Zlən ataa həji ta zlən aagi 14
14
Tiw Pul abə Barnabas, a hayak ma dzamadzam Ikuniya
1A hayak Ikuniya, a pew andza ma ndza a hayak ma dzamadzam Aŋtakiya: Tsaw tiw Pul abə Barnabas aa nda a jak ta tarha Yahuda aagi, dəba aagi aghal zlap Bizlaf, azha həji ma ŋkula ɗa Yahuda aagi abə Yahuda aagi vərəm, aa tabəw ta a həji Kərist aagi. 2Ama ndiɓi aagi a taba Yahuda aagi taji səku, dəba aagi aghut həji ma ŋkula ɗa Yahuda aagi, aa tsa kadəmatana ma ma gamak aka a zləm, aska aagi aɗalatana səkən ma gamak a tiw Pul abə Barnabas. 3Kwa andza abə sha tiwtiw, tiw Pul abə Barnabas taɗal wan dagala a hayak Ikuniya. Ŋzliŋ a kadzata a zlap ma Bizlaf ma ndza a wəzəm akas, ŋkwaɓ ta a ndza a heɗe. Aa kazlap ata may tə, Bay Madagal a kaghal ya, zlap ta a heɗe a heɗe. Ara ndə, tavəlatana ɓərɓər ta mbaɗ abə ɗal tsaɓan aagi. 4Həji ma ndza a hayak ma dzamadzam watsa aagi taɓizh ta: Ndiɓi aagi ara Yahuda, ndiɓi zhana yəm ataa həji ta zlən Yesu aagi. 5Yahuda aagi abə həji ma ŋkula ɗa Yahuda aagi abə bay ta, dəba aagi agar bəza a bazl tiw Barnabas abə Pul aka abə ŋkəɗaŋ. 6Ama həji ma gbak watsa aagi tazlima bəza, aa tsaa kagas a shi ta a hayak ma dzamadzam Likuniya, Listira, abə hayak ma dzamadzam Derbe abə hayak ma huk aagi. 7Aa taghal Ma wiyə ma təwah a tsutsa yəm.
Reh ala ma gəy tə a hayak ma dzamadzam Listira
8A hayak Listira ala minja aka, kula a gar tep ata ŋgas tə səku, a gəyha tiɗa ndə a mbə, tava a ndzazə kusəm tep akas. 9Vah minja aka, a kateh zlap Pul, ala watsa, nja ataa Pul a heɗe azha, a gəra ya, ala watsa abə ɗal awa a ꞌunəf tə a reh tə dawna ɗal awa tə. 10Pul dəba a azlapanə abə guɗaŋ tə, iŋgaya: «Gar kwa a wəzəm, mkpir ata ŋgas ŋkwa!» iy. Ala watsa, dəba a ambir ata ŋgas tə, tsa kanda.
11Ndə həji aagi gəra səkən ndə Pul a ɗal ya, wəla a kadzaha a taba ŋgaɓa həji abə ma ndza a hayak ataa Likuniya, aagi iŋgaya: «Bizlaf aagi kasaɓ abə həji aagi taa ta ara həji,» aagiy. 12Aa ya Barnabas «Zəs», ataa Pul ya «Hermes», ara ndə a ɗa, sha ana ma kazlap. 13Daba njivi Zəs a ndza ata təf ta ndza a hayak ma dzamadzam. Leŋ maɗal kwakus a daaha bay meri ma tsafatsaf abə fafan gwara ata zlawak a mazləm hayak ma dzamadzam, a may a vəlatana a həji ta zlən Yesu aagi, aska a ɗal kwakus. 14Ndə ma watsa a ɗa vaŋ a zləm tiw Barnabas abə Pul ya, aa ŋhwak rəkuts ta aagi, aa vas nda gwara ara ŋgaɓa həji aagi, aa kadza wəla: 15«Ŋgwanambə naka aagi, huni ɗal a ɗi veme? Ni ɗa həji aagi andza huni yəm! Ma wiyə ma təwah ndə ni kaghalahuni watsə, aska a huni a mbasl bizlaf ndiɓi aagi ka a huni səbar Bizlaf ma dəlili, a huni zhina kuni ara Bizlaf ma ndza a wəzəm, ma baha la ma ndza a wəzlaf, ma ndza ata hayak, mtil aagi abə səkən ma ndza a mən aagi tiwtiw. 16Ambəɗa, tambasl həji aagi ka tiwtiw, kwa vaye a njin təf tə. 17Kwa abə sha tə wəruk, Bizlaf tambasl a ghalha may tə səku, ara ndə a ɗa, a wəzəm a wəzlaf abə manavan a kaɗaha, zhana həji dzam səkən ma ndza ata wəvə a la ma ŋtan. Tavəlahuni səkən zəm, ꞌunəf kuni aagi mkpef abə ɓas.» 18Abə zlap watsə aagi, tiw Barnabas abə Pul aa kula tatak həji watsa aagi ka a ɗal kwakus səku.
19A hayak ma dzamadzam Aŋtakiya ma ndza a hayak Pisidiya abə hayak ma dzamadzam Ikuniya, aa taa ta ana Yahuda ndiɓi aagi, ma dzəv ta abə ŋgaɓa həji ndə aa gərata aagi. Azha, dəba aagi aŋgwaf Pul abə ŋkəɗaŋ, a diwzha tə, njiw aa njiw a bəza a hayak ma dzamadzam, aa deŋ ka ci, tamca tə tiw. 20Ama ndə magəli aagi dzam ta abəra ya, takaw a gar tə a wəzəm, azha tsaa kanda ta a hayak ma dzamadzam. A kwaf tə, aa tsaa kanda abə Barnabas a hayak ma dzamadzam Derbe.
Zhinha ma ndza ata ɗal zlən
21A diwzha ndə tiw Pul abə Barnabas aa ghalha Ma wiyə ma təwah bəza a hayak ma dzamadzam watsa, həji aagi vərəm, aa tabəw ta, magəli Yesu aagi, aa pewha gwara a hayak ma dzamadzam Listira, Ikuniya abə hayak ma dzamadzam Aŋtakiya. 22Aa tazlapatana a həji aagi aska a ŋcah, zhana aska aagi ndza ɓərɓər abə ꞌunəf ŋtaguleŋ a ɗal awa ta, aagi iŋgaya: «Həji asa yaka dagala abə həji anda gwar a la ndza bay Bizlaf,» aagiy. 23Kala ata ladzam həji Kərist aagi tadəm həji ma ndza aha jak aagi. Aa katarha, azha aa kaɗal dalyam, a diwzha tə, pa aa vəlatana həji ndə aa dəmata watsa aagi ka, a ra Bay Madagal ara ndə, aa ɗalanə awa.
24Ndə aa pew hayak Pisidiya bəza azha, aa tsaa kanda ta a hayak Pamfiliya. 25Aa kaghal zlap Bizlaf a hayak Perzhe, a diwzha tə, aa tsaa kanda a hayak ma dzamadzam Ataliya. 26Azha a tsutsa, abə aa taf ata gəlmbə, aska aagi zhinata a hayak ma dzamadzam Aŋtakiya Siriya. A hayak watsa abə aa tavəlata ka a ra Bizlaf ana zlən ndə aa ndaha ata la ɗal tə watsa. 27Ndə aa ɗa gwar a hayak ma dzamadzam Aŋtakiya, dəba aagi adzam ladzam həji Kərist aagi, aska aagi aghalatana səkən ndə Bizlaf a ɗalə abə təmta. Aa kaghalatana avaŋgəy abə Bizlaf a dəɗ majak ataa ɗal awa a həji ma ŋkula ɗa Yahuda aagi. 28Tiw Pul abə Barnabas aa tandzazə kusəm dagala abə magəli aagi.
Currently Selected:
Zlən ataa həji ta zlən aagi 14: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 14
14
Tiw Pul abə Barnabas, a hayak ma dzamadzam Ikuniya
1A hayak Ikuniya, a pew andza ma ndza a hayak ma dzamadzam Aŋtakiya: Tsaw tiw Pul abə Barnabas aa nda a jak ta tarha Yahuda aagi, dəba aagi aghal zlap Bizlaf, azha həji ma ŋkula ɗa Yahuda aagi abə Yahuda aagi vərəm, aa tabəw ta a həji Kərist aagi. 2Ama ndiɓi aagi a taba Yahuda aagi taji səku, dəba aagi aghut həji ma ŋkula ɗa Yahuda aagi, aa tsa kadəmatana ma ma gamak aka a zləm, aska aagi aɗalatana səkən ma gamak a tiw Pul abə Barnabas. 3Kwa andza abə sha tiwtiw, tiw Pul abə Barnabas taɗal wan dagala a hayak Ikuniya. Ŋzliŋ a kadzata a zlap ma Bizlaf ma ndza a wəzəm akas, ŋkwaɓ ta a ndza a heɗe. Aa kazlap ata may tə, Bay Madagal a kaghal ya, zlap ta a heɗe a heɗe. Ara ndə, tavəlatana ɓərɓər ta mbaɗ abə ɗal tsaɓan aagi. 4Həji ma ndza a hayak ma dzamadzam watsa aagi taɓizh ta: Ndiɓi aagi ara Yahuda, ndiɓi zhana yəm ataa həji ta zlən Yesu aagi. 5Yahuda aagi abə həji ma ŋkula ɗa Yahuda aagi abə bay ta, dəba aagi agar bəza a bazl tiw Barnabas abə Pul aka abə ŋkəɗaŋ. 6Ama həji ma gbak watsa aagi tazlima bəza, aa tsaa kagas a shi ta a hayak ma dzamadzam Likuniya, Listira, abə hayak ma dzamadzam Derbe abə hayak ma huk aagi. 7Aa taghal Ma wiyə ma təwah a tsutsa yəm.
Reh ala ma gəy tə a hayak ma dzamadzam Listira
8A hayak Listira ala minja aka, kula a gar tep ata ŋgas tə səku, a gəyha tiɗa ndə a mbə, tava a ndzazə kusəm tep akas. 9Vah minja aka, a kateh zlap Pul, ala watsa, nja ataa Pul a heɗe azha, a gəra ya, ala watsa abə ɗal awa a ꞌunəf tə a reh tə dawna ɗal awa tə. 10Pul dəba a azlapanə abə guɗaŋ tə, iŋgaya: «Gar kwa a wəzəm, mkpir ata ŋgas ŋkwa!» iy. Ala watsa, dəba a ambir ata ŋgas tə, tsa kanda.
11Ndə həji aagi gəra səkən ndə Pul a ɗal ya, wəla a kadzaha a taba ŋgaɓa həji abə ma ndza a hayak ataa Likuniya, aagi iŋgaya: «Bizlaf aagi kasaɓ abə həji aagi taa ta ara həji,» aagiy. 12Aa ya Barnabas «Zəs», ataa Pul ya «Hermes», ara ndə a ɗa, sha ana ma kazlap. 13Daba njivi Zəs a ndza ata təf ta ndza a hayak ma dzamadzam. Leŋ maɗal kwakus a daaha bay meri ma tsafatsaf abə fafan gwara ata zlawak a mazləm hayak ma dzamadzam, a may a vəlatana a həji ta zlən Yesu aagi, aska a ɗal kwakus. 14Ndə ma watsa a ɗa vaŋ a zləm tiw Barnabas abə Pul ya, aa ŋhwak rəkuts ta aagi, aa vas nda gwara ara ŋgaɓa həji aagi, aa kadza wəla: 15«Ŋgwanambə naka aagi, huni ɗal a ɗi veme? Ni ɗa həji aagi andza huni yəm! Ma wiyə ma təwah ndə ni kaghalahuni watsə, aska a huni a mbasl bizlaf ndiɓi aagi ka a huni səbar Bizlaf ma dəlili, a huni zhina kuni ara Bizlaf ma ndza a wəzəm, ma baha la ma ndza a wəzlaf, ma ndza ata hayak, mtil aagi abə səkən ma ndza a mən aagi tiwtiw. 16Ambəɗa, tambasl həji aagi ka tiwtiw, kwa vaye a njin təf tə. 17Kwa abə sha tə wəruk, Bizlaf tambasl a ghalha may tə səku, ara ndə a ɗa, a wəzəm a wəzlaf abə manavan a kaɗaha, zhana həji dzam səkən ma ndza ata wəvə a la ma ŋtan. Tavəlahuni səkən zəm, ꞌunəf kuni aagi mkpef abə ɓas.» 18Abə zlap watsə aagi, tiw Barnabas abə Pul aa kula tatak həji watsa aagi ka a ɗal kwakus səku.
19A hayak ma dzamadzam Aŋtakiya ma ndza a hayak Pisidiya abə hayak ma dzamadzam Ikuniya, aa taa ta ana Yahuda ndiɓi aagi, ma dzəv ta abə ŋgaɓa həji ndə aa gərata aagi. Azha, dəba aagi aŋgwaf Pul abə ŋkəɗaŋ, a diwzha tə, njiw aa njiw a bəza a hayak ma dzamadzam, aa deŋ ka ci, tamca tə tiw. 20Ama ndə magəli aagi dzam ta abəra ya, takaw a gar tə a wəzəm, azha tsaa kanda ta a hayak ma dzamadzam. A kwaf tə, aa tsaa kanda abə Barnabas a hayak ma dzamadzam Derbe.
Zhinha ma ndza ata ɗal zlən
21A diwzha ndə tiw Pul abə Barnabas aa ghalha Ma wiyə ma təwah bəza a hayak ma dzamadzam watsa, həji aagi vərəm, aa tabəw ta, magəli Yesu aagi, aa pewha gwara a hayak ma dzamadzam Listira, Ikuniya abə hayak ma dzamadzam Aŋtakiya. 22Aa tazlapatana a həji aagi aska a ŋcah, zhana aska aagi ndza ɓərɓər abə ꞌunəf ŋtaguleŋ a ɗal awa ta, aagi iŋgaya: «Həji asa yaka dagala abə həji anda gwar a la ndza bay Bizlaf,» aagiy. 23Kala ata ladzam həji Kərist aagi tadəm həji ma ndza aha jak aagi. Aa katarha, azha aa kaɗal dalyam, a diwzha tə, pa aa vəlatana həji ndə aa dəmata watsa aagi ka, a ra Bay Madagal ara ndə, aa ɗalanə awa.
24Ndə aa pew hayak Pisidiya bəza azha, aa tsaa kanda ta a hayak Pamfiliya. 25Aa kaghal zlap Bizlaf a hayak Perzhe, a diwzha tə, aa tsaa kanda a hayak ma dzamadzam Ataliya. 26Azha a tsutsa, abə aa taf ata gəlmbə, aska aagi zhinata a hayak ma dzamadzam Aŋtakiya Siriya. A hayak watsa abə aa tavəlata ka a ra Bizlaf ana zlən ndə aa ndaha ata la ɗal tə watsa. 27Ndə aa ɗa gwar a hayak ma dzamadzam Aŋtakiya, dəba aagi adzam ladzam həji Kərist aagi, aska aagi aghalatana səkən ndə Bizlaf a ɗalə abə təmta. Aa kaghalatana avaŋgəy abə Bizlaf a dəɗ majak ataa ɗal awa a həji ma ŋkula ɗa Yahuda aagi. 28Tiw Pul abə Barnabas aa tandzazə kusəm dagala abə magəli aagi.
Currently Selected:
:
Highlight
Share
Copy
Want to have your highlights saved across all your devices? Sign up or sign in