Roma 14
14
Puŋ ghəhɛ́ ŋɔŋ wɛ́ psyɛ́ndzɔʼ yé pɔ́d nɛ́
1Puŋ ghəhɛ́ ŋɔŋ wɛ́ psyɛ́ndzɔʼ ye pɔ́d nɛ́, sʉ́ʼʉ, kii tse tsɛʼɛ kesed ndúŋú kpaŋató yé. 2Tɛɛmbɛ psyɛ́ndzɔʼ cyó ŋɔŋ zhyɛ́ a zó ŋkɔŋɔ yɔ́b náá. Cyó ŋɔŋ mbó mbɛ́ yé, ke mpfɔ́rɔ́ yé pé ndaʼ ffé ŋkyé ŋgâ psyɛ́ndzɔʼ ye pɔ́d nɛ́. 3Néré, ŋɔŋ wɛ́ a zɔ ŋkɔŋɔ yɔ́b náá nɛ́, ndɛ ntó ŋɔŋ wɛ́, a tsé mbé zɔ nɛ́ pó. Ŋɔŋ wɛ́ a tse mbé zɔ ŋkɔŋɔ yɔ́b náá nɛ́ pó, ndɛ fiʼɛ ŋɔŋ wɛ́ a tsé ndzɔ̂ nɛ́. Ŋkyé ŋgâ Mboʼmvé kɛ ke ŋgəyɛ́ yé ywoʼ. 4Wo wɔ́ kaʼatɛ ŋgɛ fiʼɛ́ ŋgaŋafaʼ wɛ́ a wo nɛ́ pɔɔ? Kii a tsɛɛ nsó, kii a vɔ̌ sye, mbǒ yéré tiŋɛ́ ŋɔŋ wɛ́ a tsɛʼɛ wé. Á ntsɛ́ nsó! Ŋkyé ŋgâ Ntsɛɛpɔŋ kuʼɔ ne ŋgyɛ̌ne a tsɛ́ nsó. 5Cyó ŋɔŋ zhʉ́ yé ŋgâ, pecyó zhyémve tséʼé ghebe ntsɛ́ɛ́ pecyó. Cyó pó njʉ́ yé ŋgâ, pɛ zhyémve ke ŋkáá naa mbɛɛ taʼ no. Mbɛ wɔ ghɛ́ ntsɔ́ ye néré, cʉ̌yi ndzɛ́ ndzó ndzɔʼ ye ŋgâ, a no sísíŋ. 6Ŋɔŋ wɛ́ a fɛ́ ŋgúʼune pwó cyó zhyémve ndúŋú ŋgábtáŋ nɛ́, zhyɛ̂ néré pe ne ŋgúʼune Ntsɛɛpɔŋ. Ŋɔŋ wɛ́ a zɔ ŋkɔŋɔ yɔ́b náá nɛ́, ke ndzɔ́ néré pe ne ŋgúʼune Ntsɛɛpɔŋ, ŋkyé ŋgâ a ghɛ̂ ŋgyɛ́ néré, fɛ́ɛ́ ŋgúʼune pwó Mboʼmvé. Ŋgɛ́ mbɛ ne ŋɔŋ wɛ́ a tsé mbé zɔ ŋkɔŋɔ yɔ́b náá nɛ́ pó, a zhyɛ́ néré ŋkyé Ntsɛɛpɔŋ, ke mbó fɛ́ɛ́ ŋgúʼune pwó Mboʼmvé. 7Cyó ŋɔŋ yoʼo tsetsɛrɛ piŋi yɛ́, a tsó mvé ŋkyé tómbəb ye nɛ́ pó. Kii cyó ŋɔŋ pó mbé yé yɛ́, a pfɔ́ ŋkyé tómbəb yé nɛ́. 8Ŋkyé ŋgâ a pɛ́ɛ́ yɛ́ piŋi tse ntsó mvé nɛ́, mbǒ piŋi ntsó ŋkyé Ntsɛɛpɔŋ. Kii Mbéyɛ́ piŋi pfó pfó nɛ́, mbǒ piŋi pfó ŋkyé Ntsɛɛpɔŋ. Néré kɛ́ʼɛ́, kii piŋi tsóó mvé kii piŋi pfó pfɔ́, mbǒ piŋi ke mbɛɛ pwó Ntsɛɛpɔŋ. 9Ŋkyé ŋgâ Kristo kɛ pfó, mbó njʉyɛ́ kɛ́ʼɛ́, pe ne mbéne Ntsɛɛpɔŋ pɔŋ pɛ́, pɔ́b kɛ́ pfo nɛ́, pú yé pú mɔ́b. 10Ntsʉʼmbɛ ne wo, wo fiʼɛ mɔ́ŋmɛ́ wɔŋ ŋkyé kɔ́? Wo, a zhyɛ́ kɔ́ wo tó mɔ́ŋmɛ́ wo? Ŋgɛ́mbɛ́ kɛ́ʼɛ́ ŋkɔŋɔ wíŋi náá, piŋi náʼá ndzáʼa siŋ Mboʼmvé a fiʼɛ wíŋi. 11Ŋkyé ŋgâ, a ŋweʼéme ŋgâ: «Mbziʼe njʉ́ a sísíŋ ŋgâ mo, Ntsɛɛpɔŋ, mə mɔ́b nɛ́, ŋkɔŋɔ pumésɔŋ náá ŋkʉ́yó ferɛ tókuʼé mɔ́b siŋ mo, ŋkɔŋɔ pɔŋ náá ghuʼu ghɛ́ɛ́ Mboʼmvé.» 12Néré kɛ́ʼɛ́ mbɛ wɔ́ ghɛ̂ náʼá ntsɛ́ siŋ Mboʼmvé, ntsɔ ŋkyé tó mbəb yé.
13Piŋi tsébé nɛ́ ne fiʼne mbəb yiŋi piŋi ne piŋi. Piŋi ndɛ mbó nɛ́ mbɛɛ pɔŋ pɛ́, piŋi zhyɛ́ ŋgâ pɔŋ shaŋa nɛ́, kii pó mbé ywɔ́kpeʼe ne pɔ́b. 14Mə ndzé yéré, Ntsɛɛpɔŋ Yěsô pó cʉ̌yi ŋgyɛ mə ndzé ŋgâ, cyó yɔ́b ghaŋásyé mbé pé, yé siŋɛ́ mbəb pó. Tsʉ́ʼmbé, yɔ́b ye siŋɛ́ mbəb, pe njʉ́, ŋɔŋ ke njʉ́ ne tómbəb ye ŋgâ a siŋɛ́ mbəb nɛ́. 15A pɛ́ɛ́ yɛ́ wo tsé ndzɔ̂ yiŋi mbziʼe mɔ́b, a zuʼɔ mɔ́ŋmɛ́ wo zúʼú nɛ́, mbǒ wo pó nɛ́ mbé nyí njʉ́ kəŋe tsɔ́ nɛ́ pó. Zhyaŋa nɛ́ njʉ́ wo ndáá ndúŋú no mwɔ̌zó, ŋɔŋ wɛ́ Kristo kɛ pfó ŋkyé wé nɛ́, mbwó nɛ́. 16No yɛ́ a pwó wo mbé yé sʉ́ʼʉ nɛ́, a ndɛ mbó mbɛ́ɛ́ yɔ́b yɛ́ pɔŋ ndzáʼa ndúŋú ntsé ŋubɔ nɛ́. 17Ŋkyé ŋgâ, Nofɔŋ Mboʼmvé pɛ́ɛ́ no mwɔ̌zó pwɛ no nɔ́ne pó. A pɛɛ mbéne ŋgerɛ́ŋged siŋ Mboʼmvé, a pɛɛ mbúru, mbó mbé ndebéne yɛ́ Zhʉye Yáŋme fɛ nɛ́. 18Ŋɔŋ wɛ́ a tsé faʼa pwó Kristo néré nɛ́, a mbǔ Mboʼmvé, pumésɔŋ náá wé ŋgoʼóʼ. 19Néré, piŋi taʼa no yɛ́ a fɛ́ mbúru nɛ́, mbó ŋgyɛ́ ŋgâ psyɛ́ndzɔʼ ŋkɔŋɔ pɔŋ náá ke mvii ŋgǔ ne ssó nɛ́. 20Wo ndɛ ndáá ndúŋú no mwɔ̌zó mbúbú faʼ Mboʼmvé. Ŋkɔŋɔ yɔ́b náá yáŋ, a sísíŋ. Ntsʉ́ʼmbé, a no kəpɔŋ ne ndzône yɔ́b yɛ́ a ŋgyɛ́ mɔ́ŋmɛ́ wo shaŋa nɛ́. 21No yɛ́ a sʉ́ʼʉ nɛ́, pɛ́ɛ́ ŋgâ, wo ndɛ pfód ndzáb, wo ndɛ nɔ yoʼ, zhyaŋa ŋkɔŋɔ yɔ́b yɛ́ tɛɛmbɛ́ a zhyɛ́ mɔ́ŋmɛ́ wo vó nɛ́. 22Yɔ́b yɛ́ psyɛ́ndzɔʼ wo tsɔ́ pwó wo ŋgâ wo zhyɛ́ nɛ́, ywʉ́ʼʉ́ yéré kɛ́ʼɛ́ pfɔ̂ wo, siŋ Mboʼmvé. Mbéne sʉ́ʼʉ pwó ŋɔŋ wɛ́ ndzɔʼ ye tse mbé fiʼɛ́ wé ndúŋú no yɛ́ a zhyɛ́ nɛ́ po. 23Tsʉ́ʼmbé ŋɔŋ wɛ́ a tse ndzɔ̂ mɔ́b, ntséʼé ndzɛ̌ne nɛ́, ndzɔʼ yé kɛ fiʼɛ wé, fûŋ. Ŋkyé ŋgâ ndzɔʼ yé ndzóó fwóme, ndúŋú no yɛ́ a zhyɛ́ nɛ́ pó. Ŋkɔŋɔ no yɛ́ wo zhyɛ́, ndzɔʼ wo pe pɛ ndzóó fwóme nɛ́ pó, no kəpɔŋ.
Currently Selected:
Roma 14: XMG
Highlight
Share
Copy
Want to have your highlights saved across all your devices? Sign up or sign in
Roma 14
14
Puŋ ghəhɛ́ ŋɔŋ wɛ́ psyɛ́ndzɔʼ yé pɔ́d nɛ́
1Puŋ ghəhɛ́ ŋɔŋ wɛ́ psyɛ́ndzɔʼ ye pɔ́d nɛ́, sʉ́ʼʉ, kii tse tsɛʼɛ kesed ndúŋú kpaŋató yé. 2Tɛɛmbɛ psyɛ́ndzɔʼ cyó ŋɔŋ zhyɛ́ a zó ŋkɔŋɔ yɔ́b náá. Cyó ŋɔŋ mbó mbɛ́ yé, ke mpfɔ́rɔ́ yé pé ndaʼ ffé ŋkyé ŋgâ psyɛ́ndzɔʼ ye pɔ́d nɛ́. 3Néré, ŋɔŋ wɛ́ a zɔ ŋkɔŋɔ yɔ́b náá nɛ́, ndɛ ntó ŋɔŋ wɛ́, a tsé mbé zɔ nɛ́ pó. Ŋɔŋ wɛ́ a tse mbé zɔ ŋkɔŋɔ yɔ́b náá nɛ́ pó, ndɛ fiʼɛ ŋɔŋ wɛ́ a tsé ndzɔ̂ nɛ́. Ŋkyé ŋgâ Mboʼmvé kɛ ke ŋgəyɛ́ yé ywoʼ. 4Wo wɔ́ kaʼatɛ ŋgɛ fiʼɛ́ ŋgaŋafaʼ wɛ́ a wo nɛ́ pɔɔ? Kii a tsɛɛ nsó, kii a vɔ̌ sye, mbǒ yéré tiŋɛ́ ŋɔŋ wɛ́ a tsɛʼɛ wé. Á ntsɛ́ nsó! Ŋkyé ŋgâ Ntsɛɛpɔŋ kuʼɔ ne ŋgyɛ̌ne a tsɛ́ nsó. 5Cyó ŋɔŋ zhʉ́ yé ŋgâ, pecyó zhyémve tséʼé ghebe ntsɛ́ɛ́ pecyó. Cyó pó njʉ́ yé ŋgâ, pɛ zhyémve ke ŋkáá naa mbɛɛ taʼ no. Mbɛ wɔ ghɛ́ ntsɔ́ ye néré, cʉ̌yi ndzɛ́ ndzó ndzɔʼ ye ŋgâ, a no sísíŋ. 6Ŋɔŋ wɛ́ a fɛ́ ŋgúʼune pwó cyó zhyémve ndúŋú ŋgábtáŋ nɛ́, zhyɛ̂ néré pe ne ŋgúʼune Ntsɛɛpɔŋ. Ŋɔŋ wɛ́ a zɔ ŋkɔŋɔ yɔ́b náá nɛ́, ke ndzɔ́ néré pe ne ŋgúʼune Ntsɛɛpɔŋ, ŋkyé ŋgâ a ghɛ̂ ŋgyɛ́ néré, fɛ́ɛ́ ŋgúʼune pwó Mboʼmvé. Ŋgɛ́ mbɛ ne ŋɔŋ wɛ́ a tsé mbé zɔ ŋkɔŋɔ yɔ́b náá nɛ́ pó, a zhyɛ́ néré ŋkyé Ntsɛɛpɔŋ, ke mbó fɛ́ɛ́ ŋgúʼune pwó Mboʼmvé. 7Cyó ŋɔŋ yoʼo tsetsɛrɛ piŋi yɛ́, a tsó mvé ŋkyé tómbəb ye nɛ́ pó. Kii cyó ŋɔŋ pó mbé yé yɛ́, a pfɔ́ ŋkyé tómbəb yé nɛ́. 8Ŋkyé ŋgâ a pɛ́ɛ́ yɛ́ piŋi tse ntsó mvé nɛ́, mbǒ piŋi ntsó ŋkyé Ntsɛɛpɔŋ. Kii Mbéyɛ́ piŋi pfó pfó nɛ́, mbǒ piŋi pfó ŋkyé Ntsɛɛpɔŋ. Néré kɛ́ʼɛ́, kii piŋi tsóó mvé kii piŋi pfó pfɔ́, mbǒ piŋi ke mbɛɛ pwó Ntsɛɛpɔŋ. 9Ŋkyé ŋgâ Kristo kɛ pfó, mbó njʉyɛ́ kɛ́ʼɛ́, pe ne mbéne Ntsɛɛpɔŋ pɔŋ pɛ́, pɔ́b kɛ́ pfo nɛ́, pú yé pú mɔ́b. 10Ntsʉʼmbɛ ne wo, wo fiʼɛ mɔ́ŋmɛ́ wɔŋ ŋkyé kɔ́? Wo, a zhyɛ́ kɔ́ wo tó mɔ́ŋmɛ́ wo? Ŋgɛ́mbɛ́ kɛ́ʼɛ́ ŋkɔŋɔ wíŋi náá, piŋi náʼá ndzáʼa siŋ Mboʼmvé a fiʼɛ wíŋi. 11Ŋkyé ŋgâ, a ŋweʼéme ŋgâ: «Mbziʼe njʉ́ a sísíŋ ŋgâ mo, Ntsɛɛpɔŋ, mə mɔ́b nɛ́, ŋkɔŋɔ pumésɔŋ náá ŋkʉ́yó ferɛ tókuʼé mɔ́b siŋ mo, ŋkɔŋɔ pɔŋ náá ghuʼu ghɛ́ɛ́ Mboʼmvé.» 12Néré kɛ́ʼɛ́ mbɛ wɔ́ ghɛ̂ náʼá ntsɛ́ siŋ Mboʼmvé, ntsɔ ŋkyé tó mbəb yé.
13Piŋi tsébé nɛ́ ne fiʼne mbəb yiŋi piŋi ne piŋi. Piŋi ndɛ mbó nɛ́ mbɛɛ pɔŋ pɛ́, piŋi zhyɛ́ ŋgâ pɔŋ shaŋa nɛ́, kii pó mbé ywɔ́kpeʼe ne pɔ́b. 14Mə ndzé yéré, Ntsɛɛpɔŋ Yěsô pó cʉ̌yi ŋgyɛ mə ndzé ŋgâ, cyó yɔ́b ghaŋásyé mbé pé, yé siŋɛ́ mbəb pó. Tsʉ́ʼmbé, yɔ́b ye siŋɛ́ mbəb, pe njʉ́, ŋɔŋ ke njʉ́ ne tómbəb ye ŋgâ a siŋɛ́ mbəb nɛ́. 15A pɛ́ɛ́ yɛ́ wo tsé ndzɔ̂ yiŋi mbziʼe mɔ́b, a zuʼɔ mɔ́ŋmɛ́ wo zúʼú nɛ́, mbǒ wo pó nɛ́ mbé nyí njʉ́ kəŋe tsɔ́ nɛ́ pó. Zhyaŋa nɛ́ njʉ́ wo ndáá ndúŋú no mwɔ̌zó, ŋɔŋ wɛ́ Kristo kɛ pfó ŋkyé wé nɛ́, mbwó nɛ́. 16No yɛ́ a pwó wo mbé yé sʉ́ʼʉ nɛ́, a ndɛ mbó mbɛ́ɛ́ yɔ́b yɛ́ pɔŋ ndzáʼa ndúŋú ntsé ŋubɔ nɛ́. 17Ŋkyé ŋgâ, Nofɔŋ Mboʼmvé pɛ́ɛ́ no mwɔ̌zó pwɛ no nɔ́ne pó. A pɛɛ mbéne ŋgerɛ́ŋged siŋ Mboʼmvé, a pɛɛ mbúru, mbó mbé ndebéne yɛ́ Zhʉye Yáŋme fɛ nɛ́. 18Ŋɔŋ wɛ́ a tsé faʼa pwó Kristo néré nɛ́, a mbǔ Mboʼmvé, pumésɔŋ náá wé ŋgoʼóʼ. 19Néré, piŋi taʼa no yɛ́ a fɛ́ mbúru nɛ́, mbó ŋgyɛ́ ŋgâ psyɛ́ndzɔʼ ŋkɔŋɔ pɔŋ náá ke mvii ŋgǔ ne ssó nɛ́. 20Wo ndɛ ndáá ndúŋú no mwɔ̌zó mbúbú faʼ Mboʼmvé. Ŋkɔŋɔ yɔ́b náá yáŋ, a sísíŋ. Ntsʉ́ʼmbé, a no kəpɔŋ ne ndzône yɔ́b yɛ́ a ŋgyɛ́ mɔ́ŋmɛ́ wo shaŋa nɛ́. 21No yɛ́ a sʉ́ʼʉ nɛ́, pɛ́ɛ́ ŋgâ, wo ndɛ pfód ndzáb, wo ndɛ nɔ yoʼ, zhyaŋa ŋkɔŋɔ yɔ́b yɛ́ tɛɛmbɛ́ a zhyɛ́ mɔ́ŋmɛ́ wo vó nɛ́. 22Yɔ́b yɛ́ psyɛ́ndzɔʼ wo tsɔ́ pwó wo ŋgâ wo zhyɛ́ nɛ́, ywʉ́ʼʉ́ yéré kɛ́ʼɛ́ pfɔ̂ wo, siŋ Mboʼmvé. Mbéne sʉ́ʼʉ pwó ŋɔŋ wɛ́ ndzɔʼ ye tse mbé fiʼɛ́ wé ndúŋú no yɛ́ a zhyɛ́ nɛ́ po. 23Tsʉ́ʼmbé ŋɔŋ wɛ́ a tse ndzɔ̂ mɔ́b, ntséʼé ndzɛ̌ne nɛ́, ndzɔʼ yé kɛ fiʼɛ wé, fûŋ. Ŋkyé ŋgâ ndzɔʼ yé ndzóó fwóme, ndúŋú no yɛ́ a zhyɛ́ nɛ́ pó. Ŋkɔŋɔ no yɛ́ wo zhyɛ́, ndzɔʼ wo pe pɛ ndzóó fwóme nɛ́ pó, no kəpɔŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in