Kulawa ULONGULERU
ULONGULERU
Shitabu ashi sha Kulawa shendeleza histoliya ya kaya ya Abrahamu ya kwanja na Lyanjiru. Mana ya shisoweru kulawa “(Kulawira)” Patuwuya muisi ya Israeli kulawira mumisri, kuwuya muisi yakalongiti Mlungu kwa Abrahamu. Shiutamaduni, wafunda wajimira shitabu sha kulawa shilembitwi na mbuyi gwa Mlungu Musa hatuviwoni muvipandi vyavilisyaguliti vyeni. Kulawa 24: 4 Shilonga ntambu gaa Musa kalembiti pasi pa shipandi sha shitabu. Mujoshuwa 8:31 hayiweri lagiru muliyanjiru 20:25 na shilongiti handa shilembitwi mushitabu sha lagiru lya Musa mulipatanu lya syayi litakulira shitabu shilembitwi na Musa shaka shoseri, kwa mfanu shaka tuyoweleriti kuwera shilawiriti shishi mkulunguziya ndundu ama shidowi, walonga shilembitwi mshitabu sha Musa Marko 12:26 Kuwala kwa Waisraeli kulawa Misri kuweriti shipindi sha vinja 1300 ama 1400 B.C 1 Wafalumi 6:1 shilonga Kulawa shitoliti vinja 480 pamberi pa vinja 4 vinja vya Sulemani kuwera mfalumi gwa Israeli. Kulawa shitakulira ntambu gaa Mlungu katuliti lipatanu kwa Abrahamu Isaka na Yakobu. Shiyowelera kuusu Mlungu kana likakala hakautekeleri wiwuka wa Abrahamu, muisi ya Israeli Kulawa mulitapaka lya Misri (Kulawa 1-12) kulawa panu Mlungu kawalonguziya wantu wakuyi mumigongu ya Sinayi peni kampananiti Musa Lagiru kwa Waisraeli wagafati (Kulawa 12-19. Lagiru ali yagawera amu ntambu gaa yagatenda na ntambu yakulaviya tambiku na ntambu ya kunyawa numba nkulu ya Mlungu yeni ndo seemu ya kumguwira Mlungu mulisandiku lya Lipatanu na vintu vimonga vya kuguwira munumba ya Mtuwa Mlungu asa nguwu Kulawa 20-31. Shakapanu pa likabila linkondu linyawiti shinyagu sha zahabu mfanu gwa mwana gwa ng'ombi Musa kaliwoniti kayi na Mlungu Kulawa 32-33. Mushipandi sha upeleru sha shitabu tubetuliti handa vintu gaa vya kwanja vyakufata Kulawa 33-40.
YAGAWERAAMU
Shipandi 1 shitakulira ntambu gaa Waisraeli waweriti wamanda muisi ya Misri.
Shipandi 2-4 shimyowelera Musa na shiyowelera kulikala kwakuyi mpaka shaka Mlungu pakawashemiti wantu wakuyi.
Shakapanu shilembiti na kuyowelera ntambu gaa Mlungu kalaviya makakala gakuyi na kuyikomanga Misri su kuwalaviya wantu kulawa muisi ya wamashonta wa Farao.
Shipandi 5-15:21 4 Kulawa kuisi ya Waisraeli kugenda lugongu lwa Sinayi shipandi sha 15-22:19.
Mushipandi 20-31 hambetuli ntambu gaa Mlungu kampananiti Musa lagiru lyeni lilaviya visoweru vya Mlungu kwa wantu wakuyi Israeli wawezi kulikala pamuhera na kumguwira.
Mushipandi sha 32 shilembitwi ntambu gaa wantu yawawera ndiri Waisraeli wamlemiti Mlungu wamfiriti kaka gwawu Musa mweni wamshemiti Aruni kanyawi shinyagu sha zahabu sha mwana gwa ng'ombi.
Shipandi sha 33-40 shilonga ntambu gaa Musa kawona ukwisa wa Mlungu na shakapanu kananitwi mlonguziwu kuusu Lagiru lya Mlungu na ntambu gaa ya kunyawa numba nkulu ya Mlungu, numba ya Mlungu na vintu vyamonga kwajili ya kumguwira mnamba ya Mlungu na nguwu za gweka za watambika.
Currently Selected:
Kulawa ULONGULERU: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.