Aki Kikwu likọng
Kikwu likọng
Kikwu likọng
Kushia ahwun ku yi utepwọm kushia ahwu Uluk a ma fee hwaa le Utiofilus. Ku kọng gbe le aki bendi-utung Ukristi. Uluk a tyung kitaa ashi liwu bendi abọng-ale li ma gbe he bingie nyọng li maa gyam abwo he kunyọng ahwu bendi Urom na be maa teng. A naa ushada le aki angi Ujeso a ma shi nyọng u yi nyin he igye, a gye kushu shi he liwu bendi abọng-ale gbe he ikeb Ukatia Kunyọng. He agyam-ale abwo likọng Unim, ki ma yi indee-indee le bendi abe a sọm gye he igye be kpe ikeb le ha Ukatia Kunyọng.
Upita na a fem gboo he kunyọng ahwu liwu bendi abọng-ale li kpi-kikwu he Ujeruselem. Li nde kitaa ashina kudyan likọng Unim li die gye he Usiria angwu Antiyọk. Uluk a mbee tyung na Upọl angwu a maa naa linaa ha liwu bendi abọng-ale, a ma hwo ye, u bel fel kihwọ liwu bendi abọng-ale. He ashin, umbee-likel kushia ahwun ku kọng kaang gbe le Upọl le aki ama. Ku fe lishi na Upọl u yi he igaadye ukpọ u bun kisọm kinunung ha he igaadye he Urom.
Angwu a fee
Uluk.
Atan-lengi
He u tyung aki Ukatia Kunyọng le bendi abe Unim a waa sọm he afele sho igie Unim; u mbee kọng gbe le kitaa ashi likọng Unim li kpi-kikwu, le kitaa ashi Unim a ma tyung kuhwo-ma he liwu bendi-utung Ujeso Kristi gbe ha liwu bendi abọng-ale.
Kiteng
Undi a ngye kiteng ashi a fee ahwu ye.
Kunyọng
63–70 K.U.
Bendi lishi likọng
Upita, Upọl, Ustiven, Ufilip le Ubanabas.
Lishi likọng
He u tyung na kisọm kinunung ki ma gyam he abwo le ha Ijuus le wu ha bendi abe be yi Ijuus a ye, le kitaa ashi kisọm kinunung gbe le lihwu le uwum-ale Ujeso bi yi lishii abọng-ale bendi Unim.
Biwọm kukpo
Kushia ahwun ku ke ubo gbe le kitaa ashi likọng Unim li gyam he abwo, le ubele Ukatia Kunyọng hwaa le liwu bendi abọng-ale, he u ke be ikeb le be gye kushu le aki Ukristi. Ku kọng gbe le kitaa ashi kisọm kinunung gbe le Ukristi ki gyam he abwo he kiteng kusu Urom kung le he Ujeruselem gye he Urom.
Ibubu likọng
Ukpi-kikwu liwu bendi abọng-ale (1:1–5:42)
Kingie le agyam-ale abwo liwu bendi abọng-ale (6:1–9:31)
Aki Ipita (9:32–12:25)
Ukpi-kikwu litan agyam-ale kisọm Unim he abwo Upọl (13:1–14:28)
Liwu bekandi Ujeruselem le aki abel (15:1-35)
Utepwọm litan agyam-ale kisọm kinunung he abwo Upọl (15:36–18:22)
Litan agyam-ale kisọm kinunung he abwo lekie Upọl (18:23–21:16)
Be kwu kung Upọl le he litan lima gye he Urom (21:17–28:31).
Currently Selected:
Aki Kikwu likọng: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.