Lyanjiru 49
49
Yakobu kankuwapetera mashi wanawa kuwi
1Yakobu kawashemiti wana wakuyi na kulonga, “Mjojoniki pamuhera niwagambiri vitwatira vyavigenda kuwapata mashaka gagiza.
2Mjojoniki mupikaniri, mwenga wana wa Yakobu,
Mumpikaniri neni Israeli tati gwenu.
3Rubeni gwenga shipanta njira wangu,
likakala lyangu na libwajubwaju lya untemba wangu.
Gwenga guwapita walongu waku kwa ukulu na likakala.
4Gwenga gambira mashi ga lilawa,
kumbiti hapeni guweri kayi gwa kwanja,
toziya gugonjiti na mdala gwangu gwa kunja neni tati gwaku,
gwenga guligohilira ndiri lisaga lyangu.
5Simoni na Lawi ndo walongu,
magumba gawu wagatendera ukakatala.
6Kumbiti neni hapeni ningiri mushotera motu shawu,
neni nalikolerana na lipinga lyawu,
toziya wawalagiti wantu, kwa maya gawu
wadumuliti mishipa ya wang'ombi ntambu yawafiriti.
7Mpangilira maya gawu toziya gakalipa nentu,
maya gawu gahera lusungu.
Haniwapalasiyi muisi ya Yakobu,
haniwapalasiyi muisi ya Israeli.
8Gwenga Yuda, walongu waku hawakuzyumi,
liwoku lyaku haliweri musingu mwa wankondu waku.
Na walongu waku hawasuntami makukama palongolu paku.
9Gwenga Yuda, gwenga gambira mwana gwa simba,
gwankuwuya kulawa mukugomiziya, mwana gwangu.
Gambira simba gwankunyatira na kugonja pasi,
gambira duma gwa shidala, ndo gaa yakawera na likakala, yakajera kumwimusiya?
10Luhonga lwa shifalumi hapeni luwuki kwa Yuda,
ama luhonga lwa ukolamlima pamagulu gakuyi,
mpaka kizi ulii yakawera na ukolamlima,
ndo mweni ujimiruwa wa wantu wavuwa hauweri wakuyi.
11Hakamtawi nkanyama punda gwakuyi mulizyabibu,
na mwana gwa punda wakuyi mulizyabibu liherepa.
Kaputaga nguwu zakuwi mudivayi,
na mahabiti gakuyi mudivayi njeri.
12Masu gakuyi hagaweri masheri kwa divayi,
menu gakuyi hagaweri mafufu kwa maweri.
13Zaboluni hakalikali semu za kumpwani,
kumpwani kwakuyi hakuweri pahala pa kugolosiya uwatu mkulu,
Isi yakuwi hayipakani na Sidoni.
14Isakari ndo gambira nkanyama punda yakawera na likakala,
yakaligonja pakati pa visanka vyakuwi.
15Pakawona pahala pa kwoyera ndo paheri,
na isi yakuwi ntambu yaiherepa,
kang'ong'onaziya mgongu gwakuyi kupapa shisanka,
hakajimiri kutenda lihengu lya umanda kwa wantu wamonga.
16Dani hakatozi wantu wakuyi kwa ntambu yakafira Mlungu,
gambira makabila gamonga ga Israeli.
17Hakaweri handa njoka mnjira,
njoka kana usungu mmbwega mnjira,
yakaluma visukulumbi vya Farasi,
na yakakwena pampindi pa Farasi kaguwa lugali.
18Gwee Mtuwa, nankuhepelera gunopoli.
19Gadi hakakomangwi na wakwepula,
kumbiti yomberi hakafati kumbeli na kuwakomanga.
20Shiboga sha Asheri hashiweri shatawi,
na yomberi hakalaviyi shiboga shinoga shashimfaa mfalumi.
21Naftali ndo gambira nkanyama mbawala yakawera mlekeru,
yakiwula wana waherepa.
22Yusufu ndo gambira mtera gwagulera,
mtera gwagulera mmpeku mumbwiru.
Mitambi yakuwi ilitanda mushibambaza.
23Waguma misali wamugumiti vibaya,
wamwasiliti misali na kumgaziya nentu.
24Kumbiti upindi wakuyi usigala ugangamala,
na mawoku gakuyi gapanananitwi makakala,
kwa Uwezu wa kana Likakala gwa Yakobu,
kwa litawu lya mlolera, litalawu lya Israeli.
25Kwa Mlungu gwa tati gwakuyi yakakutanga,
kwa Mlungu yakana Likakala
hakakutekeleri, gupati tekeleru za nvula kulawa kumpindi,
tekeleru za mashi ga matiwa yagawera pasi,
ashina mawu hawaleri nentu na mifugu hayongereki.
26Matekeleru ga tati gwaku zikanki tekelera za vigongu vya mashaka goseri, ziweri ziherepa kuliku vigongu vigona, tekelera azi na ziweri pampindi pa mtuwa gwa Yusufu, pampindi pa sheni shakuwi yomberi yakaweriti wamtula gweka na walongu wakuyi. 27Benjamini ndo liminyi kakalipa, mandawira kaliya vyakawinditi, na pamihi kankugawa vyakalopoliti.”
28Aga ndo shyanjiru sha makabila lilongu na mbili ga Israeli na avi ndo visoweru vyakawagambiriti tati gwawu pakawapeteriti mashi, pakampananiti kila yumu gwawu tekeleru lyalimfaa.
Kuhowa kwa Yakobu
29Shakapanu Israeli kawalagalira wananguta wakuyi hangu, “Neni sambira howa na kufindirwa pagwegera na wambuyi wangu yawahowiti, mulirambu lyakalihemiriti kwa Efroni muntu gwa Hiti, 30mumpanga lyaliwera mulirambu lya Makapera, pakwegera na mtera gwa Mamire aku Kanaani, lirambu lyalihemiritwi na Abrahamu kulawa kwa Efroni, paweri pahala pa kufindirwa wantu. 31Aku ndo kwawafindilitwi Abrahamu pamuhera na mdala gwakuyi, vilaa aku ndo kwawamfindiriti Isaka pamuhera na Rebeka mdala gwakuyi na aku ndo kwawamfindiriti Leya. 32Lirambu ali na mpanga lyaliwera amu, lihemilitwi kwa wantu wa Hiti.”
33Yakobu pakamaliliti kawalagalira wana wakuyi, kagawuziya magulu gakuyi mulisaga, su kahowa.
Currently Selected:
Lyanjiru 49: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Lyanjiru 49
49
Yakobu kankuwapetera mashi wanawa kuwi
1Yakobu kawashemiti wana wakuyi na kulonga, “Mjojoniki pamuhera niwagambiri vitwatira vyavigenda kuwapata mashaka gagiza.
2Mjojoniki mupikaniri, mwenga wana wa Yakobu,
Mumpikaniri neni Israeli tati gwenu.
3Rubeni gwenga shipanta njira wangu,
likakala lyangu na libwajubwaju lya untemba wangu.
Gwenga guwapita walongu waku kwa ukulu na likakala.
4Gwenga gambira mashi ga lilawa,
kumbiti hapeni guweri kayi gwa kwanja,
toziya gugonjiti na mdala gwangu gwa kunja neni tati gwaku,
gwenga guligohilira ndiri lisaga lyangu.
5Simoni na Lawi ndo walongu,
magumba gawu wagatendera ukakatala.
6Kumbiti neni hapeni ningiri mushotera motu shawu,
neni nalikolerana na lipinga lyawu,
toziya wawalagiti wantu, kwa maya gawu
wadumuliti mishipa ya wang'ombi ntambu yawafiriti.
7Mpangilira maya gawu toziya gakalipa nentu,
maya gawu gahera lusungu.
Haniwapalasiyi muisi ya Yakobu,
haniwapalasiyi muisi ya Israeli.
8Gwenga Yuda, walongu waku hawakuzyumi,
liwoku lyaku haliweri musingu mwa wankondu waku.
Na walongu waku hawasuntami makukama palongolu paku.
9Gwenga Yuda, gwenga gambira mwana gwa simba,
gwankuwuya kulawa mukugomiziya, mwana gwangu.
Gambira simba gwankunyatira na kugonja pasi,
gambira duma gwa shidala, ndo gaa yakawera na likakala, yakajera kumwimusiya?
10Luhonga lwa shifalumi hapeni luwuki kwa Yuda,
ama luhonga lwa ukolamlima pamagulu gakuyi,
mpaka kizi ulii yakawera na ukolamlima,
ndo mweni ujimiruwa wa wantu wavuwa hauweri wakuyi.
11Hakamtawi nkanyama punda gwakuyi mulizyabibu,
na mwana gwa punda wakuyi mulizyabibu liherepa.
Kaputaga nguwu zakuwi mudivayi,
na mahabiti gakuyi mudivayi njeri.
12Masu gakuyi hagaweri masheri kwa divayi,
menu gakuyi hagaweri mafufu kwa maweri.
13Zaboluni hakalikali semu za kumpwani,
kumpwani kwakuyi hakuweri pahala pa kugolosiya uwatu mkulu,
Isi yakuwi hayipakani na Sidoni.
14Isakari ndo gambira nkanyama punda yakawera na likakala,
yakaligonja pakati pa visanka vyakuwi.
15Pakawona pahala pa kwoyera ndo paheri,
na isi yakuwi ntambu yaiherepa,
kang'ong'onaziya mgongu gwakuyi kupapa shisanka,
hakajimiri kutenda lihengu lya umanda kwa wantu wamonga.
16Dani hakatozi wantu wakuyi kwa ntambu yakafira Mlungu,
gambira makabila gamonga ga Israeli.
17Hakaweri handa njoka mnjira,
njoka kana usungu mmbwega mnjira,
yakaluma visukulumbi vya Farasi,
na yakakwena pampindi pa Farasi kaguwa lugali.
18Gwee Mtuwa, nankuhepelera gunopoli.
19Gadi hakakomangwi na wakwepula,
kumbiti yomberi hakafati kumbeli na kuwakomanga.
20Shiboga sha Asheri hashiweri shatawi,
na yomberi hakalaviyi shiboga shinoga shashimfaa mfalumi.
21Naftali ndo gambira nkanyama mbawala yakawera mlekeru,
yakiwula wana waherepa.
22Yusufu ndo gambira mtera gwagulera,
mtera gwagulera mmpeku mumbwiru.
Mitambi yakuwi ilitanda mushibambaza.
23Waguma misali wamugumiti vibaya,
wamwasiliti misali na kumgaziya nentu.
24Kumbiti upindi wakuyi usigala ugangamala,
na mawoku gakuyi gapanananitwi makakala,
kwa Uwezu wa kana Likakala gwa Yakobu,
kwa litawu lya mlolera, litalawu lya Israeli.
25Kwa Mlungu gwa tati gwakuyi yakakutanga,
kwa Mlungu yakana Likakala
hakakutekeleri, gupati tekeleru za nvula kulawa kumpindi,
tekeleru za mashi ga matiwa yagawera pasi,
ashina mawu hawaleri nentu na mifugu hayongereki.
26Matekeleru ga tati gwaku zikanki tekelera za vigongu vya mashaka goseri, ziweri ziherepa kuliku vigongu vigona, tekelera azi na ziweri pampindi pa mtuwa gwa Yusufu, pampindi pa sheni shakuwi yomberi yakaweriti wamtula gweka na walongu wakuyi. 27Benjamini ndo liminyi kakalipa, mandawira kaliya vyakawinditi, na pamihi kankugawa vyakalopoliti.”
28Aga ndo shyanjiru sha makabila lilongu na mbili ga Israeli na avi ndo visoweru vyakawagambiriti tati gwawu pakawapeteriti mashi, pakampananiti kila yumu gwawu tekeleru lyalimfaa.
Kuhowa kwa Yakobu
29Shakapanu Israeli kawalagalira wananguta wakuyi hangu, “Neni sambira howa na kufindirwa pagwegera na wambuyi wangu yawahowiti, mulirambu lyakalihemiriti kwa Efroni muntu gwa Hiti, 30mumpanga lyaliwera mulirambu lya Makapera, pakwegera na mtera gwa Mamire aku Kanaani, lirambu lyalihemiritwi na Abrahamu kulawa kwa Efroni, paweri pahala pa kufindirwa wantu. 31Aku ndo kwawafindilitwi Abrahamu pamuhera na mdala gwakuyi, vilaa aku ndo kwawamfindiriti Isaka pamuhera na Rebeka mdala gwakuyi na aku ndo kwawamfindiriti Leya. 32Lirambu ali na mpanga lyaliwera amu, lihemilitwi kwa wantu wa Hiti.”
33Yakobu pakamaliliti kawalagalira wana wakuyi, kagawuziya magulu gakuyi mulisaga, su kahowa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.