San Mateo 15
15
Maykanmi runata susyayachin
(Mr 7.1-23)
1Chaymanta shuk fariseokuna Moisespa killkashkanta yachachikkunapas Jerusalenmanta shamushpankuna, Jesusta kayllayashpankuna tapurkakuna:
2“¿Imaraykutaya kanpa disipuluykikunaka yaya rukunchikuna wañupa rurashkankunata mana kasunahunchu? ¡Makinkunata mana mayllanahunchu mikunankunapa!”
3Chaypi Jesuska paykunata aynirka: —¿Imaraykutaya kankunapas mana kasunkichichu Yaya Diospa kamachishkanta yaya rukuykichi wañupa rurashkankunallata kasushpa kawsankichi? 4Kasnami Yaya Dioska rimarka: “Yayaykichita mamaykichita yuyashpa kasushpa kawsaychi”; Chaymantapas kamachirka: “Maykanmi yayanta mamanta, kushway nishpa riman chay runaka wañunan tiyan.” 5Ashwan kankunaka rimankichi: “Maykanpas yayanta mamanta rimashpanka: ‘Tukuy chay tiyaskanwa yanapanayni kashka ofrendata Yaya Diostami kushkani’. 6Chasnaka manañami yuyankichiñachu yayaykichita mamaykichitapas”. Chasna, yaya rukuykichi wañupa rurashkanllatami rurashpa kawsahushkaykichirayku, Yaya Diospa kamachishkankunataka manañami rurahunkichichu.
7¡Llullaysikikuna! Shutipami rimarka kankunamanta Isaiaska kasna rimashpan:
8“Kay runakunaka shiminkunallawami yuyawanahun,
manami tukuy shunkunkunamanta pachachu yuyawanahun.
9Yankami ñukata mañana wasipi tantarinahun, kushichiwanankunapa.
Yachachishkankunaka kanahun runakunapa kamachishkankunashinalla”.
10Chaywasha, Jesuska runakunata kayashpan rimarka: “Uyawaychi, asirtawaychi: 11Maykanmi runata susyayachin mana kanchu maykanmi yaykun shimimanta. Ashwan, maykanmi runata susyayachin kan maykanmi llukshin shiminmanta”.
12Chaypi disipulunkunaka kayllayashpankuna tapurkakuna: “¿Yachankichu chay fariseokuna rimashkaykita uyashpankuna piñarishkankunata?”
13Payka aynirka: “Tukuy tarpu maykantami Yayayni Dioska mana tarpuskachu, sapinmantapacha pitirishka kanka.
14Sakiychi, paykunaka wisku runakuna kanahun, wisku masinkunata riksichinayanahun. Shuk wisku riksichinayahushpanka wisku masinta, ishkantimi urmanahuma uchkuma.”
15Pedroka rimarka: “Ñukanchita asirtachi chay mana asirtaypa yachachinata.”
16Chaypi Jesuska aynirka: —¿Kankunapas manarachu asirtankichi chay yachachishkaynita?
17¿Manachu asirtankichi tukuy maykanmi yaykun shiminchimanta chayka rin wiksanchima, chaywasha wichunchi allpa allarishka uchkuma? 18Maykanmi llukshin shiminchimanta, chaymi llukshin shunkunchimanta; chay shuti susyachin runata. 19Tukuy shunkunchimantami llukshin millaypa yuyaykunaka, chay millaypa kanahun: runakunata wañuchik, shuk runa kusayu warmiwa mana kusayu warmiwa kawsana, shuk warmi manara kusayahushpanra musayan achka runakunawa, shuwakuna, llulla testimoniukuna, chaymanta runa masinta chiknishpa kamina. 20Tukuy kaykunami runata susyata ruranahun. Mana makinchita yakuwa mayllashpa mikushpanchika manami susyayanchichu.
Shuk mana israel warmi Jesuspi sinchikurirka
(Mr 7.24-30)
21Jesuska chay llaktamanta llukshishpan, rirka Tiro, Sidón llaktakunama. 22Kunkaymanta shuk warmika llukshirka. Kanaán allpapi kawsak runakunamanta, kashpan mana israel warmichu karka. Payka kaparishpan rimarka: “¡Yayayni, Davidpa miraymanta, llakichiway ñukata! ¡Warmi wawaynipimi supayka yaykushpan yapa parisichishpa kawsan.”
23Jesuska chayta uyashpanpas nima imata aynirkachu. Chaypiña disipulunkunaka kayllayashpankuna sinchita tapurkakuna: “Chay warmita rimay, kaymanta anchurinanpa yapami washanchita kaparishpa katimuhun”.
24Jesuska chay warmita aynirka: “Yaya Dioska kachawashkami israel runa masinikunallata yanapanaynipa. Paykunami obeha chinkarishkashina kawsahunkuna.”
25Chaypiña chay warmika shamurka, Jesuspa puntanpi kunkurikrishpan rimarka: “¡Yayayni, yanapaway!” 26Chaypi Jesuska aynirka: “Mana alichu kan apinanchipa wawakunarayku, mikuna kahushkata wichunanchipaña allkukunarayku.”
27Chay warmika aynirka: “Shutipami, Yayayni. Allkustukunapas mikunahun mesamanta amunka uchillastu wichachishkanta.”
28Chaypi, Jesuska rimarka: “¡Warmi, maytukuytata shunkuykimanta pacha kiriwanki! ¡Chasna paktachirishka kachu imashnami kan munanki!” Chay ratulla wawanka anpirishka kiparirka.
Jesuska achka unkushkakunata anpirka
(Mr 7.31-37)
29Jesuska chaymanta rirka, Galilea kucha mayanpi paktarka. Chay washa luma awama sikashpan tiyarikrirka. 30Achka runakuna kayllayarkakuna payma, apamushpa, mana purinata atipakkunata, wiskukunata, waklishka makiyu waklishka chakiyu runakunata, mana rimanata atipakkunatapas tukuy paykunata yaya Jesuspa puntanpi churarkakuna, chaypiña paykunata anpirka. 31Chay tukuy runakuna mancharishka kiparirkakuna, rikushpankuna mana rimakuna rimahushkankunata, maki illa anpirishka kahukunata, mana atipak purinata, purihukkunata wiskukunaka rikurkakuna. Chayta rikushpankuna Israel runakunapi kawsak Yaya Diosta kushichirkakuna.
Jesuska chusku waranka runakunata kararka
(Mr 8.1-10)
32Jesuska disipulunkunata kayashpan rimarka: “Llakichinimi kay runakunata. Ñami kimsa punchata ñukawa kahunkuna, mikuna illa, mana tiyanchu imatami mikunkakuna. Manami kachanayanichu mana mikushpa rinankunapa. Chasna mana mikushpa rishpankunaka pakta chawpipi ñanpipi lismayanahuma.”
33Chaypi disipulunkunaka rimarkakuna: “Kay runa illapika, ¿Maymantataya kay tukuy achka runakunaraykuka tarinchima mikunata kaypika nima shuk runa kawsanchu?”
34Jesuska paykunata tapurka: “¿Maytukuy pantaya tiyan kankunapaka?” Paykunaka aynirkakuna: “Kanchis panllami, chaymanta masna challwastukuna.”
35Chaypiña Jesuska chay runakunata rimarka allpapi tiyarinankunapa. 36Chaymanta chay kanchis pankunata challwastukunatapas apishpan Yayan Diosta agradesirka. Chaymanta pakishpan kurka disipulunkunata, paykunaña kurkakuna chay tukuy runakunata. 37Tukuy mikurkakuna saksanankunakama, mikushkankunawasha puchurishkantaña tantarkakuna kanchis tasa untaktata. 38Chay mikushka runakunaka karkakuna chusku waranka karikuna, nima yupashpa warmikunata nima wawkunatapas.
39Rimashkan washa runakunata, Jesuska yaykushpan botipi rirka Magdala allpama.
Currently Selected:
San Mateo 15: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 15
15
Maykanmi runata susyayachin
(Mr 7.1-23)
1Chaymanta shuk fariseokuna Moisespa killkashkanta yachachikkunapas Jerusalenmanta shamushpankuna, Jesusta kayllayashpankuna tapurkakuna:
2“¿Imaraykutaya kanpa disipuluykikunaka yaya rukunchikuna wañupa rurashkankunata mana kasunahunchu? ¡Makinkunata mana mayllanahunchu mikunankunapa!”
3Chaypi Jesuska paykunata aynirka: —¿Imaraykutaya kankunapas mana kasunkichichu Yaya Diospa kamachishkanta yaya rukuykichi wañupa rurashkankunallata kasushpa kawsankichi? 4Kasnami Yaya Dioska rimarka: “Yayaykichita mamaykichita yuyashpa kasushpa kawsaychi”; Chaymantapas kamachirka: “Maykanmi yayanta mamanta, kushway nishpa riman chay runaka wañunan tiyan.” 5Ashwan kankunaka rimankichi: “Maykanpas yayanta mamanta rimashpanka: ‘Tukuy chay tiyaskanwa yanapanayni kashka ofrendata Yaya Diostami kushkani’. 6Chasnaka manañami yuyankichiñachu yayaykichita mamaykichitapas”. Chasna, yaya rukuykichi wañupa rurashkanllatami rurashpa kawsahushkaykichirayku, Yaya Diospa kamachishkankunataka manañami rurahunkichichu.
7¡Llullaysikikuna! Shutipami rimarka kankunamanta Isaiaska kasna rimashpan:
8“Kay runakunaka shiminkunallawami yuyawanahun,
manami tukuy shunkunkunamanta pachachu yuyawanahun.
9Yankami ñukata mañana wasipi tantarinahun, kushichiwanankunapa.
Yachachishkankunaka kanahun runakunapa kamachishkankunashinalla”.
10Chaywasha, Jesuska runakunata kayashpan rimarka: “Uyawaychi, asirtawaychi: 11Maykanmi runata susyayachin mana kanchu maykanmi yaykun shimimanta. Ashwan, maykanmi runata susyayachin kan maykanmi llukshin shiminmanta”.
12Chaypi disipulunkunaka kayllayashpankuna tapurkakuna: “¿Yachankichu chay fariseokuna rimashkaykita uyashpankuna piñarishkankunata?”
13Payka aynirka: “Tukuy tarpu maykantami Yayayni Dioska mana tarpuskachu, sapinmantapacha pitirishka kanka.
14Sakiychi, paykunaka wisku runakuna kanahun, wisku masinkunata riksichinayanahun. Shuk wisku riksichinayahushpanka wisku masinta, ishkantimi urmanahuma uchkuma.”
15Pedroka rimarka: “Ñukanchita asirtachi chay mana asirtaypa yachachinata.”
16Chaypi Jesuska aynirka: —¿Kankunapas manarachu asirtankichi chay yachachishkaynita?
17¿Manachu asirtankichi tukuy maykanmi yaykun shiminchimanta chayka rin wiksanchima, chaywasha wichunchi allpa allarishka uchkuma? 18Maykanmi llukshin shiminchimanta, chaymi llukshin shunkunchimanta; chay shuti susyachin runata. 19Tukuy shunkunchimantami llukshin millaypa yuyaykunaka, chay millaypa kanahun: runakunata wañuchik, shuk runa kusayu warmiwa mana kusayu warmiwa kawsana, shuk warmi manara kusayahushpanra musayan achka runakunawa, shuwakuna, llulla testimoniukuna, chaymanta runa masinta chiknishpa kamina. 20Tukuy kaykunami runata susyata ruranahun. Mana makinchita yakuwa mayllashpa mikushpanchika manami susyayanchichu.
Shuk mana israel warmi Jesuspi sinchikurirka
(Mr 7.24-30)
21Jesuska chay llaktamanta llukshishpan, rirka Tiro, Sidón llaktakunama. 22Kunkaymanta shuk warmika llukshirka. Kanaán allpapi kawsak runakunamanta, kashpan mana israel warmichu karka. Payka kaparishpan rimarka: “¡Yayayni, Davidpa miraymanta, llakichiway ñukata! ¡Warmi wawaynipimi supayka yaykushpan yapa parisichishpa kawsan.”
23Jesuska chayta uyashpanpas nima imata aynirkachu. Chaypiña disipulunkunaka kayllayashpankuna sinchita tapurkakuna: “Chay warmita rimay, kaymanta anchurinanpa yapami washanchita kaparishpa katimuhun”.
24Jesuska chay warmita aynirka: “Yaya Dioska kachawashkami israel runa masinikunallata yanapanaynipa. Paykunami obeha chinkarishkashina kawsahunkuna.”
25Chaypiña chay warmika shamurka, Jesuspa puntanpi kunkurikrishpan rimarka: “¡Yayayni, yanapaway!” 26Chaypi Jesuska aynirka: “Mana alichu kan apinanchipa wawakunarayku, mikuna kahushkata wichunanchipaña allkukunarayku.”
27Chay warmika aynirka: “Shutipami, Yayayni. Allkustukunapas mikunahun mesamanta amunka uchillastu wichachishkanta.”
28Chaypi, Jesuska rimarka: “¡Warmi, maytukuytata shunkuykimanta pacha kiriwanki! ¡Chasna paktachirishka kachu imashnami kan munanki!” Chay ratulla wawanka anpirishka kiparirka.
Jesuska achka unkushkakunata anpirka
(Mr 7.31-37)
29Jesuska chaymanta rirka, Galilea kucha mayanpi paktarka. Chay washa luma awama sikashpan tiyarikrirka. 30Achka runakuna kayllayarkakuna payma, apamushpa, mana purinata atipakkunata, wiskukunata, waklishka makiyu waklishka chakiyu runakunata, mana rimanata atipakkunatapas tukuy paykunata yaya Jesuspa puntanpi churarkakuna, chaypiña paykunata anpirka. 31Chay tukuy runakuna mancharishka kiparirkakuna, rikushpankuna mana rimakuna rimahushkankunata, maki illa anpirishka kahukunata, mana atipak purinata, purihukkunata wiskukunaka rikurkakuna. Chayta rikushpankuna Israel runakunapi kawsak Yaya Diosta kushichirkakuna.
Jesuska chusku waranka runakunata kararka
(Mr 8.1-10)
32Jesuska disipulunkunata kayashpan rimarka: “Llakichinimi kay runakunata. Ñami kimsa punchata ñukawa kahunkuna, mikuna illa, mana tiyanchu imatami mikunkakuna. Manami kachanayanichu mana mikushpa rinankunapa. Chasna mana mikushpa rishpankunaka pakta chawpipi ñanpipi lismayanahuma.”
33Chaypi disipulunkunaka rimarkakuna: “Kay runa illapika, ¿Maymantataya kay tukuy achka runakunaraykuka tarinchima mikunata kaypika nima shuk runa kawsanchu?”
34Jesuska paykunata tapurka: “¿Maytukuy pantaya tiyan kankunapaka?” Paykunaka aynirkakuna: “Kanchis panllami, chaymanta masna challwastukuna.”
35Chaypiña Jesuska chay runakunata rimarka allpapi tiyarinankunapa. 36Chaymanta chay kanchis pankunata challwastukunatapas apishpan Yayan Diosta agradesirka. Chaymanta pakishpan kurka disipulunkunata, paykunaña kurkakuna chay tukuy runakunata. 37Tukuy mikurkakuna saksanankunakama, mikushkankunawasha puchurishkantaña tantarkakuna kanchis tasa untaktata. 38Chay mikushka runakunaka karkakuna chusku waranka karikuna, nima yupashpa warmikunata nima wawkunatapas.
39Rimashkan washa runakunata, Jesuska yaykushpan botipi rirka Magdala allpama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company