San Mateo 9
9
Jesuska shuk runata chakichik unkuymanta anpirka
(Mr 2.1-12; Lc 5.17-26)
1Chay washa, Jesuska botipi uraykushpan, chinpashpan shuk chinpama rirka llaktanma.
2Chaypiña shuk runakunaka apamurkakuna shuk runata sirihukta llanchamapi, mana atipakta purinata. Jesuska kay runakuna paypi kirihushkankunata rikushpan, chay runata rimarka: “Sinchikuriy wawayni, tukuy uchaykikunamanta llakichirishkami kanki”.
3Shukkuna Moisespa killkashkanta yachachikkuna chaypi kahushpankuna rimarkakuna: “Millaypatami rimahun Yaya Diosmanta.”
4Jesuska yuyarihushkankunata yachashpan paykunata rimarka: “¿Imaraykutaya millaypata yuyarihunkichi?
5¿Imataya kama ashwan ali: Rimanaynipa ‘Uchaykikunamanta llakichirishkami kanki’, ashwan kamachu rimanaynipa ‘Atarishpayki puriy’?”
6Yachanaykichipa ñuka Karipa Wawanka, atipani kay allpapi uchaykichikunamanta llakichinata. Chaypi chay unkushkata rimarka. “Atari, llanchamaykita apishpayki kutiy wasikima”.
7Jesuska chasna rimashpan chay runaka atarishpan wasinma kutirka.
8Chayta rikushpankuna runakunaka yapa mancharishpankuna Yaya Diosta kushichirkakuna, sinchi yachayta runakunata kushkanrayku.
Jesuska Mateota kayarka
(Mr 2.13-17; Lc 5.27-32)
9Jesuska chaymanta llukshishpan, rikurka shuk runata Mateo shutiyuta, tiyahukta maypimi kobrapayanahun kullkita chay atun apu Romanorayku, chaypi Jesuska rimarka: “Katiway”. Mateoka atarishpan katirka.
10Chay punchalla, Jesús chaymanta disipulunkunapas rirkakuna mikunapa Mateopa wasinpi. Chaypi kahurkakuna mikuhlla Romarayku kullkita kobrakkuna chaymanta millaypa kawsanayu runakunapas.
11Fariseokunaka rikushpankuna kayta, rimarkakuna Jesuspa disipulunkunata: “¿Imaraykutaya kankunata yachachikka mikun impuestuta kobrakkunawa uchasapakunawapas?”
12Jesuska chayta uyashpan paykunata aynirka: “Alikunaka mana munanahunchu anpikta. Ashwan unkushkakunami anpikta munanahun.
13Riychi, yachakuychi imatami rimanayan: ‘Llakichinatami munani, mana munanichu imakunata wañuchishpa kuwanaykichipa’. Manami shamushkanichu kayanapa ucha illakunata, ashwan shamushkanimi uchasapakunata kayanaynipa Yaya Diostaña kasunankunapa”.
Jesusta tapunahun ayunumanta
(Mr 2.18-22; Lc 5.33-39)
14Chaymanta Bawtisak Juanpa disipulonkunaka Jesusta kayllayashpankuna tapurkakuna: “¿Imaraykutaya ñukanchikuna, chaymanta fariseokunapas, achka kuti kanchi mana mikushpa. Imaraykutaya kanpa runaykikunaka mana chasna ruranahunchu?”
15Jesuska paykunata aynirka: “¿Alichu kama kayarishka runakunaka shuk kasarana punchapi llakiywa kanankunapa, chaypi kahushkanpi kasarak runaka?” ¡Manami chasnachu! Ashwan paktankami shuk puncha maypimi kay kasarak runata kichunkakuna. Chaypirami ayunankakuna.
16Nima pi rimintanchu shuk mawka llachapata shuk mushu llachapawa, mushu llachapaka suniyachin mawka llachapata chasna ashwanta likirin.
17Chasnallatatami mushu vinu putskurihushkata mana churanchimachu shuk mawka karamanta rurarishka bulsapi, chay vinu urtiyashpan putskurihushpanka mawka bulsaka tukyashpan vinuka talirin. Ishkanti chinkarinahun. Chayrayku mushu vinuta mushu karamanta rurarishka bulsapi churanchi. Chasnaka ishkantimi mana waklinkachu.
Jesuska Jairopa warmi wawanta kawsachirka, chaymantapas anpirka shuk unkushka warmita
(Mr 5.21-43; Lc 8.40-56)
18Jesús chay runakunata yachachihushkanllapi, paktarka shuk kamachik Judiukunapa kunkurishpan paypa puntanpi rimarka: “Kunalla wawaynika wañushka; chasna wañushka kashpanpas shamushpayki churay makikita paypi, churashpayki wawaynika kawsarinkami”.
19Jesuska atarishpan, katirka disipulunkunawa pakta.
20Chasna rihushkankunapi, shuk unkushka warmi Jesusta washanmanta kayllayarka. Payka chunka ishkay watata unkushka karka. Tukuy uras yawar paymanta urmapayan. Chay warmika Jesuspa washanmanta churarishkanta llankarka.
21Payka yuyarirka: “Churarishkanta llankashpaynillami anpirishka kiparisha”.
22Chaypi Jesuska washanma tikrarishpan payta rikushpan rimarka: “Wawayni, sinchikuriy; sinchita kirinaykimi kanta kishpichishka”. Chay ratulla chay warmika anpirishka kiparirka.
23Chay washa Jesuska yaykurka chay kamachikpa wasinpi. Chaypi rikurka kenata pukuk runakunata, chaymanta runakuna wakahukkunata.
24Paykunata rimarka: “Llukshiychi kaymanta. Kay wawaka manami wañushkachu, puñuhunmi”. Chasna rimashpan tukuy chay runakunaka Jesusta asichirkakuna.
25Chaypiña Jesuska tukuy chay runakunata kanchama llukshichirka. Chaymanta yaykushpan chay wawata makinmanta apirka. Chaypiña chay wawaka atarirka.
26Chaymanta tukuy chay llaktakunapi kawsak runakunaka Jesús chay wawata kawsachishkanmanta yacharkakuna.
Jesuska ishkay wisku runata anpirka
27Chaymanta Jesuska llukshishpan, ishkay wisku runakuna sinchita kaparishpa katirkakuna kasna nishpa: “Apu Davidpa Wawan llakichi ñukanchita”.
28Chay wasipi Jesuska paktashpan chay ishkay wiskukunaka kayllayarkakuna chaypi paykunata tapurka: “¿Kirinkichichu ñuka kankunata anpinaynita?” Paykunaka aynirkakuna: “Ari Yaya”.
29Chaypiña Jesuska ñawinkunata llankashpan rimarka: “Kiriwashkaykichirayku anpirishka kiparinkichi”.
30Chay ishkay runakunaka alitaña rikurkakuna. Chaypiña Jesuska paykunata alita kunarka: “Kuyrariychi nima pi kaymanta yachananpa”.
31Paykuna llukshishkankunawasha, kwintakrirkakuna Jesus rurashkanta tukuy chay llaktakunapi kawsak runakunata.
Jesuska mana rimanata atipak runata anpirka
32Chay ishkay runakuna llukshishkankunawasha, shuk runata Jesusma apamurkakuna. Chay runaka supay yaykushka kashpan mana atiparkachu rimanata.
33Jesuska supayta chay runamanta llukshichishpanña chay runaka atiparka rimanata. Chayta rikushpankuna chay runakunaka mancharishpankuna rimarkakuna paykunapura: “Nima ima uras rikushkanchichu chasna anpik runata kay Israel allpanchipi”.
34Chay fariseokunaka rimarkakuna: “Kay anpik runaka supaykunapa apunpa yachayninwa supaykunata llukshichin.”
Jesuska runakunata rikushpan llakirirka
35Chaymanta Jesuska purirka tukuy llaktakunapi, uchilla llaktakunapipas tantarinankuna wasikunapi runakunata yachachinanpa Yaya Diospa ali kamachinan kay allpapi ña kallarishkanmanta. Chasna yachachihushpan Jesuska runakunata tukuy unkuykunamanta parisinakunamantapas anpipayarka.
36Jesuska chay achka runakunata rikushpan llakirirka, paykuna mana amuyu shikwarishka sanpayashka obehakunashina kashpankuna.
37Chaypiña rimarka disipulunkunata: “Kay runakuna ña pallanapa pukushka muyukunashina kahunkuna. Chasna kashpanpas Yaya Diospa shiminta yachachikkunaka mana achkachu kanahun.
38Chayrayku Yaya Diosta mañaychi, yachachikkunata kachananpa, runakunata yachachikrinankunapa.”
Currently Selected:
San Mateo 9: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 9
9
Jesuska shuk runata chakichik unkuymanta anpirka
(Mr 2.1-12; Lc 5.17-26)
1Chay washa, Jesuska botipi uraykushpan, chinpashpan shuk chinpama rirka llaktanma.
2Chaypiña shuk runakunaka apamurkakuna shuk runata sirihukta llanchamapi, mana atipakta purinata. Jesuska kay runakuna paypi kirihushkankunata rikushpan, chay runata rimarka: “Sinchikuriy wawayni, tukuy uchaykikunamanta llakichirishkami kanki”.
3Shukkuna Moisespa killkashkanta yachachikkuna chaypi kahushpankuna rimarkakuna: “Millaypatami rimahun Yaya Diosmanta.”
4Jesuska yuyarihushkankunata yachashpan paykunata rimarka: “¿Imaraykutaya millaypata yuyarihunkichi?
5¿Imataya kama ashwan ali: Rimanaynipa ‘Uchaykikunamanta llakichirishkami kanki’, ashwan kamachu rimanaynipa ‘Atarishpayki puriy’?”
6Yachanaykichipa ñuka Karipa Wawanka, atipani kay allpapi uchaykichikunamanta llakichinata. Chaypi chay unkushkata rimarka. “Atari, llanchamaykita apishpayki kutiy wasikima”.
7Jesuska chasna rimashpan chay runaka atarishpan wasinma kutirka.
8Chayta rikushpankuna runakunaka yapa mancharishpankuna Yaya Diosta kushichirkakuna, sinchi yachayta runakunata kushkanrayku.
Jesuska Mateota kayarka
(Mr 2.13-17; Lc 5.27-32)
9Jesuska chaymanta llukshishpan, rikurka shuk runata Mateo shutiyuta, tiyahukta maypimi kobrapayanahun kullkita chay atun apu Romanorayku, chaypi Jesuska rimarka: “Katiway”. Mateoka atarishpan katirka.
10Chay punchalla, Jesús chaymanta disipulunkunapas rirkakuna mikunapa Mateopa wasinpi. Chaypi kahurkakuna mikuhlla Romarayku kullkita kobrakkuna chaymanta millaypa kawsanayu runakunapas.
11Fariseokunaka rikushpankuna kayta, rimarkakuna Jesuspa disipulunkunata: “¿Imaraykutaya kankunata yachachikka mikun impuestuta kobrakkunawa uchasapakunawapas?”
12Jesuska chayta uyashpan paykunata aynirka: “Alikunaka mana munanahunchu anpikta. Ashwan unkushkakunami anpikta munanahun.
13Riychi, yachakuychi imatami rimanayan: ‘Llakichinatami munani, mana munanichu imakunata wañuchishpa kuwanaykichipa’. Manami shamushkanichu kayanapa ucha illakunata, ashwan shamushkanimi uchasapakunata kayanaynipa Yaya Diostaña kasunankunapa”.
Jesusta tapunahun ayunumanta
(Mr 2.18-22; Lc 5.33-39)
14Chaymanta Bawtisak Juanpa disipulonkunaka Jesusta kayllayashpankuna tapurkakuna: “¿Imaraykutaya ñukanchikuna, chaymanta fariseokunapas, achka kuti kanchi mana mikushpa. Imaraykutaya kanpa runaykikunaka mana chasna ruranahunchu?”
15Jesuska paykunata aynirka: “¿Alichu kama kayarishka runakunaka shuk kasarana punchapi llakiywa kanankunapa, chaypi kahushkanpi kasarak runaka?” ¡Manami chasnachu! Ashwan paktankami shuk puncha maypimi kay kasarak runata kichunkakuna. Chaypirami ayunankakuna.
16Nima pi rimintanchu shuk mawka llachapata shuk mushu llachapawa, mushu llachapaka suniyachin mawka llachapata chasna ashwanta likirin.
17Chasnallatatami mushu vinu putskurihushkata mana churanchimachu shuk mawka karamanta rurarishka bulsapi, chay vinu urtiyashpan putskurihushpanka mawka bulsaka tukyashpan vinuka talirin. Ishkanti chinkarinahun. Chayrayku mushu vinuta mushu karamanta rurarishka bulsapi churanchi. Chasnaka ishkantimi mana waklinkachu.
Jesuska Jairopa warmi wawanta kawsachirka, chaymantapas anpirka shuk unkushka warmita
(Mr 5.21-43; Lc 8.40-56)
18Jesús chay runakunata yachachihushkanllapi, paktarka shuk kamachik Judiukunapa kunkurishpan paypa puntanpi rimarka: “Kunalla wawaynika wañushka; chasna wañushka kashpanpas shamushpayki churay makikita paypi, churashpayki wawaynika kawsarinkami”.
19Jesuska atarishpan, katirka disipulunkunawa pakta.
20Chasna rihushkankunapi, shuk unkushka warmi Jesusta washanmanta kayllayarka. Payka chunka ishkay watata unkushka karka. Tukuy uras yawar paymanta urmapayan. Chay warmika Jesuspa washanmanta churarishkanta llankarka.
21Payka yuyarirka: “Churarishkanta llankashpaynillami anpirishka kiparisha”.
22Chaypi Jesuska washanma tikrarishpan payta rikushpan rimarka: “Wawayni, sinchikuriy; sinchita kirinaykimi kanta kishpichishka”. Chay ratulla chay warmika anpirishka kiparirka.
23Chay washa Jesuska yaykurka chay kamachikpa wasinpi. Chaypi rikurka kenata pukuk runakunata, chaymanta runakuna wakahukkunata.
24Paykunata rimarka: “Llukshiychi kaymanta. Kay wawaka manami wañushkachu, puñuhunmi”. Chasna rimashpan tukuy chay runakunaka Jesusta asichirkakuna.
25Chaypiña Jesuska tukuy chay runakunata kanchama llukshichirka. Chaymanta yaykushpan chay wawata makinmanta apirka. Chaypiña chay wawaka atarirka.
26Chaymanta tukuy chay llaktakunapi kawsak runakunaka Jesús chay wawata kawsachishkanmanta yacharkakuna.
Jesuska ishkay wisku runata anpirka
27Chaymanta Jesuska llukshishpan, ishkay wisku runakuna sinchita kaparishpa katirkakuna kasna nishpa: “Apu Davidpa Wawan llakichi ñukanchita”.
28Chay wasipi Jesuska paktashpan chay ishkay wiskukunaka kayllayarkakuna chaypi paykunata tapurka: “¿Kirinkichichu ñuka kankunata anpinaynita?” Paykunaka aynirkakuna: “Ari Yaya”.
29Chaypiña Jesuska ñawinkunata llankashpan rimarka: “Kiriwashkaykichirayku anpirishka kiparinkichi”.
30Chay ishkay runakunaka alitaña rikurkakuna. Chaypiña Jesuska paykunata alita kunarka: “Kuyrariychi nima pi kaymanta yachananpa”.
31Paykuna llukshishkankunawasha, kwintakrirkakuna Jesus rurashkanta tukuy chay llaktakunapi kawsak runakunata.
Jesuska mana rimanata atipak runata anpirka
32Chay ishkay runakuna llukshishkankunawasha, shuk runata Jesusma apamurkakuna. Chay runaka supay yaykushka kashpan mana atiparkachu rimanata.
33Jesuska supayta chay runamanta llukshichishpanña chay runaka atiparka rimanata. Chayta rikushpankuna chay runakunaka mancharishpankuna rimarkakuna paykunapura: “Nima ima uras rikushkanchichu chasna anpik runata kay Israel allpanchipi”.
34Chay fariseokunaka rimarkakuna: “Kay anpik runaka supaykunapa apunpa yachayninwa supaykunata llukshichin.”
Jesuska runakunata rikushpan llakirirka
35Chaymanta Jesuska purirka tukuy llaktakunapi, uchilla llaktakunapipas tantarinankuna wasikunapi runakunata yachachinanpa Yaya Diospa ali kamachinan kay allpapi ña kallarishkanmanta. Chasna yachachihushpan Jesuska runakunata tukuy unkuykunamanta parisinakunamantapas anpipayarka.
36Jesuska chay achka runakunata rikushpan llakirirka, paykuna mana amuyu shikwarishka sanpayashka obehakunashina kashpankuna.
37Chaypiña rimarka disipulunkunata: “Kay runakuna ña pallanapa pukushka muyukunashina kahunkuna. Chasna kashpanpas Yaya Diospa shiminta yachachikkunaka mana achkachu kanahun.
38Chayrayku Yaya Diosta mañaychi, yachachikkunata kachananpa, runakunata yachachikrinankunapa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company