Lyanjiru 45
45
Yusufu kankulimaniziya
1Shakapanu Yusufu kasinditi kulilewelera kulongolu kwa wantumintumi woseri yawaweriti pamuhera nayu, kawalagaliriti walawi kunja. Su Yusufu pakasigaliti gweka yakuwi, kalimaniziyiti kwa walongu wakuyi. 2Yomberi kaliriti kwa liziwu mpaka wantu walii wa Misri wampikanira, vulaa wantu wa Farao wampikaniriti.
3Yusufu kawagambiriti walongu wakuyi, neni ndo Yusufu. Hashi, tati gwangu kankali mkomu? Kumbiti walongu wakuyi wasindiki kumwankula toziya waweriti wankulikangasha kwa lyoga kulongolu kwakuyi.
4Su Yusufu kawagambiriti walongu wakuyi, shondi shondi, msegeleri pakwegera na neni. Womberi pawasegeleriti, yomberi kawagambira, neni ndo mlongu gwenu Yusufu, ulii yamumshuwuziti Kumisri. 5Kumbiti vinu namwinginika ama namulikalalirana maweni kwa maweni, toziya munshuwuziti aku, su Mlungu kanjegiti uganu niwalongoleri su nigalopoli makaliru ga wantu. 6Ashi ndo shinja sha pili hera sha njala muisi, su isigala mivinja muhanu yamonga, wantu hapeni wawezi kulima ama kubena. 7Mlungu kanjegiti aku niwalongoleri, su nigalopoli makaliru genu msigali wakomu muisi na kuwalopoziya kwa ulopoziya mkulu. 8Su mwenga munjegiti ndiri uganu, kumbiti Mlungu ndo yakanjegiti. Mlungu kantenditi kuwera gambira tati kwa Farao, mgolokera gwa numba yakuwi yoseri na mkolamlima gwa isi yoseri ya Misri.
9“Su mtendi kalongola mgendi kwa tati na kumgambira Yusufu mwana gwaku kalonga, mlungu kantenda kuwera mkulu gwa isi yoseri ya Misri. Nagukawi kwiza kwaneni. 10Hagulikali pakwegera na neni semu ya lushi lwa Gosheni, gwenga na wana waku na wazukulu waku, wakondolu waku na wambuzi na wang'ombi na kila shintu shaguwera nashi. 11Paguwera aku, neni hanikuloleri weri gwenga na walongu waku pamuhera na wankanyama waku su namwiza kuhowa njala, toziya isigala mivinja muhanu ya njala.”
12Shakapanu Yusufu kalonga, mwenga maweni muwona kwa masu genu, ata mlongu gwangu Benjamini kawona kwa masu gakuyi kuwera neni namweni Yusufu yanyowera na mwenga. 13“Mumgambiri tati gwangu kuusu ligoya lyangu Misri uganu na goseri gamgawoniti, su mtendi kalongola mwakamjegi tati gwangu uganu.”
14Shakapanu Yusufu kamkisikira Benjamini, mlongu gwakuyi na kalira, Benjamini vulaa kaliriti, agawu pawalikisikira. 15Vulaa kawakisikira walongu wakuyi na kuwanonera. Shakapanu walongu wakuyi waweziti kuyowera nayu.
16Visoweru pavisokiti kunumba ya mfalumi, kuwera walongu wa Yusufu wasokiti, Farao pamuhera na wakulu wayaguwi woseri wanemeleliti. 17Su Farao kamgambira Yusufu, “Guwagambiri walongu wakuyi wawapapiziyi wankanyama punda wawu visanka, wawuyi muisi ya Kanaani, 18wamjegi panu tati gwawu na walongu wawu woseri. Neni hanikupanani pahala paherepa nakamu muisi ya Misri, peni hawawezi kunemelera uherepa woseri wa isi ayi. 19Guwagambiri vulaa watoli kulawa panu mbutuka zyazikwegwa ga kuwajega wana wawu wadidini pamuhera na wadala wawu, nawaleka kumjega tati gwawu. 20Nawalishera kuusu ulunda wawu, toziya semu iherepa kuliku zoseri muisi ya Misri, hayiweri yawu.”
21Su wana wa Israeli watenda ntambu yawalagaliritwi. Yufusu kawapanana mbutuka za kukweguwa pamuhera na shiboga sha munjira ntambu yakalagaliritiwi na Farao. 22Yomberi kawapananiti kila yumu nguwu zingi za kuvala, vulaa kampananiti Benjamini magwala ga mpiya miya ntatu pamuhera na nguwu zingi muhanu za kuvala. 23Avi ndo vintu vyakamjegiriti tati gwakuyi mafupu aga kwajili ya mwanja gwakuyi. Kamjegiriti wankanyama punda lilongu yawapapiti vintu viherepa vya Misri, nkanyama punda washidala lilongu yawapapiti viboga na mabumunda na viboga vimonga. 24Shakapanu Yusufu kawagambiriti kwahere walongu wakuyi. “Pawaweriti wankuwuka, kawaberiziya pakalonga, namulilewa munjira.”
25Su womberi walawiti Misri na kuwuya ukaya kwa Yakobu tati gwawu muisi ya Kanani. 26Womberi wamgambiriti tati gwawu, Yusufu kankali mkomu! “Yomberi ndo mkolamlima gwa isi yoseri ya Misri. Palii tati gwawu kalikangashiti nentu, toziya kaweziti ndiri kuvijimira visoweru vyawu.”
27Kumbiti womberi pawamgambiriti vyoseri vyawalagaliritwi na Yusufu na pakawoniti mbutuka zyakukwegwa zyakamjegeritwi na Yusufu kumtola, moyu gwakuyi gunemeleriti nentu. 28Israeli kalonga, “Vinu njimira mwana gwangu Yusufu kankali mkomu. Hang'endi nikamloli pamberi pa hanehowi.”
Currently Selected:
Lyanjiru 45: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Lyanjiru 45
45
Yusufu kankulimaniziya
1Shakapanu Yusufu kasinditi kulilewelera kulongolu kwa wantumintumi woseri yawaweriti pamuhera nayu, kawalagaliriti walawi kunja. Su Yusufu pakasigaliti gweka yakuwi, kalimaniziyiti kwa walongu wakuyi. 2Yomberi kaliriti kwa liziwu mpaka wantu walii wa Misri wampikanira, vulaa wantu wa Farao wampikaniriti.
3Yusufu kawagambiriti walongu wakuyi, neni ndo Yusufu. Hashi, tati gwangu kankali mkomu? Kumbiti walongu wakuyi wasindiki kumwankula toziya waweriti wankulikangasha kwa lyoga kulongolu kwakuyi.
4Su Yusufu kawagambiriti walongu wakuyi, shondi shondi, msegeleri pakwegera na neni. Womberi pawasegeleriti, yomberi kawagambira, neni ndo mlongu gwenu Yusufu, ulii yamumshuwuziti Kumisri. 5Kumbiti vinu namwinginika ama namulikalalirana maweni kwa maweni, toziya munshuwuziti aku, su Mlungu kanjegiti uganu niwalongoleri su nigalopoli makaliru ga wantu. 6Ashi ndo shinja sha pili hera sha njala muisi, su isigala mivinja muhanu yamonga, wantu hapeni wawezi kulima ama kubena. 7Mlungu kanjegiti aku niwalongoleri, su nigalopoli makaliru genu msigali wakomu muisi na kuwalopoziya kwa ulopoziya mkulu. 8Su mwenga munjegiti ndiri uganu, kumbiti Mlungu ndo yakanjegiti. Mlungu kantenditi kuwera gambira tati kwa Farao, mgolokera gwa numba yakuwi yoseri na mkolamlima gwa isi yoseri ya Misri.
9“Su mtendi kalongola mgendi kwa tati na kumgambira Yusufu mwana gwaku kalonga, mlungu kantenda kuwera mkulu gwa isi yoseri ya Misri. Nagukawi kwiza kwaneni. 10Hagulikali pakwegera na neni semu ya lushi lwa Gosheni, gwenga na wana waku na wazukulu waku, wakondolu waku na wambuzi na wang'ombi na kila shintu shaguwera nashi. 11Paguwera aku, neni hanikuloleri weri gwenga na walongu waku pamuhera na wankanyama waku su namwiza kuhowa njala, toziya isigala mivinja muhanu ya njala.”
12Shakapanu Yusufu kalonga, mwenga maweni muwona kwa masu genu, ata mlongu gwangu Benjamini kawona kwa masu gakuyi kuwera neni namweni Yusufu yanyowera na mwenga. 13“Mumgambiri tati gwangu kuusu ligoya lyangu Misri uganu na goseri gamgawoniti, su mtendi kalongola mwakamjegi tati gwangu uganu.”
14Shakapanu Yusufu kamkisikira Benjamini, mlongu gwakuyi na kalira, Benjamini vulaa kaliriti, agawu pawalikisikira. 15Vulaa kawakisikira walongu wakuyi na kuwanonera. Shakapanu walongu wakuyi waweziti kuyowera nayu.
16Visoweru pavisokiti kunumba ya mfalumi, kuwera walongu wa Yusufu wasokiti, Farao pamuhera na wakulu wayaguwi woseri wanemeleliti. 17Su Farao kamgambira Yusufu, “Guwagambiri walongu wakuyi wawapapiziyi wankanyama punda wawu visanka, wawuyi muisi ya Kanaani, 18wamjegi panu tati gwawu na walongu wawu woseri. Neni hanikupanani pahala paherepa nakamu muisi ya Misri, peni hawawezi kunemelera uherepa woseri wa isi ayi. 19Guwagambiri vulaa watoli kulawa panu mbutuka zyazikwegwa ga kuwajega wana wawu wadidini pamuhera na wadala wawu, nawaleka kumjega tati gwawu. 20Nawalishera kuusu ulunda wawu, toziya semu iherepa kuliku zoseri muisi ya Misri, hayiweri yawu.”
21Su wana wa Israeli watenda ntambu yawalagaliritwi. Yufusu kawapanana mbutuka za kukweguwa pamuhera na shiboga sha munjira ntambu yakalagaliritiwi na Farao. 22Yomberi kawapananiti kila yumu nguwu zingi za kuvala, vulaa kampananiti Benjamini magwala ga mpiya miya ntatu pamuhera na nguwu zingi muhanu za kuvala. 23Avi ndo vintu vyakamjegiriti tati gwakuyi mafupu aga kwajili ya mwanja gwakuyi. Kamjegiriti wankanyama punda lilongu yawapapiti vintu viherepa vya Misri, nkanyama punda washidala lilongu yawapapiti viboga na mabumunda na viboga vimonga. 24Shakapanu Yusufu kawagambiriti kwahere walongu wakuyi. “Pawaweriti wankuwuka, kawaberiziya pakalonga, namulilewa munjira.”
25Su womberi walawiti Misri na kuwuya ukaya kwa Yakobu tati gwawu muisi ya Kanani. 26Womberi wamgambiriti tati gwawu, Yusufu kankali mkomu! “Yomberi ndo mkolamlima gwa isi yoseri ya Misri. Palii tati gwawu kalikangashiti nentu, toziya kaweziti ndiri kuvijimira visoweru vyawu.”
27Kumbiti womberi pawamgambiriti vyoseri vyawalagaliritwi na Yusufu na pakawoniti mbutuka zyakukwegwa zyakamjegeritwi na Yusufu kumtola, moyu gwakuyi gunemeleriti nentu. 28Israeli kalonga, “Vinu njimira mwana gwangu Yusufu kankali mkomu. Hang'endi nikamloli pamberi pa hanehowi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.