1 Tesalonisiɛ́ŋ 1
1
Mbígélid
1Yaŋuá Pólo na Sílas#1.1 Búnyɛ buɔ́ŋɔ́n agá imbɔbɔnɔ símodió ká: Silifɛ́ŋa., na Timoté, dimánudɔ́mɛ́n beédéb bá giɔ́b gá tísɔn wa Tesaloník, bányá bá Gɔdányá sié, bónd bɔ́bɔnɛn Ɔgúnɔ́ Yésu Kilíse. Nsɛ́ gɛfɔn na bumben bá Gɔdányá bá nanɔ.
Gusɔ́d na guádáb gá beédéb bá Tesaloník
2Digúkanya Gɔdányá bɛsɛgɛl gidigid gán gá busió agá bɛsɛgɛl gidigid dibísógólonyó. 3Ogóbusió bá Gɔdányá sié wasɔ, digúnúbɛ́dága bɛsɛgɛl gidigid guádáb gán gúnyá bugaga, ɛlɛ́ga yán bídíyenyi agá manda nualaná, guágan ɔdɛm wán agá Ɔgúnɔ́ Yésu Kilíse biɔ́yɛ́kɔnɛn. 4Belimen, digúlɛnsaan ká Gɔdányá gúnúbíléne, umɔnúdɔ́bɔ́n ká núbá bág. 5Gá guán Ndág ya Nsɔ́m dimɔ́ɔnuɔ́ŋɛ́n dimabá agá gugál gusúg, Ɛsámb yá Mefúny madiágɛ́n ɔmbɔ́g na bugaga bá yɛ́. Dimalɛnsán cácácá ká gugál uguány nyɛ meliŋítas. Nugúlɛnsaan anyɛ́ dimɔ́sɔ́dɔɔ́n gadágadá wanɔ gá bese wanɔ. 6Bánuá, núgudíbígédi, unuond unuebígédi Ɔgúnɔ́. Núgugɛ́ndɛ́gɛn Ndág ya Nsɔ́m agá meyú amagɔn na bɛdɔdɛn ɛbɛ́ Ɛsámb yá Mefúny méenuéŋín. 7Binɔ́g bán bá bielínyélínyé águal ká beédéb bá biéns bá gus bá Maseduán na bá Akayí ála niaŋ nán. 8Gá guán, gugál gá Ɔgúnɔ́ móolín aganuá, uguád gubióbígi agá biéns bá gus bá Maseduán na bá Akayí. Nŋádáb yanɔ agá Gɔdányá gúbiɔ́yɔ kɔɔ́m gidigid. Didiguánd gubianan buóny bɔ́guɔyɛd. 9Band guɔ́yɔ nanyá numáadɛ́gɛ́ndɛ́gɛ́n bese aganuá, na anyɛ́ nunyá gubiéŋin sɔ́n aga Gɔdányá, unuond unuatɛ́n bagɔdányá bá bɛsɔbɔ gá gualaan mbanda Gɔdányá unyá ɔgɔ́s buol. 10Nugúbídenyi ká Yésu Mɔɔn waga ólín ugumuana. Uwɔ́ Gɔdányá méenyí aga ebeguén, uwɔ́ waád udiáŋɔ́naná agá ilób yá Gɔdányá yílené.
Currently Selected:
1 Tesalonisiɛ́ŋ 1: MMU2
Highlight
Share
Copy
Want to have your highlights saved across all your devices? Sign up or sign in
CABTAL
