Yoshuwa 15
15
Isi yawapananitwi wantu wa Yuda
1Enewu lya isi yawapananwitwi kwa kugalambula simbi wantu wa likabila lya Yuda kulinganira na wantu wakuwi lieneyiti kwanjira kusika kwagulawa mshenji mpaka mumbaka mwa Edomu. Semu ya kusika nakamu iweriti shiwala sha Sini. 2Mbaka yawu iyanjiti mupembi ya kusika mwa bahari ya Munu, 3yendereyiti kusika mpaka shidunda sha Akirabimu, ipitira mbwega ya Sini na kusika ya Kadeshibarineya, ipitira Hesironi mpaka Adari na shakapanu igalambuka kugenda Karika. 4Kulawa panu ipitiliti pakwegera na Asimoni na kufata lushemba lwa Misri mpaka kusoka kubahali ya Mediteraniyani. Panu ndo payipititi mbaka ya kusika mwa Yuda. 5Mbaka yawu ya uwega wa kwagulawa mshenji ndo bahari ya Munu mpaka palii lushemba Yoridani palwingilira kubahali. Na mbaka yawu uwega wa kushana ipititi kulawa uwega wa bahari ya Munu pahala palii lushemba Yoridani lwingilira kubahali. 6Mbaka ayi ipititi Betihogila na kushana mwa Betiaraba mpaka kulitalawu lya Bohani yakaweriti mwana gwa Rubeni. 7Kulawa palii, iyendereyiti mpaka Debiri kulularanda lwa Akori na kushana kugenda Giligali yaiwera pakwegera na shidunda sha Adumimu yashiwera kusika mwa lushemba, shakapanu igenda kumbwiru za Enishemeshi na kupelera Enirogeli. 8Shakapanu mbaka ayi ipitiriti kulularanda lwa Hinomu, uwega wa kusika mwa shigongu sha Wayebusi, ndo Yerusalemu, kugenda kulupeleru lwa lugongu lwaluwera kwaguzyeta mshenji lwa lularanda lwa Hinomu na kusoka upeleru wa lularanda lwa Refaimu. 9Kulawa palii, igenditi kulugongu mpaka mbwiru za Nefitowa mpaka kumiji ya lugongu lwa Efroni. Panu mbaka igalambukiti Baala, kweni Kiriyatiyearimu, 10kweni ipinditi kwaguzyeta mshenji kugenda lugongu Seiri, ipita kushana mwa lugongu lwa Yerimu, aku Kesaloni na kuselera mpaka Betishemeshi kulii ipititi pakwegera na Timuna. 11Shakapanu iyendereya uwega wa kushana mwa Ekroni, izyengeta kugenda Shikironi kulii ipititi pakwegera na lugongu Baali mpaka Yabineeli ipelera mubahari ya Mediteraniyani. 12Mbaka ya kuguzyetera mshenji iweriti bahari ya Mediteraniyani. Ndo iweriti mbaka ya enewu lyawapananitwi wantu wa likabila lya Yuda kulinganira na kolu zawu.
Wantu wa Karebu wankukolamlima enewu lya Hebroni
13Karebu mwana gwa Yefune, kapananitwi semu ya isi ya Yuda gambira Mtuwa Mlungu ntambu yakamlagaliriti Yoshuwa. Kapananuwiti mji gwa Ariba gulii mweni kaweriti mbuyi gwa Anaki. Mji agu vinu gushemuwa Hebroni. 14Karebu kaviwingiti viyiwuku vya Anaki vyeni ndo nkolu ya Sheshayi na ya Ahimani na ya Talimai. 15Kulawa Hebroni kagenditi kuwakomanga nkondu wenikaya wa Debiri, mji gulii mashaka gapititi gushemitwi Kiriatiseferi. 16Karebu kabwera handa, “Hakamyugiziyi muhinga gwakuwi Akisa kwa mpalu yoseri yakagutola kwa makakala mji gwa Kiriatiseferi.” 17Su Otinieli mwana gwa Kenazi mlongu gwakuwi Karebu, kagutoliti kwa makakala mji agu, na Karebu kamyugiziya muhinga gwakuwi. 18Mulishaka lyawu lya ndowa, Akisa kamgambiriti Otinieli kamluwi Karebu lirambu. Akisa kaweriti pampindi pa punda na pakaweriti kankuselera pasi, Karebu kamkosiya, “Gufira nikupanani shishi?” 19Akisa kamwankula, “Gumpanani neni lifupu, semu yaiwera na mashi toziya aku Negebu kwagunupiti ndo kuyuma.” Su Karebu kampanana mbwiru za mashi zyaziweriti semu za pampindi na za pasi.
20Awu ndo uhala wa wantu wa likabila lya Yuda kulinganira na kolu zawu. 21Miji yaiweriti uwega wa kusika nakamu mwa isi ya Yuda kugenda mbaka ya Edomu iweriti Kabiseeli na Ederi na Yagari, 22na Kina na Dimona na Adada, 23na Kedeshi na Hazori na Itinani, 24na Zifu na Telemu na Bealoti, 25na Hazori hadata na Kerioti hezironi ndo imanikana Hazori, 26Amamu na Shema na Molada, 27na Hasarigada na Heshimoni na Biti peleti, 28Hasari shuali na Beeri sheba na Biziotia, 29na Baala na Iyumu na Ezemu, 30na Elitoladi na Kesili na Horima, 31na Sikilagi na Madimana na Sansana, 32Lebaoti na Shilihimu na Aini na Rimoni. Walanga ya miji yawapananitwi iweriti malongu mawili na tisa pamuhera na vijiji vyakuwi.
33Miji yaiweriti kulularanda iweriti Eshitaoli na Sora na Ashina, 34Zanowa na Enganimu na Tapuwa na Enamu, 35na Yarimuti na Adulamu na Soko na Azeka, 36na Shaaraimu na Aditaimu na Gedera na Gederotaimu. Walanga ya miji yawapananitwi iweriti lilongu na msheshi pamuhera na vijiji vyakuwi.
37Womberi viraa wapananuwituwiti viraa miji ya Senani na Hadasha na Migidal gadi, 38na Dileyani na Mizipa na Yokiteeli, 39na Lakishi na Bosikati na Egiloni, 40na Kaboni na Lahimamu na Kitilishi, 41na Gederoti na Betidagoni na Naama na Makeda. Walanga ya miji yawapaniwitwi iweriti lilongu na sita pamuhera na vijiji vyakuwi. 42Kayi wapananitwi miji ya Libina na Eteri na Ashani, 43na Yifita na Ashina na Nezibu, 44na Keila na Akizibu na Maresha. Walanga ya miji yawapananitwi iweriti tisa pamuhera na vijiji vyakuwi.
45Viraa virii wapananitwi Ekroni pamuhera na miji yakuwi mididini na vijiji, 46miji yoseri na vijiji vyaviweriti pakwegera na Ashidodi pakati pa Ekroni na bahari, 47Ashidodi na Gaza pamuhera na miji na vijiji vyakuwi, mpaka lushemba lwa Misri mpaka mbwega ya bahari ya Mediteraniyani.
48Miji iweriti kuenewu lya kulugongu iweriti Shamiri na Yatiri na Soku, 49Dana na Kiriyatisana ndo yaimanika Deberi, 50Anabu na Eshitemowa na Animu, 51Gosheni na Holoni na Gilo. Walanga ya miji yawapananuwituwiti iweriti lilongu na yimu pamuhera na vijiji vyakuwi.
52Viraa womberi wapananitwi miji ya Arabu na Duma na Eshani, 53na Yanimu na Betitapua na Afeka, 54na Humta na Kiritiariba ndo yaimanika Hebroni, na Siori. Walanga ya miji yawapananitwi iweriti tisa pamuhera na vijiji vyakuwi. 55Viraa wapananuwituwiti miji ya Maoni na Karimeli na Zifu na Yuta, 56na Yezireeli na Yokideamu na Zanoa, 57na Kaini na Gibea na Timuna. Walanga ya miji yawapananitwi iweriti lilongu pamuhera na vijiji vyakuwi. 58Viraa virii miji ya Halihuli na Betisuri na Gedori, 59na Maarati na Betianoti na Elitekoni. Walanga ya miji yawapananitwi iweriti sita pamuhera na vijiji vyakuwi. 60Ntambu iraa wapananitwi Kiriyatibaali na Raba. Walanga ya miji yawapananitwi iweriti miwili pamuhera na vijiji vyakuwi.
61Miji ya kushiwala iweriti Betiaraba na Midini na Sekaka, 62na Nibishani, mji gwa Munu na Engedi. Walanga ya miji yawapananitwi iweriti sita pamuhera na vijiji vyakuwi.
63Kumbiti wantu wa Yuda wasinditi kuwawinga Wayebusi, walii yawaweriti wenikaya wa Yerusalemu na mpaka leru Wayebusi wankali wankulikala kumjini amu pamuhera na wantu wa Yuda.
Currently Selected:
Yoshuwa 15: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.