Zabuli 2
2
Mfalumi yakasyagulitwi na Mlungu
1Hashi maisi gankutenda ndewu?
Mbona wantu wankulitakuziya hera?
2Wafalumi wa pasipanu wagalambuka,
wakolamlima wankupanga madoda pamuhera,
su kumgalambuka Mtuwa Mlungu na mfalumi yakamsyagula.
3Wankulonga, “Tuliyopoli minyololu yawu,”
“Tudumuliri kutali ngoyi zyawu.”
4Mtuwa Mlungu yakalikala kumpindi,
kankuwaseka na kuwajongera.
5Shakapanu kankuwakalipira kwa maya,
na kuwatiliziya kwa nkalaliru, pakalonga.
6“Nimlumika mfalumi yanimsyaguliti,” Kankukolamlima sayuni,
“Lugongu lwangu lunanagala.”
7Mfalumi ayu kalonga, “Hambweri,” shakang'ambiriti Mtuwa Mlungu.
“Gwenga ndo mwana gwangu,
leru neni wera tati gwaku.
8Gunduwi na neni hanikupanani maisi gaweri uhala waku,
na pasipanu poseri kuwera lunda yaku.
9Haguwaposholi kwa luhonga lwa shuma,
haguwampantangi handa shiwiga.”
10Vinu mwenga wafalumi, mtenderi luhala,
mpikiniri likalapiru ali mwenga wakolamlima wa pasipanu.
11Mmutenderi Mtuwa Mlungu kwa kumguwira,
munemeleri kwa kulendemera,
12mumsuntamaliri mwana gwakuyi mpalu,
nakiza kukalala na mwenga namwagamira munjira zyenu,
toziya maya gakuyi ga kalongola.
Mbaka woseri yawamtugira.
Currently Selected:
Zabuli 2: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.