Roma 13
13
Zóʼontswee pwó pɛ ntsɛ́ssó
1A ŋkɔŋɔ pɔŋ náá fɛ mbəb yɔ́b syé, siŋ pɛ ntsɛ́ssó pɛ pɔ́b sáʼamvé náá nɛ́. Nkyé ŋgâ tʉ̌ŋ saʼne twɔ̌ pwó Mboʼmvé. Pɛ pɔ́b yoʼo nɛ́, a tíí yé tíí wɔ́b. 2Néré, ŋɔŋ wɛ́ a kirɛ ne fɛ́ne mbəb yé syé siŋ pɛ ntsɛ́ssó nɛ́, mǐtó ne no yɛ́ Mboʼmvé kɛ tíí nɛ́. Pɛ ki zoʼ ntswee sû ndɔŋ fɛ́ tó pɔ́b. 3Néré, ŋɔŋ wɛ́ a zhyɛ́ no sʉ́ʼʉ nɛ́, tsɛʼɛ ne mbɔ̂ne pɔŋ pɛ́ pɔ́b sáʼá pɔŋ nɛ́ pó. Tsʉʼʉmbé pé pɔ́ɔ́ wɔ́b pé ŋkhoʼyɛ́ pé zhyɛ́ no kəpɔŋ nɛ́. A pɛ́ɛ́ yɛ́ wo tse mbé zɔŋɔ mbɔɔ pɛ ntsɛ́ssó nɛ́ pó, wo ke ŋgyɛ̌ no sʉ́ʼʉ, mbǒ pɔ́b ŋgəʼo wo. 4Ŋkyé ŋgâ, pɔ́b faʼa pwó Mboʼmvé, ne ŋgyɛ̌ne ŋgâ wo zhyɛ́ no sʉ́ʼʉ. Tsʉ́ʼmbé a pɛ́ɛ́ yɛ́ wo zhyɛ́ no kəpɔŋ nɛ́, wo pɔ́ɔ́ wé. Ŋkyé ŋgâ a nyí ne mɔ́ŋféé pe ndzəndzoʼ pó. Pɔ́b pɛrɛ ndzáá ŋɔŋ ne ŋgəʼo, ke faʼa faʼ Mboʼmvé, ne nyoʼne pʉ̌ŋgye ye, mbəb ŋɔŋ wɛ́ a zhyɛ́ no kəpɔŋ nɛ́. 5A zhyɛ́ yéré kɛ́ʼɛ́ a pú ne fɛ́ne mbəb syé, ké mbé pɛ́ɛ́ ndaʼ njʉ́ wo tse mbɔɔ pʉ̌ŋgye yé nɛ́ pó, tsʉ́ʼmbɛ́ ŋgâ ndzɔʼ wo pe fwóme. 6A ké zhyɛ yéré nɛ́, puŋ pee sebe. Pɔŋ pɛ pɔ́b kpee nɛ́, á tíí Mboʼmvé ntíí wɔ́b ne yéré faʼ. 7Puŋ fɛ yɔ́b ŋɔŋ pwó yé, puŋ pee sebe pwó ŋɔŋ wɛ́ a zɔŋɔ ŋgâ pe pee pwó ye nɛ́, mbě taŋsə pwó ŋɔŋ wɛ́ a zɔŋɔ ŋgâ pe pee pwó ye nɛ́, mbɔ́ɔ́ ŋɔŋ wɛ́ a zɔŋɔ pe pɔ́ɔ́ wé nɛ́, fɛ́ ŋgúʼune pwó ŋɔŋ wɛ́ a zɔŋɔ ŋgâ pé ghuʼɔ wé nɛ́, ŋké fɛ́ ye ŋɔŋ pwó yé, pé njʉ́ a zɔŋɔ nɛ́.
Ntseʼene kəŋe ŋkyé mɔ́ŋmɛ́ wo
8Puŋɛ pɔŋ ndɛ ntséʼé kɛɛ, kii a kembɛ́ ndaʼ ŋkʉyene mbəb yuŋ. Ŋkyé ŋgâ, ŋɔŋ wɛ́ a kʉyě mɔ́ŋmɛ́ ye nɛ́, yúŋú ŋkɔŋɔ kaŋ náá. 9Kaŋ pɔŋ kaʼa pɛ́, a tsɔ́ ŋgâ: «Wo ndɛ naʼ mbúbú ndáá, wo ndɛ náʼ nɔʼɔ ŋɔŋ, wo ndɛ naʼ ndzé, wo ndɛ naʼ tséʼé keghoʼ ne ywɔ́ ŋɔŋ» nɛ́, mbɛ njʉ́ pecyó náá nɛ́, kwɔrɔ́tó yɔ́b náá pɛɛ ŋgâ: «Kʉyě mɔ́ŋmɛ́ wo njʉ́ tó mbəb wo nɛ́.» 10Kəŋe ndɛ mbé zhyɛ́ no kəpɔŋ mbəb mɔ́ŋmɛ́ pó. A kəŋe mbé ndâ yuŋɔto kaŋ.
11Mbɛ náá, njʉ́ puŋ zɛ ŋgabmvé yɛ́ piŋi ndúŋú nɛ́, yɔŋ ŋkhoʼyɛ́ nɛ́ puŋ ndzɛ́bɛ́ ne yɔɔ nɛ́. Ŋkyé ŋgâ, zhyémve yɛ́ Mboʼmvé mkpéé wíŋi nɛ́, kɛ pɛ pfúŋɔ́ piŋi, kaʼatɛ ntsɛɛ ŋkhoʼyɛ́ piŋi kɛ psyɛ nɛ́. 12Mvé kɛ ghú kaʼatɛ, mvé kyáŋá kee. Piŋi tee pɛ faʼ ndzə́ndzə́b, gbéé pɛ mwɔ̌ntsɔ̂ pɛ́ pe gbéé ne zhyaŋa nɛ́. 13Piŋi nyí ŋgerɛ́ŋged njʉ́ pe ndɛ nyí ne zhyaŋa nɛ́. Piŋi ndɛ ndzó ndzáʼ ndii, kii pó nɔ mbɛ́ɛ́, ŋgyaŋa meno ghoʼotó pwɛ meno fáátó, ŋkíyí mɛʼɛntswee, pwɛ tseʼene sháŋá. 14Ntsʉʼ mbé puŋ gbéé Ntɛɛpɔŋ Yěsô Kristo mbəb puŋ njʉ́ pe ndɛ gbéé ndzwé nɛ́. Puŋ ndɛ ntee mbəb yuŋ, a sáʼá meno pɛ́ ndzɔʼ yuŋ tse ŋkʉye nɛ́ sáʼá wuŋ, puŋ zhyɛ́ meno kəpɔŋ.
Currently Selected:
Roma 13: XMG
Highlight
Share
Copy
Want to have your highlights saved across all your devices? Sign up or sign in
Roma 13
13
Zóʼontswee pwó pɛ ntsɛ́ssó
1A ŋkɔŋɔ pɔŋ náá fɛ mbəb yɔ́b syé, siŋ pɛ ntsɛ́ssó pɛ pɔ́b sáʼamvé náá nɛ́. Nkyé ŋgâ tʉ̌ŋ saʼne twɔ̌ pwó Mboʼmvé. Pɛ pɔ́b yoʼo nɛ́, a tíí yé tíí wɔ́b. 2Néré, ŋɔŋ wɛ́ a kirɛ ne fɛ́ne mbəb yé syé siŋ pɛ ntsɛ́ssó nɛ́, mǐtó ne no yɛ́ Mboʼmvé kɛ tíí nɛ́. Pɛ ki zoʼ ntswee sû ndɔŋ fɛ́ tó pɔ́b. 3Néré, ŋɔŋ wɛ́ a zhyɛ́ no sʉ́ʼʉ nɛ́, tsɛʼɛ ne mbɔ̂ne pɔŋ pɛ́ pɔ́b sáʼá pɔŋ nɛ́ pó. Tsʉʼʉmbé pé pɔ́ɔ́ wɔ́b pé ŋkhoʼyɛ́ pé zhyɛ́ no kəpɔŋ nɛ́. A pɛ́ɛ́ yɛ́ wo tse mbé zɔŋɔ mbɔɔ pɛ ntsɛ́ssó nɛ́ pó, wo ke ŋgyɛ̌ no sʉ́ʼʉ, mbǒ pɔ́b ŋgəʼo wo. 4Ŋkyé ŋgâ, pɔ́b faʼa pwó Mboʼmvé, ne ŋgyɛ̌ne ŋgâ wo zhyɛ́ no sʉ́ʼʉ. Tsʉ́ʼmbé a pɛ́ɛ́ yɛ́ wo zhyɛ́ no kəpɔŋ nɛ́, wo pɔ́ɔ́ wé. Ŋkyé ŋgâ a nyí ne mɔ́ŋféé pe ndzəndzoʼ pó. Pɔ́b pɛrɛ ndzáá ŋɔŋ ne ŋgəʼo, ke faʼa faʼ Mboʼmvé, ne nyoʼne pʉ̌ŋgye ye, mbəb ŋɔŋ wɛ́ a zhyɛ́ no kəpɔŋ nɛ́. 5A zhyɛ́ yéré kɛ́ʼɛ́ a pú ne fɛ́ne mbəb syé, ké mbé pɛ́ɛ́ ndaʼ njʉ́ wo tse mbɔɔ pʉ̌ŋgye yé nɛ́ pó, tsʉ́ʼmbɛ́ ŋgâ ndzɔʼ wo pe fwóme. 6A ké zhyɛ yéré nɛ́, puŋ pee sebe. Pɔŋ pɛ pɔ́b kpee nɛ́, á tíí Mboʼmvé ntíí wɔ́b ne yéré faʼ. 7Puŋ fɛ yɔ́b ŋɔŋ pwó yé, puŋ pee sebe pwó ŋɔŋ wɛ́ a zɔŋɔ ŋgâ pe pee pwó ye nɛ́, mbě taŋsə pwó ŋɔŋ wɛ́ a zɔŋɔ ŋgâ pe pee pwó ye nɛ́, mbɔ́ɔ́ ŋɔŋ wɛ́ a zɔŋɔ pe pɔ́ɔ́ wé nɛ́, fɛ́ ŋgúʼune pwó ŋɔŋ wɛ́ a zɔŋɔ ŋgâ pé ghuʼɔ wé nɛ́, ŋké fɛ́ ye ŋɔŋ pwó yé, pé njʉ́ a zɔŋɔ nɛ́.
Ntseʼene kəŋe ŋkyé mɔ́ŋmɛ́ wo
8Puŋɛ pɔŋ ndɛ ntséʼé kɛɛ, kii a kembɛ́ ndaʼ ŋkʉyene mbəb yuŋ. Ŋkyé ŋgâ, ŋɔŋ wɛ́ a kʉyě mɔ́ŋmɛ́ ye nɛ́, yúŋú ŋkɔŋɔ kaŋ náá. 9Kaŋ pɔŋ kaʼa pɛ́, a tsɔ́ ŋgâ: «Wo ndɛ naʼ mbúbú ndáá, wo ndɛ náʼ nɔʼɔ ŋɔŋ, wo ndɛ naʼ ndzé, wo ndɛ naʼ tséʼé keghoʼ ne ywɔ́ ŋɔŋ» nɛ́, mbɛ njʉ́ pecyó náá nɛ́, kwɔrɔ́tó yɔ́b náá pɛɛ ŋgâ: «Kʉyě mɔ́ŋmɛ́ wo njʉ́ tó mbəb wo nɛ́.» 10Kəŋe ndɛ mbé zhyɛ́ no kəpɔŋ mbəb mɔ́ŋmɛ́ pó. A kəŋe mbé ndâ yuŋɔto kaŋ.
11Mbɛ náá, njʉ́ puŋ zɛ ŋgabmvé yɛ́ piŋi ndúŋú nɛ́, yɔŋ ŋkhoʼyɛ́ nɛ́ puŋ ndzɛ́bɛ́ ne yɔɔ nɛ́. Ŋkyé ŋgâ, zhyémve yɛ́ Mboʼmvé mkpéé wíŋi nɛ́, kɛ pɛ pfúŋɔ́ piŋi, kaʼatɛ ntsɛɛ ŋkhoʼyɛ́ piŋi kɛ psyɛ nɛ́. 12Mvé kɛ ghú kaʼatɛ, mvé kyáŋá kee. Piŋi tee pɛ faʼ ndzə́ndzə́b, gbéé pɛ mwɔ̌ntsɔ̂ pɛ́ pe gbéé ne zhyaŋa nɛ́. 13Piŋi nyí ŋgerɛ́ŋged njʉ́ pe ndɛ nyí ne zhyaŋa nɛ́. Piŋi ndɛ ndzó ndzáʼ ndii, kii pó nɔ mbɛ́ɛ́, ŋgyaŋa meno ghoʼotó pwɛ meno fáátó, ŋkíyí mɛʼɛntswee, pwɛ tseʼene sháŋá. 14Ntsʉʼ mbé puŋ gbéé Ntɛɛpɔŋ Yěsô Kristo mbəb puŋ njʉ́ pe ndɛ gbéé ndzwé nɛ́. Puŋ ndɛ ntee mbəb yuŋ, a sáʼá meno pɛ́ ndzɔʼ yuŋ tse ŋkʉye nɛ́ sáʼá wuŋ, puŋ zhyɛ́ meno kəpɔŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in