Mata 1

Nduŋ jiji Yesu Kərist

1Tsakwa ana nduŋ jiji Yesu Kərist ma mbəwha ata shiŋ Dawda. Dawda ma mbəwha ata shiŋ Ibərahima. 2Ibərahima ma mbəwha Isiyaku, Isiyaku ma mbəwha Yakubu, Yakubu ma mbəwha Yahuda abə zliŋgin aagi. 3Yahuda ma mbəwha Pares abə Jara, Tamar ana mamən ta. Pares ma mbəwha Hesirunu, Hesirunu ma mbəwha Siriya. 4Siriya ma mbəwha Aminadabu, Aminadabu ma mbəwha Nahasunu, Nahasunu ma mbəwha Salimuna, 5Salimuna ma mbəwha Bəwes, Rahab ana mamən. Bəwes ma mbəwha Ubed, Rut ana mamən. Ubed ma mbəwha Yesa. 6Yesa ma mbəwha Dawda, ma ɗa bay. Dawda ma mbəwha Suleymanu, a mbəwhazə a wala Uriya, 7Suleymanu ma mbəwha Rubuyam, Rubuyam ma mbəwha Abiya, Abiya ma mbəwha Asa, 8Asa ma mbəwha Yusafat, Yusafat ma mbəwha Yuram. Yuram ma mbəwha Uzhiya, 9Uzhiya ma mbəwha Yutam, Yutam ma mbəwha Akas, Akas ma mbəwha Hezhekiya, 10Hezhekiya ma mbəwha Manasa, Manasa ma mbəwha Amuŋ, Amuŋ ma mbəwha Yusiya, 11Yusiya ma mbəwha Yekuniya abə zliŋgin aagi, abə tiɗa ndə aa kakwar Isərayila aagi, aagi nda a hayak Babila, aagi nda ɗa mava. 12Ndə aa jaɓ Isərayila aagi a hayak Babila, Yekuniya ma mbəwha Salatiyel, Salatiyel ma mbəwha Zurubabila, 13Zurubabila ma mbəwha Abihuda, Abihuda ma mbəwha Eliyakim, Eliyakim ma mbəwha Azhura, 14Azhura ma mbəwha Saduk, Saduk ma mbəwha Akim, Akim ma mbəwha Eliyuda, 15Eliyuda ma mbəwha Eliyazharu, Eliyazharu ma mbəwha Matan, Matan ma mbəwha Yakubu, 16Yakubu ma mbəwha Yusufu, mawəl ataa Mariyama, ala ma mbəwha Yesu, ndə zləm tə a ɗa Kərist.

17ꞋWa aka ata Ibərahima a vaŋ ata Dawda, a ɗa ndəɓ wam aha ŋfaɗ. ꞌWa aka ata Dawda a vaŋ ata ndə aa jaɓ Isərayila aagi a hayak Babila, aagi nda a ɗa mava, ndəɓ wam aha ŋfaɗ. Zhana ndəɓ wam aha ŋfaɗ a vaŋ ata Kərist.

Mbəwha Yesu Kərist

18Ikwa abə Yesu Kərist a mbəwha. Mariyama mamən tə, a ɗa dəma Yusufu ata jak. Ama, tiɗa aa awli a dzəv, a gəra ya, abə dəməs gwara ara ɓərɓər ataa Miɗ ma ghwaɗeɗe. 19Yusufu, ma ɗa mawəl shibəw tə, a ɗa ala ma dəlili ata nja Bizlaf, tamay a zlapanə ma ma gamak a taba həji aagi səku. A may a mbasl ka abə wirwir. 20Ndə a kadeŋ ikwa a ha tə, a gəra ya, matəf ataa Bay Madagal taa tə, dəba a azlapanə a shiŋshiŋ, iŋgaya: «Yusufu, mbəwha ata shiŋ Dawda, hwa ɗiw a ɗal ŋzliŋ a ji dəma kwa Mariyama səku, mbə ma ndza a bəra tə, a ndaha gwara a ɓərɓər Miɗ ma ghwaɗeɗe. 21A ambəwha mbə mawəl, hwa atsanə zləm, Yesu, ara ndə a ɗa, sha ana ma kaarehha həji tə aagi bəza a mpət ta.» 22Səkən watsa a ɗal tiwtiw, aska kəliy ma ndə Bay Madagal a zlapazə ka gwara ara ala ma ɗaf ma ndə a zlimazə ara Bizlaf: 23Dahalay #1.23 Dahalay ma ŋkula dzəv abə mawəl ma ŋkula kasən mawəl, a aɗal dəməs, a ambəwha mbə, həji atsanə zləm Emaniyel, andza lazlap: «Bizlaf abə həji».

24Ndə Yusufu a fəɗah tə, dəba a aɗalə andza ndə matəf ataa Bay Madagal a ghalanə. Leŋ a ji dəma tə a wata tə, 25ama, aa tadzəv abə sha akas, a vaŋ ata vah ndə Mariyama a kaambəwha mbə akas, azha Yusufu pa a tsanə zləm tə, Yesu.

Currently Selected:

Mata 1: GOU

Highlight

Copy