Iŋɛ́nínɛ yi Isáaŋ 4
4
Indáŋa í Támbák
1É kélém kúɛ́yɛ́ akáánɛ́, yaand kuɛ́n puandá púmotí: niít ni kiansi nifuúnén mɛnɛ́mɛnɛ́ɛ. Ekelú imaátúán kuɔ́p, waáman ɛlɛɛ́ kitɔŋɔlɛ́ kí insɛ́p, ɛ́ɛ́pí káámɛ ɛ́ɛ́: Mákát akɛ, íŋutíínyi epú púólonée. 2Tɛ kupééti, Emfúnukufúúmɛ wúunsaman; yɛɛ́n indáŋa i efuŋ mɛnɛ́mɛnɛ́ɛ, mɔɔnd mapá ɔɔnyɔ́mbítɔ́n á yɛ́ɛ. 3Pusíó púɛ́yɛ́ fúɛ́yɛ ɛlɛɛ́ nitányí pápílanɛ́ ɛ́ɛ́ sáasɛpɛ na salatúan. Indáŋa yɛɛ́tɛ mapá ipɔŋɔ́ nɔ ɔmbɔ́k ú imbelemendie, úfúɛ́yɛ ɛlɛɛ́ nitányí pápílanɛ́ ɛ́ɛ́ emelóot. 4Indáŋa ikáánɛ́ ipɔŋɔ́ ni indáŋa sílotí, símapá nitin ni íni; patambatámb nitin ne péni, na pilaá piifúmfɛ́ɛ, pɔnyɔ́l kí indáŋa sikáánɛ́, na tulandanyi tú kóol kɔ́ɔ́p kí ituɛ. 5Imbalamandá, ikelú nɛ muɛnyimuɛnyɛ u imbalamandá áámán kí indáŋa. Mulámba mútíndátɔ́neémue púlula ɛlɛɛ́ kikɔny kí yiik ó pusíó pú indáŋa: múú múnyɛɛ́ piliínditíe pítíndátɔ́neémue pí Támbák. 6Ó pusíó pú indáŋa, ɛlɛɛ́ asaá, úfúɛ́yɛ, úmanan kilaási. Ɛ́ kikɛtɛ́kɛtɛ́ɛ kí indáŋa, piluŋaluŋa píni mapá akáánɛ́, ne eŋís kákálákáá ó pusíó ne kélém, pípɔŋɔ indáŋa. 7Kiluŋaluŋa kíkutúan áámanan aŋualí, kíkáandíɛ nyɛ ɛlɛɛ́ muɔ́nɔ́ u inday, kiluŋaluŋa kíkátátúɛ mapá pusíó ɛlɛɛ́ pú mɔɔnd; kíkénie mapá ɛlɛɛ́ nukɔ́ŋ núélekenenée. 8Siki kiluŋaluŋɛ, á piluŋaluŋa pikáánɛ́ píni, mapián pipapɔ́ pítíndátɔ́, piim ne eŋís yowóónón mɛnɛ́mɛnɛ́ɛ ni iŋúsíkúsíe. Piluŋaluŋa piɛ́tɛ ɔ́ɔ́tɔ́ŋɔ puɔ́súm puɔ́súm, putúum putúum, píɔ́yɔ ɛ́ɛ́: Ɔkɔ́n Támbák, aŋúɛ Iŋúpukaakɛ, anyɛ Kifúmak, anyɛ Kifúmak, anyɛ Kifúmak; anyɛ ewú umaápá, unyɛɛ́, woond woólon! 9Kisikɛl kitikit ekí piluŋaluŋa píni pikáánɛ́ tɔ́ŋɔnɛ́ɛ ó kuómokosi ewú unyɛɛ́ ɔnyɔ́l kí indáŋa, ewú unyɛɛ́ nɔ kusɔ́t ku kati kumanɛ, píond píekenyi wɔ́ nuúmu ni ilémbie, 10patambatámb pɛ́nyɛɛ́ nitín ne péni suken ewú unyɛɛ́ ɔnyɔ́l kí indáŋa tunúú e kúúsí, póomukosi ewú unyɛɛ́ nɔ kusɔ́t kú kati kumanɛ, póond pépíélenyi indanyáa síɔ́p pótóótonyi sɛ́ɛ e kúúsí kɛ́ɛ́yɛ́ ɔ́ pikɔ́nd, pɔ́ɔyɔ ɛ́ɛ́: 11Ɔkɔ́n Támbákɛ́ɛ waasɔ́, ɛɛ́kɛɛsikɛnɛn ne nuúmu, na nukanyi, na pukaaka; pɛɛnd áápian ɛ́ɛ́ pókuómukosi, ó pusíó ɛ́ɛ́ aŋúɛ ɛnyɛɛ́ eluŋí meem, kááwɔ ɔ́ kuɔyɛt puandá puum mɛɛ́pítɛ́k.
Currently Selected:
Iŋɛ́nínɛ yi Isáaŋ 4: yav
Highlight
Copy
Compare
Share
Want to have your highlights saved across all your devices? Sign up or sign in
© 2026, CABTAL