Lyanjiru 34
34
Simoni na Lawi wankuwuzilira toziya ya dada gwawu.
1Lishaka limu, Dina muhinga gwa Yakobu na Leya, wagenditi kuwatyangira wadala wa isi ya Kanaani. 2Shekemu mwana gwa Hamoli, Muhivi yakaweriti mkulu gwa isi ayi, pakamwoniti Dina, yomberi kamkamula, kagonja nayu kwa likakala. 3Kumbiti Shekemu kafiliziwa nentu na muhinga ayu, kamfira mpaka kanja kumzyangazyanga. 4Su Shekemu kayoweriti na Hamoli tati gwakuyi, kamgambira, “Shondi, gunduwili muhinga ayu nimyugi.”
5Yakobu kavimana kuwera Dina muhinga gwakuyi katendiritwi uhumba na Shekemu, kumbiti wana wakuyi waweriti wankuwalolera wankanyama kuntundu, su kanyamaliti mpaka pawawuyiti. 6Hamoli tati gwa Shekemu, kagenditi kwa Yakobu su kayoweri nayu. 7Wana wa Yakobu wawuyiti kulawa kuntundu, pawapikaniriti aga, womberi wakalariti nentu toziya Shekemu kawatenderiti wantu wa Israeli ukondola awu wa kugonja na muhinga gwa Yakobu, mana shitwatira ashi shiweriti mziru.
8Kumbiti Hamoli kawagambira, “Mwana gwangu Shekemu kamfira nentu muhinga gwenu. Su shondi mumjimiri kamuyugi. 9Mleki tuliyugi, mwenga hamuyugi wahinga wetu na twenga hatuwayugi wahinga wenu. 10Su hamulikali pamuhera na twenga, hamuweri walekeru muisi ayi, hamulikali amu mshuwuzi vintu na kupata ulunda.”
11Ntambu iraa ayi, Shekemu kawagambiriti tati na walongu wakuyi Dina, “Shondi shondi neni haniwapanani shoseri shamfira. 12Mung'ambiri shyasi sha mahetu na lifupu, neni handaviyi, su mumpanani neni kaweri mdala gwangu.”
13Su wana wa Yakobu wamwankuliti Shekemu na tati gwa Hamoli kwa upayira, toziya Shekemu kamtenditi kala uhumba Dina dada gwawu. 14Wawagambiriti, “Hapeni tutendi shitwatira sha ntambu ayi kumlaviya dada gwetu kwa muntu yakingiziwituwi ndiri jandu, kutenda hangu hayiweri soni kwa twenga. 15Hatujimirani na mwenga kwa ntambu ayi, hamuweri gambira twenga kwa kumwingiziya jandu kila mpalu pakati pa mwenga. 16Shakapanu hatuwaleki wahinga wetu wayuguwi na mwenga na twenga hatuwayugi wahinga wenu, hatulikali pamuhera na mwenga na kuwera wantu umu na mwenga. 17Kumbiti pamjimirana ndiri na twengapa na kwingira ndiri jandu, su twenga hatumtoli muhinga gwetu na kugenda zetu.”
18Shisoweri shawu shiwafiriziyi Hamoli na Shekemu mwana gwakuyi. 19Muntemba ayu kalema ndiri kutenda ntambu yawafiriti womberi, toziya kamfiriti nentu muhinga gwa Yakobu. Pamuhera na hangu, Shekemu ndo yakagohelitwi kuliku woseri mukaya yakuwi.
20Su Hamoli na Shekemu mwana gwakuyi, wagenditi kuligomi likulu lya lushi na watakuliti na wapalu wa lushi lwawu, pawalongiti, 21“Wantu awa waganja wetu, tuleki walikali na twenga na kushuwuza toziya twana isi nkulu yakulikala twenga na womberi. Shakapanu hatuwayugi wahinga wawu na womberi hawayugi wahinga wa twenga. 22Kumbiti womberi hawajimili kulikala na twenga na hatuweri wantu umu, su kila muntu pakati pa twenga kingiziwi jandu ntambu yawingizitwi jandu womberi. 23Hashi, mwona ndiri kuwera wankanyama wawu na ulunda wawu woseri hauweri ulunda wetu? Su tujimilirani na womberi, hawalikali na twenga.” 24Wapalu na woseri yawajojonikiti paligomi lya lushi alu wajimirana na Hamoli pamuhera na Shekemu mwana gwakuyi. Shakapanu wapalu woseri wingiziwitwi jandu.
25Mulisha lya tatu shakapanu, walii yawayingiziwitwi jandu pawaweriti wankali na utama wa vironda, wana wawili wa Yakobu, Simiyoni pamuhera na Lawi, kaka zakuwi Dina, watoliti magumba gawu, wingira vumu mlushi na kuwalaga wapalu woseri. 26Wawalagiti kwa magumba Hamoli na Shekemu mwana gwakuyi, na wamlaviyiti Dina mnumba ya Shekemu, na wagenditi zawu. 27Wana wa Yakobu watyangiti pamawuti galii na kwingira mlushi na watoliti vintu vyaviweramu toziya dada gwawu katendiritwi uhumba. 28Wawatoliti wakondolu na wambuzi na wang'ombi na punda na shoseri shashiweriti mulushi ama mumalambu. 29Watoliti ulunda woseri, wana na wadala woseri na shoseri shashiweriti mnumba.
30Su Yakobu kawagambiriti Simiyoni na Lawi, “Mwenga munjegera ntabiku kuntenda nkalalirwi na wenikaya wa isi ayi ya Wakanaani na Waperizi. Neni nahera wantu wavuwa, na handa pawajojonika kunkomanga, hawandagi neni pamuhera na walongu wangu.” 31Kumbiti womberi walongiti, “Hashi, yomberi kamtenda dada gwetu gambira mundiyandiya?”
Currently Selected:
Lyanjiru 34: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Lyanjiru 34
34
Simoni na Lawi wankuwuzilira toziya ya dada gwawu.
1Lishaka limu, Dina muhinga gwa Yakobu na Leya, wagenditi kuwatyangira wadala wa isi ya Kanaani. 2Shekemu mwana gwa Hamoli, Muhivi yakaweriti mkulu gwa isi ayi, pakamwoniti Dina, yomberi kamkamula, kagonja nayu kwa likakala. 3Kumbiti Shekemu kafiliziwa nentu na muhinga ayu, kamfira mpaka kanja kumzyangazyanga. 4Su Shekemu kayoweriti na Hamoli tati gwakuyi, kamgambira, “Shondi, gunduwili muhinga ayu nimyugi.”
5Yakobu kavimana kuwera Dina muhinga gwakuyi katendiritwi uhumba na Shekemu, kumbiti wana wakuyi waweriti wankuwalolera wankanyama kuntundu, su kanyamaliti mpaka pawawuyiti. 6Hamoli tati gwa Shekemu, kagenditi kwa Yakobu su kayoweri nayu. 7Wana wa Yakobu wawuyiti kulawa kuntundu, pawapikaniriti aga, womberi wakalariti nentu toziya Shekemu kawatenderiti wantu wa Israeli ukondola awu wa kugonja na muhinga gwa Yakobu, mana shitwatira ashi shiweriti mziru.
8Kumbiti Hamoli kawagambira, “Mwana gwangu Shekemu kamfira nentu muhinga gwenu. Su shondi mumjimiri kamuyugi. 9Mleki tuliyugi, mwenga hamuyugi wahinga wetu na twenga hatuwayugi wahinga wenu. 10Su hamulikali pamuhera na twenga, hamuweri walekeru muisi ayi, hamulikali amu mshuwuzi vintu na kupata ulunda.”
11Ntambu iraa ayi, Shekemu kawagambiriti tati na walongu wakuyi Dina, “Shondi shondi neni haniwapanani shoseri shamfira. 12Mung'ambiri shyasi sha mahetu na lifupu, neni handaviyi, su mumpanani neni kaweri mdala gwangu.”
13Su wana wa Yakobu wamwankuliti Shekemu na tati gwa Hamoli kwa upayira, toziya Shekemu kamtenditi kala uhumba Dina dada gwawu. 14Wawagambiriti, “Hapeni tutendi shitwatira sha ntambu ayi kumlaviya dada gwetu kwa muntu yakingiziwituwi ndiri jandu, kutenda hangu hayiweri soni kwa twenga. 15Hatujimirani na mwenga kwa ntambu ayi, hamuweri gambira twenga kwa kumwingiziya jandu kila mpalu pakati pa mwenga. 16Shakapanu hatuwaleki wahinga wetu wayuguwi na mwenga na twenga hatuwayugi wahinga wenu, hatulikali pamuhera na mwenga na kuwera wantu umu na mwenga. 17Kumbiti pamjimirana ndiri na twengapa na kwingira ndiri jandu, su twenga hatumtoli muhinga gwetu na kugenda zetu.”
18Shisoweri shawu shiwafiriziyi Hamoli na Shekemu mwana gwakuyi. 19Muntemba ayu kalema ndiri kutenda ntambu yawafiriti womberi, toziya kamfiriti nentu muhinga gwa Yakobu. Pamuhera na hangu, Shekemu ndo yakagohelitwi kuliku woseri mukaya yakuwi.
20Su Hamoli na Shekemu mwana gwakuyi, wagenditi kuligomi likulu lya lushi na watakuliti na wapalu wa lushi lwawu, pawalongiti, 21“Wantu awa waganja wetu, tuleki walikali na twenga na kushuwuza toziya twana isi nkulu yakulikala twenga na womberi. Shakapanu hatuwayugi wahinga wawu na womberi hawayugi wahinga wa twenga. 22Kumbiti womberi hawajimili kulikala na twenga na hatuweri wantu umu, su kila muntu pakati pa twenga kingiziwi jandu ntambu yawingizitwi jandu womberi. 23Hashi, mwona ndiri kuwera wankanyama wawu na ulunda wawu woseri hauweri ulunda wetu? Su tujimilirani na womberi, hawalikali na twenga.” 24Wapalu na woseri yawajojonikiti paligomi lya lushi alu wajimirana na Hamoli pamuhera na Shekemu mwana gwakuyi. Shakapanu wapalu woseri wingiziwitwi jandu.
25Mulisha lya tatu shakapanu, walii yawayingiziwitwi jandu pawaweriti wankali na utama wa vironda, wana wawili wa Yakobu, Simiyoni pamuhera na Lawi, kaka zakuwi Dina, watoliti magumba gawu, wingira vumu mlushi na kuwalaga wapalu woseri. 26Wawalagiti kwa magumba Hamoli na Shekemu mwana gwakuyi, na wamlaviyiti Dina mnumba ya Shekemu, na wagenditi zawu. 27Wana wa Yakobu watyangiti pamawuti galii na kwingira mlushi na watoliti vintu vyaviweramu toziya dada gwawu katendiritwi uhumba. 28Wawatoliti wakondolu na wambuzi na wang'ombi na punda na shoseri shashiweriti mulushi ama mumalambu. 29Watoliti ulunda woseri, wana na wadala woseri na shoseri shashiweriti mnumba.
30Su Yakobu kawagambiriti Simiyoni na Lawi, “Mwenga munjegera ntabiku kuntenda nkalalirwi na wenikaya wa isi ayi ya Wakanaani na Waperizi. Neni nahera wantu wavuwa, na handa pawajojonika kunkomanga, hawandagi neni pamuhera na walongu wangu.” 31Kumbiti womberi walongiti, “Hashi, yomberi kamtenda dada gwetu gambira mundiyandiya?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.