Matiu 21
21
Jisọs Ọdọk Aka Jerusalem
1Nte Jisọs ye mbet Esie ekperede Jerusalem, mmọ ema edisim Betfek ke obot Ọlif; Jisọs ama ọdọñ mbet Esie iba, 2onyuñ ọdọhọ mmọ ete, “Eka ekeduk ke ekpri obio iñwañ emi adade ko ke iso ndien ema enyuñ ededuk mbufo eyekut ekpri enañ mbiomo eyirede ye eyen esie etat mmọ eda esọk Mi. 3Edieke owo baba kiet obupde mbufo ñkpọ ekededi, ebọrọ enye ete ke edi Ọbọñ oyom mmọ, ndien enye eyeyak mmọ ọnọ mbufo ke usọp.”
4Ñkpọ emi akada itie man okosu ye se mme Asiak Uduak Abasi eketiñde enim ete, 5“Edọhọ eyenañwan Sayọn ete, sese Edidem mbufo kedi ebine mbufo, Enye edi ke nsuhọde idem, onyuñ awat ke enañ mbiomo, ye ke enyọñ eyen enañ mbiomo.”
6Mbet iba oro ema eka ekenyuñ enam nte Enye eketemede mmọ. 7Mmọ ema eda enañ mbiomo ye eyen enañ mbiomo oro edi, ndien ebri mme ọfọñidem mmọ ke edem mmọ, ndien Jisọs ama ọdọk etie mmọ ke edem. 8Ata akwa otu owo oro ema ebri mme ọfọñ idem mmọ ke ọkpọusuñ, ke ini ndusuk eken ekekpide mme ñkọk eto, ebon ke usuñ.
9Mme otu owo emi ekebede Enye iso, ye mmọ emi eketienede Enye ke edem ema efiori ete, “Osana enyene Eyen Defid! Abasi ọdiọñ Enye emi edide ke Enyiñ Ọbọñ! Osana ke ata enyọñ!”
10Ke ini Jisọs ama okoduk Jerusalem, ofuri obio ama otime ndien ema ebup ete, “Anie ededi emi?”
11Ndien otu owo ema ebọrọ ete, “Edi Jisọs, Asiak Uduak Abasi emi otode Nasaret ke Kalili.”
12Jisọs ama oduk ke Ufọk Abasi onyuñ ekebin kpukpru mmọ emi ekenyamde enyuñ edepde urua do osioño, ndien onuk okpokoro mme ọkpuhọ okuk ye ñkpọ itie mme anyam ibiom ọduọk.
13Enye ama ọdọhọ mmọ ete, “Ema ewet ete, edikot ufọk Mi ufọk akam; edi mbufo emenam, enye akabade edi itie mbon ñwo.”
14Mme nnan ye mme mbuñọ ema edi ebine Enye ke edisana ebiet (temple) ndien Enye ama ọkọk mmọ kpukpru udọñọ mmọ. 15Edi kadaña emi mme ikpọ oku ye mme andikpep ibet mme Ju ekekutde mme utibe ñkpọ emi Enye akanamde, enyuñ ekopde nte ñkpri nditọ ekefioride ete, “Ubọñ enyene Eyen Edidem Defid,” emi ama ayat mmọ esit eti eti.
16Mmọ ema ebup Enye ete, “Nte Afo omokop se ñkpri nditọ emi ekade iso ndifiori?” Jisọs ama ọbọrọ mmọ ete, “Ami mmokop.” “Nte akananam mbufo ikotke ke Edisana Ñwed Abasi, itie emi ewetde ete, ke inua ñkpri ye mme nsek nditọ afo omodot itoro.”
17Ndien Enye afiak ọnyọñ aka Betani, ebiet emi Enye akadañde tutu eyo esiere.
18Ke usenubọk, nte Jisọs afiakde aka Jerusalem, biọñ ama ọdọñ Enye ke usuñ.
19Ndien ke ini Enye okokutde eto fik kiet ke mben usuñ, Enye ama asaña ekpere eto emi edi Enye ikekwe mfri ke esit ke mibọhọke ikọñ ikpọñ, ndien Enye ama ọdọhọ eto oro ete, “Uduñwumke mfri aba!” Ndien ke ndo ndo oro eto fik oro ama eyemede akpa.
20Ndien ke ini mme mbet ekekutde ñkpọ emi, idem ama akpa mmọ eti eti, mmọ enyuñ ebup ete, “Didie ke eto fik emi akpa iwiwa ntem?”
21Jisọs ama ọdọhọ mmọ ete, “Akpanikọ ke Ami ntiñ, edieke mbufo enyenede mbuọtidem, mminyuñ iyikke, idighe se ami nnamde ye eto fik emi ikpọñ ke mbufo edinam. Edi edieke mbufo edọhọde obot emi ete, ‘Wuhọde, ka koduk akwa akpainyañ,’ eyewọrọ osu ntre. 22Edieke enimde ke akpanikọ, eyebọ ñkpọ kiet ekededi emi edibeñede ke akam.”
Mme Adausuñ Mme Ju Ekọk Mme Afia Mmọ
23Ke ini Jisọs ama akafiak oduk ke Ufọk Abasi, nte Enye akakade iso ndikpep ñkpọ, mme ikpọ oku ye mme ñyebiowo ema ebine Enye, enyuñ ebup Enye ete, “Nso unen ke afo enyene ndinam mme ñkpọ emi? Anie ọnọ fi odudu emi?”
24Jisọs ama ọbọrọ mmọ ete, “Ami ñyebup mbufo mbume kiet kpọt, ndien mbufo ema ebọrọ Mi, Ami nde ñyenyuñ ntiñ nnọ mbufo ebiet emi Ami ndade odudu nnam mme ñkpọ emi. 25Babtisim Jọn okoto mmọñ? Okoto enyọñ mme okoto owo?” Ndien mmọ ema ekọk ibuot enyuñ edọhọ ete, “Edieke ñnyin idọhọde ite ke okoto Abasi, Enye eyebup ñnyin ndien ete, nsidi ntak emi mbufo mikenimke enye ke akpanikọ? 26Ndien edieke ñnyin ikañde ite ke idighe Abasi ọkọdọñ enye edi, ke okoto owo, ndik odu kabaña otu owo emi, koro kpukpru owo enimde ke akpanikọ nte ke Jọn ekedi Isuñutom Abasi.” 27Do mmọ ema ebọrọ Enye ete, “Ñnyin ifiọkke.” Ndien Enye ama ọdọhọ mmọ ete, “Ami ñko nditiñke nnọ mbufo odudu emi ndade nnam mme ñkpọ emi.”
28“Edi nso ke mbufo ekere ebaña emi? Owo kiet ekenyene nditọ iren iba; ndien enye ọkọdọhọ akpan esie ete, ‘Eyen mi, ka iñwañ mi kanam utom mfin.’ ” 29“Ndien enye ama ọbọrọ ete, ‘ami ndikaha,’ edi ke akpatre, enye akabade esit onyuñ aka akanam utom ke iñwañ usen oro.” 30“Kpa ntre ke ete ọkọdọhọ udọ esie anam. Ndien enye ama ọbọrọ ete, ‘Ami ñyeka, Ọbọñ,’ edi enye ikenamke uyo ete esie.” 31“Anie ke otu nditọ iba emi akanam se ete okoyomde ete enam?” Mmọ ema ebọrọ Enye ete, “Edi akpa eyen.” Jisọs ama ọdọhọ mmọ ete, “Ami ntiñ emi nnọ mbufo: mme ọbọ ataksi, ye mme iban akpara eyebem mbufo iso eduk Obio Ubọñ Abasi. 32Koro Jọn Babtis ekedi ndiwut mbufo usuñ edinen ido, edi mbufo ikenimke enye ke akpanikọ, edi mme ọbọ ataksi ye mme iban akpara ema enim enye ke akpanikọ. Ndien kadaña emi mbufo ekekutde mmọ emi, mbufo ikekabakede esit inyuñ inim enye ke akpanikọ.”
33“Ekpañ utọñ ekop ñke efen: Ete ufọk kiet okodu emi ọkọtọde iñwañ eto emi ekotde Vain, onyuñ ọbọp ọkọ akanade enye okuk, onyuñ otibi obube unyimi mmin (wain) ke esit, onyuñ ọbọp enyọñ itie ukpeme, onyuñ ayak ọnọ mme ọtọ iñwañ ke ukpe okuk, ndien enye aka anyan isañ.”
34Ke ini ñkpeñe ekekemde, enye ama ọdọñ mme isuñutom esie ebine mme ekpeme iñwañ ekebọ udeme mfri esie. 35Mme ekpeme iñwañ ema emum mme isuñutom esie, emia kiet, enyuñ ewot kiet, ndien etọñọ enyeken ke itiat.
36Enyene iñwañ ọtọñọ ntak ọdọñ mme isuñutom esie efen emi ekewakde ekan mme ebemiso, edi mmọ ema enam ye mmọ kpasuk nte ekenamde ye mme mmọ eken. 37Edi ke akpatre, enyene iñwañ ama ọdọñ eyen esie, onyuñ ekere ete ke mmọ eyekpono enye.
38“Edi ke adaña emi mme ekpeme iñwañ ekekutde eyen esie edide, mmọ ema etiñ ke otu mmọ ete, Enye emi edi adia akpa iñwañ emi, eyak ñnyin iwot enye man ida akpa esie. 39Ntre ke mmọ ekeduri enye esio ke iñwañ enyuñ ewot enye.”
40“Ke ntre ke ini enyene iñwañ editode isañ esie edi, mbufo ekere ete nso ke enye edinam ye mme ekpeme iñwañ oro?”
41Mmọ ema ebọrọ Enye ete, “Enye eyewot mme idiọk owo oro onyuñ ayak iñwañ esie ọnọ mme ekpeme iñwañ efen emi edikpede enye utib iñwañ esie ke ñkem ñkem ini.”
42Jisọs ama obup mmọ ete, “Akananam mbufo ikotke se ewetde ke ñwed Abasi, ete, ‘Itiat emi mme ọbọp ufọk ekesinde amakabade edi etubom itiat inuk; Ọbọñ anam emi, ndien edi utibe ñkpọ ke enyin ñnyin?’ ”
43“Mmọdo Ami ndọhọ mbufo nte, eyebọ mbufo Obio Ubọñ Abasi ndien eyak enọ mmọ emi edisioñode nnen nnen mfri. 44Owo ekededi emi ediduọde ke itiat emi, itiat eyekpok enye mbai mbai, edi owo emi itiat emi ediduọde ifik enye, eyekọk enye nte obu.”
45Kadaña emi mme ikpọ oku ye mme Farisi ekekopde mme ñke Jisọs, mmọ ema efiọk ete, ke Enye eketiñ mme ikọ emi abaña mmimọ. 46Mmọ ema eyom ifet ndimum Enye, edi ndik ama anam mmọ ke ntak emi otu owo oro ekedade Jisọs nte Akwa oku.
Currently Selected:
Matiu 21: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 21
21
Jisọs Ọdọk Aka Jerusalem
1Nte Jisọs ye mbet Esie ekperede Jerusalem, mmọ ema edisim Betfek ke obot Ọlif; Jisọs ama ọdọñ mbet Esie iba, 2onyuñ ọdọhọ mmọ ete, “Eka ekeduk ke ekpri obio iñwañ emi adade ko ke iso ndien ema enyuñ ededuk mbufo eyekut ekpri enañ mbiomo eyirede ye eyen esie etat mmọ eda esọk Mi. 3Edieke owo baba kiet obupde mbufo ñkpọ ekededi, ebọrọ enye ete ke edi Ọbọñ oyom mmọ, ndien enye eyeyak mmọ ọnọ mbufo ke usọp.”
4Ñkpọ emi akada itie man okosu ye se mme Asiak Uduak Abasi eketiñde enim ete, 5“Edọhọ eyenañwan Sayọn ete, sese Edidem mbufo kedi ebine mbufo, Enye edi ke nsuhọde idem, onyuñ awat ke enañ mbiomo, ye ke enyọñ eyen enañ mbiomo.”
6Mbet iba oro ema eka ekenyuñ enam nte Enye eketemede mmọ. 7Mmọ ema eda enañ mbiomo ye eyen enañ mbiomo oro edi, ndien ebri mme ọfọñidem mmọ ke edem mmọ, ndien Jisọs ama ọdọk etie mmọ ke edem. 8Ata akwa otu owo oro ema ebri mme ọfọñ idem mmọ ke ọkpọusuñ, ke ini ndusuk eken ekekpide mme ñkọk eto, ebon ke usuñ.
9Mme otu owo emi ekebede Enye iso, ye mmọ emi eketienede Enye ke edem ema efiori ete, “Osana enyene Eyen Defid! Abasi ọdiọñ Enye emi edide ke Enyiñ Ọbọñ! Osana ke ata enyọñ!”
10Ke ini Jisọs ama okoduk Jerusalem, ofuri obio ama otime ndien ema ebup ete, “Anie ededi emi?”
11Ndien otu owo ema ebọrọ ete, “Edi Jisọs, Asiak Uduak Abasi emi otode Nasaret ke Kalili.”
12Jisọs ama oduk ke Ufọk Abasi onyuñ ekebin kpukpru mmọ emi ekenyamde enyuñ edepde urua do osioño, ndien onuk okpokoro mme ọkpuhọ okuk ye ñkpọ itie mme anyam ibiom ọduọk.
13Enye ama ọdọhọ mmọ ete, “Ema ewet ete, edikot ufọk Mi ufọk akam; edi mbufo emenam, enye akabade edi itie mbon ñwo.”
14Mme nnan ye mme mbuñọ ema edi ebine Enye ke edisana ebiet (temple) ndien Enye ama ọkọk mmọ kpukpru udọñọ mmọ. 15Edi kadaña emi mme ikpọ oku ye mme andikpep ibet mme Ju ekekutde mme utibe ñkpọ emi Enye akanamde, enyuñ ekopde nte ñkpri nditọ ekefioride ete, “Ubọñ enyene Eyen Edidem Defid,” emi ama ayat mmọ esit eti eti.
16Mmọ ema ebup Enye ete, “Nte Afo omokop se ñkpri nditọ emi ekade iso ndifiori?” Jisọs ama ọbọrọ mmọ ete, “Ami mmokop.” “Nte akananam mbufo ikotke ke Edisana Ñwed Abasi, itie emi ewetde ete, ke inua ñkpri ye mme nsek nditọ afo omodot itoro.”
17Ndien Enye afiak ọnyọñ aka Betani, ebiet emi Enye akadañde tutu eyo esiere.
18Ke usenubọk, nte Jisọs afiakde aka Jerusalem, biọñ ama ọdọñ Enye ke usuñ.
19Ndien ke ini Enye okokutde eto fik kiet ke mben usuñ, Enye ama asaña ekpere eto emi edi Enye ikekwe mfri ke esit ke mibọhọke ikọñ ikpọñ, ndien Enye ama ọdọhọ eto oro ete, “Uduñwumke mfri aba!” Ndien ke ndo ndo oro eto fik oro ama eyemede akpa.
20Ndien ke ini mme mbet ekekutde ñkpọ emi, idem ama akpa mmọ eti eti, mmọ enyuñ ebup ete, “Didie ke eto fik emi akpa iwiwa ntem?”
21Jisọs ama ọdọhọ mmọ ete, “Akpanikọ ke Ami ntiñ, edieke mbufo enyenede mbuọtidem, mminyuñ iyikke, idighe se ami nnamde ye eto fik emi ikpọñ ke mbufo edinam. Edi edieke mbufo edọhọde obot emi ete, ‘Wuhọde, ka koduk akwa akpainyañ,’ eyewọrọ osu ntre. 22Edieke enimde ke akpanikọ, eyebọ ñkpọ kiet ekededi emi edibeñede ke akam.”
Mme Adausuñ Mme Ju Ekọk Mme Afia Mmọ
23Ke ini Jisọs ama akafiak oduk ke Ufọk Abasi, nte Enye akakade iso ndikpep ñkpọ, mme ikpọ oku ye mme ñyebiowo ema ebine Enye, enyuñ ebup Enye ete, “Nso unen ke afo enyene ndinam mme ñkpọ emi? Anie ọnọ fi odudu emi?”
24Jisọs ama ọbọrọ mmọ ete, “Ami ñyebup mbufo mbume kiet kpọt, ndien mbufo ema ebọrọ Mi, Ami nde ñyenyuñ ntiñ nnọ mbufo ebiet emi Ami ndade odudu nnam mme ñkpọ emi. 25Babtisim Jọn okoto mmọñ? Okoto enyọñ mme okoto owo?” Ndien mmọ ema ekọk ibuot enyuñ edọhọ ete, “Edieke ñnyin idọhọde ite ke okoto Abasi, Enye eyebup ñnyin ndien ete, nsidi ntak emi mbufo mikenimke enye ke akpanikọ? 26Ndien edieke ñnyin ikañde ite ke idighe Abasi ọkọdọñ enye edi, ke okoto owo, ndik odu kabaña otu owo emi, koro kpukpru owo enimde ke akpanikọ nte ke Jọn ekedi Isuñutom Abasi.” 27Do mmọ ema ebọrọ Enye ete, “Ñnyin ifiọkke.” Ndien Enye ama ọdọhọ mmọ ete, “Ami ñko nditiñke nnọ mbufo odudu emi ndade nnam mme ñkpọ emi.”
28“Edi nso ke mbufo ekere ebaña emi? Owo kiet ekenyene nditọ iren iba; ndien enye ọkọdọhọ akpan esie ete, ‘Eyen mi, ka iñwañ mi kanam utom mfin.’ ” 29“Ndien enye ama ọbọrọ ete, ‘ami ndikaha,’ edi ke akpatre, enye akabade esit onyuñ aka akanam utom ke iñwañ usen oro.” 30“Kpa ntre ke ete ọkọdọhọ udọ esie anam. Ndien enye ama ọbọrọ ete, ‘Ami ñyeka, Ọbọñ,’ edi enye ikenamke uyo ete esie.” 31“Anie ke otu nditọ iba emi akanam se ete okoyomde ete enam?” Mmọ ema ebọrọ Enye ete, “Edi akpa eyen.” Jisọs ama ọdọhọ mmọ ete, “Ami ntiñ emi nnọ mbufo: mme ọbọ ataksi, ye mme iban akpara eyebem mbufo iso eduk Obio Ubọñ Abasi. 32Koro Jọn Babtis ekedi ndiwut mbufo usuñ edinen ido, edi mbufo ikenimke enye ke akpanikọ, edi mme ọbọ ataksi ye mme iban akpara ema enim enye ke akpanikọ. Ndien kadaña emi mbufo ekekutde mmọ emi, mbufo ikekabakede esit inyuñ inim enye ke akpanikọ.”
33“Ekpañ utọñ ekop ñke efen: Ete ufọk kiet okodu emi ọkọtọde iñwañ eto emi ekotde Vain, onyuñ ọbọp ọkọ akanade enye okuk, onyuñ otibi obube unyimi mmin (wain) ke esit, onyuñ ọbọp enyọñ itie ukpeme, onyuñ ayak ọnọ mme ọtọ iñwañ ke ukpe okuk, ndien enye aka anyan isañ.”
34Ke ini ñkpeñe ekekemde, enye ama ọdọñ mme isuñutom esie ebine mme ekpeme iñwañ ekebọ udeme mfri esie. 35Mme ekpeme iñwañ ema emum mme isuñutom esie, emia kiet, enyuñ ewot kiet, ndien etọñọ enyeken ke itiat.
36Enyene iñwañ ọtọñọ ntak ọdọñ mme isuñutom esie efen emi ekewakde ekan mme ebemiso, edi mmọ ema enam ye mmọ kpasuk nte ekenamde ye mme mmọ eken. 37Edi ke akpatre, enyene iñwañ ama ọdọñ eyen esie, onyuñ ekere ete ke mmọ eyekpono enye.
38“Edi ke adaña emi mme ekpeme iñwañ ekekutde eyen esie edide, mmọ ema etiñ ke otu mmọ ete, Enye emi edi adia akpa iñwañ emi, eyak ñnyin iwot enye man ida akpa esie. 39Ntre ke mmọ ekeduri enye esio ke iñwañ enyuñ ewot enye.”
40“Ke ntre ke ini enyene iñwañ editode isañ esie edi, mbufo ekere ete nso ke enye edinam ye mme ekpeme iñwañ oro?”
41Mmọ ema ebọrọ Enye ete, “Enye eyewot mme idiọk owo oro onyuñ ayak iñwañ esie ọnọ mme ekpeme iñwañ efen emi edikpede enye utib iñwañ esie ke ñkem ñkem ini.”
42Jisọs ama obup mmọ ete, “Akananam mbufo ikotke se ewetde ke ñwed Abasi, ete, ‘Itiat emi mme ọbọp ufọk ekesinde amakabade edi etubom itiat inuk; Ọbọñ anam emi, ndien edi utibe ñkpọ ke enyin ñnyin?’ ”
43“Mmọdo Ami ndọhọ mbufo nte, eyebọ mbufo Obio Ubọñ Abasi ndien eyak enọ mmọ emi edisioñode nnen nnen mfri. 44Owo ekededi emi ediduọde ke itiat emi, itiat eyekpok enye mbai mbai, edi owo emi itiat emi ediduọde ifik enye, eyekọk enye nte obu.”
45Kadaña emi mme ikpọ oku ye mme Farisi ekekopde mme ñke Jisọs, mmọ ema efiọk ete, ke Enye eketiñ mme ikọ emi abaña mmimọ. 46Mmọ ema eyom ifet ndimum Enye, edi ndik ama anam mmọ ke ntak emi otu owo oro ekedade Jisọs nte Akwa oku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.