Zlən ataa həji ta zlən aagi 13
13
Zlənha tiw Barnabas abə Sul a ɗal zlən
1A taba dzam həji Kərist ma ndza a hayak Aŋtakiya, həji ma ɗaf ma ndə aa zlimazə Bizlaf aagi abə həji ma kasərəkatana səkən a həji aagi aka. Aa ɗa tiw Barnabas abə Simun ndə aa kayə «ala ma dəgnak», Lusiyus ndə hayak Sirene, Manahen, ala ndə aa gəlha abə Haridus Antipas ɓew Sul. 2Vah minja aka, aa katarha, zhana aa kaɗal dalyam azha, Miɗ ma ghwaɗeɗe iŋgaya: «Huni mbaslaka tiw Barnabas aka abə Sul ata paŋ, aska sa ghalatana zlən ndə sa ɗiw a vəlatana a ɗalə,» iy. 3Mbara azha, a diwzha ndə aa ɗal dalyam bəza abə tarha, pa a tsa ra ata ha ataa Barnabas abə Sul azha, mbasl a mbaslata ka, aa tsaa kanda ta.
Tiw Sul abə Barnabas, aagi a hayak Kipərus
4A tsutsa, Miɗ ma ghwaɗeɗe tazlənzə tiw Barnabas abə Sul bəza a zlən. Dəba aagi atadukha a hayak ma dzamadzam Silikiya azha, a tsutsa abə aa ji gəlmbə ta nda a ma bay gaw ma ndza a hayak Kipərus. 5Ndə aa ɗa peteŋ a Salamis ya, dəba aagi aghal zlap Bizlaf a jak ta tarha Yahuda aagi. Yahwana ndə aa kayə Markus ara təmta andza mambəla slibi ta. 6A diwzha ndə aa pew bay yəm watsa bəza, aa gwar mgbuk a Pafus. A tsutsa, gəra aa gəra ala ndə Yahuda minja, zləm tə Bar Yesu. Ala watsa a kambaɗ abə menjivek, a may a ghalatana a həji ya, a ɗa maɗaf ma Bizlaf, iy. 7Ala watsa a ndza ata la ndza bay ataa ala ma dagal ma ndza ata hayak, Serzhiyus Pulus. Ala ma dagal watsa wirwir ikwa. A yaha tiw Barnabas abə Sul, ara ndə a kamay a zlima zlap Bizlaf. 8Ama Elimas ma kamay ghal ya, zləm «ala ma kambaɗ abə menjivek», a kaji nja ataa tiw Barnabas abə Sul səku, ara ndə a kamayə, a ala ma ndza aha hayak a bəw ana ala həji ma ji Yesu aagi. 9Ama Sul, ndə həji kayə Pul, mkpef abə Miɗ ma ghwaɗeɗe. Nja tə ata Elimas, 10azha, zlap a zlapanə, iŋgaya: «Shiŋ gaɗaɗaŋ aagi, hwa ghut manahayak aagi ka tiwtiw! Mbə Wəleɓi, nja kwa a kaji səkən ma ŋtan səku. Səkən ndə Bizlaf a ɗal dəlili azha, aŋkwa hwa may a bəw ka a ghurndaɗaŋ, azha, hwa kaaɓin a gum ka vəw? 11Anawatsə azha, ndə hwa kaaɗa gwar a ra Bay Madagal, hwa awələf kwa, wan aka, hwa kaagəra pish səku.» A tsutsa a tsutsa, ləvaŋ taa tə, a ndza a zaɗə azha, tsaa kabəw kusəm a mən a mən a tsutsa aska a gas ala ma kanjiwi. 12Ndə a gəra səkən ma ɗal, ana ala ma ndza aha hayak ya, azha, bəw a bəw ana ala ma ji ma Yesu. Ara ndə a ɗa, sərək ma ma ndza ata zlən Bay Madagal takusah ka a guɗaŋ.
Tiw Pul abə Barnabas aagi a Aŋtakiya ma ndza a hayak Pisidiya
13Pul abə həji ma kalah aagi, takaf aa taf a gəlmbə ma ndza a hayak Pafus azha, aa tsaa kanda a hayak ma dzamadzam Perzhe ma ndza a hayak Pamfiliya. Azha, Yahwana Markus pəreh a pəreh tə a bəza abəra təmta, takwaɗ a zhin tə a hayak Wərusalima. 14Ataa aŋta ya, ndə aa nda ta a bəza a hayak ma dzamadzam Perzhe, peteŋ aagi a hayak ma dzamadzam Aŋtakiya ma ndza a hayak Pisidiya. Ma vah ta nəp, tsaw aa nda a jak ta tarha Yahuda aagi azha, ka aa ndza ka. 15A diwzha ndə, aa ya ma ma ndza a ɗerewal ataa ma ma garagar abə ataa maɗaf ma Bizlaf aagi bəza, həji ma gulakwakw ma ndza aha jak ta tarha Yahuda aagi, zlap aa zlapatana a tiw Barnabas abə Pul, aagi iŋgaya: «Zlina mana aagi, andza huni abə ma aka a ghalatana a həji aagi, huni zlap!» aagiy. 16Mbara azha, takaw Pul a gar a wəzəm, dəba a azlap abə ra, iŋgaya: «Həji Isərayila abə həji ndə ŋzliŋ aa kadzata ara Bizlaf aagi, huni tehzaka! 17Bizlaf ataa həji takwa Isərayila aagi, tamayɓa jiji takwa aagi. Tagəl həji watsa aagi ka tiɗa ndə aagi a hayak Misəra andza mbələm aagi. A diwzha tə zhana, Bizlaf takwarata a bəza abə ɓərɓər tə a hayak Misəra. 18A ɗal va raŋfaɗ, a kazəmatana səkən a damə ata dərzləm. 19A diwzha, ndə a bazl ndəɓ həji aagi ŋshiliɗ a hayak Kanana, tavəlatana hayak ta watsa bəza a həji takwa aagi andza la ta aagi. 20Səkən watsa tiwtiw, va teemeri ŋfaɗ abə radzaɓən, abə aa ɗal. Zhana, Bizlaf pa a vəlatana a həji takwa aagi, bay aagi aha təmta a gwar ata va ataa ala ma ɗaf ma ndə a zlimazə ara Bizlaf Samuyila. 21A diwzha, jiji takwa aagi, aa taɗiw bay ma dagal, Bizlaf tavəlatana Sul, mbə ataa Kis, shiŋ ataa Benyamin, ma ɗal va raŋfaɗ a bay. 22Ama Bizlaf tambasl ka, pa a vəlatana a jiji takwa aagi, Dawda, bay ma dagal ta. Bizlaf tazlap ata Dawda, iŋgaya: “Sa tagəra Dawda, mbə ataa Yesa, ala ndə ꞌunəf naka a kaghalaka, a aɗal səkən ndə sa kamay aagi tiwtiw.” 23Ata shiŋ Dawda abə, Bizlaf a mbəwazə, andza ndə a ghal ka a ɗalə, Yesu, Mareh həji ma ndza a hayak Isərayila aagi. 24Tiɗa ndə, Yesu awli kwagwa a ndaha, Yahwana ma ɗal batem taghalatana ma watsə bəza tiwtiw a həji ma ndza a hayak Isərayila aagi a mbaɗ landza ta bəza, aska aagi a ɗal batem. 25Azha, a kwakuɗaŋ zlən tə, Yahwana maɗal batem, iŋgaya: “A deŋ kuni ya, sa ɗa vaya? Sa ana Kərist səku! Ama, huni tehzə, a ndaha a diwzha naka, sa, sa kazhiva kwa a pəl sherek aŋci tə səku.”
26Zlina aagi, kwa huni ɗa wəzhi ataa shiŋ Ibərahima, aagi aka səku ma ndza a ɗi a taba kuni, ndə ŋzliŋ a kadzata ara Bizlaf aagi, zlap ta reh həji aagi watsə, a zlənha a ŋkwa tiwtiw. 27Həji ma ndza a Wərusalima aagi abə bay ta aagi, aa tasən ma ɗa Yesu vaye səku. Aa tazlima zlap ataa maɗaf ma Bizlaf aagi ndə həji kayə kala vah ta nəp səku. Ama ndə aa dzaw Yesu aka, aa taɗal səkən ndə aa kaghalə ana həji ma ɗaf ma ndə aa zlimazə ara Bizlaf watsa aagi. 28Kwa aa tagəra ma ndə aa kadzə ka a mci a heɗe aka səku, avəli ci, aa taɗiwi aska Pilatu a dzə ka. 29Aa taɗalə tiwtiw andza zlap ataa Ɗerewal ma ghwaɗeɗe ma zlap ata Yesu. A diwzha, sərahw aa daazə a bəza ata mpi ma gəzlaŋgarak azha, pa aa tsə a jiɓ. 30Ama Bizlaf tagar a wəzəm a jiɓ a taba həji ma bazl ta aagi, 31azha, wan dagala, Yesu taghalatana ha tə a həji ma lahzə a hayak Galili aagi gwar a Wərusalima. Anawatsə, təmta ana həji ma kaghal səkən ndə aa gəra abə ndə a zlima ata Yesu tiwtiw atama həji aagi.
32Ni yəm, ni kaghalahuni Ma wiyə ma təwah watsə: səkən ndə Bizlaf a gar ka a vəlatana a jiji takwa aagi, 33Bizlaf takəliyahəji ka, həji ɗa wəzhi ta aagi, ndə a garzə Yesu a bəza a jiɓ a taba həji ma bazl ta aagi, andza ndə taŋtiraya a dərəf Jabura magbak, iŋgaya:
Hwa mbə naka, akacihwa,
tabəw naka, sa Cihw.
34Bizlaf tagarha Yesu a wəzəm a jiɓ a taba həji ma bazl ta aagi, zlikusəm tə tagwar a rəɗa a jiɓ səku, ŋter Bizlaf taghalə:
Sa avəlahuni səkən ma ghwaɗeɗe aagi,
səkən ma ɗa gber ataa Dawda aagi.
35Sha ana ndə, a zlap ikwa zhana a ma minja:
Hwa kaambasl ala ma ghwaɗeɗe kwa ka,
a rəɗa a jiɓ ana zlikusəm tə akas.
36Ndə Dawda a kəɗaŋ zlən tə bəza, səkən ndə Bizlaf a kamayə, mca a mca tə, aa kahə abəra jiji tə aagi, tarəɗa ana zlikusəm tə a jiɓ. 37Ama, ala ndə Bizlaf a garazə a wəzəm a jiɓ a taba həji ma bazl ta aagi, zlikusəm tə tagwar a rəɗa a jiɓ səku. 38Zlina aagi, huni sən ka: mavəy Yesu, aa kaghalahuni pəl mpət akacihwa. Ma ndə Musa a gar ka, tagwar a pəlahuni bəza a mpət kuni aagi səku. 39Ama həji ma ɗal awa aska zlap Yesu aagi tiwtiw, mpət ta tapəlaya.
40Azha, huni mbəla ŋkwaɓ ara zlap ataa həji ma ɗaf ma ndə aa zlimazə ara Bizlaf aagi, ndə a kazhin tə ata huni:
41 Huni taŋzə, huni, həji ghav ma mkpef abə mshiɗ aagi,
huni ghərəŋ, huni wiɗ!
Ara ndə a ɗa, sa aɗal shiŋ zlən minja tiɗa huni ndza kuni abə nja,
səkən ndə huni kaŋkula a ji tep,
andza ala a ghalahuni, huni kaajis.»
42A diwzha ndə, aa ndaa ta a bəza ana tiw Barnabas abə Pul a jak ta tarha Yahuda aagi ya, dəba aagi adzatana ra a zhinha abə luma ma kaandaha, aska aagi a zhin a zlapatana ata shiŋ səkən watsə aagi zhana. 43A diwzha ladzam həji aagi ya, vərəm ana Yahuda abə həji ma njin ma ma garagar Musa, dəba aagi alah tiw Barnabas abə Pul. Aa kazlap abə təmta, azha aa kavəlatana ŋkwaɓ aska aagi ndza abə deŋ ŋkwaɓ ŋtaguleŋ abə Bizlaf ma mayahəji.
Tiw Pul abə Barnabas, ara həji ma ŋkula ɗa Yahuda aagi
44Ndə vah ta nəp minja a ndaa tə zhana, slaɓ həji ma ndza a hayak ma dzamadzam aagi tiwtiw, aa taha a teh zlap Bay Madagal. 45Ndə aa gəra ŋgaɓa həji aagi azha, dəba Yahuda aagi aɗal sərah, zlap ta ya parpar, aa ra dahalay ata zlap ataa tiw Pul. 46Azha, tiw Pul abə Barnabas, kwa ŋzliŋ ara a dzata, aa kazlap: «A diw a ghalha a huni mpər ana zlap Bizlaf! Ara ndə, huni tafak bəza, huni gəra ana huni tə, a kazhivahuni ana miɗ ma təwah ma ŋkula kəɗaŋ kwa vepiy səku, azha, ni, ni anda cini ara həji ma ŋkula ɗa Yahuda aagi. 47Ara ndə a ɗa, Bay Madagal tagaraŋkwa ka, iŋgaya:
Sa tatsahu ka, weɗ la həji aagi tiwtiw,
aska a hwa daaha reh həji aagi
a gwar ana ŋge ata lamaɗ manahayak.»
48Həji ma ŋkula ɗa Yahuda aagi, aa kaɓas tiwtiw ndə aa zlima zlap watsa. Aa kahəmən Bay Madagal mavəy zlap tə, azha tiwtiw həji ndə Bizlaf a mayata tabəw ta a həji ma ji ma Yesu aagi.
49A hayak watsa tiwtiw, zlap Bay Madagal taɓizhaya. 50Ama Yahuda aagi dəba aagi aghut wali ma gulakwakw ma kahəmən Bizlaf aagi bəza ara təmta, zhana abə həji bay ma ndza a hayak ma dzamadzam watsa aagi. Dəba aagi asəbar tiw Pul abə Barnabas aska a satana yaka abə aska aagi a gamata aara a hayak ta. 51Həji ma gbak watsa aagi, dəba aagi aŋtəwatana bərdibərdi hayak ta ma ndza ata ŋgas ta, azha aa tsaa kanda ta a hayak ma dzamadzam Ikuniya. 52Ataa magəli Yesu aagi ghef abə Miɗ ma ghwaɗeɗe, aagi abə ɓas a guɗaŋ.
Currently Selected:
Zlən ataa həji ta zlən aagi 13: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 13
13
Zlənha tiw Barnabas abə Sul a ɗal zlən
1A taba dzam həji Kərist ma ndza a hayak Aŋtakiya, həji ma ɗaf ma ndə aa zlimazə Bizlaf aagi abə həji ma kasərəkatana səkən a həji aagi aka. Aa ɗa tiw Barnabas abə Simun ndə aa kayə «ala ma dəgnak», Lusiyus ndə hayak Sirene, Manahen, ala ndə aa gəlha abə Haridus Antipas ɓew Sul. 2Vah minja aka, aa katarha, zhana aa kaɗal dalyam azha, Miɗ ma ghwaɗeɗe iŋgaya: «Huni mbaslaka tiw Barnabas aka abə Sul ata paŋ, aska sa ghalatana zlən ndə sa ɗiw a vəlatana a ɗalə,» iy. 3Mbara azha, a diwzha ndə aa ɗal dalyam bəza abə tarha, pa a tsa ra ata ha ataa Barnabas abə Sul azha, mbasl a mbaslata ka, aa tsaa kanda ta.
Tiw Sul abə Barnabas, aagi a hayak Kipərus
4A tsutsa, Miɗ ma ghwaɗeɗe tazlənzə tiw Barnabas abə Sul bəza a zlən. Dəba aagi atadukha a hayak ma dzamadzam Silikiya azha, a tsutsa abə aa ji gəlmbə ta nda a ma bay gaw ma ndza a hayak Kipərus. 5Ndə aa ɗa peteŋ a Salamis ya, dəba aagi aghal zlap Bizlaf a jak ta tarha Yahuda aagi. Yahwana ndə aa kayə Markus ara təmta andza mambəla slibi ta. 6A diwzha ndə aa pew bay yəm watsa bəza, aa gwar mgbuk a Pafus. A tsutsa, gəra aa gəra ala ndə Yahuda minja, zləm tə Bar Yesu. Ala watsa a kambaɗ abə menjivek, a may a ghalatana a həji ya, a ɗa maɗaf ma Bizlaf, iy. 7Ala watsa a ndza ata la ndza bay ataa ala ma dagal ma ndza ata hayak, Serzhiyus Pulus. Ala ma dagal watsa wirwir ikwa. A yaha tiw Barnabas abə Sul, ara ndə a kamay a zlima zlap Bizlaf. 8Ama Elimas ma kamay ghal ya, zləm «ala ma kambaɗ abə menjivek», a kaji nja ataa tiw Barnabas abə Sul səku, ara ndə a kamayə, a ala ma ndza aha hayak a bəw ana ala həji ma ji Yesu aagi. 9Ama Sul, ndə həji kayə Pul, mkpef abə Miɗ ma ghwaɗeɗe. Nja tə ata Elimas, 10azha, zlap a zlapanə, iŋgaya: «Shiŋ gaɗaɗaŋ aagi, hwa ghut manahayak aagi ka tiwtiw! Mbə Wəleɓi, nja kwa a kaji səkən ma ŋtan səku. Səkən ndə Bizlaf a ɗal dəlili azha, aŋkwa hwa may a bəw ka a ghurndaɗaŋ, azha, hwa kaaɓin a gum ka vəw? 11Anawatsə azha, ndə hwa kaaɗa gwar a ra Bay Madagal, hwa awələf kwa, wan aka, hwa kaagəra pish səku.» A tsutsa a tsutsa, ləvaŋ taa tə, a ndza a zaɗə azha, tsaa kabəw kusəm a mən a mən a tsutsa aska a gas ala ma kanjiwi. 12Ndə a gəra səkən ma ɗal, ana ala ma ndza aha hayak ya, azha, bəw a bəw ana ala ma ji ma Yesu. Ara ndə a ɗa, sərək ma ma ndza ata zlən Bay Madagal takusah ka a guɗaŋ.
Tiw Pul abə Barnabas aagi a Aŋtakiya ma ndza a hayak Pisidiya
13Pul abə həji ma kalah aagi, takaf aa taf a gəlmbə ma ndza a hayak Pafus azha, aa tsaa kanda a hayak ma dzamadzam Perzhe ma ndza a hayak Pamfiliya. Azha, Yahwana Markus pəreh a pəreh tə a bəza abəra təmta, takwaɗ a zhin tə a hayak Wərusalima. 14Ataa aŋta ya, ndə aa nda ta a bəza a hayak ma dzamadzam Perzhe, peteŋ aagi a hayak ma dzamadzam Aŋtakiya ma ndza a hayak Pisidiya. Ma vah ta nəp, tsaw aa nda a jak ta tarha Yahuda aagi azha, ka aa ndza ka. 15A diwzha ndə, aa ya ma ma ndza a ɗerewal ataa ma ma garagar abə ataa maɗaf ma Bizlaf aagi bəza, həji ma gulakwakw ma ndza aha jak ta tarha Yahuda aagi, zlap aa zlapatana a tiw Barnabas abə Pul, aagi iŋgaya: «Zlina mana aagi, andza huni abə ma aka a ghalatana a həji aagi, huni zlap!» aagiy. 16Mbara azha, takaw Pul a gar a wəzəm, dəba a azlap abə ra, iŋgaya: «Həji Isərayila abə həji ndə ŋzliŋ aa kadzata ara Bizlaf aagi, huni tehzaka! 17Bizlaf ataa həji takwa Isərayila aagi, tamayɓa jiji takwa aagi. Tagəl həji watsa aagi ka tiɗa ndə aagi a hayak Misəra andza mbələm aagi. A diwzha tə zhana, Bizlaf takwarata a bəza abə ɓərɓər tə a hayak Misəra. 18A ɗal va raŋfaɗ, a kazəmatana səkən a damə ata dərzləm. 19A diwzha, ndə a bazl ndəɓ həji aagi ŋshiliɗ a hayak Kanana, tavəlatana hayak ta watsa bəza a həji takwa aagi andza la ta aagi. 20Səkən watsa tiwtiw, va teemeri ŋfaɗ abə radzaɓən, abə aa ɗal. Zhana, Bizlaf pa a vəlatana a həji takwa aagi, bay aagi aha təmta a gwar ata va ataa ala ma ɗaf ma ndə a zlimazə ara Bizlaf Samuyila. 21A diwzha, jiji takwa aagi, aa taɗiw bay ma dagal, Bizlaf tavəlatana Sul, mbə ataa Kis, shiŋ ataa Benyamin, ma ɗal va raŋfaɗ a bay. 22Ama Bizlaf tambasl ka, pa a vəlatana a jiji takwa aagi, Dawda, bay ma dagal ta. Bizlaf tazlap ata Dawda, iŋgaya: “Sa tagəra Dawda, mbə ataa Yesa, ala ndə ꞌunəf naka a kaghalaka, a aɗal səkən ndə sa kamay aagi tiwtiw.” 23Ata shiŋ Dawda abə, Bizlaf a mbəwazə, andza ndə a ghal ka a ɗalə, Yesu, Mareh həji ma ndza a hayak Isərayila aagi. 24Tiɗa ndə, Yesu awli kwagwa a ndaha, Yahwana ma ɗal batem taghalatana ma watsə bəza tiwtiw a həji ma ndza a hayak Isərayila aagi a mbaɗ landza ta bəza, aska aagi a ɗal batem. 25Azha, a kwakuɗaŋ zlən tə, Yahwana maɗal batem, iŋgaya: “A deŋ kuni ya, sa ɗa vaya? Sa ana Kərist səku! Ama, huni tehzə, a ndaha a diwzha naka, sa, sa kazhiva kwa a pəl sherek aŋci tə səku.”
26Zlina aagi, kwa huni ɗa wəzhi ataa shiŋ Ibərahima, aagi aka səku ma ndza a ɗi a taba kuni, ndə ŋzliŋ a kadzata ara Bizlaf aagi, zlap ta reh həji aagi watsə, a zlənha a ŋkwa tiwtiw. 27Həji ma ndza a Wərusalima aagi abə bay ta aagi, aa tasən ma ɗa Yesu vaye səku. Aa tazlima zlap ataa maɗaf ma Bizlaf aagi ndə həji kayə kala vah ta nəp səku. Ama ndə aa dzaw Yesu aka, aa taɗal səkən ndə aa kaghalə ana həji ma ɗaf ma ndə aa zlimazə ara Bizlaf watsa aagi. 28Kwa aa tagəra ma ndə aa kadzə ka a mci a heɗe aka səku, avəli ci, aa taɗiwi aska Pilatu a dzə ka. 29Aa taɗalə tiwtiw andza zlap ataa Ɗerewal ma ghwaɗeɗe ma zlap ata Yesu. A diwzha, sərahw aa daazə a bəza ata mpi ma gəzlaŋgarak azha, pa aa tsə a jiɓ. 30Ama Bizlaf tagar a wəzəm a jiɓ a taba həji ma bazl ta aagi, 31azha, wan dagala, Yesu taghalatana ha tə a həji ma lahzə a hayak Galili aagi gwar a Wərusalima. Anawatsə, təmta ana həji ma kaghal səkən ndə aa gəra abə ndə a zlima ata Yesu tiwtiw atama həji aagi.
32Ni yəm, ni kaghalahuni Ma wiyə ma təwah watsə: səkən ndə Bizlaf a gar ka a vəlatana a jiji takwa aagi, 33Bizlaf takəliyahəji ka, həji ɗa wəzhi ta aagi, ndə a garzə Yesu a bəza a jiɓ a taba həji ma bazl ta aagi, andza ndə taŋtiraya a dərəf Jabura magbak, iŋgaya:
Hwa mbə naka, akacihwa,
tabəw naka, sa Cihw.
34Bizlaf tagarha Yesu a wəzəm a jiɓ a taba həji ma bazl ta aagi, zlikusəm tə tagwar a rəɗa a jiɓ səku, ŋter Bizlaf taghalə:
Sa avəlahuni səkən ma ghwaɗeɗe aagi,
səkən ma ɗa gber ataa Dawda aagi.
35Sha ana ndə, a zlap ikwa zhana a ma minja:
Hwa kaambasl ala ma ghwaɗeɗe kwa ka,
a rəɗa a jiɓ ana zlikusəm tə akas.
36Ndə Dawda a kəɗaŋ zlən tə bəza, səkən ndə Bizlaf a kamayə, mca a mca tə, aa kahə abəra jiji tə aagi, tarəɗa ana zlikusəm tə a jiɓ. 37Ama, ala ndə Bizlaf a garazə a wəzəm a jiɓ a taba həji ma bazl ta aagi, zlikusəm tə tagwar a rəɗa a jiɓ səku. 38Zlina aagi, huni sən ka: mavəy Yesu, aa kaghalahuni pəl mpət akacihwa. Ma ndə Musa a gar ka, tagwar a pəlahuni bəza a mpət kuni aagi səku. 39Ama həji ma ɗal awa aska zlap Yesu aagi tiwtiw, mpət ta tapəlaya.
40Azha, huni mbəla ŋkwaɓ ara zlap ataa həji ma ɗaf ma ndə aa zlimazə ara Bizlaf aagi, ndə a kazhin tə ata huni:
41 Huni taŋzə, huni, həji ghav ma mkpef abə mshiɗ aagi,
huni ghərəŋ, huni wiɗ!
Ara ndə a ɗa, sa aɗal shiŋ zlən minja tiɗa huni ndza kuni abə nja,
səkən ndə huni kaŋkula a ji tep,
andza ala a ghalahuni, huni kaajis.»
42A diwzha ndə, aa ndaa ta a bəza ana tiw Barnabas abə Pul a jak ta tarha Yahuda aagi ya, dəba aagi adzatana ra a zhinha abə luma ma kaandaha, aska aagi a zhin a zlapatana ata shiŋ səkən watsə aagi zhana. 43A diwzha ladzam həji aagi ya, vərəm ana Yahuda abə həji ma njin ma ma garagar Musa, dəba aagi alah tiw Barnabas abə Pul. Aa kazlap abə təmta, azha aa kavəlatana ŋkwaɓ aska aagi ndza abə deŋ ŋkwaɓ ŋtaguleŋ abə Bizlaf ma mayahəji.
Tiw Pul abə Barnabas, ara həji ma ŋkula ɗa Yahuda aagi
44Ndə vah ta nəp minja a ndaa tə zhana, slaɓ həji ma ndza a hayak ma dzamadzam aagi tiwtiw, aa taha a teh zlap Bay Madagal. 45Ndə aa gəra ŋgaɓa həji aagi azha, dəba Yahuda aagi aɗal sərah, zlap ta ya parpar, aa ra dahalay ata zlap ataa tiw Pul. 46Azha, tiw Pul abə Barnabas, kwa ŋzliŋ ara a dzata, aa kazlap: «A diw a ghalha a huni mpər ana zlap Bizlaf! Ara ndə, huni tafak bəza, huni gəra ana huni tə, a kazhivahuni ana miɗ ma təwah ma ŋkula kəɗaŋ kwa vepiy səku, azha, ni, ni anda cini ara həji ma ŋkula ɗa Yahuda aagi. 47Ara ndə a ɗa, Bay Madagal tagaraŋkwa ka, iŋgaya:
Sa tatsahu ka, weɗ la həji aagi tiwtiw,
aska a hwa daaha reh həji aagi
a gwar ana ŋge ata lamaɗ manahayak.»
48Həji ma ŋkula ɗa Yahuda aagi, aa kaɓas tiwtiw ndə aa zlima zlap watsa. Aa kahəmən Bay Madagal mavəy zlap tə, azha tiwtiw həji ndə Bizlaf a mayata tabəw ta a həji ma ji ma Yesu aagi.
49A hayak watsa tiwtiw, zlap Bay Madagal taɓizhaya. 50Ama Yahuda aagi dəba aagi aghut wali ma gulakwakw ma kahəmən Bizlaf aagi bəza ara təmta, zhana abə həji bay ma ndza a hayak ma dzamadzam watsa aagi. Dəba aagi asəbar tiw Pul abə Barnabas aska a satana yaka abə aska aagi a gamata aara a hayak ta. 51Həji ma gbak watsa aagi, dəba aagi aŋtəwatana bərdibərdi hayak ta ma ndza ata ŋgas ta, azha aa tsaa kanda ta a hayak ma dzamadzam Ikuniya. 52Ataa magəli Yesu aagi ghef abə Miɗ ma ghwaɗeɗe, aagi abə ɓas a guɗaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in