Lomɛ́ŋ 2
2
Támbákɛ́ɛ wééŋényí usósosié
1Aŋú osóósosíé pɔsɔ́k, tɛ kiákí ɛnyɛɛ́, atipá na niyapɛ́n; á kiákí ɛ́ɛ́ oósóósosi pɔsɔ́k óond ɛɛlɛ puandá púmoómí nɔɔpɔ́, ɛɛ́pípɛnɛn aŋúɛ puɛ́t. 2Á kiákí, tuémenyen ɛ́ɛ́ Támbák ósóósosi é kémuémue epé pɛ́ɛlɛnɛ́ maandá makáánɛ́. 3Aŋú sɛ́kísɛkíɛ u mɔɔnd osóósosié epé pɛ́ɛlɛnɛ́ maandá makáánɛ́, oond ɛlɛɛ́ mɔ́ kákááwɔ, aápítáka ɛ́ɛ́ ɔɔ́nyípíɔk aká Támbák ónyíkusóósosíé á? 4Kunyaánɛ ɛ́ɛ́ eéfénén eé Támbák nyɛ kiándákáand kí opoopó, ne kupílimbit kuɛ́yɛ́, nɔ ɔtɛ́m peseé wɛ́ɛ́yɛ́, etimenyén ɛ́ɛ́ peseé ukáánɛ́ ékutítiken á kupíkúŋun á? 5Maná atipá aamba ɛ́ɛ́ ɔ́ɔ́p, kááwɔ á kati kupíkúŋɔn, aápíkúsan inséésítényí ɔ́ puɔ́s Támbák ényítínyenyé ilópi yɛ́ɛ́yɛ́ yiikɔ́n ni isɔ́ɔ́sɔ yɛ́ɛ́yɛ́ yí indɛ́ndɛ́nɛ. 6Puɔ́sí Támbák ányínamanɛ́ɛ siki mɔɔndɛ kɛ́ɛ́yɛ́ é meelíe: 7Weényééki kusɔ́t kú téníík é péépé pémeésépényí kuɛlɛ peseé, páamba nukúm na nukany, nɔ kusɔ́t kú teeníík. 8Maná, é péépé pémeétundú, páasáŋɔn kémuémue póond pɔ́ɔŋ ɔ́ kilɔk, Támbák ényítíínyi pɔ́ ilópi yɛ́ɛ́yɛ́ nɛ kuɛ́nyɛ́ɛlɛ ɛ́ɛ́ utipá wɔɔ́pinɔn pɔ peseé. 9Mɔɔnd kitikit wɛɛlɛnɛ́ kilɔk ányípia muyú na puwaá, kuatɔk é Yúútɛn, na katí Yútɛnɛ. 10Ewú wɛɛlɛnɛ́ peseé ányítáŋap nuúmu na nukany ne kiyeéwe kuatɔk é Yúútɛn kuám á kati Yúútɛn ɛ́ɛ́. 11Á kiákí ɛ́ɛ́ Támbák tipá weeye. 12Epé kitikit pɛ́mɛɛ́lɛ́ pifal katí kikotíé, péényíkú kɛ́k katí kikótié, maná epé kitikit pɛ́mɛɛ́lɛ́ pifal pémenyen kikotí, póónyísóósiti pɔ́ ó kikotí. 13Pátipá epé pɔ́pítɔ́likɔnɛ́ kikotí pɛ́nyɛɛ́ indɛ́ndɛ́nɛ ké eŋís yá Támbák; maná epé pówóónyosié kɛ́ɛ. 14Áká epé pátiányípá Pɛyúútɛn kati kupian pikotíe sɔ́tɔnɛ́ aná pikotí óówonée, pɔ́ muɛ́t pányɛ pikotí kɔ́ɔ́p ó pusíó, tɛ aná pɛ́mɛɛ́l pétiményén pikotí. 15Pétínyenyi é meelíe ɛ́ɛ́ epú pikotí óówoné nyɛ puɔ́ŋɔ́n kɔ́ɔ́p kí itɛ́m; Ɔtɛ́m wɔ́ɔ́pɔ́ ni imbítákítɛ́n síɔ́pɔ́ sɔ́ɔ́minɔn pɔ́ kúnyaánɛ síákinan pɔ. 16Púu púányípáánɛ́ puɔ́s epú, Támbák óónyísóósosié utápukanɛn é Kilíis Yésus meelíe mɛɛnɛmbɛ́n mɛ́ pɛɛnd. Púúpú insɔ́m yi indámb imbékené ɔ́ɔ́yɔɔnɛ́ɛ.
Pe Yúútɛn no pikotí
17Maná aŋúɛ apítúkanɛ́ kisiɛ́n kí Yúútɛn, ɛɛ́piɛ́tikɛnɛn ó kikotí kí Támbák oond ɔpíɔ́yɔ na Támbákɛ́ɛ waaw. 18Eémenyen kɔk epú Támbák ɔ́ɔ́yɔɔnɛ́ɛ, aŋúɛ ewú pikotí kuónyonyé, eémenyen epú púnyɛɛ́ peseé, 19aŋúɛ apítákanɛ́ ɛ́ɛ́ anyɛ ewú wendesíé pepútepute, kisie kí péépé pɛ́nyɛɛ́ kí imbíne, 20oŋónyóonyi u péépé pátiányípá pémenyen, oŋónyóonyi u paápayɔ́. Aápítáka ɛ́ɛ́ aápian indín i kumenyen kémuémue ó pikotí. 21Ɛ́ɛ́ɛ! Aŋú oónyonyé pɔsɔ́k, atipá opiónyonyi aŋúɛ muɛ́t á? Eépéke ɛ́ɛ́ etiép, oond eépe á? 22Aákányikany nɔ́ musɔ́m kuɛndɛ, aŋúɛ ɛɛndɛ musɔm á? Aŋúɛ ɛfɛmɛnɛ́ pifɛ́lɛfɛ́lɛ, oond eépe kɔ́ɔ́p á pitamb á? 23Ɔɔ́pikɔlɔn no kikotí kí Támbák, oond etiekényí kɔk Támbákɛ́ɛ nuúmu ɛ́ɛ́ kunɛkɛn kí á? 24Naání kɔk ɛ́ɛ́ yá aná púnyɛɛ́ puɔ́ŋɔ́n kí imfiɔ́ŋ, káánɔ́ ɛ́ kuɛl piindiátáp ɛ́ áányísikan Támbákɛ́ɛ. 25Kémuémue puansá nyɛ peseé índɛ oówóónyosi pikotí, maná índɛ atipá owóónyosi pɛ tɛ apá aŋansán anyɛ no kilók. 26Índɛ kɔk mɔɔnd u kilók óówóónyosi pikotí, Támbák tiɔ́kɔ́l wɔ́ kɔk ɛlɛɛ́ waŋansán á? 27Wɔ́ kɔk unyɛɛ́ no kilók ɔ́ nuɔ́l woond uwóónyosi pikotí, woónyíkusóósiti aŋúɛ atiányípá owóónyosi pɛ, naání kɔk ɛ́ɛ́ eémenyén pí aŋúɛ kɔk aŋansán. 28Aákóo pútipá epú púɛ́nikɛnikɛ́ púɛ́lɛnɛ́ ɛ́ɛ́ ápá Yúútɛn, tɛ pulinsí pú nuɔ́l puɛ́lɛnɛ́ ɛ́ɛ́ ápá aŋansán. 29Maná, epú púnyɛɛ́ puunɛmbɛ́n púɛlɛnɛ́ ɛ́ɛ́ ápá Yúútɛn, puansá puutámb nyɛ pú ɔtɛ́m púólinoné ké emfúnukufúumɛ kútipá ó kikotí kínyɛɛ́ kiɔ́ŋɔ́n. Índɛ́, Yúútɛn u kémuémue pátipá pɛɛnd pé kúúsí pépísimesíé wɔ, maná Támbákɛ́ɛ.
Currently Selected:
Lomɛ́ŋ 2: yav
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Lomɛ́ŋ 2
2
Támbákɛ́ɛ wééŋényí usósosié
1Aŋú osóósosíé pɔsɔ́k, tɛ kiákí ɛnyɛɛ́, atipá na niyapɛ́n; á kiákí ɛ́ɛ́ oósóósosi pɔsɔ́k óond ɛɛlɛ puandá púmoómí nɔɔpɔ́, ɛɛ́pípɛnɛn aŋúɛ puɛ́t. 2Á kiákí, tuémenyen ɛ́ɛ́ Támbák ósóósosi é kémuémue epé pɛ́ɛlɛnɛ́ maandá makáánɛ́. 3Aŋú sɛ́kísɛkíɛ u mɔɔnd osóósosié epé pɛ́ɛlɛnɛ́ maandá makáánɛ́, oond ɛlɛɛ́ mɔ́ kákááwɔ, aápítáka ɛ́ɛ́ ɔɔ́nyípíɔk aká Támbák ónyíkusóósosíé á? 4Kunyaánɛ ɛ́ɛ́ eéfénén eé Támbák nyɛ kiándákáand kí opoopó, ne kupílimbit kuɛ́yɛ́, nɔ ɔtɛ́m peseé wɛ́ɛ́yɛ́, etimenyén ɛ́ɛ́ peseé ukáánɛ́ ékutítiken á kupíkúŋun á? 5Maná atipá aamba ɛ́ɛ́ ɔ́ɔ́p, kááwɔ á kati kupíkúŋɔn, aápíkúsan inséésítényí ɔ́ puɔ́s Támbák ényítínyenyé ilópi yɛ́ɛ́yɛ́ yiikɔ́n ni isɔ́ɔ́sɔ yɛ́ɛ́yɛ́ yí indɛ́ndɛ́nɛ. 6Puɔ́sí Támbák ányínamanɛ́ɛ siki mɔɔndɛ kɛ́ɛ́yɛ́ é meelíe: 7Weényééki kusɔ́t kú téníík é péépé pémeésépényí kuɛlɛ peseé, páamba nukúm na nukany, nɔ kusɔ́t kú teeníík. 8Maná, é péépé pémeétundú, páasáŋɔn kémuémue póond pɔ́ɔŋ ɔ́ kilɔk, Támbák ényítíínyi pɔ́ ilópi yɛ́ɛ́yɛ́ nɛ kuɛ́nyɛ́ɛlɛ ɛ́ɛ́ utipá wɔɔ́pinɔn pɔ peseé. 9Mɔɔnd kitikit wɛɛlɛnɛ́ kilɔk ányípia muyú na puwaá, kuatɔk é Yúútɛn, na katí Yútɛnɛ. 10Ewú wɛɛlɛnɛ́ peseé ányítáŋap nuúmu na nukany ne kiyeéwe kuatɔk é Yúútɛn kuám á kati Yúútɛn ɛ́ɛ́. 11Á kiákí ɛ́ɛ́ Támbák tipá weeye. 12Epé kitikit pɛ́mɛɛ́lɛ́ pifal katí kikotíé, péényíkú kɛ́k katí kikótié, maná epé kitikit pɛ́mɛɛ́lɛ́ pifal pémenyen kikotí, póónyísóósiti pɔ́ ó kikotí. 13Pátipá epé pɔ́pítɔ́likɔnɛ́ kikotí pɛ́nyɛɛ́ indɛ́ndɛ́nɛ ké eŋís yá Támbák; maná epé pówóónyosié kɛ́ɛ. 14Áká epé pátiányípá Pɛyúútɛn kati kupian pikotíe sɔ́tɔnɛ́ aná pikotí óówonée, pɔ́ muɛ́t pányɛ pikotí kɔ́ɔ́p ó pusíó, tɛ aná pɛ́mɛɛ́l pétiményén pikotí. 15Pétínyenyi é meelíe ɛ́ɛ́ epú pikotí óówoné nyɛ puɔ́ŋɔ́n kɔ́ɔ́p kí itɛ́m; Ɔtɛ́m wɔ́ɔ́pɔ́ ni imbítákítɛ́n síɔ́pɔ́ sɔ́ɔ́minɔn pɔ́ kúnyaánɛ síákinan pɔ. 16Púu púányípáánɛ́ puɔ́s epú, Támbák óónyísóósosié utápukanɛn é Kilíis Yésus meelíe mɛɛnɛmbɛ́n mɛ́ pɛɛnd. Púúpú insɔ́m yi indámb imbékené ɔ́ɔ́yɔɔnɛ́ɛ.
Pe Yúútɛn no pikotí
17Maná aŋúɛ apítúkanɛ́ kisiɛ́n kí Yúútɛn, ɛɛ́piɛ́tikɛnɛn ó kikotí kí Támbák oond ɔpíɔ́yɔ na Támbákɛ́ɛ waaw. 18Eémenyen kɔk epú Támbák ɔ́ɔ́yɔɔnɛ́ɛ, aŋúɛ ewú pikotí kuónyonyé, eémenyen epú púnyɛɛ́ peseé, 19aŋúɛ apítákanɛ́ ɛ́ɛ́ anyɛ ewú wendesíé pepútepute, kisie kí péépé pɛ́nyɛɛ́ kí imbíne, 20oŋónyóonyi u péépé pátiányípá pémenyen, oŋónyóonyi u paápayɔ́. Aápítáka ɛ́ɛ́ aápian indín i kumenyen kémuémue ó pikotí. 21Ɛ́ɛ́ɛ! Aŋú oónyonyé pɔsɔ́k, atipá opiónyonyi aŋúɛ muɛ́t á? Eépéke ɛ́ɛ́ etiép, oond eépe á? 22Aákányikany nɔ́ musɔ́m kuɛndɛ, aŋúɛ ɛɛndɛ musɔm á? Aŋúɛ ɛfɛmɛnɛ́ pifɛ́lɛfɛ́lɛ, oond eépe kɔ́ɔ́p á pitamb á? 23Ɔɔ́pikɔlɔn no kikotí kí Támbák, oond etiekényí kɔk Támbákɛ́ɛ nuúmu ɛ́ɛ́ kunɛkɛn kí á? 24Naání kɔk ɛ́ɛ́ yá aná púnyɛɛ́ puɔ́ŋɔ́n kí imfiɔ́ŋ, káánɔ́ ɛ́ kuɛl piindiátáp ɛ́ áányísikan Támbákɛ́ɛ. 25Kémuémue puansá nyɛ peseé índɛ oówóónyosi pikotí, maná índɛ atipá owóónyosi pɛ tɛ apá aŋansán anyɛ no kilók. 26Índɛ kɔk mɔɔnd u kilók óówóónyosi pikotí, Támbák tiɔ́kɔ́l wɔ́ kɔk ɛlɛɛ́ waŋansán á? 27Wɔ́ kɔk unyɛɛ́ no kilók ɔ́ nuɔ́l woond uwóónyosi pikotí, woónyíkusóósiti aŋúɛ atiányípá owóónyosi pɛ, naání kɔk ɛ́ɛ́ eémenyén pí aŋúɛ kɔk aŋansán. 28Aákóo pútipá epú púɛ́nikɛnikɛ́ púɛ́lɛnɛ́ ɛ́ɛ́ ápá Yúútɛn, tɛ pulinsí pú nuɔ́l puɛ́lɛnɛ́ ɛ́ɛ́ ápá aŋansán. 29Maná, epú púnyɛɛ́ puunɛmbɛ́n púɛlɛnɛ́ ɛ́ɛ́ ápá Yúútɛn, puansá puutámb nyɛ pú ɔtɛ́m púólinoné ké emfúnukufúumɛ kútipá ó kikotí kínyɛɛ́ kiɔ́ŋɔ́n. Índɛ́, Yúútɛn u kémuémue pátipá pɛɛnd pé kúúsí pépísimesíé wɔ, maná Támbákɛ́ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL