San Mateo 13
13
Jesuska mana asirtaypa yachachinawa yachachin tarpuk runamanta
(Mr 4.1-9; Lc 8.4-8)
1Chay punchalla, Jesuska wasimanta llukshishpan rirka Galilea kucha mayanpi. Chaypi yachachinanpa tiyarirka. 2Chaypi achka runakuna shamurkakuna, uyanankunkunapa. Chayrayku Jesuska shuk botipi yaykushpan tiyarirka, paykunata yachachinanpa. Chasna chay runakunaka tiyullapi kiparirkakuna. 3Chaypi yachachirka mana asirtaypa yachachinakunawa achka imakunamanta kasna nishpa: —Shuk runaka llukshirka chakranpi tarpunanpa. 4Tarpuhushpan, shuk parti muyukunaka urmarkakuna ñanpi mayanpi; shamurkakuna pishkukunaka mikurkakuna. 5Shuk parti urmarkakuna rumisapapi, maypimi mana yapa allpaka tiyarkachu, utkalla tukyarirkakuna mana yapa allpaka tiyahushkanrayku. 6Chaypi intika llukshishpan, rupachirka chakichirkapas, mana ankunkunaka tiyashkanrayku. 7Shuk muyukunaka urmarkakuna kashasapa allpapi. Chay kashakunaka utkalla wiñashpankuna llanputa wañuchirka. 8Shuk muyukunaka urmarkakuna ali allpapi. Chaykunaka muyuyarkakuna shuk pachak muyukunata, shukkunaka sokta chunka muyukunata, shukkunaka kimsa chunka muyukunata shukmantalla. 9“¡Maykanpami tiyan rinkrinka uyananpa, uyachun”.
Jesuska disipulonkunata yachachishkanta asirtachirka
(Mr 4.10-12; Lc 8.9-10)
10Disipulunkunaka kayllayashpankuna tapurkakuna: “¿Imaraykuta runakunata mana asirtaypakunawa yachachinki?”
11Jesuska paykunata aynirka: —Kankunallata Yaya Dioska yachachihun kay allpapi paypa ali kamachinanka imashna kashkanta, shuk runakunataka manami asirtachinkachu.
12Tukuy payta kasukkunataka sumaktami yanapanka ashwanta yachanankunapa. Mana kasunayakkunataka uchillastu yachashkanta kichunkami, manaña asirtankakunachu nima uchillastuta.
13Chayrayku paykunata yachachini mana asirtaypa yachachinakunawa:
Rikushpankunapas mana rikunahunchu,
uyashpankunapas mana uyanahunchu, nima asirtanahunchu.
14Kay runakunapaka paktarishka ñawpa Isaias wañupa rimashkanka, kasna nishpa:
Kankuna uyashpaykichipas rinrikichiwa mana asirtankichichu;
rikuhushpaykichipas ñawikichiwa manami rikunkichichu.
15Kay runakunapa shunkunkunaka sinchiyarishka kanahun;
parisishpa uyanahun rinrinkunawa;
ñawinkunaka taparishka,
mana rikunankunapa,
rinrinkunawa mana uyanankunapa,
shunkunkunawa mana asirtanankunapa chasna ñukama mana kutinankunapa,
¡Ñuka anpinaynipa!
16Kushilla kankichi kankunapa ñawikichi rikuhushkaykichirayku, rinrikichipas uyahushkanrayku.
17Shutipata rimashkaykichi, achka profetakuna, chaymanta achka ali rurak runakunapas rikunayarkakuna maykantami kunan rikuhunkichi, mana rikurkakunachu, chaymantapas uyanayarkakuna maykantami kankuna uyankichi, mana uyarkakunachu.
Jesuska asirtachin tarpuk runamanta yachachishkanta
(Mr 4.13-20; Lc 8.11-15)
18Kunan uyaychi imatami rimanayan kay mana asirtaypa yachachinakunawa yachachishkaynika, chay tarpuk runamanta: 19Maykanmi uyan Yaya Diospa shiminta, mana asirtanchu, shamun supayka tukuy asirtashkanta shunkunmanta anchuchin. Chay runami kan chay chakra ñanpi mayanpishina.
20Chaymanta maykanmi uyan Yaya Diospa shiminta, chay ratulla kushilla uyan. Chaymi kan chay runa rumisapa chakrashina. 21Mana ukupi ankuyushina kashpankuna, shuk ratullami Yaya Diosta kushilla katinahun. Kirik tukushkankunarayku runa masinkuna asichishpa, parisichihushpankuna nanayta, llakiyta, musyashpankuna sakinahunña.
22Chaymanta shuk runakunapas kanahun kashasapa chakrashina. Chay runami kan maykanmi uyan Yaya Diospa shiminta, ashwan chay llullachinakuna kay mundumanta chinkachinahun chay yachakushkankunata, chayrayku manaña muyuyanñachu. 23Shuk runakuna kanahun ali allpashina. Chaymi kan maykanmi alita uyan, Yaya Diospa shiminta asirtanpas. Paykunaka shuk muyumanta shuk pachak muyuta muyuyakshinami kanahun, shukkunaka sokta chunka muyuta muyuyakshinami kanahun, shukkunaka kimsa chunka muyuta muyuyakshinami kanahun.
Trigu chawpipi millaypa kiwa wiñashkamanta mana asirtaypa yachachina
24Chaymanta Jesuska kwintarka shuk mana asirtaypa yachachinata: —Yaya Diospa ali kamachinanka kay allpapi kan shuk runa chakranpi ali muyuta tarpushkashina. 25Chaypi chay tarawakkunaka puñuhushkakunapi, kuntranka rirka millaypa kiwata tarpunanpa, trigukuna chawpipi, chay washa kutirka. 26Chay trigu muyukuna wiñashpan, ña muyuyahushkanpi chay millaypa kiwakunapas sumakta wiñarkakuna. 27Chaypiña, disipulunkunaka rirkakuna tapukrinankunapa chay chakrapa amunta: “Patroyni, ¿Manachu tarpurkanki ali muyukunata chay chakraykipi? ¿Maymantataya chay millaypa kiwakunaka wiñashkakuna?” 28Chakrapa amunka rimarka: “Chaytaka rurashkami kuntrayni”. Chaypi disipulunkunaka patroyninta tapurkakuna: “¿Munankichu chay kiwakunata pitikrinanchipa?” 29Chaypi patroyninka aynirka: “Mana, chay millaypa kiwakunata pitihushpaykichika trigutapas pitinkichimi. 30Sakiychi parihulla wiñanankunapa pallananchi punchakama. Paktarishpan chay pallana punchaka, ñukami kachasha pallak runakunata, chay millaypa kiwakunataka pitishpankuna tantachishpa rupachinankunapa. Chaywasharami trigu muyuta pallashpankuna wakaychana wasinipi churankakuna.”
Mostasa muyumanta mana asirtaypa yachachina
(Mr 4.30-32; Lc 13.18-19)
31Jesuska kwintarka shuk mana asirtaypa yachachinata: “Yaya Diospa ali kamachinanka kay allpapi kan imashnami mostasa#13.31 Mostasa Mostasaka uchilla muyu kan, wiñashpan awayninka kan ishkay tupu Israel llaktapi. muyuta shuk kari tarpurka chakranpi. 32Kaymi kan tukuy muyukunamanta yapa uchillastu, wiñashpan tukun tukuy tarpukunamanta yapa atun; atunta ramayan, chay ramanpi pishkukuna shamunahun wasinkunata ruranahun ramankunapi.”
Levaduramanta mana asirtaypa yachachina
(Lc 13.20-21)
33Jesuska kwintarka shuk mana asirtaypa yachachinata: “Yaya Diospa ali kamachinanka kay allpapi kan levadurashina. Shuk warmika uchilla lebadurata apishpan chapurka kimsa mati harinata, chay tukuy harinaka punkirinankama.”
Jesuska imaraykumi mana asirtaypa yachachinakunawa yachachin
(Mr 4.33-34)
34Tukuy kaykunamanta Jesuska rimarka runakunata mana asirtaypa yachachinakunawa, Nima ima uras rimarkachu kuska asirtaypa shimikunata. 35Chasna paktachirinanpa profetapa rimashkanka:
“Paskasha shiminita yachachisha mana asirtaypa yachachinakunawa,
pakalla kashkata, kay allpa rurarishkanmanta pacha.”
Jesuska disipulonkunata asirtachirka chay millaypa kiwakunamanta
36Chaymanta chay achka runakunata kutinankunapa rimashkanwasha, Jesuska yaykurka shuk wasipi. Chaypi disipulunkunaka kayllayashpankuna tapurkakuna: “Asirtachi ñukanchita chay mana asirtaypa yachachinata chay millaypa kiwa chakrapi wiñaskamanta.” 37Chaypiña Jesuska rimarka: —Maykanmi tarpun ali muyuta chaymi kan Karipa Wawan. 38Chay chakraka kan kay mundu, ali muyukunaka kanahun Yaya Diospa wawankuna, millaypa kiwakuna kanahun supaypa wawankuna. 39Kay kuntra millaypa kiwata tarpushkaka kanmi supay, kay pallana punchaka kanmi mundu tukurina, chay muyuta pallakkunaka kanahun angelkuna. 40Imashnami millaypa kiwakunata pichashpa rupachinchi ninapi, chasnallatatami kanka kay mundu tukurihuskanpi. 41Karipa Wawanka kachanka angelninkunata, paykunami tantachinkakuna tukuy partikunamanta kamachinaynipi mana ali rurak runakunata, runa masinkunata uchata rurachikkunatapas, chaymanta tukuy millaypata rurakkunatapas. 42Chaypi wichunkakuna nina mana wañukma; chaypimi paykunaka sinchita parisishpa wakankakuna, kirunkunatapas kanirinkakuna. 43Tukuy alita rurakkunaka, Yaya Diospa ali kamachinanpi rishpankuna inti sumakta punchayachihukshina rikurinkakuna. Maykanchari tiyan rinrinka uyachun.
Oro panparishkamanta mana asirtaypa yachakuna
44—Chaymanta, Yaya Diospa ali kamachinanka kan shuk allpapi yapa valik oro panparishkashina. Shuk runa allpapi panparishka yapa valik orota tarirka, chay tarishkantaka chayllapi kuti pakashpa sakirka. Chaypi yapa kushikushpa, kutishpan tukuy tiyapushkanta rantichirka. Chay kullkiwaña rantirka chay oroyu allpata.
Wallka yapa valikmanta mana asirtaypa yachachina
45Chaymanta Yaya Diospa ali kamachinanka kan shuk wirakuchashina maskashpa purin atun yapa valik suma wallkata. 46Chasna tarishpan chay suma valik wallkata, rin rantichinanpa tukuy iman tiyapushkanta; chaymanta kutishpan rantikrin chay suma valik wallkata.
Redimanta mana asirtaypa yachakuna
47—Kasnashinami, Yaya Diospa ali kamachinanka kay allpapi kan shuk redishina. Yakupi churashpanchi apin chikan chikan challwakunata. 48Chasna achka apirishpan, surkunahun allpa mayanma, chay challwata apikkunaka tiyarinahun surkunankunapa ali challwakunata tasankunapi, mana ali challwakunataka wichunahun. 49Chasnallatatami kanka kay mundu tukurihushkanpi: Angelkunaka llukshinkakuna anchuchinankunapa ali runakunata mana ali runakunamanta. 50Chay mana ali runakunataka nina mana wañukmami wichunkakuna. Chaypimi sinchita parisishpa wakankakuna, kirunkunata kanirishpa.
Jesuska mushu yachachinata mawka yachachinatapas asirtachirka
51Jesuska disipulunkunata tapurka: “¿Asirtankichichu kay yachachihushkaynikunata?”
Chaypiña paykunaka aynirkakuna: “Ari, Yayayni.”
52Chaypi Jesuska rimarka: “Tukuy Moisespa killkashkanta yachachik, Yaya Dios kamachishkanta yachakushpa paykuna kanahun shuk wasi amushina, tukuy wakaycharishka tiyapushkanta surkun, mushu imanta mawka imantapas.”
Jesuska yachachin llaktan Nasaretpi
(Mr 6.1-6; Lc 4.16-30)
53Chaymanta Jesuska tukuy chay mana asirtaypa yachachinakunata rimashkanwasha chay llaktamanta llukshirka.
54Kikin llaktanpi paktashpan, chaypi tantarinankuna wasipi yachachirka. Chasna yachachihushkanta uyashpankuna tukuy runakunaka mancharishpankuna nirkakuna: “¿Maypitaya kay runaka chay tukuyta yachakushka? ¿Imashnataya ruran mana atipaypakunata? 55¿Manachu kay runaka karpintirupa wawan? ¿Manachu mamanka Maria, wawkinkunaka Santiago, José, Simón, Judas? 56¿Paninkunaka manachu kay llaktanchipi kawsanahun? ¿Pitaya payta yachachishka chay tukuyta yachananpaka?” 57Chayrayku paykunaka mana kirinayarkakunachu Jesuspi.
Chaypi Jesuska paykunata rimarka: “Shuk profetata shuk llaktakunapi kasunahun; ashwan kikin llaktanpi, kikin wasinpipas manami ayllunkunaka kasunahunchu.” 58Chasna llaktanpi payta mana kirishkankunarayku, Jesuska mana rurarkachu achka atun yachaywa ruranakunataka.
Currently Selected:
San Mateo 13: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 13
13
Jesuska mana asirtaypa yachachinawa yachachin tarpuk runamanta
(Mr 4.1-9; Lc 8.4-8)
1Chay punchalla, Jesuska wasimanta llukshishpan rirka Galilea kucha mayanpi. Chaypi yachachinanpa tiyarirka. 2Chaypi achka runakuna shamurkakuna, uyanankunkunapa. Chayrayku Jesuska shuk botipi yaykushpan tiyarirka, paykunata yachachinanpa. Chasna chay runakunaka tiyullapi kiparirkakuna. 3Chaypi yachachirka mana asirtaypa yachachinakunawa achka imakunamanta kasna nishpa: —Shuk runaka llukshirka chakranpi tarpunanpa. 4Tarpuhushpan, shuk parti muyukunaka urmarkakuna ñanpi mayanpi; shamurkakuna pishkukunaka mikurkakuna. 5Shuk parti urmarkakuna rumisapapi, maypimi mana yapa allpaka tiyarkachu, utkalla tukyarirkakuna mana yapa allpaka tiyahushkanrayku. 6Chaypi intika llukshishpan, rupachirka chakichirkapas, mana ankunkunaka tiyashkanrayku. 7Shuk muyukunaka urmarkakuna kashasapa allpapi. Chay kashakunaka utkalla wiñashpankuna llanputa wañuchirka. 8Shuk muyukunaka urmarkakuna ali allpapi. Chaykunaka muyuyarkakuna shuk pachak muyukunata, shukkunaka sokta chunka muyukunata, shukkunaka kimsa chunka muyukunata shukmantalla. 9“¡Maykanpami tiyan rinkrinka uyananpa, uyachun”.
Jesuska disipulonkunata yachachishkanta asirtachirka
(Mr 4.10-12; Lc 8.9-10)
10Disipulunkunaka kayllayashpankuna tapurkakuna: “¿Imaraykuta runakunata mana asirtaypakunawa yachachinki?”
11Jesuska paykunata aynirka: —Kankunallata Yaya Dioska yachachihun kay allpapi paypa ali kamachinanka imashna kashkanta, shuk runakunataka manami asirtachinkachu.
12Tukuy payta kasukkunataka sumaktami yanapanka ashwanta yachanankunapa. Mana kasunayakkunataka uchillastu yachashkanta kichunkami, manaña asirtankakunachu nima uchillastuta.
13Chayrayku paykunata yachachini mana asirtaypa yachachinakunawa:
Rikushpankunapas mana rikunahunchu,
uyashpankunapas mana uyanahunchu, nima asirtanahunchu.
14Kay runakunapaka paktarishka ñawpa Isaias wañupa rimashkanka, kasna nishpa:
Kankuna uyashpaykichipas rinrikichiwa mana asirtankichichu;
rikuhushpaykichipas ñawikichiwa manami rikunkichichu.
15Kay runakunapa shunkunkunaka sinchiyarishka kanahun;
parisishpa uyanahun rinrinkunawa;
ñawinkunaka taparishka,
mana rikunankunapa,
rinrinkunawa mana uyanankunapa,
shunkunkunawa mana asirtanankunapa chasna ñukama mana kutinankunapa,
¡Ñuka anpinaynipa!
16Kushilla kankichi kankunapa ñawikichi rikuhushkaykichirayku, rinrikichipas uyahushkanrayku.
17Shutipata rimashkaykichi, achka profetakuna, chaymanta achka ali rurak runakunapas rikunayarkakuna maykantami kunan rikuhunkichi, mana rikurkakunachu, chaymantapas uyanayarkakuna maykantami kankuna uyankichi, mana uyarkakunachu.
Jesuska asirtachin tarpuk runamanta yachachishkanta
(Mr 4.13-20; Lc 8.11-15)
18Kunan uyaychi imatami rimanayan kay mana asirtaypa yachachinakunawa yachachishkaynika, chay tarpuk runamanta: 19Maykanmi uyan Yaya Diospa shiminta, mana asirtanchu, shamun supayka tukuy asirtashkanta shunkunmanta anchuchin. Chay runami kan chay chakra ñanpi mayanpishina.
20Chaymanta maykanmi uyan Yaya Diospa shiminta, chay ratulla kushilla uyan. Chaymi kan chay runa rumisapa chakrashina. 21Mana ukupi ankuyushina kashpankuna, shuk ratullami Yaya Diosta kushilla katinahun. Kirik tukushkankunarayku runa masinkuna asichishpa, parisichihushpankuna nanayta, llakiyta, musyashpankuna sakinahunña.
22Chaymanta shuk runakunapas kanahun kashasapa chakrashina. Chay runami kan maykanmi uyan Yaya Diospa shiminta, ashwan chay llullachinakuna kay mundumanta chinkachinahun chay yachakushkankunata, chayrayku manaña muyuyanñachu. 23Shuk runakuna kanahun ali allpashina. Chaymi kan maykanmi alita uyan, Yaya Diospa shiminta asirtanpas. Paykunaka shuk muyumanta shuk pachak muyuta muyuyakshinami kanahun, shukkunaka sokta chunka muyuta muyuyakshinami kanahun, shukkunaka kimsa chunka muyuta muyuyakshinami kanahun.
Trigu chawpipi millaypa kiwa wiñashkamanta mana asirtaypa yachachina
24Chaymanta Jesuska kwintarka shuk mana asirtaypa yachachinata: —Yaya Diospa ali kamachinanka kay allpapi kan shuk runa chakranpi ali muyuta tarpushkashina. 25Chaypi chay tarawakkunaka puñuhushkakunapi, kuntranka rirka millaypa kiwata tarpunanpa, trigukuna chawpipi, chay washa kutirka. 26Chay trigu muyukuna wiñashpan, ña muyuyahushkanpi chay millaypa kiwakunapas sumakta wiñarkakuna. 27Chaypiña, disipulunkunaka rirkakuna tapukrinankunapa chay chakrapa amunta: “Patroyni, ¿Manachu tarpurkanki ali muyukunata chay chakraykipi? ¿Maymantataya chay millaypa kiwakunaka wiñashkakuna?” 28Chakrapa amunka rimarka: “Chaytaka rurashkami kuntrayni”. Chaypi disipulunkunaka patroyninta tapurkakuna: “¿Munankichu chay kiwakunata pitikrinanchipa?” 29Chaypi patroyninka aynirka: “Mana, chay millaypa kiwakunata pitihushpaykichika trigutapas pitinkichimi. 30Sakiychi parihulla wiñanankunapa pallananchi punchakama. Paktarishpan chay pallana punchaka, ñukami kachasha pallak runakunata, chay millaypa kiwakunataka pitishpankuna tantachishpa rupachinankunapa. Chaywasharami trigu muyuta pallashpankuna wakaychana wasinipi churankakuna.”
Mostasa muyumanta mana asirtaypa yachachina
(Mr 4.30-32; Lc 13.18-19)
31Jesuska kwintarka shuk mana asirtaypa yachachinata: “Yaya Diospa ali kamachinanka kay allpapi kan imashnami mostasa#13.31 Mostasa Mostasaka uchilla muyu kan, wiñashpan awayninka kan ishkay tupu Israel llaktapi. muyuta shuk kari tarpurka chakranpi. 32Kaymi kan tukuy muyukunamanta yapa uchillastu, wiñashpan tukun tukuy tarpukunamanta yapa atun; atunta ramayan, chay ramanpi pishkukuna shamunahun wasinkunata ruranahun ramankunapi.”
Levaduramanta mana asirtaypa yachachina
(Lc 13.20-21)
33Jesuska kwintarka shuk mana asirtaypa yachachinata: “Yaya Diospa ali kamachinanka kay allpapi kan levadurashina. Shuk warmika uchilla lebadurata apishpan chapurka kimsa mati harinata, chay tukuy harinaka punkirinankama.”
Jesuska imaraykumi mana asirtaypa yachachinakunawa yachachin
(Mr 4.33-34)
34Tukuy kaykunamanta Jesuska rimarka runakunata mana asirtaypa yachachinakunawa, Nima ima uras rimarkachu kuska asirtaypa shimikunata. 35Chasna paktachirinanpa profetapa rimashkanka:
“Paskasha shiminita yachachisha mana asirtaypa yachachinakunawa,
pakalla kashkata, kay allpa rurarishkanmanta pacha.”
Jesuska disipulonkunata asirtachirka chay millaypa kiwakunamanta
36Chaymanta chay achka runakunata kutinankunapa rimashkanwasha, Jesuska yaykurka shuk wasipi. Chaypi disipulunkunaka kayllayashpankuna tapurkakuna: “Asirtachi ñukanchita chay mana asirtaypa yachachinata chay millaypa kiwa chakrapi wiñaskamanta.” 37Chaypiña Jesuska rimarka: —Maykanmi tarpun ali muyuta chaymi kan Karipa Wawan. 38Chay chakraka kan kay mundu, ali muyukunaka kanahun Yaya Diospa wawankuna, millaypa kiwakuna kanahun supaypa wawankuna. 39Kay kuntra millaypa kiwata tarpushkaka kanmi supay, kay pallana punchaka kanmi mundu tukurina, chay muyuta pallakkunaka kanahun angelkuna. 40Imashnami millaypa kiwakunata pichashpa rupachinchi ninapi, chasnallatatami kanka kay mundu tukurihuskanpi. 41Karipa Wawanka kachanka angelninkunata, paykunami tantachinkakuna tukuy partikunamanta kamachinaynipi mana ali rurak runakunata, runa masinkunata uchata rurachikkunatapas, chaymanta tukuy millaypata rurakkunatapas. 42Chaypi wichunkakuna nina mana wañukma; chaypimi paykunaka sinchita parisishpa wakankakuna, kirunkunatapas kanirinkakuna. 43Tukuy alita rurakkunaka, Yaya Diospa ali kamachinanpi rishpankuna inti sumakta punchayachihukshina rikurinkakuna. Maykanchari tiyan rinrinka uyachun.
Oro panparishkamanta mana asirtaypa yachakuna
44—Chaymanta, Yaya Diospa ali kamachinanka kan shuk allpapi yapa valik oro panparishkashina. Shuk runa allpapi panparishka yapa valik orota tarirka, chay tarishkantaka chayllapi kuti pakashpa sakirka. Chaypi yapa kushikushpa, kutishpan tukuy tiyapushkanta rantichirka. Chay kullkiwaña rantirka chay oroyu allpata.
Wallka yapa valikmanta mana asirtaypa yachachina
45Chaymanta Yaya Diospa ali kamachinanka kan shuk wirakuchashina maskashpa purin atun yapa valik suma wallkata. 46Chasna tarishpan chay suma valik wallkata, rin rantichinanpa tukuy iman tiyapushkanta; chaymanta kutishpan rantikrin chay suma valik wallkata.
Redimanta mana asirtaypa yachakuna
47—Kasnashinami, Yaya Diospa ali kamachinanka kay allpapi kan shuk redishina. Yakupi churashpanchi apin chikan chikan challwakunata. 48Chasna achka apirishpan, surkunahun allpa mayanma, chay challwata apikkunaka tiyarinahun surkunankunapa ali challwakunata tasankunapi, mana ali challwakunataka wichunahun. 49Chasnallatatami kanka kay mundu tukurihushkanpi: Angelkunaka llukshinkakuna anchuchinankunapa ali runakunata mana ali runakunamanta. 50Chay mana ali runakunataka nina mana wañukmami wichunkakuna. Chaypimi sinchita parisishpa wakankakuna, kirunkunata kanirishpa.
Jesuska mushu yachachinata mawka yachachinatapas asirtachirka
51Jesuska disipulunkunata tapurka: “¿Asirtankichichu kay yachachihushkaynikunata?”
Chaypiña paykunaka aynirkakuna: “Ari, Yayayni.”
52Chaypi Jesuska rimarka: “Tukuy Moisespa killkashkanta yachachik, Yaya Dios kamachishkanta yachakushpa paykuna kanahun shuk wasi amushina, tukuy wakaycharishka tiyapushkanta surkun, mushu imanta mawka imantapas.”
Jesuska yachachin llaktan Nasaretpi
(Mr 6.1-6; Lc 4.16-30)
53Chaymanta Jesuska tukuy chay mana asirtaypa yachachinakunata rimashkanwasha chay llaktamanta llukshirka.
54Kikin llaktanpi paktashpan, chaypi tantarinankuna wasipi yachachirka. Chasna yachachihushkanta uyashpankuna tukuy runakunaka mancharishpankuna nirkakuna: “¿Maypitaya kay runaka chay tukuyta yachakushka? ¿Imashnataya ruran mana atipaypakunata? 55¿Manachu kay runaka karpintirupa wawan? ¿Manachu mamanka Maria, wawkinkunaka Santiago, José, Simón, Judas? 56¿Paninkunaka manachu kay llaktanchipi kawsanahun? ¿Pitaya payta yachachishka chay tukuyta yachananpaka?” 57Chayrayku paykunaka mana kirinayarkakunachu Jesuspi.
Chaypi Jesuska paykunata rimarka: “Shuk profetata shuk llaktakunapi kasunahun; ashwan kikin llaktanpi, kikin wasinpipas manami ayllunkunaka kasunahunchu.” 58Chasna llaktanpi payta mana kirishkankunarayku, Jesuska mana rurarkachu achka atun yachaywa ruranakunataka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company