Edwɛndolɛ 6
6
Edwɛndolɛ 6
Anlubɛnwovo Nzɛlɛlɛ mɔɔ maa ɔnyia Ɛtanefakyɛ nee Anwozalɛ la
1O Nana Nyamenle, mmafa ɛya na ɛtwi me nyunlu! Mmatwe me nzo wɔ wɔ ɛyavalɛ mekɛ nu! 2Nwu me anwunvɔne, O Nana Nyamenle, ɔluakɛ menlɛ anwosesebɛ biala. Yɛ me ayile, ɔluakɛ mende kpɔkɛ fee zɛ. 3Me sonlabaka ne ɛlɛdi nyane somaa. Kenle nzu bieko a ɛkendɛ na wɔaraboa me a, O Nana Nyamenle?
4Bɛla balie me ngoane, O Nana Nyamenle; dua wɔ anwunvɔnezelɛ ne azo, pepɛ die me fi ewule nu. 5Ɔluakɛ saa mewu a, ɛnee nganvolɛ nee ayɛlɛyelɛ mɔɔ ɔwɔ kɛ mefa memaa wɔ, wɔ me gɔnwo mɔ anyunlu la ɛminli bɔkɔɔ. 6Meli nyane mevɛ; nɔɔzo biala monle doa me esumi tɔfɔɔ zɛhae. Me ɛzunlɛ maa me ɛsokpa yɛ dɔdɔdɔdɔ. 7Me nye ɛyɛ monzomonzo wɔ nyanelilɛ nu; me anwubɛnyunlu ɛmaa me nye ɛbɔ me nwo tɔɔ.
8Bɛvi me nwo ɛke bɛhɔ nehane, bɛmɛ atiakunlutanevolɛma! Ɔluakɛ Nana Nyamenle ɛde me ɛzunlɛ. 9Yede me ɛzunlɛ ne mɔɔ menzunle menvɛlɛle moalɛ la; me nzɛlɛlɛ ne ɛdwu Nana Nyamenle anyunlu. 10Maa anyiemgba ɛha me kpɔvolɛma; kakyi bɛ adwenle, na maa bɛ nyunlu nyiane ɛgua aze arɛlevilɛ nu ala.
Currently Selected:
Edwɛndolɛ 6: ONEN
Highlight
Share
Copy
Want to have your highlights saved across all your devices? Sign up or sign in
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
