Walawi 12
12
Kupungwa kwa wadala pa kwiwula mwana
1Mtuwa Mlungu kamgambiriti Musa, 2Guwagambiri wantu wa Israeli hangu, mdala pakawera na yinda, na pakiwula mwana mpalu, yomberi hakaweri muhumba kwamashaka saba kulinganira na mashaka gakuyi yagawera kwa wadala. 3Mwana yakiwukiti hakingiziwi jandu mulishaka lya nane pakwiwuka kwakuyi. 4Shakapanu mdala ayu hakendereyi kuwera muhumba kwa mashaka selasini na tatu kulawirana na kulawa mwazi kwakuyi. Shaka ashi, nakashinkula shintu shoseri shashityekitwi ama kwingira pahala pananagala ama pahala kuguwira mpaka mashaka ga kupungwa kwakuyi pagapera.
5Kumbiti mdala ayu pakiwula mwana mdala, yomberi hakaweri muhumba kwa majuma mawili ntambu yayiweriti mumashaka gakuyi ga shidala. Hakendereyi kuwera muhumba kwa mashaka sitini na sita kulawirana na kulawa mwazi kwakuyi.
6Mashaka ga kupungwa kwakuyi pagapera kwajili ya mwana mpalu ama mdala, yomberi hakamjegeri mtambika pakwegera na ligomi lya Liringu Linanagala, mwana gwa kondolu gwa shinja shimu toziya ya tambiku ya kulunguziya pamuhera na mpongu nkunda ama teteli, kwajili ya tambiku ya kuwusiya vidoda. 7Mtambika hakamlaviliri Mtuwa Mlungu tambiku na kumkolaniziya mawoku kulongolu kwa Mtuwa Mlungu. Su mdala ayu hakapungwi kulawirana na mwazi gwakuyi. Aga ndo malagaliru kwa mdala yoseri yakiwula mwana mpalu ama mdala.
8Handa mdala ayu pakasinda kulaviya mwana gwa kondolu, su hakajegi teteli wawili ama wana wawili wa nkunda, nkunda yumu kwajili ya tambiku ya kulunguziya na yumonga kwajili ya tambiku ya kuwusiya vidoda. Mtambika hakamkolaniziyi mawoku mdala ayu kulongolu kwa Mlungu, su yomberi hakapungwi.
Currently Selected:
Walawi 12: PBV
Highlight
Share
Copy
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
