Kolosiɛ́ŋ Nibíŋínín ná mbɔbɔnɔ
Nibíŋínín ná mbɔbɔnɔ
Pólo mabá agá gians gá mbíne, búmabá bágubá Lóm anyɛ́ umɔ́ɔŋɔ́ mbɔbɔnɔ eye. Umadɔ́mɛ́n beédéb bá tísɔn wa Kolós, uganyɛ gɔ́b ká bédúmbínyí sɔ́n beédéb bányá agá tísɔn wá Laodisé. Ɔduɔ́ wág wá buóny mabá ká, únuenenyi gufúnyifunyi gá bɔbɛ gúmáabá guáŋá beédéb. Ndiín yá gufúnyifunyi uguány mabá idágán agá bɛsɔ bá Beyúdɛn, na ɛmbɛ́dágɛ́dɛ́n sá Bagɛlɛ́k. Didigúlɛnsaan gédéd gédéd anyɛ́ gufúnyifunyi uguány nyá. Ubú búnyá mfí kɔ́ nyá ká únusenyi gú, Pólo mɔ́ɔŋ mbɔbɔnɔ eye wéŋené Yésu Kilíse nugúm wond údiyenyi mfí ya gubiéŋin gág.
Agá ɛduá (1-2), Pólo gúdíyenyi ká Kilíse gɔ́dɔ́mbaan manda gidigid na ká úguáŋɔ́n beédéb. Anányɛ Pólo máadámbɛg gɛnana gá gufúnyifunyi gá bɔbɛ gúméenyúŋinyúŋi band bág. Agá ɛduá (3-4), uwɔsɔ́mɔ́ band bág ká bɔ́sɔ́dɔɔn anyɛ́ meliŋítas má Kilíse ɔ́yɔnɔ́. Anyɛ́ búnyá ká Kilíse megú gɔ́b góbusió, bágúbianan bánɛɛn bielínyélínyé bɔ́b bá nsua. Anyɛ́ búnyá sɔ́n ká Kilíse manyɔ́g aga ebeguén, bágúbianan ká Kilíse sɔ́dɔn ɔgɔbɔ́, bɔ́bɔ́ bɔ́sɔ́dɔn góbusió bá Kilíse.
Pólo uwɔ́ muát udimɔyɔl tísɔn wa Kolós. Ala Epafalása umaádág giɔ́b gá beédéb gá Kolós, uwɔ́ umɔ́ɔyɛ́dɛ́n Pólo. Búnyɛ anyɛ Pólo mɔ́ɔŋ mbɔbɔbɔnɔ eye agá gɛsɛgɛl giád gímoom na mbɔbɔnɔ sá Efesiɛ́ŋ na wa mɔnd anyɛ Filemɔ́ŋɔ uwond, uwadɔ́m sɛ́ gá Tisíke umáabá ɔlɔŋ na Onésíme (4.7-9).
Currently Selected:
Kolosiɛ́ŋ Nibíŋínín ná mbɔbɔnɔ: MMU2
Highlight
Share
Copy
Want to have your highlights saved across all your devices? Sign up or sign in
CABTAL