Lomɛ́ŋ 3
3
Tɛ u índɛ́nndɛ́nɛ utipá
1Kupá imbiénembiéné i Yúútɛn nyɛ kiakí? Ɛnsɛɛ́ŋ ú puansá nyɛ kiákí? 2Ɛnsɛɛ́ŋ nyɛ kiandákáand kí imbítákítɛ́n sim, ó kisíósíó Támbák meekí Pɛyúútɛn indan síɛ́yɛ́. 3Púnyɛ kémuémue ɛ́ɛ́ Pɛyúútɛn pómotí tipá nulátát, maná kati nulátátɛ́ wɔɔpɔ́ nyɛ pékusúkí nulátát nú Támbák á? 4Tɛɛ́ɛ! Maná énumenyí ɛ́ɛ́ Támbák nyɛ kémuémue. Pɛɛnd kitikit nyɛ pasupúsɔp, aná púnyɛɛ́ puɔ́ŋɔ́n: Puɛ́kɛɛsikɛnɛn ɛ́ɛ́ pémeny ɛ́ɛ́ Támbák nyɛ indɛ́ndɛ́nɛ kɛ́ɛ́yɛ́ á tukál, woond upíányɛn aká pékélesié wɔ. 5Maná índɛ kilɔk ekí tuɛlɛnɛ́ éétíínyenyi índɛ́ndɛnɛ i Támbák, tukɔɔyit ɛ́ɛ́ Támbák tipá indɛ́ndɛ́nɛ aká utúótinoné ilópi. Yaákala ɛ́ kuɛ́n kú mɔɔnd. 6Ɛ́ɛ́ɛ! Támbák nyɛ indɛ́ndɛ́nɛ, kati nɛ́ɛ ukélesi pɛɛnd tiɛkiɛ? 7Maná índɛ kisupɔ́ kiámɛ sietínyi kémuémue u Támbák póond pékúmesi wɔ, kiákí páandɛɛ́ kuumbɛnɛn ɛlɛɛ́ afalfál? 8Akáánɛ́ kɔk, tuɛ́kɛɛsikɛnɛn kuɔyɔ ɛ́ɛ́, ɛ́nyɛɛ́l tuɛ́lɛ́ kilɔk ɛ́ɛ́ kípíéné peseé, aná papásiapasia pómotí ɛ́ɛlɛnɛ́ ɛ́ɛ́ pasɔ́ tuɔyɔnɛ́ɛ. Pɛɛnd pakáánɛ́ ɛ́ɛ́kɛɛsikɛnɛn ni imbakɔ yɔɔpɔ́! 9Maná kiakí? Pasɔ́ Pɛyúútɛn, tumaápíányinan pɔsɔ́k á? Tɛɛ́ɛ́! yaámán etíínyi ɛ́ɛ́ pasɔ́ peem, tɛ Pɛyúútɛn tɛ epé pátiányípá Pɛyúútɛn tunyɛ á kipia kí kifal. 10Imfiɔ́ŋ ɔ́ɔ́kɔɔyɔ ɛ́ɛ́: mɔɔnd u indɛ́ndɛ́nɛ tipá, tɛ woomoómí. 11Tɛ mɔɔnd wɔɔ́pɔnɛ́ utipá, tɛ woomoómí ewú waambanɛ́ Támbákɛ́ɛ utipá. 12Peem nyɛ paatúkán kí iŋilí yi itámb, peem páatam. Tɛ mɔɔnd utipá wɛɛlɛ peseé, tɛ woomoómí. 13Numilikɔtɛ́ núɔ́pɔ́ nyɛ ɛlɛɛ́ kipɛ́l kiiŋɔ́líkɔ́n; pilémbi piɔ́pɔ́ épuénén pisupɔ́; moónyi máámanɛ́ kɔ́ɔ́p ké eŋít nyɛ ɛlɛɛ́ ilɔk yí inyɔ́ki. 14Eŋít yɔ́ɔ́pɔ́ nyɛ owóónón nɔ pinyɔmɔyɔmɔ nɔ pilɔk pí tukál. 15Pikɔ́nd píɔ́pɔ́ tipá pípíéle kuyɔɔk ó kuótó manɔ́ŋ; 16Kɔɔ́m kitikit pátápukanɛ́ɛ, pɛɛnd síén pápaŋá kupaŋa. 17Pátipá pémenyen kulɔp é kiyeéwe nɔ pɔsɔ́k. 18Pátipá petííne Támbákɛ́ɛ! 19Kɔk, tuémenyen ɛ́ɛ́ epú kitikit kikotí ɔ́ɔ́yɔɔnɛ́ɛ, kíɔ́kɔɔyɔ é péépé pɛ́nyɛɛ́ á kipia kí kikotí, ɛ́ kuɛlɛ ɛ́ɛ́ mɔɔnd lat niít andíkɛ́k kúúsí kitikit pá kupɛ́nɛ́n ó pusíó pú Támbák. 20Tɛ ɔɔ́kɔ́pɔn ɛ́ɛ́ tɛ mɔɔnd utiányipá indɛ́ndɛ́nɛ ó pusíó pú Támbák á kiákí ɛ́ɛ́ umɛnɛkɛ́n kikotí, Kikotí étíínyenyi yá kémuémue u kifal.
Tumátáŋáp indɛ́ndɛ́nɛ á kuátap
21Maná ninúan, Támbák métútíínyí aná úmányitúák indɛ́ndɛ́nɛ kɛ́ɛ́yɛ́ ó pusíó kati ɛ́ɛ́ tumátápúkɛ́n ó kikótí. Kikotí ne peémi mekélié éététunyenyi kɛ́ɛ́yɛ́ ó pusío. 22Támbák éétuéyesi indɛ́ndɛ́nɛ kɛ́ɛ́yɛ́ ó pusío ó pipíóndínyí ɔtɛ́m é Yésus Kilíis. Wɛɛ́kɛlɛ é péépé kitikit páátapanɛ́ɛ, á kiákí ɛ́ɛ́ kuátukan tipá nɛ Yúútɛn na kati Yúútɛn ɛ́ɛ́. 23Peem ɛ́ɛ́lɛ́ kifal, pátipá pɛ́ɛ́sikɛnɛn ne nukúm nú Támbák. 24Maná Támbákɛ́ɛ kɛ́ɛ́yɛ́ kɔ́ ɔtɛ́m peseé wɛkɛɛl ɛ́ɛ́ papá indɛ́ndɛ́nɛ kati kuówun pinamá, ó pusíó pú kiáŋuna ekí Yésus Kilíis maáŋɔ́n pɔ́ á kifal. 25Támbák meekí wɔ́, ɛ́ɛ́ pipítɛkɔ́, ɛ́ɛ́ ne nikú niɛ́yɛ́ úyap pifal pí epé páátapanɛ́ wɔ. Ɛ́ kuɛl kukáánɛ́ weetíínyi ɛ́ɛ́ unyɛ indɛ́ndɛ́nɛ, aná umeésépényí pɛɛnd píínsuá kati kusésitenyi pɔ́ kɔ́ɔ́p á pifal. 26Índɛ́ anakáánɛ́ umɛɛ́lɛ́ á kisikɛl umeésépényí pɛɛnd. Waákaand etíínyenyi nínúan ɛ́ɛ́ unyɛ indɛ́ndɛ́nɛ. Wɔ́ unyɛ indɛ́ndɛ́nɛ á kisikɛl kitikit, waamba ɛ́ɛ́ ewú waátapanɛ́ Yésuse pá indɛ́ndɛ́nɛ. 27Púnyɛ akɛ tuápian ɛ́ɛ́ túánda ɛpímɛlɛ á? Aákóo! Ó pusíó pú kiakí? Melié máásɔ́ á? Tɛɛ́ɛ, maná ó pusíó pú kuátap. 28Tuápítáka ɛ́ɛ́, mɔɔnd óókoólon indɛ́ndɛ́nɛ á kuátap, kútipá ɛ́ɛ́ woówóónyosi kikotí. 29Kunyaánɛ Támbák nyɛ yá u Pɛyúútɛn, utipá u kati Pɛyúútɛn á? Aákóo! unyɛ u péépé pátiányípá Pɛyúútɛn kɔ́kɔ́ɔ́p á? 30á kiákí ɛ́ɛ́ Támbák nyɛ yá omoómí wɛɛ́nyɛ́ɛlɛnɛ́ ɛ́ɛ́ nɛ pɛɛnd paaŋansán ne péépé pɛnyɛɛ́ no pilók pá indɛ́ndɛ́nɛ ɛ́ kuɛlɛ ɛ́ɛ́ pámaátáp. 31Puákamba kuɔyɛt ɛ́ɛ́ na kuátap kúásɔ́, tuékeéŋenyi etényí ú kikotí á? Aákóo! Tuákaand kuɔ́yikɔnɛn kɛɛ.
Currently Selected:
Lomɛ́ŋ 3: yav
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Lomɛ́ŋ 3
3
Tɛ u índɛ́nndɛ́nɛ utipá
1Kupá imbiénembiéné i Yúútɛn nyɛ kiakí? Ɛnsɛɛ́ŋ ú puansá nyɛ kiákí? 2Ɛnsɛɛ́ŋ nyɛ kiandákáand kí imbítákítɛ́n sim, ó kisíósíó Támbák meekí Pɛyúútɛn indan síɛ́yɛ́. 3Púnyɛ kémuémue ɛ́ɛ́ Pɛyúútɛn pómotí tipá nulátát, maná kati nulátátɛ́ wɔɔpɔ́ nyɛ pékusúkí nulátát nú Támbák á? 4Tɛɛ́ɛ! Maná énumenyí ɛ́ɛ́ Támbák nyɛ kémuémue. Pɛɛnd kitikit nyɛ pasupúsɔp, aná púnyɛɛ́ puɔ́ŋɔ́n: Puɛ́kɛɛsikɛnɛn ɛ́ɛ́ pémeny ɛ́ɛ́ Támbák nyɛ indɛ́ndɛ́nɛ kɛ́ɛ́yɛ́ á tukál, woond upíányɛn aká pékélesié wɔ. 5Maná índɛ kilɔk ekí tuɛlɛnɛ́ éétíínyenyi índɛ́ndɛnɛ i Támbák, tukɔɔyit ɛ́ɛ́ Támbák tipá indɛ́ndɛ́nɛ aká utúótinoné ilópi. Yaákala ɛ́ kuɛ́n kú mɔɔnd. 6Ɛ́ɛ́ɛ! Támbák nyɛ indɛ́ndɛ́nɛ, kati nɛ́ɛ ukélesi pɛɛnd tiɛkiɛ? 7Maná índɛ kisupɔ́ kiámɛ sietínyi kémuémue u Támbák póond pékúmesi wɔ, kiákí páandɛɛ́ kuumbɛnɛn ɛlɛɛ́ afalfál? 8Akáánɛ́ kɔk, tuɛ́kɛɛsikɛnɛn kuɔyɔ ɛ́ɛ́, ɛ́nyɛɛ́l tuɛ́lɛ́ kilɔk ɛ́ɛ́ kípíéné peseé, aná papásiapasia pómotí ɛ́ɛlɛnɛ́ ɛ́ɛ́ pasɔ́ tuɔyɔnɛ́ɛ. Pɛɛnd pakáánɛ́ ɛ́ɛ́kɛɛsikɛnɛn ni imbakɔ yɔɔpɔ́! 9Maná kiakí? Pasɔ́ Pɛyúútɛn, tumaápíányinan pɔsɔ́k á? Tɛɛ́ɛ́! yaámán etíínyi ɛ́ɛ́ pasɔ́ peem, tɛ Pɛyúútɛn tɛ epé pátiányípá Pɛyúútɛn tunyɛ á kipia kí kifal. 10Imfiɔ́ŋ ɔ́ɔ́kɔɔyɔ ɛ́ɛ́: mɔɔnd u indɛ́ndɛ́nɛ tipá, tɛ woomoómí. 11Tɛ mɔɔnd wɔɔ́pɔnɛ́ utipá, tɛ woomoómí ewú waambanɛ́ Támbákɛ́ɛ utipá. 12Peem nyɛ paatúkán kí iŋilí yi itámb, peem páatam. Tɛ mɔɔnd utipá wɛɛlɛ peseé, tɛ woomoómí. 13Numilikɔtɛ́ núɔ́pɔ́ nyɛ ɛlɛɛ́ kipɛ́l kiiŋɔ́líkɔ́n; pilémbi piɔ́pɔ́ épuénén pisupɔ́; moónyi máámanɛ́ kɔ́ɔ́p ké eŋít nyɛ ɛlɛɛ́ ilɔk yí inyɔ́ki. 14Eŋít yɔ́ɔ́pɔ́ nyɛ owóónón nɔ pinyɔmɔyɔmɔ nɔ pilɔk pí tukál. 15Pikɔ́nd píɔ́pɔ́ tipá pípíéle kuyɔɔk ó kuótó manɔ́ŋ; 16Kɔɔ́m kitikit pátápukanɛ́ɛ, pɛɛnd síén pápaŋá kupaŋa. 17Pátipá pémenyen kulɔp é kiyeéwe nɔ pɔsɔ́k. 18Pátipá petííne Támbákɛ́ɛ! 19Kɔk, tuémenyen ɛ́ɛ́ epú kitikit kikotí ɔ́ɔ́yɔɔnɛ́ɛ, kíɔ́kɔɔyɔ é péépé pɛ́nyɛɛ́ á kipia kí kikotí, ɛ́ kuɛlɛ ɛ́ɛ́ mɔɔnd lat niít andíkɛ́k kúúsí kitikit pá kupɛ́nɛ́n ó pusíó pú Támbák. 20Tɛ ɔɔ́kɔ́pɔn ɛ́ɛ́ tɛ mɔɔnd utiányipá indɛ́ndɛ́nɛ ó pusíó pú Támbák á kiákí ɛ́ɛ́ umɛnɛkɛ́n kikotí, Kikotí étíínyenyi yá kémuémue u kifal.
Tumátáŋáp indɛ́ndɛ́nɛ á kuátap
21Maná ninúan, Támbák métútíínyí aná úmányitúák indɛ́ndɛ́nɛ kɛ́ɛ́yɛ́ ó pusíó kati ɛ́ɛ́ tumátápúkɛ́n ó kikótí. Kikotí ne peémi mekélié éététunyenyi kɛ́ɛ́yɛ́ ó pusío. 22Támbák éétuéyesi indɛ́ndɛ́nɛ kɛ́ɛ́yɛ́ ó pusío ó pipíóndínyí ɔtɛ́m é Yésus Kilíis. Wɛɛ́kɛlɛ é péépé kitikit páátapanɛ́ɛ, á kiákí ɛ́ɛ́ kuátukan tipá nɛ Yúútɛn na kati Yúútɛn ɛ́ɛ́. 23Peem ɛ́ɛ́lɛ́ kifal, pátipá pɛ́ɛ́sikɛnɛn ne nukúm nú Támbák. 24Maná Támbákɛ́ɛ kɛ́ɛ́yɛ́ kɔ́ ɔtɛ́m peseé wɛkɛɛl ɛ́ɛ́ papá indɛ́ndɛ́nɛ kati kuówun pinamá, ó pusíó pú kiáŋuna ekí Yésus Kilíis maáŋɔ́n pɔ́ á kifal. 25Támbák meekí wɔ́, ɛ́ɛ́ pipítɛkɔ́, ɛ́ɛ́ ne nikú niɛ́yɛ́ úyap pifal pí epé páátapanɛ́ wɔ. Ɛ́ kuɛl kukáánɛ́ weetíínyi ɛ́ɛ́ unyɛ indɛ́ndɛ́nɛ, aná umeésépényí pɛɛnd píínsuá kati kusésitenyi pɔ́ kɔ́ɔ́p á pifal. 26Índɛ́ anakáánɛ́ umɛɛ́lɛ́ á kisikɛl umeésépényí pɛɛnd. Waákaand etíínyenyi nínúan ɛ́ɛ́ unyɛ indɛ́ndɛ́nɛ. Wɔ́ unyɛ indɛ́ndɛ́nɛ á kisikɛl kitikit, waamba ɛ́ɛ́ ewú waátapanɛ́ Yésuse pá indɛ́ndɛ́nɛ. 27Púnyɛ akɛ tuápian ɛ́ɛ́ túánda ɛpímɛlɛ á? Aákóo! Ó pusíó pú kiakí? Melié máásɔ́ á? Tɛɛ́ɛ, maná ó pusíó pú kuátap. 28Tuápítáka ɛ́ɛ́, mɔɔnd óókoólon indɛ́ndɛ́nɛ á kuátap, kútipá ɛ́ɛ́ woówóónyosi kikotí. 29Kunyaánɛ Támbák nyɛ yá u Pɛyúútɛn, utipá u kati Pɛyúútɛn á? Aákóo! unyɛ u péépé pátiányípá Pɛyúútɛn kɔ́kɔ́ɔ́p á? 30á kiákí ɛ́ɛ́ Támbák nyɛ yá omoómí wɛɛ́nyɛ́ɛlɛnɛ́ ɛ́ɛ́ nɛ pɛɛnd paaŋansán ne péépé pɛnyɛɛ́ no pilók pá indɛ́ndɛ́nɛ ɛ́ kuɛlɛ ɛ́ɛ́ pámaátáp. 31Puákamba kuɔyɛt ɛ́ɛ́ na kuátap kúásɔ́, tuékeéŋenyi etényí ú kikotí á? Aákóo! Tuákaand kuɔ́yikɔnɛn kɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL