MATAYO 2

Banganga ba ndjɔtɔ badoi aindja Yesu

1Ngɔngɔ dji bobotama bo Yesu ta Bɛtɛlɛmɛ#2, 1 Ta mondumba mo Sam 16, 1. Bɛtɛlɛmɛ edii ngando e botama Dhapiti., e Yudhea, ta ehole e mokondji Elode, banganga ba ndjɔtɔ ba dɔɔngɔ dikangɔe modaakabusa badua ta Yelusalɛmɛ 2ko baso bawadja bo: «Adii mokondji o Bayudha osabota bo djɔ? Modjɔ mo iso loɛni mondjɔtɔ o nde ta pamba ekangɔe modaakabusa ko loso lodoi akwa magbunda ta boso bo nde.» 3Ehole eoka mokondji Elode mwako momina, asatungea, engbanga emɔti na Yelusalɛmɛ mosusu. 4Aputoanedja banganga ba Ndjakomba banɛnɛnɛnɛ basusu ko na balehi ba mobeko, bɛngi abawadje esika ndani ebwani Kilito bobotama. 5Bamosɔmbedja bo: «Ta Bɛtɛlɛmɛ, e Yudhea. Modjɔ mo ekomama na ndjea e motɛli bo:

6“Ko wɛ, Bɛtɛlɛmɛ, ta ekenge e mokili mo Yudha,

odiiti mɛnɛ na taka e tɛtɔ ta tei e iputo di ngando dji Yudha,

modjɔ mo Mobanei omɔti aimanadea ta tei e wɛ

odaadea abanea ekomi e mbi e Isalɛlɛ#2, 6 Mik 5, 1..” »

7Iboa Elode abea banganga ba ndjɔtɔ na mbombi ahombaka bɛngi bamodjebedje ehole eimana mondjɔtɔ. 8Ngɔngɔ djimina abaloma ta Bɛtɛlɛmɛ ko abala na bu bo: «Kɛɛ asipoeni midjɔ misusu bopele mɛnɛ ta tina e mwana; ehole emotaneadea ino oso odoeni atɔndeanini, bɛngi mbi pongono nakɛe amokumea.»

9Ngɔngɔ dji bobo bosola na mokondji, baso bakɛɛ. Enakoboa mondjɔtɔ oɛnɛkɛ bo ta dɔɔngɔ dikangɔe modaakabusa adalaka boso bo bobo, asamayo imea ta diko di esika edaka mwana, aso aema. 10Asama bo ɛɛnɛ mondjɔtɔ, baluma na sepi enɛnɛ. 11Bakwea ta ndako ko baɛnɛ mwana na nango, Malia. Ko bakwa ta mako ma nde bɛngi bamokumee; badipoa tɔmbi epeaka bo ko bamobondjea wolo, paka e malasi ko na mile. 12Ngɔngɔ djimina, Ndjakomba abainedja na ndjɔti bo badae pɛpɛ bosɔmbɔ naikina ta dii Elode, basɔmbɔ ta ekomi e bobo na ndjea ebuki.

Yosepu na Malia bati na Yesu ta Edjipito

13Ngɔngɔ dji boyana bo banganga ba ndjɔtɔ, obwɛndi o Kumu aimanea Yosepu ta ndjɔti ko aso abala na nde bo: «Angɔɔ, tomba mwana na nango, ko tia ta Edjipito dikama iho mbunoko ehole eobaleakadea mbi ohule. modjɔ mo Elode ahombadea mwana bɛngi amoowoe.» 14Yosepu aangɔ, atomba mwana na nango na bulu, ko atia ta Edjipito. 15Ko adikama iho mbunoko ehole egwa Elode. Midjɔ imia mikɔɔmɔ bɛngi eka ebala Kumu na ndjea e motɛli ekokedjame bo: «Donga ta Edjipito#2, 15 Ose 11, 1. nabea mwana o mbi.»

Elode aowedji baana ta Bɛtɛlɛmɛ

16Ta ehole eɛnɛ Elode bo banganga ba ndjɔtɔ bamokosei, aluma na kɛlɛ enɛnɛ. Apa mitindo ta Bɛtɛlɛmɛ ko ta ngando dji mbuti mbuti bo, baowoe baana baami basusu bobanga bianga bibae mbunoko botita; ta ngɔngɔ dji ehole iyena eokanaka iyo na banganga ba ndjɔtɔ. 17Iboa midjɔ mibala motɛli Yilimia mikokedjama:

18«Moholi mookama ta Lama,

biyo ko na miyeano minɛnɛ.

Edii wɛtoko Lasɛlɛ moto oyeakadea baana ba nde,

aipala bato bamogɔmbedje ta tina ebo baana ba nde badiiti naikina#2, 18 Yel 31, 15..»

Ihule di Edjipito

19Ngɔngɔ dji yogo e Elode, obwɛndi o Kumu aimanea Yosepu ta ndjɔti ta Edjipito. 20Ko abala na nde bo: «Angɔɔ tomba mwana na nango ko yana ta ekomi e Isalɛlɛ, modjɔ mo bato bahombaka baowoe mwana bagwi.» 21Iboa Yosepu aangɔ, atomba mwana na nango ko ayana ta ekomi e Isalɛlɛ. 22Endelo ehole eoka iyo bo Alekelausi#2, 22 Alekelausi: mwana moomi ko motitani o Elode o Monɛnɛ; akondja banga yanga e ba 4 boso bo bobotama bo Yesu Kilito mbunoko ta yanga e 6 ngɔngɔ dji bobotama bo Yesu kilito. aimea mokondji ta Yudhea ta polo e sango Elode abanga bokɛɛ iho. Amayo tɔndeama na Ndjakomba ta ndjɔti, aso ayana ta Galileya. 23Ko akɛɛ adikama ta ngando enɛnɛ ebeakabo Nadjalɛtɛ bɛngi bo eka ebalama na batɛli ekokedjame: «Bamobeabi moto o Nadjalɛtɛ#2, 23 moto o Nadjalɛtɛ: adii moto omɔti odonga ta Nadjalɛtɛ. Kombe iyeye ebeamaka ta tina boinedja Yesu (boɛngɛ Mat 21, 11) ko djikamoaka ta boinedja pongono bakilito ba boso (Bik 24, 5). .»

Currently Selected:

MATAYO 2: ngc

Highlight

Copy