San Mateo 12
12
Jesuspa disipulunkunaka pallarkakuna trigu muyuta samana punchapi
(Mr 2.23-28; Lc 6.1-5)
1Shuk puncha, rihushpan Jesuska chay tarpurishka chawpita shuk samana punchapi, payta disipulunkunaka yarkashpankuna kallarirkakuna pallanata trigu muyuta mikunankunapa.
2Chayta fariseokunaka rikushpankuna, rimarkakuna: “¡Rikuy! Disipuluykikunaka ruranahu maykantami mana rimarishkachu kahu chay samana puncha.”
3Chaypi Jesuska paykunata rimarka:
—¿Manachu leyishkankichi maykantami rurashka Davidka, paywa purikkunapas yarkaywa kahushpankuna?
4¡Yaya Diospa wasinpi yaykushpan mikurka Yaya Diosrayku kahushka pankunata! Nima payrayku nima disipulunkunarayku karkachu mikunankunapa, ashwan saserdotekunaraykullami karka.
5¿Manachu leyishkankichi ñawpa Moisespa killkashkanpi, samana punchapi, saserdotekuna Yaya Diospa wasinpi kahukkuna mana valichinahun samana punchata, chasna rurashpankunapas manami uchatachu ruranahun?
6Kankunata rimani, chay Yaya Diospa wasinmanta ñukami ashwan tukuymanta valik kani.
7Kankuna yachankichimaka ima ninayanmi: “Llakichinatami munani, mana munanichu wiwakunata wañuchishpa kuwanaykichita”. Chayta asirtankichimaka mana uchachinkichimachu ucha illa runakunata.
8“Ñuka Karipa Wawan kani sinchi yachayu samana punchapi.”
Jesuska shuk chakirishka makiyu runata samana punchapi anpirka
(Mr 3.1-6; Lc 6.6-11)
9Chaymanta Jesuska rihushpan, shuk tantarina wasipi yaykurka.
10Chaypi tiyarka shuk chakirishka makiyu runa. Chaypiña fariseokunaka Jesusta tapurkakuna, “¿Alichu kahu samana punchapi anpinanchipa?” Chasna tapurkakuna anpinanpa, chaywa Jesusta uchachinankunapa.
11Jesuska paykunata aynirka:
“¿Maykan kankunamantata tiyama shuk obehaykichi samana puncha shuk uchkupi urmamaka mana, surkunkichima?
12¡Shuk runa obehamanta ashwan valikmi kan! Chasna kashpan alimi kan samana punchapi runata anpinanchipa.”
13Chaypi chay runata nirka:
“Makikita chutachiy.” Chay runaka makinta chutachirka. Chasna chutachishpan makinka anpirishka kiparipurka chay shuk ali makinshina.
14Chaypi fariseokunaka, chay tantarina wasimanta llukshishpankuna paykunapura kwintarkakuna imashnashi Jesusta wañuchinahuma.
Ñawpa profeta Jesusmanta killkarka
15Chayta yachashpan Jesuska chaymanta llukshirka. Achka runakuna payta katirkakuna. Jesuska tukuy unkushkakunata anpirka.
16Chaymanta chay anpishkan runakunata sinchi shimiwa rimarka: “Nima pita kwintankichichu ñuka kankunata anpishkaynimanta”.
17Chasna paktachirirka profeta Isaiaspa rimashkanka:
18“Kaymi kan kasuwak runayni, maykantami akllashkani,
yapa munashkayni, maykanmi kushichin almaynita.
Paypimi churasha Espirituynita,
chaymantapas rimanka tukuy llaktakunata juisio#12.18 Juisio rimanayan Yaya Dios kastigananmanta chaymanta kushichinanmantapas. tiyananmanta.
19Payka nima piwa piñanakunkachu, nima kaparinkachu,
nima pi uyankachu ñanpikunapi kaparishpa rimahushkanta.
20Paymi ñañu ramashina pakirinalla kashkata mana pakinkachu.
Wañunalla ninashina kashkata mana wañuchinkachu.
Ashwan sanpa runataka llakichishpa yanapanka.
Chasna kanka alika gananankama.
21¡Tukuy kay mundumanta runakuna kirinkakuna paypi!”
Espiritu Santumanta mana millaypata rimana
(Mr 3.20-30; Lc 11.14-23; 12.10)
22Chaymanta Jesusma pusharkakuna shuk supay yaykushka runata. Chay runaka mana atiparkachu rikunata nima rimanata. Chaypiña Jesuska payta anpirka. Chaypira chay runaka atiparka rikunata rimanatapas.
23Chayta rikushpankuna tukuy runakunaka yapa mancharishpa tapunakurkakuna:
“¿Kaychari Davidpa Wawanka?” Nishpa.
24Fariseokunaka, chayta uyashpankuna, rimarkakuna:
“Kay Jesuska runamanta supaykunata llukshichin, tukuy supaykunapa apun Beelsebupa yachayninwa.”
25Chaypi Jesuska, yachashpan paykunapa yuyarihuskankunata, rimarka: “Shuk llaktapi kamachik runakuna piñanakushpankuna paykuna pura tukurinahun wañunakunapi. Chasnallatatami shuk wasipi llaktapi kawsak runakuna chikninakushpa, makanakushpankunaka shikwarinahuma. 26Chasna, supayka llukshichima supay masinta, chasnaka manami tantayllañachu kama; ¿Imashnata chasnaka alita kamachinahuma? 27Kankuna rimankichi supaykunapa apun Beelsebupa yachayninwa kay runamanta supaykunata llukshichishkaynita, ¿Pipa yachayninwataya kankunapa wawaykichikunaka wichunahun chay supaykunataka? Chayraykumi, pantachichirishka kankichi kankunaka. 28Chasna ñuka supaykunata llukshichihushpaynika Yaya Diospa Espiritunwa, chayka ninayan Yaya Diospa kamachinanka ñami paktashka kankunapi. 29¿Imashnataya shuk runaka atipama yaykunata shuk sinchi runapa wasinpika, chasnaka imashnataya shuwama imankunata, nimara watahushpanka? Chasna amunta watashpanrami atipama shuwanata imankunata chay wasimanta.
30Maykanmi mana ñukawa kahunchu, chayka kuntraynimi kahu; maykanmi mana ñukawa tarawanchu, chayka ñukamanta anchuchikmi kan.
31Chayrayku, kankunata rimani: Llakichiriskami kankichi millaypata rurashkaykichimanta, chaymantapas millaypata rimashkaykichimanta, ashwan mana llakichinkachu kankakuna maykankunami millaypata rimanahun Espiritu Santumanta. 32Maykanpas rimashpanka millaypata Karipa Wawanmanta, llakichirishkami kanka; ashwan maykanmi riman millaypata Espíritu Santumanta mana kankachu llakichirishka, kay kawsaypi, nima chay shuk kawsay shamuhushkapi.
33Shuk tarpu ali kashpanka, muyunpas alimi kan; shuk tarpu mana ali kashpanka, muyunpas manami alichu kan. Shuk tarputaka riksinchimi muyunkunamanta.
34¡Machakuyapa mirayninkuna! ¿Imashnata atipankichi rimanata alikunata, kashpaykichi mana alikuna? Tukuy shunkuykichipi millaypa tiyashkatami rimankichi. 35Ali runaka shunkunpi ali yuyarishkantami riman. Mana ali runaka shunkunpi mana ali yuyarishkantami riman.
36Kankunata rimani, juisio puncha, rimashkaykichimantami karan shuk rimanaykichi tiyan, tukuy yanka shimikunata rimashkanchimanta. 37Yaya Dioska runakunata kushichinka alita rimashkankunamanta mana alita rimashpankunaka kastikanka”.
Mana kirik runakuna Jesusta tapurkakuna mana atipaypakunata rurananpa
(Mr 8.12; Lc 11.29-32)
38Chaypiña, Moisespa killkashkanta yachachikkuna fariseokunapas rimarkakuna: “Yachachik, rikunayanchi nima ima uras rikushkanchita ruranaykita”.
39Paykunata aynirka:
—Kankuna mana alita rurakpa mirayninkuna, tapunkichi shuk mana atipaypa ruranaynita, rikunaykichipa manami rurashanchu. Ashwan rikunkichimi imashnami pasarka ñawpa profeta Jonaswa. 40Imashnami ñawpa Jonaska karka kimsa punchata kimsa tutata shuk atun purawapa wiksan ukupi, chasnashinami Karipa Wawanpas kanka kimsa punchata kimsa tutata allpa ukupi.
41Juisio uras, Nínive llaktapi kawsak runakunami paypa puntanpi kankunamanta mana alita rurashkaykichita rimankakuna Yaya Dios kastigananpa. Chayrayku chay runakunaka ali kawsayuña tukurkakuna Jonas yachachishkanta uyashpankuna, ashwan atun yachayyu kashpaynipas mana kiriwanayankichichu. 42Juisio uras, karumanta kamachik warmi kankuna mana alita rurakpa mirayninkunata rimanka kastigananpa; chay warmika shamurka Jerusalenma chay atun yachayyu Salomonta uyananpa. Ñukaka Salomonmanta ashwan atun yachayyumi kani.
Jesuska yachachin supay kutinanmanta
(Lc 11.24-26)
43Shuk runamanta mana ali espiritu llukshishpanka, yaku illa allpakunapimi purin, maskashpa maypimi samanka. Chasna maskashpanpas mana tarinchu. 44Mana tarishpanña riman: “Kutishara wasinima, maymantami llukshishkani”. Kutishpan tarikrin, suma chushata picharishkata chaymanta alicharishkata. 45Chaymanta rishpan apakrin ashwan kanchis espiritukunata paymanta ashwan millaypata rurakkunata chaypi kiparinahun kawsanankunapa. ¡Chasnami chay runaka ñawpa kawsashkanmanta ashwan yapa millaypakunata rurashpa kawsan! Chasnashinami kay mana alita rurak runakunatapas pasanka.
Jesuspa maman chaymanta wawkinkunapas
(Mr 3.31-35; Lc 8.19-21)
46Jesús chay runakunata yachachihushkanllapi, paypa wawkinkuna mamanwa pakta kanchapi chapahurkakuna paywa kwintanankunapa.
47Chaypiña shuk runaka Jesusta rimarka: “Mamaykimi wawkikikunawa kanchapi chapahunkuna kanwa kwintanankunapa.”
48Chaypi Jesuska chay runata tapurka: “¿Pitaya kan mamaynika pitaya kan wawkinikunaka?”
49Chaymanta makinwa disipulunkunata rikuchishpan rimarka: “Kaykunami mamaynikuna, wawkinikunapas kanahun.
50Maykanmi ruran silupi kawsak Yayayni Diospa munashkanta, paymi kan wawkinishina, paninishina, mamaynishina.”
Currently Selected:
San Mateo 12: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 12
12
Jesuspa disipulunkunaka pallarkakuna trigu muyuta samana punchapi
(Mr 2.23-28; Lc 6.1-5)
1Shuk puncha, rihushpan Jesuska chay tarpurishka chawpita shuk samana punchapi, payta disipulunkunaka yarkashpankuna kallarirkakuna pallanata trigu muyuta mikunankunapa.
2Chayta fariseokunaka rikushpankuna, rimarkakuna: “¡Rikuy! Disipuluykikunaka ruranahu maykantami mana rimarishkachu kahu chay samana puncha.”
3Chaypi Jesuska paykunata rimarka:
—¿Manachu leyishkankichi maykantami rurashka Davidka, paywa purikkunapas yarkaywa kahushpankuna?
4¡Yaya Diospa wasinpi yaykushpan mikurka Yaya Diosrayku kahushka pankunata! Nima payrayku nima disipulunkunarayku karkachu mikunankunapa, ashwan saserdotekunaraykullami karka.
5¿Manachu leyishkankichi ñawpa Moisespa killkashkanpi, samana punchapi, saserdotekuna Yaya Diospa wasinpi kahukkuna mana valichinahun samana punchata, chasna rurashpankunapas manami uchatachu ruranahun?
6Kankunata rimani, chay Yaya Diospa wasinmanta ñukami ashwan tukuymanta valik kani.
7Kankuna yachankichimaka ima ninayanmi: “Llakichinatami munani, mana munanichu wiwakunata wañuchishpa kuwanaykichita”. Chayta asirtankichimaka mana uchachinkichimachu ucha illa runakunata.
8“Ñuka Karipa Wawan kani sinchi yachayu samana punchapi.”
Jesuska shuk chakirishka makiyu runata samana punchapi anpirka
(Mr 3.1-6; Lc 6.6-11)
9Chaymanta Jesuska rihushpan, shuk tantarina wasipi yaykurka.
10Chaypi tiyarka shuk chakirishka makiyu runa. Chaypiña fariseokunaka Jesusta tapurkakuna, “¿Alichu kahu samana punchapi anpinanchipa?” Chasna tapurkakuna anpinanpa, chaywa Jesusta uchachinankunapa.
11Jesuska paykunata aynirka:
“¿Maykan kankunamantata tiyama shuk obehaykichi samana puncha shuk uchkupi urmamaka mana, surkunkichima?
12¡Shuk runa obehamanta ashwan valikmi kan! Chasna kashpan alimi kan samana punchapi runata anpinanchipa.”
13Chaypi chay runata nirka:
“Makikita chutachiy.” Chay runaka makinta chutachirka. Chasna chutachishpan makinka anpirishka kiparipurka chay shuk ali makinshina.
14Chaypi fariseokunaka, chay tantarina wasimanta llukshishpankuna paykunapura kwintarkakuna imashnashi Jesusta wañuchinahuma.
Ñawpa profeta Jesusmanta killkarka
15Chayta yachashpan Jesuska chaymanta llukshirka. Achka runakuna payta katirkakuna. Jesuska tukuy unkushkakunata anpirka.
16Chaymanta chay anpishkan runakunata sinchi shimiwa rimarka: “Nima pita kwintankichichu ñuka kankunata anpishkaynimanta”.
17Chasna paktachirirka profeta Isaiaspa rimashkanka:
18“Kaymi kan kasuwak runayni, maykantami akllashkani,
yapa munashkayni, maykanmi kushichin almaynita.
Paypimi churasha Espirituynita,
chaymantapas rimanka tukuy llaktakunata juisio#12.18 Juisio rimanayan Yaya Dios kastigananmanta chaymanta kushichinanmantapas. tiyananmanta.
19Payka nima piwa piñanakunkachu, nima kaparinkachu,
nima pi uyankachu ñanpikunapi kaparishpa rimahushkanta.
20Paymi ñañu ramashina pakirinalla kashkata mana pakinkachu.
Wañunalla ninashina kashkata mana wañuchinkachu.
Ashwan sanpa runataka llakichishpa yanapanka.
Chasna kanka alika gananankama.
21¡Tukuy kay mundumanta runakuna kirinkakuna paypi!”
Espiritu Santumanta mana millaypata rimana
(Mr 3.20-30; Lc 11.14-23; 12.10)
22Chaymanta Jesusma pusharkakuna shuk supay yaykushka runata. Chay runaka mana atiparkachu rikunata nima rimanata. Chaypiña Jesuska payta anpirka. Chaypira chay runaka atiparka rikunata rimanatapas.
23Chayta rikushpankuna tukuy runakunaka yapa mancharishpa tapunakurkakuna:
“¿Kaychari Davidpa Wawanka?” Nishpa.
24Fariseokunaka, chayta uyashpankuna, rimarkakuna:
“Kay Jesuska runamanta supaykunata llukshichin, tukuy supaykunapa apun Beelsebupa yachayninwa.”
25Chaypi Jesuska, yachashpan paykunapa yuyarihuskankunata, rimarka: “Shuk llaktapi kamachik runakuna piñanakushpankuna paykuna pura tukurinahun wañunakunapi. Chasnallatatami shuk wasipi llaktapi kawsak runakuna chikninakushpa, makanakushpankunaka shikwarinahuma. 26Chasna, supayka llukshichima supay masinta, chasnaka manami tantayllañachu kama; ¿Imashnata chasnaka alita kamachinahuma? 27Kankuna rimankichi supaykunapa apun Beelsebupa yachayninwa kay runamanta supaykunata llukshichishkaynita, ¿Pipa yachayninwataya kankunapa wawaykichikunaka wichunahun chay supaykunataka? Chayraykumi, pantachichirishka kankichi kankunaka. 28Chasna ñuka supaykunata llukshichihushpaynika Yaya Diospa Espiritunwa, chayka ninayan Yaya Diospa kamachinanka ñami paktashka kankunapi. 29¿Imashnataya shuk runaka atipama yaykunata shuk sinchi runapa wasinpika, chasnaka imashnataya shuwama imankunata, nimara watahushpanka? Chasna amunta watashpanrami atipama shuwanata imankunata chay wasimanta.
30Maykanmi mana ñukawa kahunchu, chayka kuntraynimi kahu; maykanmi mana ñukawa tarawanchu, chayka ñukamanta anchuchikmi kan.
31Chayrayku, kankunata rimani: Llakichiriskami kankichi millaypata rurashkaykichimanta, chaymantapas millaypata rimashkaykichimanta, ashwan mana llakichinkachu kankakuna maykankunami millaypata rimanahun Espiritu Santumanta. 32Maykanpas rimashpanka millaypata Karipa Wawanmanta, llakichirishkami kanka; ashwan maykanmi riman millaypata Espíritu Santumanta mana kankachu llakichirishka, kay kawsaypi, nima chay shuk kawsay shamuhushkapi.
33Shuk tarpu ali kashpanka, muyunpas alimi kan; shuk tarpu mana ali kashpanka, muyunpas manami alichu kan. Shuk tarputaka riksinchimi muyunkunamanta.
34¡Machakuyapa mirayninkuna! ¿Imashnata atipankichi rimanata alikunata, kashpaykichi mana alikuna? Tukuy shunkuykichipi millaypa tiyashkatami rimankichi. 35Ali runaka shunkunpi ali yuyarishkantami riman. Mana ali runaka shunkunpi mana ali yuyarishkantami riman.
36Kankunata rimani, juisio puncha, rimashkaykichimantami karan shuk rimanaykichi tiyan, tukuy yanka shimikunata rimashkanchimanta. 37Yaya Dioska runakunata kushichinka alita rimashkankunamanta mana alita rimashpankunaka kastikanka”.
Mana kirik runakuna Jesusta tapurkakuna mana atipaypakunata rurananpa
(Mr 8.12; Lc 11.29-32)
38Chaypiña, Moisespa killkashkanta yachachikkuna fariseokunapas rimarkakuna: “Yachachik, rikunayanchi nima ima uras rikushkanchita ruranaykita”.
39Paykunata aynirka:
—Kankuna mana alita rurakpa mirayninkuna, tapunkichi shuk mana atipaypa ruranaynita, rikunaykichipa manami rurashanchu. Ashwan rikunkichimi imashnami pasarka ñawpa profeta Jonaswa. 40Imashnami ñawpa Jonaska karka kimsa punchata kimsa tutata shuk atun purawapa wiksan ukupi, chasnashinami Karipa Wawanpas kanka kimsa punchata kimsa tutata allpa ukupi.
41Juisio uras, Nínive llaktapi kawsak runakunami paypa puntanpi kankunamanta mana alita rurashkaykichita rimankakuna Yaya Dios kastigananpa. Chayrayku chay runakunaka ali kawsayuña tukurkakuna Jonas yachachishkanta uyashpankuna, ashwan atun yachayyu kashpaynipas mana kiriwanayankichichu. 42Juisio uras, karumanta kamachik warmi kankuna mana alita rurakpa mirayninkunata rimanka kastigananpa; chay warmika shamurka Jerusalenma chay atun yachayyu Salomonta uyananpa. Ñukaka Salomonmanta ashwan atun yachayyumi kani.
Jesuska yachachin supay kutinanmanta
(Lc 11.24-26)
43Shuk runamanta mana ali espiritu llukshishpanka, yaku illa allpakunapimi purin, maskashpa maypimi samanka. Chasna maskashpanpas mana tarinchu. 44Mana tarishpanña riman: “Kutishara wasinima, maymantami llukshishkani”. Kutishpan tarikrin, suma chushata picharishkata chaymanta alicharishkata. 45Chaymanta rishpan apakrin ashwan kanchis espiritukunata paymanta ashwan millaypata rurakkunata chaypi kiparinahun kawsanankunapa. ¡Chasnami chay runaka ñawpa kawsashkanmanta ashwan yapa millaypakunata rurashpa kawsan! Chasnashinami kay mana alita rurak runakunatapas pasanka.
Jesuspa maman chaymanta wawkinkunapas
(Mr 3.31-35; Lc 8.19-21)
46Jesús chay runakunata yachachihushkanllapi, paypa wawkinkuna mamanwa pakta kanchapi chapahurkakuna paywa kwintanankunapa.
47Chaypiña shuk runaka Jesusta rimarka: “Mamaykimi wawkikikunawa kanchapi chapahunkuna kanwa kwintanankunapa.”
48Chaypi Jesuska chay runata tapurka: “¿Pitaya kan mamaynika pitaya kan wawkinikunaka?”
49Chaymanta makinwa disipulunkunata rikuchishpan rimarka: “Kaykunami mamaynikuna, wawkinikunapas kanahun.
50Maykanmi ruran silupi kawsak Yayayni Diospa munashkanta, paymi kan wawkinishina, paninishina, mamaynishina.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company