Zlən ataa həji ta zlən aagi 7
7
Zlap Etiyen
1Madagal maɗal kwakus, ɗiw a ɗiwzə Etiyen, iŋgaya: «Ma ndə aa kazlap ata hwa watsə, a ɗa ŋter vəw?» 2Etiyen zhin a zhinanə, iŋgaya: «Zlina aagi, abə vana aagi, huni tehzə ma naka. Bizlaf ma ndza abə sləf ma dagal, taghalanə ha tə a Ibərahima, jiji takwa tiɗa ndə a hayak Mesuputamiya, tiɗa ndə awli kwagwa a nda ndza a Haran. 3Bizlaf zlap a zlapanə, iŋgaya: Nda kwa a bəza a hayak kwa, mbasl vən kwa aagi ka, nda a hayak ndə sa kaaghalahu, iy. 4Ikwa abə Ibərahima a nda tə a bəza a hayak tə, ndə həji kayə hayak Kalidiya, azha dəba a andza a hayak Haran. A tsutsa a diwzha mci cin tə, leŋ Bizlaf a daazə a bəza a hayak Haran aska a ndaha a ndza a hayak ndə huni a mən akacihwa watsə. 5A tsutsa, kwa Bizlaf tavəlanə la a Ibərahima, kwa la kajik a dak ŋgas akas, ama tazlapanə ka, a avəlanə hayak watsa, abə shiŋ tə ma kaambəwha a baraf aagi. Avəli ya, Ibərahima abə mbə akas. 6Dəba Bizlaf a azlap andza watsə, iŋgaya: Wəzhi ataa wəzhi kwa aagi, aagi andza a hayak wiyə minja. A tsutsa, aagi abəw ta, aa ɗa mava aagi, aagi asa yaka a gwar a va teemeri ŋfaɗ. 7Ama Bizlaf iŋgaya: Sa ana ma kaazla guma ata həji ma kaabəwata ka a ɗa mava watsa aagi. A diwzha tə, aagi andaa ta a bəza a tsutsa, azha aagi azhinha a həmənaka, iy. 8Pa a vəlanə dzəvha ta mbaɗ landza, səkən ma ghal dzəvha watsa, “zla mazhemter mbə”, sha ana ndə Ibərahima a mbəwha Isiyaku ya, luma ŋtaɗ a diwzha mbəwa tə, zla a zlanə mazhemter bəza. Isiyaku a ɗalanə ikwa a Yakubu, Yakubu a ɗalatana ikwa a wəzhi tə ma wam aha gbak aagi, ma ɗa jiji takwa aagi akacihwa.
9Ama, jiji takwa watsa aagi, sərah tadzata bəza aska zliŋgin ta Yusufu, azha ber aa ber bəza andza mava a hayak Misəra. Ama Bizlaf abə sha. 10Tapəlazə a bəza a yaka tə aagi tiwtiw. Pa a vəlanə deŋ ŋkwaɓ ma ŋtan a zlap atama Firawna, bay ma dagal ma ndza a hayak Misəra, sha ana ma katsa həji ma ndza aha hayak Misəra aagi, pa a tsa Yusufu ka ana bay ma ndza aha hayak, abə ma ndza aha jak tə tiwtiw. 11Ama, bay mintish minja taa tə a hayak Misəra tiwtiw abə hayak Kanana. Yaka dəy a guɗaŋ, jiji takwa aagi abə ŋgalaŋ ta lima səkən zəm akas. 12Ndə, Yakubu a zlima ndiri a zəm a hayak Misəra aka, zlən a diw a zlən jiji takwa aagi mpər kwagwa. 13Magbak tə ndə a zhin a ɗal ikwa, zliŋgina ataa Yusufu aagi tasən bəza, ikwa abə bay ma dagal ma ndza a hayak Firawna a sən ya, aa ɗa vən Yusufu aagi. 14Azha, Yusufu zlən a zlən ala a gasəha cin tə Yakubu, abə vən tə aagi tiwtiw, aa tiwtiw, aa raŋshiliɗ aha dzaɓən. 15Tsaw Yakubu a ndaha a hayak Misəra, ata la ndə a mca abə jiji takwa aagi yəm. 16Jaɓ aa jaɓ mci ta aagi a hayak Sikem, kah aa kahata ka a jiɓ ndə Ibərahima a səkəmə abə dala ara wəzhi ataa Hamur aagi.
17Ndə vah tə a ɗa huk, vah ndə Bizlaf a kaaɗal səkən ndə a gar ka a ɗalanə a Ibərahima, həji takwa aagi tambəw ta dəy a hayak Misəra. 18A gwar ata vah ndə bay ma dagal minja a kandza aha hayak ataa Misəra. Bay ma dagal ma nda watsa, tava a sənzə Yusufu akas. 19Bay watsa dəba a abam həji cini aagi ka, tsa kasatana yaka a jiji cini aagi. Tsa katakata a mbasl wəzhi ta aagi ka, aska aagi abazl. 20A va watsa, abə Musa a mbəwha a manahayak. A ɗa mbə ma ŋtan ata nja Bizlaf. Ŋtəra mahkaɗ, a kagəl a wata cin. 21Azha, tiɗa ndə a ɗa mba ka, leŋ həla ataa Firawna a ji bəza, dəba a agələ andza mbə ndə a mbəwazə a dəməs tə. 22Azha, Musa tasərək sən ma pew aagi bəza tiwtiw a hayak Misəra, a ɗa ala ma ɓərɓər a zlap tə aagi abə zlən ndə a kaɗalata aagi.
23Ndə, va tə a ɗa raŋfaɗ ya, ŋkwaɓ minja tsaw a ndaanə a ha, aska a nda taŋazə zliŋgin, həji Isərayila aagi. 24Ndə a gəra ala ndə Misəra minja a katakaɗ ala ndə Isərayila ya, Musa a gas a tsakənə ana ala watsa, ndə a ŋkula ji ɗal ata zliŋgin watsa ya, kpa a dza ala ndə Misəra watsa ka a mci. 25A deŋ a ghalatana a zliŋgin aagi ci, Bizlaf tadaaha reh aka gwara aska ra tə, ama həji Isərayila aagi, aa kazlima səku. 26Vah minja aka zhana, atama, Musa a gəra həji ndiɓi aagi gbak, aa kadza kusəm. Dəba a agasə, aska aagi riy ma ta ka a walaŋ ta, a zlapatana, aagi iŋgaya: “Ŋgwanambə naka aagi, huni ata zlinahw kuni, huni həɗəwha ata veme?” iy. 27Ama ala ma kagas ma aska ala ndə abə sha watsa, kpak a tsanə gulak a Musa, i kəsha iŋgaya: “Ala ma tsahu ka a ɗa bay cini abə ma zla guma aha ni vaya? 28Hwa ɗiw a dzaka ka andza ndə hwa dzaɓa ndə Misəra azana vəw?” 29Abə ma watsə ikwa, abə Musa a shi tə a bəza a tsutsa, aska a nda ndzaɓa a hayak Mediyan, ata la ndə a mbəw wəzhi mawəl aagi gbak.
30A diwzha va raŋfaɗ, matəf Bizlaf, pay a damə a dawən ataa hayak Sinay, a gaɗaɗaŋ kwahu ma kaba a ŋkəsaf. 31Musa, hak a ghərəŋ tə ata səkən ndə a gəra watsa, a kamay a kərəɗha a taŋzə. Azha, a zlima Bizlaf Bay Madagal, a kazlapanə, iŋgaya: 32“Sa ɗa Bizlaf ataa jiji kwa aagi, Bizlaf ataa Ibərahima, ataa Isiyaku, zhana ataa Yakubu.” A kanaana tiwtiw ana zlikusəm tə ara ŋzliŋ, Musa taji a taŋə zhanas. 33Azha, Bizlaf Bay Madagal, dəba a azlapanə, iŋgaya: “Səɗha aŋci ma ndza a ŋgas kwa bəza, ara ndə a ɗa, la ndə hwa kagar a heɗe watsa ci, a ɗa hayak ma ghwaɗeɗe, dadawər ata la watsa akas. 34Ayəw! Sa tagəra yaka həji naka aagi a hayak Misəra, zhana sa tazlima han ta, sa tadukha aska a pəlata ka. Azha anawatsə, nda, sa ɗiw a zlənahu a hayak Misəra.”
35Musa ndə həji Isərayila aagi va a ŋkalzə ma tə, ndə aa zlapanə, aagi iŋgaya: “Ala ma tsahu a ɗa bay ma dagal cini abə zlani guma vaya?” aagiy nana. Sha ana ndə Bizlaf a zlən andza bay zhana mapəl həji aagi, gwara ara matəf Bizlaf ma ghalanə ha tə a damə a kətsəh. 36Sha ana ma daaha həji Isərayila aagi a bəza a hayak Misəra. Taɗal shiŋ tsaɓan ndiɓi aagi dagala, zhana abə tsufa ndiɓi aagi, a hayak Misəra, a ma mtil ndə həji kayə mtil ma viri, zhana a damə a va raŋfaɗ. 37Musa ana ma zlapatana, a həji Isərayila aagi, iŋgaya: “Bizlaf a aji ala ŋtaguleŋ a taba kuni, ata zlinahw kuni, a ɗa ala ma ɗaf ma ndə a zlimazə ara Bizlaf andza sa”, iy. 38Ndə aa dzam ta ka a damə, sha ana mandza a walaŋ jiji takwa aagi abə matəf Bizlaf ma kazlapanə a wəzəm a dawən ataa Sinay; sha ana ma kazlima ma ataa miɗ ma ndaha ara Bizlaf a vəlahəji. 39Ama, jiji takwa aagi taji ma tə səku. Kpak aa tsə aara abə ma, azha aa may a zhin ta a hayak Misəra abə deŋ ŋkwaɓ ta. 40Dəba aagi azlapanə, a Haruna, aagi iŋgaya: “Ɗalani takun ma kanda ata ha cini aagi, ara ndə a ɗa, Musa ma daani a bəza a hayak Misəra watsə, ni kasən səkən ma ɗalanə a Musa səku,” aagiy. 41Azha, dəba aagi aꞌun səkən andza mbə vilŋga, aagi abə ɓas, aska a ɗalanə gwaygwaya andza kwakus a səkən ndə aa ꞌun abə ra ta watsa. 42Ama, Bizlaf zlaz a zlaz nja tə bəza ata təmta, mbasl a mbaslata ka a tar gəmzla ma ndza a wəzəm a wəzlaf aagi, andza ndə a ŋtiraya a ɗerewal ataa həji ma ɗaf ma ndə aa zlimazə ara Bizlaf aagi, iŋgaya:
Huni həji ataa Isərayila aagi,
huni tava a vəlazaka səkən ŋgas aagi aka vəw?
Azha huni tava a ɗalzaka kwa kwakus aka,
a va ma raŋfaɗ, ndə, huni ɗal a damə aka vəw?
43 Aŋghə! Ama, huni tadəpanə jak ta nəp kuni Mulakw
abə gəmzla takun kuni Rəfaŋ,
aa ɗa səkən ndə huni bata ka, aska huni atarata aagi.
Sha ana ndə, sa kaajaɓahuni ka, a ɗa həji yaka aagi,
gədək aha Babila, iy.
44Jiji takwa aagi, tiɗa ndə a damə, aa tadəp jak ta lima abə Bizlaf aka. Musa tadəpə andza ndə Bizlaf a ɗiw ara. A ɗal andza ndə nja tə a gərazə. 45Atama kajik, wəzhi ataa jiji takwa aagi talima jak ma dəpadəp watsa ana təmta yəm. Abə Yusuwa ndə a lahata, aa tandza a hayak ataa həji ndə, Bizlaf a gamata ata nja ta aagi. Jak ma dəpadəp watsa a ndza tə a gwar ata va ataa Dawda. 46Dawda a təwahanə a Bizlaf. Azha, ɗiw a ɗiwzə təf ara aska a ꞌunanə la ndza Bizlaf ataa Yakubu. 47Ama Suleymanu ana ma ꞌunanə jak a Bizlaf. 48Ama azha, Bizlaf ma ndza a wəzəm a kandza a jak ma ꞌun ata ra həji aagi səku. Andza ndə, a zlapazə ka gwara ata madedizh ma ataa ala ma ɗaf ma ndə a zlimazə ara Bizlaf, iŋgaya:
49 La ma ndza a wəzlaf ana la ndza naka,
la ma ndza ata hayak, la tsa ŋgas naka aagi.
Jak ndə huni ꞌunaka veme?
Azha, la nəp naka tə a vata?
50 Həna ra naka ma baha səkən watsa aagi tiwtiw həna kavəw wəra?
51Huni, həji dezlima ndə ŋkwaɓ mgbaŋmgbaŋ ndə zləm kuni a nak tə watsə aagi, ndza tə, huni kaŋkalzə Miɗ ma ghwaɗeɗe wəruk səkwa. Huni saɓ ŋter andza jiji kuni aagi. 52Həji ma ɗaf ma ndə aa zlimazə ara Bizlaf ma ndza a vata ndə jiji kuni aagi, aa ŋkula satana yaka? Aa tadiw a bazl mampər, ma ghalha ndaha ala ma dəlili ka, kwa anawatsə, huni taber bəza, zhana huni tadzə ka a mci. 53Huni talima ma ndə Bizlaf a garazə ka gwara ara matəf Bizlaf aagi, ama huni taji a njin ma ma garagar watsa akas.»
Mci Etiyen
54Ndə həji ma ndza ata la zla guma ma dagal aagi, aa zlima ma watsə, aa taghuɗek ta ata Etiyen, aa kaɓam zliɗeŋ. 55Ama, aŋtə, ndə a ɗa mkpef abə Miɗ ma ghwaɗeɗe, nja tə a wəzlaf, a gəra sləf Bizlaf, zhana a gəra Yesu a kagar ata guva zəm Bizlaf. 56Azha, dəba a azlap, iŋgaya: «Tsakwa, sa kagəra la ma ndza a wəzəm a wəzlaf tadəɗ tə, Mbə həji ma dəgnak tagar tə ka ata guva zəm Bizlaf,» iy. 57Mbara azha, həji ma zlima zlap watsa aagi, dəba aagi adza wəla, aa tanak zləm aka, azha, təmta tiwtiw, aa fakha ha ata Etiyen, 58jaɓ aa jaɓ a bəza gədək abəra hayak ma dzamadzam, dəba aagi aŋgwafə abə ŋkəɗaŋ. Həji ma ɗal zlən watsa aagi tambasl rəkuts ta aagi ka aska ŋgas mbə dərlaŋ minja ndə aa kayə Sul. 59Tiɗa ndə aa kaŋgwafə abə ŋkəɗaŋ, Etiyen dəba a atarha iŋgaya: «Bay Madagal Yesu, lamzə miɗ naka,» iy. 60A diwzha, bərəzl a ndəv tə abə matikwshiyəm, a dza wəla, abə ɓərɓər tə iŋgaya: «Bay Madagal, hwa ɗiw a ŋgəɗ mpət ta watsə səku,» iy. Abə zlap watsə ikwa abə a mca tə.
Currently Selected:
Zlən ataa həji ta zlən aagi 7: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 7
7
Zlap Etiyen
1Madagal maɗal kwakus, ɗiw a ɗiwzə Etiyen, iŋgaya: «Ma ndə aa kazlap ata hwa watsə, a ɗa ŋter vəw?» 2Etiyen zhin a zhinanə, iŋgaya: «Zlina aagi, abə vana aagi, huni tehzə ma naka. Bizlaf ma ndza abə sləf ma dagal, taghalanə ha tə a Ibərahima, jiji takwa tiɗa ndə a hayak Mesuputamiya, tiɗa ndə awli kwagwa a nda ndza a Haran. 3Bizlaf zlap a zlapanə, iŋgaya: Nda kwa a bəza a hayak kwa, mbasl vən kwa aagi ka, nda a hayak ndə sa kaaghalahu, iy. 4Ikwa abə Ibərahima a nda tə a bəza a hayak tə, ndə həji kayə hayak Kalidiya, azha dəba a andza a hayak Haran. A tsutsa a diwzha mci cin tə, leŋ Bizlaf a daazə a bəza a hayak Haran aska a ndaha a ndza a hayak ndə huni a mən akacihwa watsə. 5A tsutsa, kwa Bizlaf tavəlanə la a Ibərahima, kwa la kajik a dak ŋgas akas, ama tazlapanə ka, a avəlanə hayak watsa, abə shiŋ tə ma kaambəwha a baraf aagi. Avəli ya, Ibərahima abə mbə akas. 6Dəba Bizlaf a azlap andza watsə, iŋgaya: Wəzhi ataa wəzhi kwa aagi, aagi andza a hayak wiyə minja. A tsutsa, aagi abəw ta, aa ɗa mava aagi, aagi asa yaka a gwar a va teemeri ŋfaɗ. 7Ama Bizlaf iŋgaya: Sa ana ma kaazla guma ata həji ma kaabəwata ka a ɗa mava watsa aagi. A diwzha tə, aagi andaa ta a bəza a tsutsa, azha aagi azhinha a həmənaka, iy. 8Pa a vəlanə dzəvha ta mbaɗ landza, səkən ma ghal dzəvha watsa, “zla mazhemter mbə”, sha ana ndə Ibərahima a mbəwha Isiyaku ya, luma ŋtaɗ a diwzha mbəwa tə, zla a zlanə mazhemter bəza. Isiyaku a ɗalanə ikwa a Yakubu, Yakubu a ɗalatana ikwa a wəzhi tə ma wam aha gbak aagi, ma ɗa jiji takwa aagi akacihwa.
9Ama, jiji takwa watsa aagi, sərah tadzata bəza aska zliŋgin ta Yusufu, azha ber aa ber bəza andza mava a hayak Misəra. Ama Bizlaf abə sha. 10Tapəlazə a bəza a yaka tə aagi tiwtiw. Pa a vəlanə deŋ ŋkwaɓ ma ŋtan a zlap atama Firawna, bay ma dagal ma ndza a hayak Misəra, sha ana ma katsa həji ma ndza aha hayak Misəra aagi, pa a tsa Yusufu ka ana bay ma ndza aha hayak, abə ma ndza aha jak tə tiwtiw. 11Ama, bay mintish minja taa tə a hayak Misəra tiwtiw abə hayak Kanana. Yaka dəy a guɗaŋ, jiji takwa aagi abə ŋgalaŋ ta lima səkən zəm akas. 12Ndə, Yakubu a zlima ndiri a zəm a hayak Misəra aka, zlən a diw a zlən jiji takwa aagi mpər kwagwa. 13Magbak tə ndə a zhin a ɗal ikwa, zliŋgina ataa Yusufu aagi tasən bəza, ikwa abə bay ma dagal ma ndza a hayak Firawna a sən ya, aa ɗa vən Yusufu aagi. 14Azha, Yusufu zlən a zlən ala a gasəha cin tə Yakubu, abə vən tə aagi tiwtiw, aa tiwtiw, aa raŋshiliɗ aha dzaɓən. 15Tsaw Yakubu a ndaha a hayak Misəra, ata la ndə a mca abə jiji takwa aagi yəm. 16Jaɓ aa jaɓ mci ta aagi a hayak Sikem, kah aa kahata ka a jiɓ ndə Ibərahima a səkəmə abə dala ara wəzhi ataa Hamur aagi.
17Ndə vah tə a ɗa huk, vah ndə Bizlaf a kaaɗal səkən ndə a gar ka a ɗalanə a Ibərahima, həji takwa aagi tambəw ta dəy a hayak Misəra. 18A gwar ata vah ndə bay ma dagal minja a kandza aha hayak ataa Misəra. Bay ma dagal ma nda watsa, tava a sənzə Yusufu akas. 19Bay watsa dəba a abam həji cini aagi ka, tsa kasatana yaka a jiji cini aagi. Tsa katakata a mbasl wəzhi ta aagi ka, aska aagi abazl. 20A va watsa, abə Musa a mbəwha a manahayak. A ɗa mbə ma ŋtan ata nja Bizlaf. Ŋtəra mahkaɗ, a kagəl a wata cin. 21Azha, tiɗa ndə a ɗa mba ka, leŋ həla ataa Firawna a ji bəza, dəba a agələ andza mbə ndə a mbəwazə a dəməs tə. 22Azha, Musa tasərək sən ma pew aagi bəza tiwtiw a hayak Misəra, a ɗa ala ma ɓərɓər a zlap tə aagi abə zlən ndə a kaɗalata aagi.
23Ndə, va tə a ɗa raŋfaɗ ya, ŋkwaɓ minja tsaw a ndaanə a ha, aska a nda taŋazə zliŋgin, həji Isərayila aagi. 24Ndə a gəra ala ndə Misəra minja a katakaɗ ala ndə Isərayila ya, Musa a gas a tsakənə ana ala watsa, ndə a ŋkula ji ɗal ata zliŋgin watsa ya, kpa a dza ala ndə Misəra watsa ka a mci. 25A deŋ a ghalatana a zliŋgin aagi ci, Bizlaf tadaaha reh aka gwara aska ra tə, ama həji Isərayila aagi, aa kazlima səku. 26Vah minja aka zhana, atama, Musa a gəra həji ndiɓi aagi gbak, aa kadza kusəm. Dəba a agasə, aska aagi riy ma ta ka a walaŋ ta, a zlapatana, aagi iŋgaya: “Ŋgwanambə naka aagi, huni ata zlinahw kuni, huni həɗəwha ata veme?” iy. 27Ama ala ma kagas ma aska ala ndə abə sha watsa, kpak a tsanə gulak a Musa, i kəsha iŋgaya: “Ala ma tsahu ka a ɗa bay cini abə ma zla guma aha ni vaya? 28Hwa ɗiw a dzaka ka andza ndə hwa dzaɓa ndə Misəra azana vəw?” 29Abə ma watsə ikwa, abə Musa a shi tə a bəza a tsutsa, aska a nda ndzaɓa a hayak Mediyan, ata la ndə a mbəw wəzhi mawəl aagi gbak.
30A diwzha va raŋfaɗ, matəf Bizlaf, pay a damə a dawən ataa hayak Sinay, a gaɗaɗaŋ kwahu ma kaba a ŋkəsaf. 31Musa, hak a ghərəŋ tə ata səkən ndə a gəra watsa, a kamay a kərəɗha a taŋzə. Azha, a zlima Bizlaf Bay Madagal, a kazlapanə, iŋgaya: 32“Sa ɗa Bizlaf ataa jiji kwa aagi, Bizlaf ataa Ibərahima, ataa Isiyaku, zhana ataa Yakubu.” A kanaana tiwtiw ana zlikusəm tə ara ŋzliŋ, Musa taji a taŋə zhanas. 33Azha, Bizlaf Bay Madagal, dəba a azlapanə, iŋgaya: “Səɗha aŋci ma ndza a ŋgas kwa bəza, ara ndə a ɗa, la ndə hwa kagar a heɗe watsa ci, a ɗa hayak ma ghwaɗeɗe, dadawər ata la watsa akas. 34Ayəw! Sa tagəra yaka həji naka aagi a hayak Misəra, zhana sa tazlima han ta, sa tadukha aska a pəlata ka. Azha anawatsə, nda, sa ɗiw a zlənahu a hayak Misəra.”
35Musa ndə həji Isərayila aagi va a ŋkalzə ma tə, ndə aa zlapanə, aagi iŋgaya: “Ala ma tsahu a ɗa bay ma dagal cini abə zlani guma vaya?” aagiy nana. Sha ana ndə Bizlaf a zlən andza bay zhana mapəl həji aagi, gwara ara matəf Bizlaf ma ghalanə ha tə a damə a kətsəh. 36Sha ana ma daaha həji Isərayila aagi a bəza a hayak Misəra. Taɗal shiŋ tsaɓan ndiɓi aagi dagala, zhana abə tsufa ndiɓi aagi, a hayak Misəra, a ma mtil ndə həji kayə mtil ma viri, zhana a damə a va raŋfaɗ. 37Musa ana ma zlapatana, a həji Isərayila aagi, iŋgaya: “Bizlaf a aji ala ŋtaguleŋ a taba kuni, ata zlinahw kuni, a ɗa ala ma ɗaf ma ndə a zlimazə ara Bizlaf andza sa”, iy. 38Ndə aa dzam ta ka a damə, sha ana mandza a walaŋ jiji takwa aagi abə matəf Bizlaf ma kazlapanə a wəzəm a dawən ataa Sinay; sha ana ma kazlima ma ataa miɗ ma ndaha ara Bizlaf a vəlahəji. 39Ama, jiji takwa aagi taji ma tə səku. Kpak aa tsə aara abə ma, azha aa may a zhin ta a hayak Misəra abə deŋ ŋkwaɓ ta. 40Dəba aagi azlapanə, a Haruna, aagi iŋgaya: “Ɗalani takun ma kanda ata ha cini aagi, ara ndə a ɗa, Musa ma daani a bəza a hayak Misəra watsə, ni kasən səkən ma ɗalanə a Musa səku,” aagiy. 41Azha, dəba aagi aꞌun səkən andza mbə vilŋga, aagi abə ɓas, aska a ɗalanə gwaygwaya andza kwakus a səkən ndə aa ꞌun abə ra ta watsa. 42Ama, Bizlaf zlaz a zlaz nja tə bəza ata təmta, mbasl a mbaslata ka a tar gəmzla ma ndza a wəzəm a wəzlaf aagi, andza ndə a ŋtiraya a ɗerewal ataa həji ma ɗaf ma ndə aa zlimazə ara Bizlaf aagi, iŋgaya:
Huni həji ataa Isərayila aagi,
huni tava a vəlazaka səkən ŋgas aagi aka vəw?
Azha huni tava a ɗalzaka kwa kwakus aka,
a va ma raŋfaɗ, ndə, huni ɗal a damə aka vəw?
43 Aŋghə! Ama, huni tadəpanə jak ta nəp kuni Mulakw
abə gəmzla takun kuni Rəfaŋ,
aa ɗa səkən ndə huni bata ka, aska huni atarata aagi.
Sha ana ndə, sa kaajaɓahuni ka, a ɗa həji yaka aagi,
gədək aha Babila, iy.
44Jiji takwa aagi, tiɗa ndə a damə, aa tadəp jak ta lima abə Bizlaf aka. Musa tadəpə andza ndə Bizlaf a ɗiw ara. A ɗal andza ndə nja tə a gərazə. 45Atama kajik, wəzhi ataa jiji takwa aagi talima jak ma dəpadəp watsa ana təmta yəm. Abə Yusuwa ndə a lahata, aa tandza a hayak ataa həji ndə, Bizlaf a gamata ata nja ta aagi. Jak ma dəpadəp watsa a ndza tə a gwar ata va ataa Dawda. 46Dawda a təwahanə a Bizlaf. Azha, ɗiw a ɗiwzə təf ara aska a ꞌunanə la ndza Bizlaf ataa Yakubu. 47Ama Suleymanu ana ma ꞌunanə jak a Bizlaf. 48Ama azha, Bizlaf ma ndza a wəzəm a kandza a jak ma ꞌun ata ra həji aagi səku. Andza ndə, a zlapazə ka gwara ata madedizh ma ataa ala ma ɗaf ma ndə a zlimazə ara Bizlaf, iŋgaya:
49 La ma ndza a wəzlaf ana la ndza naka,
la ma ndza ata hayak, la tsa ŋgas naka aagi.
Jak ndə huni ꞌunaka veme?
Azha, la nəp naka tə a vata?
50 Həna ra naka ma baha səkən watsa aagi tiwtiw həna kavəw wəra?
51Huni, həji dezlima ndə ŋkwaɓ mgbaŋmgbaŋ ndə zləm kuni a nak tə watsə aagi, ndza tə, huni kaŋkalzə Miɗ ma ghwaɗeɗe wəruk səkwa. Huni saɓ ŋter andza jiji kuni aagi. 52Həji ma ɗaf ma ndə aa zlimazə ara Bizlaf ma ndza a vata ndə jiji kuni aagi, aa ŋkula satana yaka? Aa tadiw a bazl mampər, ma ghalha ndaha ala ma dəlili ka, kwa anawatsə, huni taber bəza, zhana huni tadzə ka a mci. 53Huni talima ma ndə Bizlaf a garazə ka gwara ara matəf Bizlaf aagi, ama huni taji a njin ma ma garagar watsa akas.»
Mci Etiyen
54Ndə həji ma ndza ata la zla guma ma dagal aagi, aa zlima ma watsə, aa taghuɗek ta ata Etiyen, aa kaɓam zliɗeŋ. 55Ama, aŋtə, ndə a ɗa mkpef abə Miɗ ma ghwaɗeɗe, nja tə a wəzlaf, a gəra sləf Bizlaf, zhana a gəra Yesu a kagar ata guva zəm Bizlaf. 56Azha, dəba a azlap, iŋgaya: «Tsakwa, sa kagəra la ma ndza a wəzəm a wəzlaf tadəɗ tə, Mbə həji ma dəgnak tagar tə ka ata guva zəm Bizlaf,» iy. 57Mbara azha, həji ma zlima zlap watsa aagi, dəba aagi adza wəla, aa tanak zləm aka, azha, təmta tiwtiw, aa fakha ha ata Etiyen, 58jaɓ aa jaɓ a bəza gədək abəra hayak ma dzamadzam, dəba aagi aŋgwafə abə ŋkəɗaŋ. Həji ma ɗal zlən watsa aagi tambasl rəkuts ta aagi ka aska ŋgas mbə dərlaŋ minja ndə aa kayə Sul. 59Tiɗa ndə aa kaŋgwafə abə ŋkəɗaŋ, Etiyen dəba a atarha iŋgaya: «Bay Madagal Yesu, lamzə miɗ naka,» iy. 60A diwzha, bərəzl a ndəv tə abə matikwshiyəm, a dza wəla, abə ɓərɓər tə iŋgaya: «Bay Madagal, hwa ɗiw a ŋgəɗ mpət ta watsə səku,» iy. Abə zlap watsə ikwa abə a mca tə.
Currently Selected:
:
Highlight
Share
Copy
Want to have your highlights saved across all your devices? Sign up or sign in