Lyanjiru 4

Kaini na Abeli

1Adamu kamumana Hawa mdala gwakuyi na yomberi kapata yinda kamlera Kaini. Hawa kalonga, “Mpata mwana mpalu kwa utanga wa Mtuwa Mlungu!” 2Shakapanu kamlera mwana yumonga litawu lyakuyi Abeli. Abeli kaweriti mlolera wa wakondolu na Kaini kaweriti mlimi. 3Mushaka shamu, Kaini kamlaviliriti Mtuwa Mlungu tambiku kulawa muviboga vya malambu. 4Na Abeli kamlavilira Mlungu tambiku musemu ya walera wa kwanja wa wakondolu wakuyi na vinofu viherepa. Mtuwa Mlungu kaherepeziwa na Abeli pamuhera na tambiku yakuwi 5kumbiti kaherepeziwitwi ndiri na Kaini pamuhera na tambiku yakuwi. Su Kaini kakalala nentu na sheni shakuwi shiwera na ntita. 6Mtuwa Mlungu kamgambira Kaini, “Iwera hashi gukalala, iwera hashi sheni shaku shiwera na ntita? 7Hashi, pagutenda gaherepa hagujimirwi ndiri? Kumbiti pagutenda ndiri gaherepa, su vidoda vyankukunyatira pamlyangu, vyamata kwa gwenga, kumbiti gufiruwa guvikanki.” 8Shakapanu, Kaini kamgambiriti Abeli mlongu gwakuyi, “Tugendi kunja kulirambu.” Su pawaweriti kulirambu, Kaini kamkopokera Abeli mlongu gwakuyi, kamlaga.

9Mtuwa Mlungu kamkosiya Kaini, “Mlongu gwaku Abeli kakoshi?” Kaini kamwankula, “Neni nivimana ndiri! Hashi, neni mlolera gwa mlongu gwangu?”

10Mtuwa Mlungu kakosiya, “Gutenda shishi? Gupikanili! Mwazi gwa mlongu gwaku gwankundilira kulawa mulitapaka. 11Vinu nikupangila gwenga! Hapeni gulimi kayi mulitapaka, lyeni liwera gambira mlomu yaguvuguliti kuwanka mwazi gwa mlongu gwaku kulawa muliwoku lyaku. 12Pagulima mulitapaka hapeni likupanani mabenu gakuyi. Haguweri muntu gwa kuyerayera, yakahera pahala pa kulikala pasipanu.”

13Kaini kamgambiriti Mtuwa Mlungu, “Utoza awu mkulu ng'anji, neni weza ndiri kuhepelera. 14Guloli, leru guwinga neni kulawa mulitapaka ali, na haweri kutali kwagwenga. Haweri muntu gwa kuyerayera, yakahera pakulikala pasipanu na yoseri yakamona hakanagi.”

15Kumbiti Mtuwa kamgambira, “Ndala! Yakafira kukulaga gwenga Kaini, hakawuzilirwi mala saba kuliku ayi.” Su Mtuwa Mlungu kamtula Kaini shimaniziwu sha kulishera, su yoseri yakamona nakamlaga. 16Shakapanu Kaini kawuka kulongolu kwa Mtuwa Mlungu, su kagenditi kulikala muisi ya Nodi, uwega wa Edeni kwagulawa mshenji.

Walerwa wa Kaini

17Kaini kamumana mdala gwakuyi na mdala gwakuyi kapata yinda, kamlera Enoki. Kaini kanjiti kunyawa lushi kalushema litawu lya Enoki mwana gwakuyi. 18Enoki kamleriti Iradi, na Iradi kamleriti Mehuyaeli kamleriti Metushaeli na Metushaeli kamleriti Lameki. 19Lameki kayugiti wadala wawili, yumu kamshemiti Ada na yumonga Zila. 20Ada kamleriti Yabali ulii yakaweriti mbuyi gwa walolera yawalikala muvilingu. 21Mlongu gwakuyi kaweriti Yubali ulii yakaweriti mbuyi gwawu wavinamsambu yawagombiti mbalapi na pelembi.

22Zila vilaa kamwiwuliriti Tubali kaini ulii yakaweriti mnyawa vyombu vya shaba na shuma, dada gwakuyi Tubali kaini kaweriti Naama. 23Lameki kawagambiriti wadala wakuyi,

“Ada na Zila mpikaniri liziwu lyangu!

Mpikaniri gantakula mwenga wadala wa Lameki.

Neni nagiti muntu kwa kumtenduwa,

yina, nagiti muntemba kwa kuntenda. 24Paiwera Kaini hakawuzilirwi mala saba

na yoseri yakandaga neni Lameki,

yomberi hakawuzilirwi mala malongu saba na saba.”

Seti na Enoshi

25Adamu kamumana kayi Hawa mdala gwakuyi, na Hawa kamwiwula mwana mpalu, kamshema Seti pakalonga, “Mlungu kampanana mwana pahala pa Abeli yakalagitwi na Kaini.” 26Seti kaweriti na mwana yakamshemiti Enoshi. Mumashaka aga wantu ndo wanjiti kulikwisa litawu lya Mtuwa Mlungu.

Currently Selected:

Lyanjiru 4: PBV

Highlight

Copy

Compare