Mesali 27
27
1Nagulizyumira ga shirawu, toziya guvimanandiri shishi hashilawili leru.
2Guleki muntu yumonga kakuzyumi pota mlomu gwaku gamweni, guleki mhenga kakuzyumi kuliku lulimi lwaku gamweni.
3Libuwi na mhanga vyoseri ndo vizotopa, kumbiti kukalaziwa na mzigizigi ndo utopa nentu kuliku vyoseri viwili.
4Nkalala ndo nkesera na maya gagamiziya, kumbiti ndo gaa yakaweza kugoloka kulongolu kwa muntu mweni weya?
5Mbaka muntu yakakuberiziya pota kulififa, kuliku ufiru yaulififa.
6Matenduwa ga ganja galanguziya waminika, kuliku mnkondu yakakulangaziya ufiru nentu yawaminikandiri.
7Yakikutiti, ata lwashi kalulema, kumbiti yakana njala kila shashikalipa ndo shinoga.
8Muntu yakagamiriti kutali na kwakuyi, ndo handa mpongu yakagamiriti kutali na shitukulu shakuyi.
9Lipaki linunkira na utuli vijega nemeru mumoyu, ndo handa utakuziya uherepa na waminika wa ganja gwaku.
10Nagulyaluwa wamaganja waku pota tati gwaku. Pagupatwa na ntabiku nagumtugira mlongu gwaku, mbaka gwapakwegera gwaku kuliku mlongu yakawera kutali.
11Mwana gwangu guweri na luhala na gwenga gujegi nemeru mumoyu mwangu, su mpati kumwakula yakambeziya.
12Yakana mahala pakawona shintu shidoda kalififa, kumbiti mzigizigi kalilaviya kulongolu katenduwa.
13Muntu pakatakula kulongolu kwaku kuwera hakamlipili mhenga, gutoli nguwu yakuyi pakamgolokera mhenga.
14Yakamtekelera gwapakwegera gwakuyi kwa umatu mandawira putiputi, shitendu ashi hshimaniki handa mpangira.
15Mdala mndewi mashaka goseri, ndo teratera na lindonda lya mashi ga mvula yagaperandiri; 16Kumlewelera yomberi ndo handa kulewelera lyega, ama yakafira kubata lipaki lyalitelebuka kwa liwoku.
17Shuma shikuwa shuma shimonga, viravilii muntu kafundwa na myaguyi.
18Yakagulolera mtera hakalii mabwajubwaju gakuyi, nayakamtendera mtuwa gwakuyi hakapananwi ligoya.
19Handa sheni ntambu yashiliwona mumashi, ndo ntambu yagulimana gamweni mumoyu.
20Lirindi litali na uhalibisiya vikutandiri, viraa masu ga wantu gigutandiri.
21Uherepa wa madini ga feza ama zahabu vijerwa kwa motu na muntu kajerwa kulawirana na zyuma zakuyi.
22Pagumtwanga mzigizigi mulituli pamuhera na viboga, kumbiti hapeni gumtuligweka na uzigizigi wakuyi.
23Guloli weri mifugu yaku, naguwaloleri weri wakanyama waku, 24toziya ulunda ulikalandiri mashaka goseri, viraa lijenjeri likalandiri muviwuka vyoseri. 25Shaka mihambi miyuma payihengwa na mihambi miwisi ichomola, shaka mihambi kulawa kumigongu payijojonirwa, 26Wankondolu hawakupanani mibayira kwajili ya kunyawira nguwu, wambuzi haguwashuwuzi na kuhemera malambu. 27Wambuzi hawakupanani maweri ga kukutosheya gwenga na kaya yaku, na kwajili ya wantumintumi waku wadala.
Currently Selected:
Mesali 27: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.