San Mateo 16
16
Tapuna shuk nima ima uras rikushkamanta
(Mr 8.11-13; Lc 12.54-56)
1Chaymanta fariseokuna saduseokunawa kayllayarkakuna Jesusta, payta kamanankunapa. Chaypi tapurkakuna “Ruray ñukanchirayku shuk nima ima uras rikushkanchita yachanachipa kan shamushkaykita Yaya Diosmanta”.
2Jesuska paykunata aynirka: —Ña tutayahushpan, kankunaka rimankichi: “Ali punchami kanka, siluka pukahalla rikurihushkanrayku”. 3Shuk tutamanta, kankunaka rimankichi: “Kunan wayraka tamyawa chapu shamunka, siluka pukayarishka, chaymanta amsayarishka kahushkanrayku”. Chasna tukuy chaykunata yachashpaykichipas ¿imaraykutaya rurashkaynikunata rikushpaykichi mana yachankichichu? 4Kankuna mana kasuk uchayu runakuna tapuwashpaykichipas Yaya Diospa yachayninwa rurashkaynita rikuchinaynipa, manami rurashanchu. Ashwan rurarasha maykanmi profeta Jonasta pasarka, chayllata rurasha. Chasna nishpan paykunata sakimushpan rirka.
Jesuska yachachirka fariseokunapa yachachinankunata mana kasunankunapa
(Mr 8.14-21)
5Jesuspa disipulunkunaka kucha chinpama paktarkakuna, chaypiña yuyarirkakuna panta kunkashkankunata. 6Chaypiña, Jesuska paykunata rimarka: “Rikuychi. Kuyrariychi fariseokunapa saduseokunapa levaduramanta.”
7Paykunaka tapunakurkakuna paykuna pura: “Rimahumi panta mana apamushkanchirayku”.
8Chaypi rimahushkankunata musyashpan Jesuska rimarka: “Ñukapi mana sinchikuk karikuna. ¿Imaraykuta kankuna pura tapunakunkichi mana tiyanchu panninchi, nishpa? 9¿Manarachu asirtankichi, nima yuyarinkichichu chay pichka panwa pichka waranka karikunata karashkaynita, chaymanta maytukuy tasata tantashkaykichita? 10¿Nima chay kanchis panwa chusku waranka runakunata karashkaynita chaymanta maytukuy tasata tantarkankichi? 11¿Imashnataya mana asirtankichichu? Kankunata rimashkani kuyrariychi fariseokunapa saduseokunapa levaduranmanta, manami panmantachu rimahuni.”
12Chaypirami paykunaka asirtarkakuna. Manami kikin panta punkichik levaduramantachu rimahurka, ashwan fariseokunapa saduseokunapa millaypa yachachinankunamantami.
Pedro rimarka Jesús Yaya Diospa kachashkan Kristu#16.13 Kristu es equivalente o igual a mesias, ambas palabras significan unjido o consagrado kananta
(Mr 8.27-30; Lc 9.18-21)
13Sesarea Filipo shutiyu llaktapi paktashpan, Jesuska tapurka disipulunkunata: “¿Ima ninahuntaya runakunaka pimi kan kay Karipa Wawanka?”
14Paykunaka rimarkakuna: “Shukkunaka ninahunmi Bawtisak Juanchari; Shukkunaka ninahunmi profeta Eliaschari; Shukkunaka, ninahunmi profeta Jeremiaschari, mana kashpaka Yaya Diospa yachayninwa shuk ñawpa profetachari.”
15Chaymanta paykunata tapurka: “Kankunaka, ¿Ima ninkichitaya? ¿Pitaya kani ñukaka?”
16Chaypi Simón Pedroka aynirka: “¡Kanmi kanki Kristu, kawsak Yaya Diospa wawan!”
17Chaypiña Jesuska rimarka: “Kushilla kanki, Simón, Jonaspa wawan. Chaytaka manami runachu kanta riksichishka, ashwan Yayayni Dios silupi kawsakmi kanta riksichishka.
18Ñukami kanta rimani, kanmi kanki Pedro#16.18 Pedro quiere decir “piedra”, pedro ninayan “rumi”, kay atun rumipimi rurasha iglesiaynita, chay iglesiaynitaka wañuyka mana atipankachu winsinata.
19Kantami kushkayki chay paskana punku silupata. Tukuy watashkaykita kay allpapi watarishka kanka silupipas, tukuy paskashkaykita kay allpapi paskarishka kanka silupipas.”
20Chaymanta kamachirka disipulunkunata, “ama nima pita rimankichirachu ñuka Yaya Diospa kachashkan Kristu kanaynita”.
Jesuska wañunanmanta rimarka
(Mr 8.31—9.1; Lc 9.22-27)
21Chaymanta pacha Jesuska disipulonkunata alita asirtachishpa rimarka, payka rinan tiyan Jerusalenma, chaypi yapa parisinan tiyan rukukunapa makinkunapi, saserdotekunapa apunkunapi, Moisespa killkashkanta yachachikkunapipas chasna wañuchinkakuna, kimsa punchamantami kawsarinka.
22Pedroka Jesusta chaynikstuma pushashpan rimarka: “¡Yayayni, llakichiri kan kikinta! ¡Kayka mana pasanan tiyanchu!”
23Ashwan Jesuska tikrarishpan Pedrota rimarka “¡Anchuriy ñukamanta, Satanas! ¡Llullachinayawahunkimi! ¡Kanka mana yuyarihunkichu Yaya Diospa munashkanta, ashwan runapa yuyarinanllatami rimawahunki!”
24Chaymanta Jesuska disipulunkunata rimarka: “Maykanpas katinayawahushpanka ama rurachu pay munashkanllata. Krusninta apishpan katiwachu.
25Tukuy maykanmi kawsayninta kishpichinayan, chinkachinkami; chaymanta tukuy maykanmi kawsayninta chinkachin ñuka ranti, tarinkami. 26¿Imata valin shuk runa tukuy kay mundupi tiyashkata apinanpa, tukuy chaykunata apishpanpas wiñaypami wañunka? ¿Imatata atipan kunata shuk runaka kawsaynin ranti? 27Karipa Wawanka shamunka suma chuyahlla rikurishpa Yayanpa angelninkunawa. Chay urasmi kunka karan shukta imashna rurashkankunamanta. 28Shutipatami rimahuni, shukkuna kaypi kahunkuna manami wañunkakunachu rikunankunakama Karipa Wawanta shamuhushkata kay allpapi kamachik tukunaynipa.”
Currently Selected:
San Mateo 16: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 16
16
Tapuna shuk nima ima uras rikushkamanta
(Mr 8.11-13; Lc 12.54-56)
1Chaymanta fariseokuna saduseokunawa kayllayarkakuna Jesusta, payta kamanankunapa. Chaypi tapurkakuna “Ruray ñukanchirayku shuk nima ima uras rikushkanchita yachanachipa kan shamushkaykita Yaya Diosmanta”.
2Jesuska paykunata aynirka: —Ña tutayahushpan, kankunaka rimankichi: “Ali punchami kanka, siluka pukahalla rikurihushkanrayku”. 3Shuk tutamanta, kankunaka rimankichi: “Kunan wayraka tamyawa chapu shamunka, siluka pukayarishka, chaymanta amsayarishka kahushkanrayku”. Chasna tukuy chaykunata yachashpaykichipas ¿imaraykutaya rurashkaynikunata rikushpaykichi mana yachankichichu? 4Kankuna mana kasuk uchayu runakuna tapuwashpaykichipas Yaya Diospa yachayninwa rurashkaynita rikuchinaynipa, manami rurashanchu. Ashwan rurarasha maykanmi profeta Jonasta pasarka, chayllata rurasha. Chasna nishpan paykunata sakimushpan rirka.
Jesuska yachachirka fariseokunapa yachachinankunata mana kasunankunapa
(Mr 8.14-21)
5Jesuspa disipulunkunaka kucha chinpama paktarkakuna, chaypiña yuyarirkakuna panta kunkashkankunata. 6Chaypiña, Jesuska paykunata rimarka: “Rikuychi. Kuyrariychi fariseokunapa saduseokunapa levaduramanta.”
7Paykunaka tapunakurkakuna paykuna pura: “Rimahumi panta mana apamushkanchirayku”.
8Chaypi rimahushkankunata musyashpan Jesuska rimarka: “Ñukapi mana sinchikuk karikuna. ¿Imaraykuta kankuna pura tapunakunkichi mana tiyanchu panninchi, nishpa? 9¿Manarachu asirtankichi, nima yuyarinkichichu chay pichka panwa pichka waranka karikunata karashkaynita, chaymanta maytukuy tasata tantashkaykichita? 10¿Nima chay kanchis panwa chusku waranka runakunata karashkaynita chaymanta maytukuy tasata tantarkankichi? 11¿Imashnataya mana asirtankichichu? Kankunata rimashkani kuyrariychi fariseokunapa saduseokunapa levaduranmanta, manami panmantachu rimahuni.”
12Chaypirami paykunaka asirtarkakuna. Manami kikin panta punkichik levaduramantachu rimahurka, ashwan fariseokunapa saduseokunapa millaypa yachachinankunamantami.
Pedro rimarka Jesús Yaya Diospa kachashkan Kristu#16.13 Kristu es equivalente o igual a mesias, ambas palabras significan unjido o consagrado kananta
(Mr 8.27-30; Lc 9.18-21)
13Sesarea Filipo shutiyu llaktapi paktashpan, Jesuska tapurka disipulunkunata: “¿Ima ninahuntaya runakunaka pimi kan kay Karipa Wawanka?”
14Paykunaka rimarkakuna: “Shukkunaka ninahunmi Bawtisak Juanchari; Shukkunaka ninahunmi profeta Eliaschari; Shukkunaka, ninahunmi profeta Jeremiaschari, mana kashpaka Yaya Diospa yachayninwa shuk ñawpa profetachari.”
15Chaymanta paykunata tapurka: “Kankunaka, ¿Ima ninkichitaya? ¿Pitaya kani ñukaka?”
16Chaypi Simón Pedroka aynirka: “¡Kanmi kanki Kristu, kawsak Yaya Diospa wawan!”
17Chaypiña Jesuska rimarka: “Kushilla kanki, Simón, Jonaspa wawan. Chaytaka manami runachu kanta riksichishka, ashwan Yayayni Dios silupi kawsakmi kanta riksichishka.
18Ñukami kanta rimani, kanmi kanki Pedro#16.18 Pedro quiere decir “piedra”, pedro ninayan “rumi”, kay atun rumipimi rurasha iglesiaynita, chay iglesiaynitaka wañuyka mana atipankachu winsinata.
19Kantami kushkayki chay paskana punku silupata. Tukuy watashkaykita kay allpapi watarishka kanka silupipas, tukuy paskashkaykita kay allpapi paskarishka kanka silupipas.”
20Chaymanta kamachirka disipulunkunata, “ama nima pita rimankichirachu ñuka Yaya Diospa kachashkan Kristu kanaynita”.
Jesuska wañunanmanta rimarka
(Mr 8.31—9.1; Lc 9.22-27)
21Chaymanta pacha Jesuska disipulonkunata alita asirtachishpa rimarka, payka rinan tiyan Jerusalenma, chaypi yapa parisinan tiyan rukukunapa makinkunapi, saserdotekunapa apunkunapi, Moisespa killkashkanta yachachikkunapipas chasna wañuchinkakuna, kimsa punchamantami kawsarinka.
22Pedroka Jesusta chaynikstuma pushashpan rimarka: “¡Yayayni, llakichiri kan kikinta! ¡Kayka mana pasanan tiyanchu!”
23Ashwan Jesuska tikrarishpan Pedrota rimarka “¡Anchuriy ñukamanta, Satanas! ¡Llullachinayawahunkimi! ¡Kanka mana yuyarihunkichu Yaya Diospa munashkanta, ashwan runapa yuyarinanllatami rimawahunki!”
24Chaymanta Jesuska disipulunkunata rimarka: “Maykanpas katinayawahushpanka ama rurachu pay munashkanllata. Krusninta apishpan katiwachu.
25Tukuy maykanmi kawsayninta kishpichinayan, chinkachinkami; chaymanta tukuy maykanmi kawsayninta chinkachin ñuka ranti, tarinkami. 26¿Imata valin shuk runa tukuy kay mundupi tiyashkata apinanpa, tukuy chaykunata apishpanpas wiñaypami wañunka? ¿Imatata atipan kunata shuk runaka kawsaynin ranti? 27Karipa Wawanka shamunka suma chuyahlla rikurishpa Yayanpa angelninkunawa. Chay urasmi kunka karan shukta imashna rurashkankunamanta. 28Shutipatami rimahuni, shukkuna kaypi kahunkuna manami wañunkakunachu rikunankunakama Karipa Wawanta shamuhushkata kay allpapi kamachik tukunaynipa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company