e gbe le biwọm bimen i puu. Ujọn a kung ko bendi-utung bema bendi befee. 19A sọm abe le be le bii Ada Ujeso le, “Wo na Ujọn a ma de le wo baa, ha li ndọ lishi undi ususo?”
20Be le nde Ujeso, be de-e le, “Ujọn angwu u maa wu bendi umbwo a sọm li le li be bii a le wo na a ma de le wo baa, ha li ndọ lishi undi ususo?”
21Nya he kunyọng kumen ana Ujeso a ma mbee bendi gbam le he angbam atyetye-atyetye, u ndo ikeb ibibi, u shi bihwọ-ashi gbam bi fel nde. 22A fan bendi abe Ujọn a sọm le, “Ma tem le de-e biwọm abi ma nde le abi ma gyo. Ma de-e na abe be hwọ ashi be fel nde, abe be hwo abee be fel tan, abe akpaa be taa, abe be kwọm atyung be fel gyo, akwọm a wum, bendi-likaa be gyo kisọm kinunung. 23Kukwun ku yi ke undi uyang-yang angwu u tyang ityang gbe le mi ye.”
Ujeso a kọng gbe le Ujọn angwu a maa wu bendi umbwo
(Mat 11:7-19)
24Bendi abe Ujọn a sọm be gbe ligye gbe-gbe, Ujeso a keb akọng-ale gbe le Ujọn de bendi gbam abe be yi ha le, “He kunyọng ahwu ma ma le hwaa le Ujọn he afee ugbaa-libeb, ma ma ndọ lishi le ma la nda kibang a ha? Abia angi kufem ku shi nii angi a? 25Ha ma maa ndọ lishi le ma la nda kibang a? Ma maa la nda undi angwu a fe bihwọm binunung a? Bendi abe be fe bihwọm kitaa ana, be mbu kingbeb, be nda he ishaale besu a. 26Ma ma ndọ lishi le ma la nda kibang a? Utye-ugie kisọm Unim a ye a?” A tem le shi fan le, “Eng, ukpọ ma ma nde undi angwu a dyam hwo angwu u tye ugie kisọm Unim. 27Ujọn na be fee he kushia Unim gbe le he le-iti le, Unim a de le,
“ ‘Unwaa-kisọm ugi u yi nyin.
Mi sọm he u taa a le he kushu he u le shi kukwo ndọ a.’ ”#7:27 Umalakai 3:1
28Ujeso a mbee de le, “Mi kee le ma ngye le Ujọn u yi he kukpo hwo bendi-gye puu. Ukpọ undi angwu a zen hwo he kiteng kusu Unim a fel he kukpo hwo Ujọn.”
29Bendi abe be kpe ukpanda le bendi besuso gbam nyọng be gyo igie Ujeso, be ma bọng le kukwo Unim ku yi kununung, Ujọn u wu abe umbwo. 30Iferesis le bitisha Iten be mọ kiwọm ashi Unim a ma kam ndọ abe. Be ma swan le Ujọn u wu abe umbwo ye.
31Ujeso a mbee bii le, “Mi kung bendi abe ati anyin paa ha kibang a? Be yi na kibang a?” 32A tem le shi fan le, be yi na inwaa-bwan i kwu he ushokwo kate.
“Li gwee upipi gyam agyam igọ fe men
ma ngyọ ye
‘li gyam agyam lihwu,
ma kii ye.’
33Ujọn angwu u maa wu bendi umbwo a ma be kwu itung, u ngwo kutyo ye. Ma ma de le ikeb ibibi i yi he ahe. 34Mi Unwaa undi-gye, mi be, mi za bizizi, mi ngwo bingwu-ngwo, ukpọ ma kọng le, ‘Ma nde ungikye angwun, u yi undi kupuu a, u mbee ngwo betyo kaang. U yi udim bendi abe be kpe ukpanda le bendi abe be shi biban.’ 35Bendi abe be yi le lishi-abyele Unim, likpe libel li tyung le lishi-abyele Unim li yi kigyang a.”
Ungingye kiban a wu Ujeso behwu
36Undi ken le he likwu Iferesis a ma hwaa Ujeso le u te le zi lizi. Ujeso a gye he ahe ushọm le kwu ko he u zi lizi. 37Undi-kiban ungingye akpla ususo a ma yi he lishi limen ana. A gyo le Ujeso u za lizi he ushọm ungikye umen angwu u yi he likwu Iferesis ana. A ha be le udim behwu abe be nung nyin. 38A be Ujeso le he item, u die ngie abee ama keb akye akyele wu-e he abee, u bel le igil ima shel he angi, u fe-e angi ungwu, u kung behwu abena wu-e he abee he ki tyung ife.
39Kunyọng undi Iferesis angwu a ma ko Ujeso gye he ahe ushọm a nde ashi ungingye umen i a shi, a kung kọng he ahe lityam le, “Ungikye angwun u yi utye-ugie kisọm Unim a ye. U kwu ufe a, hang a ngye kitaa undi ashi ungingye angwu u tyọ he abwo ana u yi, u ngye kitaa u shi kiban.”
40Ujeso a kung fan he le, “Usaimọn, mi yi le ashi mi la da-a.”
Usaimọn a kung kọng le, “De-m, itisha.”
41Ujeso a ha kung de-e le, “Bendi befee be ma zi undi angwu u pwee bendi unde lihwọ. Undi ken a ma zi-e igaa ikwudi idyọng, angwel u zi-e kigem ugaa ikwudi. 42Puu abe, undi ken ọ, a ma yi le unde le u ha ndu hwee he ye. A tyang ke be le be tem hwee he ye. Ayang angwu ki nya nyin he le ungikye angwuna hwo?”
43Usaimọn a fan le, “Mi gim le angwu lihwọ lima li go hwo a.”
Ujeso a de-e le, “Wo fan del-del.”
44A bel ashi nde angwu ungingye, u de Usaimọn le, “Wo nde ungingye angwun a? Mi be ha awo ushọm, wo ke-m umbwo le mi to abee na ki yi ka-a le wo shi ye, ukpọ ufe a wu akye ama to mi abee, u kung igil ima shel mi angi. 45Wo gaa mi le uko he ki tyung le wo kpe-m ye, ukpọ gbe mi be na ufe a keb u fe abee agi ungwu kugbe ibwan-ibwan. 46Wo wu-m behwu he lishi ye, ukpọ ufe a wu-m behwu abe be kaa kate he abee. 47Ngye le benyin bekandi abe a tyung nyin be tyung le mi tyang biban bima puu ke-e. Undi angwu Unim a tyang kiban zang a ke-e, u tyung benyin zang a.”
48Ujeso a de angwu ungingye ana le, “Mi tyang biban bigang ka-a.”
49Bendi abe be yi kwu ha be zi lizi utung he ahe be keb akọng-ale ha abe atyam le, “Ayang angwu u tyang biban ọ ke bendi i?”
50Ujeso a kung de ungingye angwuna le a fel le likpan kunyọng likọye a bọng he ahe. U ndu gye le kukwun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.