Matyáasa 28
28
Ehonowa yá Yésusu
(Már 16:1-8; Rúk 24:1-11; Yoh 20:1, 11-18)
1Ará isí yá ihuwe é ma tómbá, na isí yá makésyé má emánjéta, Maréyá ójó na oŋgórá rá Magdará na Maréyá ojomo vá ma uré anáá vá endá ená evérá yá Yésusu. 2Kó vá ma híráná obwiye cí yo etá veérye: Éŋgerese wa Okí a ma endá uré na máná kó a ma bíŋgíríyé itááné na kɔ́ŋgɔ́, onuumana na máná ra itááné mwané. 3A katé nanja ámó ineŋgí yá mbemberitye kó cunú raá e katé pume ámó ndehe. 4Ekáné yá wokótó wó ma ambááná vato ává vá katé giré evérá kó vá ma késyé oriímana wedúmana ámó vigwé. 5Kó éŋgerese a ma járá na vakótó amáva anáá: «Vinó ka tiné, ŋgo ijímámó anáá no sɔsɔmó Yésusu ójó vá má ondááná na koroso. 6A ta ámó ará, esene éyé a ohónowana ámó a ma járá, úráno no enda ená pandó éjé vá má me vítímíye. 7Ndáno kwakwa no enda ojana vihoóhóná vyáa anáá: A ohónowa na raaté wa vigwé, kó a nó gírámó na oŋgórá rá Gariréya, ɔkɔ́ kówo no né me enámó. Wó mwané kówo ŋgo mó rií anáá ŋgo nó ojána.» 8Vakótó vá ma urúkyé na evérá kwakwa na wokótó wimé na vikáné vyá visaŋgena kó vá ma endáná na etétá ondo ojana vihoóhóná vyá Yésusu cómó mwané. 9Kó Yésusu a ma endá bérúme na vakótó amáva aye nawó anáá: «Ŋgo a nó vétíyé!» Kó vá ma me keréná, o me ambaana na eŋgoró o me gúmíye. 10Yésusu a ma járá nawó anáá: «Vinó ka tiné. Ndáno no ojana va mbísó anáá vá endá na Gariréya, ɔ́wɔ́ kówo vá né ŋgénámó.» 11Vá arɔ́wɔ́ na pé, vato vámó ává vá katé giré evéra vá ma endá na oŋgórá ondo ojana vagónó vá vacekiye mómí até yimé éyé é ma tómbávéná. 12Kó vagónó vá vacekiye mómí na vagónó vá edɔŋgɔ vá ma váwónjééná wováana, kaá na nimé raá, vá ma erééná visimbi imíví víkáné vyá mwení 13váye nawó anáá: «Até éyé no né ojanámó vato kéeyé: No né tɔ́ŋɔ́mó anáá: Vihoóhóná vyáa ví má endá wibé mbimbé na wutúú visó to rií otonó. 14Ŋgé ndɔ́ŋɔ́ éjé yá obá na etú rá ŋgɔ́mɔnɔ, vinó ka tiné, visó to né kamanámó na vinó kó no ta né timbe enjárá.» 15Kó vá ma wɔ́rɔ́ mwení weŋga ámó vá ma járá nawó. Naná kówo oráŋá mwané ó ma vásásétá na edɔŋgɔ yá va Yúdene hwɔs wusí owó.
Yésusu a tómámó enásá raá na manɔnɔwɔ
16Vihoóhóná íví vyábɔ́t na imwéesií, ví ma enda na Gariréya, na yene ójó Yésusu a ma wó rébá. 17Ará vá ma me ená, vá ma kútyé munú o me gúmíye, ítɔɔ naná avámó vá katé petaana naáté yá etémá rawó. 18Yésusu a ma wó keréná aye nawó anáá: «Vá ma pwá ŋguru iŋgimé na máná kó honó na cí. 19Ndáno sɔ́ na mayɔŋɔ mimé, no eŋga vihoóhóná, no wó dwé na ebérááná yá Isyé, na Mwáná, na mwáŋ mwáŋ wa Ireréŋgi, 20vinó o wó yeére obeerye ówó até yimé éyé ŋgo ma nó tiréná. Kaá noó, ndo ámó na vinó mesí mimé ondo húmé na mamana má cí.»
Currently Selected:
Matyáasa 28: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Matyáasa 28
28
Ehonowa yá Yésusu
(Már 16:1-8; Rúk 24:1-11; Yoh 20:1, 11-18)
1Ará isí yá ihuwe é ma tómbá, na isí yá makésyé má emánjéta, Maréyá ójó na oŋgórá rá Magdará na Maréyá ojomo vá ma uré anáá vá endá ená evérá yá Yésusu. 2Kó vá ma híráná obwiye cí yo etá veérye: Éŋgerese wa Okí a ma endá uré na máná kó a ma bíŋgíríyé itááné na kɔ́ŋgɔ́, onuumana na máná ra itááné mwané. 3A katé nanja ámó ineŋgí yá mbemberitye kó cunú raá e katé pume ámó ndehe. 4Ekáné yá wokótó wó ma ambááná vato ává vá katé giré evérá kó vá ma késyé oriímana wedúmana ámó vigwé. 5Kó éŋgerese a ma járá na vakótó amáva anáá: «Vinó ka tiné, ŋgo ijímámó anáá no sɔsɔmó Yésusu ójó vá má ondááná na koroso. 6A ta ámó ará, esene éyé a ohónowana ámó a ma járá, úráno no enda ená pandó éjé vá má me vítímíye. 7Ndáno kwakwa no enda ojana vihoóhóná vyáa anáá: A ohónowa na raaté wa vigwé, kó a nó gírámó na oŋgórá rá Gariréya, ɔkɔ́ kówo no né me enámó. Wó mwané kówo ŋgo mó rií anáá ŋgo nó ojána.» 8Vakótó vá ma urúkyé na evérá kwakwa na wokótó wimé na vikáné vyá visaŋgena kó vá ma endáná na etétá ondo ojana vihoóhóná vyá Yésusu cómó mwané. 9Kó Yésusu a ma endá bérúme na vakótó amáva aye nawó anáá: «Ŋgo a nó vétíyé!» Kó vá ma me keréná, o me ambaana na eŋgoró o me gúmíye. 10Yésusu a ma járá nawó anáá: «Vinó ka tiné. Ndáno no ojana va mbísó anáá vá endá na Gariréya, ɔ́wɔ́ kówo vá né ŋgénámó.» 11Vá arɔ́wɔ́ na pé, vato vámó ává vá katé giré evéra vá ma endá na oŋgórá ondo ojana vagónó vá vacekiye mómí até yimé éyé é ma tómbávéná. 12Kó vagónó vá vacekiye mómí na vagónó vá edɔŋgɔ vá ma váwónjééná wováana, kaá na nimé raá, vá ma erééná visimbi imíví víkáné vyá mwení 13váye nawó anáá: «Até éyé no né ojanámó vato kéeyé: No né tɔ́ŋɔ́mó anáá: Vihoóhóná vyáa ví má endá wibé mbimbé na wutúú visó to rií otonó. 14Ŋgé ndɔ́ŋɔ́ éjé yá obá na etú rá ŋgɔ́mɔnɔ, vinó ka tiné, visó to né kamanámó na vinó kó no ta né timbe enjárá.» 15Kó vá ma wɔ́rɔ́ mwení weŋga ámó vá ma járá nawó. Naná kówo oráŋá mwané ó ma vásásétá na edɔŋgɔ yá va Yúdene hwɔs wusí owó.
Yésusu a tómámó enásá raá na manɔnɔwɔ
16Vihoóhóná íví vyábɔ́t na imwéesií, ví ma enda na Gariréya, na yene ójó Yésusu a ma wó rébá. 17Ará vá ma me ená, vá ma kútyé munú o me gúmíye, ítɔɔ naná avámó vá katé petaana naáté yá etémá rawó. 18Yésusu a ma wó keréná aye nawó anáá: «Vá ma pwá ŋguru iŋgimé na máná kó honó na cí. 19Ndáno sɔ́ na mayɔŋɔ mimé, no eŋga vihoóhóná, no wó dwé na ebérááná yá Isyé, na Mwáná, na mwáŋ mwáŋ wa Ireréŋgi, 20vinó o wó yeére obeerye ówó até yimé éyé ŋgo ma nó tiréná. Kaá noó, ndo ámó na vinó mesí mimé ondo húmé na mamana má cí.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL