Matʉyo 4
4
Sátaŋ kpɛ́ʼɛ́ Yěsô
(Máá 1:12-13; Lúk 4:1-13)
1Néré, Zhʉye yáŋme tyáŋa Yěsô ghúŋkwéʼé ŋgâ Sátaŋ ŋgaŋamkpeʼe, kpɛ́ʼɛ́ wé. 2Ŋkhoʼyɛ́ Yěsô kɛ zé nse ne zhyémve ghúbmekwa ne netsúʼ ghúbmekwa nɛ́, a ghɛ́ mee ndzye zí wé. 3Sátaŋ suʼu mbəb ye mbɛ́rɛ́ wé, nsɔ́ pwó ye ŋgâ: «A pɛ́ɛ́ yɛ́ wo Mɔ́ŋ Mboʼmvé nɛ́, wo ntsó ŋgâ ŋgɔʼ pɔŋ séd ntsʉʼ mbré.» 4Ntsʉʼmbé a pɔ́rɔ́ pwó yé ŋgâ: «A ŋweʼéme ndzó ŋweʼe Mboʼmvé ŋgâ: a ke mbé zhyɛ́ ndaʼ mbré ŋgâ ŋɔŋ tsó mvé pó. Ntsʉʼmbé ŋɔŋ tsóó ne ŋkɔŋɔ ntsó wɛ́ a twɔ́ ntswee Mboʼmvé náá nɛ́.» 5Néré Sátaŋ yɔ́ɔ́ wé pú ye ghú Yerʉ́salɛm, mbɛ́lʉ́ŋ yáŋme. A tíí wé ntsɔ̌ʼndámboʼmvé, 6ntsɔ́ pwó ye ŋgâ: «A pɛ́ɛ́ yɛ́ wo Mɔ́ŋ Mboʼmvé nɛ́, wo né ncʉ́ syé, ŋkyé ŋgâ a ŋweʼéme ndzó ŋweʼe Mboʼmvé ŋgâ: Mboʼmvé nyaŋá pwó pɛ aŋgere pe ŋgâ pɔ́b kyɛ́ wo ndzó mbwó mɔ́b, kɛ́ʼɛ́ ŋgâ wo ndɛ ntɔ́ kpee yo ndúŋú ŋgɔʼ.» 7Yěsô tsɔ́ pwó ye ŋgâ: «A ke mbé ŋweʼéme ndzó ŋweʼe Mboʼmvé ŋgâ: Wo ndɛ náʼ mwɔ́ Ntsɛɛpɔŋ Mboʼmvé wo.» 8Sátaŋ yɔ́ɔ́ wé ŋkʉ́rʉ́, pú ye ghú ndúŋú ŋkə́ŋ sesɛ, á nyóʼ ŋkɔŋɔ ŋgɔŋ ndúŋú tsetsáʼ náá, pwɛ foʼ pɔ́b pwó yé, 9ntsɔ́ pwó yé ŋgâ: «A pɛ́ɛ́ yɛ́ wo ghúŋú pfo ya, ŋguʼɔ́ ya nɛ́ mbǒ mə fɛ́ ŋkɔŋɔ yekénɛ́ náá pwó wo.» 10Néré, Yěsô tsɔ́ pwó yé ŋgâ: «Sátaŋ! Ŋǎ pfúŋɔ́ mo. Ŋkyé ŋgâ a ŋweʼéme ndzó ŋweʼe Mboʼmvé ŋgâ: Wo náʼá ke ŋguʼɔ́ Ntsɛɛpɔŋ Mboʼmvé, wo náʼá ke fáʼa ndaʼ pwó ye.» 11Njʉ́ Yěsô kɛ ntsó néré nɛ́, Sátaŋ tee wé. Pɛ aŋgere suʼú mbəb yɔ́b mbɛrɛ we, fáʼa pwó ye.
Yěsô zyé ncʉríne ntsó Mboʼmvé
(Máá 1:14-15; Lúk 4:14-15)
12Ŋkhoʼyɛ́ Yěsô kɛ zóʼ ŋgâ pé gbǎ Zhâŋ fúŋɔ́ ndábtsáŋ nɛ́, a ŋáá yóʼó, ŋgú ndzó pɛ́rɛ́ ŋgɔŋ Galílya. 13Ŋǎ ndzó mbɛ́lʉ́ŋ Nǎzarɛd, ŋgú ntsó mbɛ́lʉ́ŋ Kapɛɛnawum ne gháá lepaa nse, ndzó ŋgɔŋ Zabʉlɔŋ pú Nefətali, 14yânéré ŋgâ tó no yɛ́ Ezaya, ghaŋátsɔ́kpaŋató Mboʼmvé kɛ ŋweʼe nɛ́, yúŋú. No yéré pɛ́ɛ́ ŋgâ:
15Tsetsáʼ Zabʉlɔŋ, tsetsáʼ Nefətali,
Mɛndɔ́b lepaanse,
Ŋgɔŋ wɛ́, pe pě siʼá nse Zhuudɛŋ ŋkɔŋ, mbɔ́rɔ́ mbáŋá ndzóó nɛ́,
Galílya, ŋgɔŋ pushʉyɛ
16Pɔŋ pɛ pɔ́b kɛ ghɔrɔ́ ndzɔ́ʼɔ́ ndzə́ndzéb nɛ́,
Zhʉ́ ndáá ndáŋne yɛ́ a twɔ́ pwó Mboʼmvé nɛ́,
Pɔŋ pɛ́ pɔ́b kɛ tsǒ ndzó ŋgɔŋ ndzə́ndzə́b yɛ́ vó yóʼó nɛ́,
Mboʼmvé twɔ́ ndáŋne ne pɔ́b.
17Ndzyěne ŋkhoʼyéré Yěsô cʉ́rɛ ŋgâ: «Puŋ séd mbziʼe yuŋ, ŋkyé ŋgâ nofɔŋ Mboʼmvé kɛ páŋ!»
Yěsô fú sɔ ŋgíŋgye pé
(Máá 1:16-20; Lúk 5:1-11)
18Njʉ́ Yěsô kɛ nyi ne gháá lepaanse Galílya nɛ́, a zhʉ́ pɔ́ŋmɛ́ pépáá pɛ́ pɔ́b kɛ pé pɛ mgbâssó nɛ́: Símo wɛ́ pe kɛ fú wé ne Pětro nɛ́, pú mɔ́ŋmɛ́ ye Andéré, pɔ́b tsé ndzoo mbúndzáá nse. 19A tsɔ́ ne pɔ́b ŋgâ: «Puŋ cʉ́ʼɔ́ ndzəb mo, mə ŋgyɛ́ puŋ maʼa gbâ pumésɔŋ.» 20Kpaʼ ŋkhoʼyéré, pɔ́b ke ntéé mbúndzáá pɔ́b pé néré, ntsʉ́ʼɔ́ ndzəb Yěsô. 21Yěsô pó náʼ ŋgɛ́ ŋgǔ ssó, zhʉ́ pecyó pɔ́ŋmɛ́ pépáá ŋkʉ́rʉ́: Zhakə Mɔ́ŋ Zebede pú mɔ́ŋmɛ́ ye Zhâŋ ndzó páŋ pwɛ tɛd wɔ́b, pɔ́b tsé ntəŋɛ́ mbúndzáá pɔ́b. A fú wɔ́b. 22Kpaʼ ŋkhoʼyéré, pɔ́b ke ntéé tɛd wɔ́b pe néré pwɛ páŋ, ndzɔŋɔ wé.
Yěsô tʉ́ʉ́ pɔŋ
(Máá 1:39; Lúk 4:44; 6:17-18)
23Njʉ́ a kɛ zhyɛ́ néré nɛ́, a nyí ndzó ŋkɔŋɔ pɛ́rɛ́ ŋgɔŋ Galílya náá, ntʉ́ʉ́ pɔŋ ndzó pɛ yaʼ ntéré pɛ Yúda, ncʉ́rɛ Ŋkəŋ Sʉ́ʼʉ ne Nofɔŋ Mboʼmvé, mbó mbɛ́rɛ́ ŋkɔŋɔ ghaŋághɔŋ náá, pwɛ ŋkɔŋɔ pɔŋ pɛ́, pɔ́b kɛ pɛ́ yóʼó, ntséʼé ŋkɔŋɔ mbziʼe yɔʼɔ náá nɛ́. 24Tíí ye gbáʼa ndzó ŋkɔŋɔ pɛ́rɛ́ ŋgɔŋ Sirya náá. Pé yɔ̂ ŋkɔŋɔ pɔŋ pɛ pɔ́b kɛ zhʉ́ ŋgəʼo náá nɛ́, ŋkʉ́yó né wɔ́b pfuŋ ye. Ŋkɔŋɔ mbziʼe ghaŋághɔŋ náá, pwɛ pɔŋ pɛ́ meno kɛ vaʼa wɔ́b nɛ́. Pɔŋ pɛ́ zhʉye kəpɔŋ kɛ pɛ́ mbəb pɔ́b nɛ́, pɛ mvɔ̂tó, pɛ ŋkʉŋi, a pɛ́rɛ́ wɔ́b. 25Pɔŋ zááme twɔ́ ŋgɔŋ Galílya, pwɛ pɛrɛ́ ŋgɔŋ Dékapólə, ntwɔ́ mbɛ́lʉ́ŋ Yerʉ́salɛm pwɛ pɛ́rɛ́ ŋgɔŋ Zhʉde kaʼatɛ ndzáʼ fáá nse Zhuudɛŋ, ndzɔŋɔ wé.
Currently Selected:
Matʉyo 4: XMG
Highlight
Share
Copy
Want to have your highlights saved across all your devices? Sign up or sign in
Matʉyo 4
4
Sátaŋ kpɛ́ʼɛ́ Yěsô
(Máá 1:12-13; Lúk 4:1-13)
1Néré, Zhʉye yáŋme tyáŋa Yěsô ghúŋkwéʼé ŋgâ Sátaŋ ŋgaŋamkpeʼe, kpɛ́ʼɛ́ wé. 2Ŋkhoʼyɛ́ Yěsô kɛ zé nse ne zhyémve ghúbmekwa ne netsúʼ ghúbmekwa nɛ́, a ghɛ́ mee ndzye zí wé. 3Sátaŋ suʼu mbəb ye mbɛ́rɛ́ wé, nsɔ́ pwó ye ŋgâ: «A pɛ́ɛ́ yɛ́ wo Mɔ́ŋ Mboʼmvé nɛ́, wo ntsó ŋgâ ŋgɔʼ pɔŋ séd ntsʉʼ mbré.» 4Ntsʉʼmbé a pɔ́rɔ́ pwó yé ŋgâ: «A ŋweʼéme ndzó ŋweʼe Mboʼmvé ŋgâ: a ke mbé zhyɛ́ ndaʼ mbré ŋgâ ŋɔŋ tsó mvé pó. Ntsʉʼmbé ŋɔŋ tsóó ne ŋkɔŋɔ ntsó wɛ́ a twɔ́ ntswee Mboʼmvé náá nɛ́.» 5Néré Sátaŋ yɔ́ɔ́ wé pú ye ghú Yerʉ́salɛm, mbɛ́lʉ́ŋ yáŋme. A tíí wé ntsɔ̌ʼndámboʼmvé, 6ntsɔ́ pwó ye ŋgâ: «A pɛ́ɛ́ yɛ́ wo Mɔ́ŋ Mboʼmvé nɛ́, wo né ncʉ́ syé, ŋkyé ŋgâ a ŋweʼéme ndzó ŋweʼe Mboʼmvé ŋgâ: Mboʼmvé nyaŋá pwó pɛ aŋgere pe ŋgâ pɔ́b kyɛ́ wo ndzó mbwó mɔ́b, kɛ́ʼɛ́ ŋgâ wo ndɛ ntɔ́ kpee yo ndúŋú ŋgɔʼ.» 7Yěsô tsɔ́ pwó ye ŋgâ: «A ke mbé ŋweʼéme ndzó ŋweʼe Mboʼmvé ŋgâ: Wo ndɛ náʼ mwɔ́ Ntsɛɛpɔŋ Mboʼmvé wo.» 8Sátaŋ yɔ́ɔ́ wé ŋkʉ́rʉ́, pú ye ghú ndúŋú ŋkə́ŋ sesɛ, á nyóʼ ŋkɔŋɔ ŋgɔŋ ndúŋú tsetsáʼ náá, pwɛ foʼ pɔ́b pwó yé, 9ntsɔ́ pwó yé ŋgâ: «A pɛ́ɛ́ yɛ́ wo ghúŋú pfo ya, ŋguʼɔ́ ya nɛ́ mbǒ mə fɛ́ ŋkɔŋɔ yekénɛ́ náá pwó wo.» 10Néré, Yěsô tsɔ́ pwó yé ŋgâ: «Sátaŋ! Ŋǎ pfúŋɔ́ mo. Ŋkyé ŋgâ a ŋweʼéme ndzó ŋweʼe Mboʼmvé ŋgâ: Wo náʼá ke ŋguʼɔ́ Ntsɛɛpɔŋ Mboʼmvé, wo náʼá ke fáʼa ndaʼ pwó ye.» 11Njʉ́ Yěsô kɛ ntsó néré nɛ́, Sátaŋ tee wé. Pɛ aŋgere suʼú mbəb yɔ́b mbɛrɛ we, fáʼa pwó ye.
Yěsô zyé ncʉríne ntsó Mboʼmvé
(Máá 1:14-15; Lúk 4:14-15)
12Ŋkhoʼyɛ́ Yěsô kɛ zóʼ ŋgâ pé gbǎ Zhâŋ fúŋɔ́ ndábtsáŋ nɛ́, a ŋáá yóʼó, ŋgú ndzó pɛ́rɛ́ ŋgɔŋ Galílya. 13Ŋǎ ndzó mbɛ́lʉ́ŋ Nǎzarɛd, ŋgú ntsó mbɛ́lʉ́ŋ Kapɛɛnawum ne gháá lepaa nse, ndzó ŋgɔŋ Zabʉlɔŋ pú Nefətali, 14yânéré ŋgâ tó no yɛ́ Ezaya, ghaŋátsɔ́kpaŋató Mboʼmvé kɛ ŋweʼe nɛ́, yúŋú. No yéré pɛ́ɛ́ ŋgâ:
15Tsetsáʼ Zabʉlɔŋ, tsetsáʼ Nefətali,
Mɛndɔ́b lepaanse,
Ŋgɔŋ wɛ́, pe pě siʼá nse Zhuudɛŋ ŋkɔŋ, mbɔ́rɔ́ mbáŋá ndzóó nɛ́,
Galílya, ŋgɔŋ pushʉyɛ
16Pɔŋ pɛ pɔ́b kɛ ghɔrɔ́ ndzɔ́ʼɔ́ ndzə́ndzéb nɛ́,
Zhʉ́ ndáá ndáŋne yɛ́ a twɔ́ pwó Mboʼmvé nɛ́,
Pɔŋ pɛ́ pɔ́b kɛ tsǒ ndzó ŋgɔŋ ndzə́ndzə́b yɛ́ vó yóʼó nɛ́,
Mboʼmvé twɔ́ ndáŋne ne pɔ́b.
17Ndzyěne ŋkhoʼyéré Yěsô cʉ́rɛ ŋgâ: «Puŋ séd mbziʼe yuŋ, ŋkyé ŋgâ nofɔŋ Mboʼmvé kɛ páŋ!»
Yěsô fú sɔ ŋgíŋgye pé
(Máá 1:16-20; Lúk 5:1-11)
18Njʉ́ Yěsô kɛ nyi ne gháá lepaanse Galílya nɛ́, a zhʉ́ pɔ́ŋmɛ́ pépáá pɛ́ pɔ́b kɛ pé pɛ mgbâssó nɛ́: Símo wɛ́ pe kɛ fú wé ne Pětro nɛ́, pú mɔ́ŋmɛ́ ye Andéré, pɔ́b tsé ndzoo mbúndzáá nse. 19A tsɔ́ ne pɔ́b ŋgâ: «Puŋ cʉ́ʼɔ́ ndzəb mo, mə ŋgyɛ́ puŋ maʼa gbâ pumésɔŋ.» 20Kpaʼ ŋkhoʼyéré, pɔ́b ke ntéé mbúndzáá pɔ́b pé néré, ntsʉ́ʼɔ́ ndzəb Yěsô. 21Yěsô pó náʼ ŋgɛ́ ŋgǔ ssó, zhʉ́ pecyó pɔ́ŋmɛ́ pépáá ŋkʉ́rʉ́: Zhakə Mɔ́ŋ Zebede pú mɔ́ŋmɛ́ ye Zhâŋ ndzó páŋ pwɛ tɛd wɔ́b, pɔ́b tsé ntəŋɛ́ mbúndzáá pɔ́b. A fú wɔ́b. 22Kpaʼ ŋkhoʼyéré, pɔ́b ke ntéé tɛd wɔ́b pe néré pwɛ páŋ, ndzɔŋɔ wé.
Yěsô tʉ́ʉ́ pɔŋ
(Máá 1:39; Lúk 4:44; 6:17-18)
23Njʉ́ a kɛ zhyɛ́ néré nɛ́, a nyí ndzó ŋkɔŋɔ pɛ́rɛ́ ŋgɔŋ Galílya náá, ntʉ́ʉ́ pɔŋ ndzó pɛ yaʼ ntéré pɛ Yúda, ncʉ́rɛ Ŋkəŋ Sʉ́ʼʉ ne Nofɔŋ Mboʼmvé, mbó mbɛ́rɛ́ ŋkɔŋɔ ghaŋághɔŋ náá, pwɛ ŋkɔŋɔ pɔŋ pɛ́, pɔ́b kɛ pɛ́ yóʼó, ntséʼé ŋkɔŋɔ mbziʼe yɔʼɔ náá nɛ́. 24Tíí ye gbáʼa ndzó ŋkɔŋɔ pɛ́rɛ́ ŋgɔŋ Sirya náá. Pé yɔ̂ ŋkɔŋɔ pɔŋ pɛ pɔ́b kɛ zhʉ́ ŋgəʼo náá nɛ́, ŋkʉ́yó né wɔ́b pfuŋ ye. Ŋkɔŋɔ mbziʼe ghaŋághɔŋ náá, pwɛ pɔŋ pɛ́ meno kɛ vaʼa wɔ́b nɛ́. Pɔŋ pɛ́ zhʉye kəpɔŋ kɛ pɛ́ mbəb pɔ́b nɛ́, pɛ mvɔ̂tó, pɛ ŋkʉŋi, a pɛ́rɛ́ wɔ́b. 25Pɔŋ zááme twɔ́ ŋgɔŋ Galílya, pwɛ pɛrɛ́ ŋgɔŋ Dékapólə, ntwɔ́ mbɛ́lʉ́ŋ Yerʉ́salɛm pwɛ pɛ́rɛ́ ŋgɔŋ Zhʉde kaʼatɛ ndzáʼ fáá nse Zhuudɛŋ, ndzɔŋɔ wé.
Currently Selected:
:
Highlight
Share
Copy
Want to have your highlights saved across all your devices? Sign up or sign in