Matyáasa 27
27
Vá endámó na Yésusu na Piráta
(Már 15:1-2; Rúk 22:66; 23:1; Yoh 18:28)
1Ará ibeesí é ma bárá, vagónó vá vacekiye mómí na vagónó ává na edɔŋgɔ bimé vá ma endá isɔ́kɔ́ ukú ójó anáá vá sómbéna Yésusu ntóró ra nugwé. 2Kó vá ma me wótá mbéné wenda naá na na Piráta ójó ŋgɔ́mɔnɔ.
Nugwé ná Yúdasa
3Ará Yúdasa, ójó a ma sérá Yésusu a ma ená anáá vá osómbéna Yésusu ntóró ra nugwé, a ma késyé ovásúmíye kó a ma endá anáá a enda wundiye vagónó vá vacekiye mómí na vagónó vá edɔŋgɔ vikpama vyá mwení íví mɔ́wɔ́ mátátó. 4Aye nawó anáá: «Ŋgo mó éŋga ihusí ámó ŋgo mó sérá moto ojó a ta éŋga wandá.» Kó Va ma me wundíyé anáá: «Ímɔɔ́ amáma! Wó ta só néméná hée visó!» 5Yúdasa a ma sasétá mwení imíji naáté yá yanje yá Irɔŋgɔ, kó a ma endá ondo vásóŋgá. 6Vagónó vá vacekiye mómí vá ma wɔ́rɔ́ mwení imíji kó vá ma járá anáá: «Mwení ijí í ta geréméná wiŋgáana naáté yá ekóró yá yanje yá Irɔŋgɔ esene éyé wó ámó mwení rá miné.» 7Kó vá ma maná wováana kaá vá ma kusé cí ra ama ukú ójó anáá e búndé kondo ra vivérá vyá menɔ́. 8Wandá mwané kówo hwɔs tetee ojó vá béráanámó homó mwané anáá: «Kondo ra miné.» 9Naná kówo até éyé Yeremíya ahúmíye maró wa Irɔŋgɔ a ma járá é ma eŋgávéná, esene éyé a ma járá anáá: «Vá ma wɔ́rɔ́ vikpama vyá mwení íví mɔ́wɔ́ mátátó, wó ámó táŋgó éjé vaná vá Ísayéere vá ma ená anáá e geremenámó na wusó wáa. 10Kó vá ma erééná mwení mwané anáá vá kúse kondo ra ama ámó Okí a ma tévéré anáá njárá nawó.»
Yésusu a ámó na aŋgísó rá Piráta
(Már 15:2-15; Rúk 23:2-5, 13-25; Yoh 18:28; 19:16)
11Vá ma endá na Yésusu na Piráta ójó ŋgɔ́mɔnɔ kó Piráta a ma súsé Yésusu anáá: «O ámó ahumu rá va Yúdene?» Yésusu a ma me wundíyé anáá: «Mámó kójo o járámó naná.» 12Vagónó vá vacekiye mómí na vagónó ává na edɔŋgɔ vá ma késyé osɔ́mɔ́nɔ Yésusu, Yésusu ka peseta wandá. 13Piráta a ma me súsé anáá: «O ta ová va sɔ́mɔnɔ bimé amáva?» 14Yésusu a ma ríirii ihóhó ka wundye tɔɔ epéŋgé émwéesií, ŋgɔ́mɔnɔ maté okeékembye. 15Ibínó yá pásáka yime, ŋgɔ́mɔnɔ a katé mice mwaná wa vimboo umweesií ójó vato vá katé ijata. 16Wó je rií anáá na itíndíkáná mwané, mwaná wa vimboo omo a katé rií ɔ́wɔ́, a gúmé vá me béráana anáá Yésusu Barábasa. 17Piráta a ma súsé vato ámó vá ma ríi wónjéénérí anáá: «No vaŋgámó anáá ŋgo nó mícana áné, Yésusu Barábasa kee Yésusu ojó va beráanámó anáá etómá yá Irɔŋgɔ?» 18Piráta a katé jembe anáá vá ma me uréná na Yésusu esene éyé vá katé me njíŋí. 19Itíndíkáná íjí Piráta a katé rií na osómbá ówó ntóró, okótó waá a ma tómá moto anáá a endá járá naá anáá: «O ta eŋgá vaá oŋgoró rɔɔ́ na enjárá ra ndíŋgirííŋ wa moto omójo! Esené ŋgo mó réemana etɔɔ wusí owó na wusó wáa.» 20Vagónó vá vacekiye mómí na vagónó ává na edɔŋgɔ vá katé sitiye vato anáá vá járá na Piráta anáá a wó mícana Barábasa kaá a oná Yésusu. 21Piráta a ma wundé o wó súsé hée anáá: «Na vato vává ává, ojaté ojo no vaŋgámó anáá ŋgo nó mícana?» Vá ma wundyé anáá: «Barábasa.» 22Piráta a ma o wó súsé anáá: Ŋgo eŋgámó twiiŋí na Yésusu ójó vá béráanámó anáá Etómá yá Irɔŋgɔ? Vá ma wundyé bimé orɔŋgɔ anáá: «O me ondáánámó na koroso!» 23Piráta a ma wó súsé anáá: «Owaté wobé kówo a mó éŋga?» Kó vámwané vá ma wundé okésyé orume na ŋguru anáá: «O ondáánámó na koroso!» 24Piráta a ma ená anáá vato vá ta kate me vátɔ́rɔ́ kó hónó iwuru iwuru é káte naátaná, a ma wɔ́rɔ́ matéyá, osowa embɔɔ́ na aŋgísó rá moto uŋgimé aye nawó anáá: «Noó ta timbé ihusí na nugwé ná moto omójo, maró má vinó amáma.» 25Vato bimé vá ma me wundíyé anáá: «To atɔ́wɔmó, miné máa má ámó na icé ra visó kó na icé ra vaná vá viso!» 26Kó Piráta a ma húmyé Barábasa na mboo, weŋga anáá vá núbé Yésusu kaá o wó hwá anáá vá me ondáana na koroso.
Visímbi ví kpeérámó Yésusu
(Már 15:16-20; Rúk 23:11; Yoh 19:2-3)
27Visímbi vyá Piráta ví ma endá na Yésusu naáté yá yanje yá ŋgɔ́mɔnɔ, owónjéena visimbi bimé na kɔ́ŋgɔ́ raá. 28Vá ma uríyé Yésusu cunú ráa, o me vaá cunú éjé boótoto, 29kó va ma nová ekátá yá céndé o me hɔ́kéena na ucé, owunde o me whá ntɔ́ŋɔ́ ra igoó na ombɔɔ́ rá enémé, kaá vá ma kútyé munú na wusó wáa okésyé o me kpeére vá járá anáá: «Ahumu rá va Yúdene wo a húmáaa!» 30Vá ma me cáká metí, kó vá ma wɔ́rɔ́ ntɔ́ŋɔ́ ra igoó eméje o me nubé na ucé. 31Na nime rá ekpeere vá ma me uryé cunú éjé vá ma me váá boótoto, owunde omo váá cunú ráá kó vá ma enda náá na ondo me ondáana ówó na koroso.
Vá ondáanámó Yésusu na koroso
(Már 15:21-32; Rúk 23:26-43; Yoh 19:16-24)
32Ará vá katé húmé na Yésusu kó vá ma ena Símono moto ojó na Syrene, vá járámó naá anáá a aka Yésusu obyá owó koroso na obiriki. 33Ko vá ma enda o hume na pandó ebérááná anáá Gorogóta, o tirevenamo anáá homo wá ekpókóró yá ucé, 34Vá ma me hwá mɔwɔ́ báyétérí na matéyá ámá má nyámó, ará a ma maá kó a ta ma díŋge anáá a vényú. 35Ará vá ma maná o me ondáana na kóroso kó vá ma nɔɔ́ mbe na cunú ráa. 36Na níme raá, vá ma nuumaná vá te o me gíré. 37Vá ma tiré ucé raá ra nugwe na nobámá ováá na máná ra koroso anáá: «Oojó a ámó Yésusu ahumu rá va Yúdene.» 38Vá ma ondááná hónó vaŋgúbí váváné na kɔ́ŋgɔ́ ra Yésusu, omo na ombɔɔ́ rá enémé omo na ombɔɔ́ rá vakótó. 39Vato ává vá kate tómbána vá katé me seyá vá jíye ucé. 40Vá járá anáá: «Mámó ójó, o báŋgónámó yanje yá Irɔŋgɔ owunde ohaá na mesí matátó, o vaswetyámó sɔ́ mámó mate, ŋge o omó Mwaná wa Irɔŋgɔ, sisé na koroso!» 41Tɔɔ vayéere vá mbéndɔ́, vagónó ává na edɔŋgɔ na vagónó vá vacekiye mómí vá kate kpeére Yésusu vá njará anáá: 42«A katé oswetye vasɔ́ɔ́, a te ane ovaswetye o mwané mate! Kesí a ámó ahumu rá Ísayéere, ŋgá a sise sɔ́ tetee ojó na koroso, ɔ́wɔ́ to né me atɔwɔmó. 43A ma váá ipití ráa na Irɔŋgɔ, ŋgé Irɔŋgɔ a me diŋgámó, a me sótyé sɔ́ tetee ojó ámó a ma járá anáá: Ndo ámó Mwaná Irɔŋgɔ!» 44Tɔɔ vaŋgubí ává vá ma ríi na koroso na kɔ́ŋgɔ́ raá vá katé me seyá vá járá ámó vasɔ́ɔ́.
Nugwé ná Yésusu
(Már 15:33-39; Rúk 23:44-48; Yoh 19:28-30)
45Ará twéfe a ma húmé, mbínó e ma obá na cí iŋgíme okésyé ówó na twéfe ohúmé na maworo mátátó. 46Wenda ówó na maworo matátó, Yésusu a ma rumátá mií na máná anáá: «Érí, Éri rema sabatani.» Wó tírevenámó anáá: «Irɔŋgɔ wame, Irɔŋgɔ wame, na wusó wá até kówo o mó céŋgítye?» 47Vato vámó ává vá ma ová ámó Yésusu a katé rumé vá ma késyé ojárá anáá: «Óváno a béráanámó Eríyasa!» 48Ikɔkɔ ka tómbá, umwesií ójó na vámwané a ma bárá otétá ondo wɔ́rɔ́ pumbú ra cunú ojuumiye naáté yá matéyá ámá má gárámó, kaá owótá na ntɔ́ŋɔ́ ra igoó o me tóndíye anáá a vényú. 49Kó vasɔ́ɔ́ vá katé járá naá anáá: «Gíré to ená ŋgé Eríyasa a vaŋgámó ondo me sótyé.» 50Yésusu a ma wunde orumata na ŋguru kó a ma tómbá ogwé. 51Na itíndíkáná mwané, cunú ra ohótó éjé e katé rií na yanje yá Irɔŋgɔ e ma saréyá okésyé ówó na máná ohúmé na cí, cí ononoŋgórá, nkomó rá atááné osareyána, 52Vivérá obunuwana, ombunu rá va mwáŋ mwáŋ ává vá ma gwááná ohonowana. 53Na nimé ra ehonowa yá Yésusu, va mwáŋ mwáŋ amáva vá ma húmáná na vivérá, kó vá ma endáná na Yerúsareme ójó mwáŋ mwáŋ wa oŋgórá, ombunu rá vato ó ma wó ená. 54Ará ogónó wa visimbi na vasɔ́ɔ́ ává vá katé gíré Yésusu vá ma ená cí e veérye, owunde wená até yimé éyé é ma tómbávéná, ekáné yá wokótó wó ma wó ambááná kó vá ma járá anáá: «Na vatɔ́ɔ́tɔ́, na vatɔ́ɔ́tɔ́, moto ojó a katé rií Mwaná Irɔŋgɔ.»
Vá títánámó Yésusu
(Már 15:40-47; Rúk 23:49-56; Yoh 19:25-42)
55Ombunu rá vakótó ójó ó katé byɔɔnɔ Yésusu okésyé ówó na Gariréya hɔrɔ́ vá me nɔnɔɔwena vá ma téréméná urehí vá néména. 56Na raaté wawó, Maréyá ójó na Magadára a ma ríi ɔ́wɔ́, na Maréyá ójó netí Yáka na Yóseve, na netí embwene ra Sébede. 57Ará enéŋgá é ma sisé, mbútí ra moto ondo uré ówó na oŋgórá ójó vá béráanámó anáá Arimatéya, a je rií anáá ómwané hónó a ma ríi a etá ehoóhóná yá Yésusu, vá me béráana anáá Yóseve. 58Kó a ma endá ondo súsé Piráta mbimbe ra Yésusu. Ko Piráta a ma me atɔ́wéná anáá a wɔ́rɔ́. 59Yóseve a ma wɔ́rɔ́ mbimbe ohíté na mkpámáká ra sande. 60Kó a ma endá o me títána na mkpámáká ra evérá éyé a ma tímé naáté yá nkómó ra itááné kó a ma bútyááná yiŋgááná na ekáné yá itááné kaá wenda. 61Na itíndíkáná mwané, Maréyá ójó na Magadára na Maréyá ojomo vá katé rií vindindíi vá néména evérá.
Vá gírámó evérá yá Yésusu
62Má iveri máa, isí éyé anáá vá má komesaná sábata ijó, vagónó vá vacekiye mómí na va pariséne vá ma endá na Piráta 63váye naá anáá: «Ogoó, to mó búŋge enjárá éjé ovááváná omójo a katé járá hɔrɔ́ a hwené anáá: Na mesí mátátó, ŋgo né honowámó na nugwé noó owunde na esɔ́tɔ́. 64Erééná ŋguru anáá vá giré evérá yáá mamba na meŋgí vihoóhóná vyáa ví endá ibé mbimbe raá kaá vá járá anáá: A mó háteena na vigwé. Kaá eméye eváná o ne tómbá yá wusó.» 65Piráta a ma wó wundíyé anáá: «Ŋgo nó hwámó visimbi, ndáno gíré evérá ámó no káte vaŋga.» 66Ko vá ma enda sɔ́ obendeena itááné wusi na wusi, kaá ovaá visimbi anáá ví gíré evérá.
Currently Selected:
Matyáasa 27: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Matyáasa 27
27
Vá endámó na Yésusu na Piráta
(Már 15:1-2; Rúk 22:66; 23:1; Yoh 18:28)
1Ará ibeesí é ma bárá, vagónó vá vacekiye mómí na vagónó ává na edɔŋgɔ bimé vá ma endá isɔ́kɔ́ ukú ójó anáá vá sómbéna Yésusu ntóró ra nugwé. 2Kó vá ma me wótá mbéné wenda naá na na Piráta ójó ŋgɔ́mɔnɔ.
Nugwé ná Yúdasa
3Ará Yúdasa, ójó a ma sérá Yésusu a ma ená anáá vá osómbéna Yésusu ntóró ra nugwé, a ma késyé ovásúmíye kó a ma endá anáá a enda wundiye vagónó vá vacekiye mómí na vagónó vá edɔŋgɔ vikpama vyá mwení íví mɔ́wɔ́ mátátó. 4Aye nawó anáá: «Ŋgo mó éŋga ihusí ámó ŋgo mó sérá moto ojó a ta éŋga wandá.» Kó Va ma me wundíyé anáá: «Ímɔɔ́ amáma! Wó ta só néméná hée visó!» 5Yúdasa a ma sasétá mwení imíji naáté yá yanje yá Irɔŋgɔ, kó a ma endá ondo vásóŋgá. 6Vagónó vá vacekiye mómí vá ma wɔ́rɔ́ mwení imíji kó vá ma járá anáá: «Mwení ijí í ta geréméná wiŋgáana naáté yá ekóró yá yanje yá Irɔŋgɔ esene éyé wó ámó mwení rá miné.» 7Kó vá ma maná wováana kaá vá ma kusé cí ra ama ukú ójó anáá e búndé kondo ra vivérá vyá menɔ́. 8Wandá mwané kówo hwɔs tetee ojó vá béráanámó homó mwané anáá: «Kondo ra miné.» 9Naná kówo até éyé Yeremíya ahúmíye maró wa Irɔŋgɔ a ma járá é ma eŋgávéná, esene éyé a ma járá anáá: «Vá ma wɔ́rɔ́ vikpama vyá mwení íví mɔ́wɔ́ mátátó, wó ámó táŋgó éjé vaná vá Ísayéere vá ma ená anáá e geremenámó na wusó wáa. 10Kó vá ma erééná mwení mwané anáá vá kúse kondo ra ama ámó Okí a ma tévéré anáá njárá nawó.»
Yésusu a ámó na aŋgísó rá Piráta
(Már 15:2-15; Rúk 23:2-5, 13-25; Yoh 18:28; 19:16)
11Vá ma endá na Yésusu na Piráta ójó ŋgɔ́mɔnɔ kó Piráta a ma súsé Yésusu anáá: «O ámó ahumu rá va Yúdene?» Yésusu a ma me wundíyé anáá: «Mámó kójo o járámó naná.» 12Vagónó vá vacekiye mómí na vagónó ává na edɔŋgɔ vá ma késyé osɔ́mɔ́nɔ Yésusu, Yésusu ka peseta wandá. 13Piráta a ma me súsé anáá: «O ta ová va sɔ́mɔnɔ bimé amáva?» 14Yésusu a ma ríirii ihóhó ka wundye tɔɔ epéŋgé émwéesií, ŋgɔ́mɔnɔ maté okeékembye. 15Ibínó yá pásáka yime, ŋgɔ́mɔnɔ a katé mice mwaná wa vimboo umweesií ójó vato vá katé ijata. 16Wó je rií anáá na itíndíkáná mwané, mwaná wa vimboo omo a katé rií ɔ́wɔ́, a gúmé vá me béráana anáá Yésusu Barábasa. 17Piráta a ma súsé vato ámó vá ma ríi wónjéénérí anáá: «No vaŋgámó anáá ŋgo nó mícana áné, Yésusu Barábasa kee Yésusu ojó va beráanámó anáá etómá yá Irɔŋgɔ?» 18Piráta a katé jembe anáá vá ma me uréná na Yésusu esene éyé vá katé me njíŋí. 19Itíndíkáná íjí Piráta a katé rií na osómbá ówó ntóró, okótó waá a ma tómá moto anáá a endá járá naá anáá: «O ta eŋgá vaá oŋgoró rɔɔ́ na enjárá ra ndíŋgirííŋ wa moto omójo! Esené ŋgo mó réemana etɔɔ wusí owó na wusó wáa.» 20Vagónó vá vacekiye mómí na vagónó ává na edɔŋgɔ vá katé sitiye vato anáá vá járá na Piráta anáá a wó mícana Barábasa kaá a oná Yésusu. 21Piráta a ma wundé o wó súsé hée anáá: «Na vato vává ává, ojaté ojo no vaŋgámó anáá ŋgo nó mícana?» Vá ma wundyé anáá: «Barábasa.» 22Piráta a ma o wó súsé anáá: Ŋgo eŋgámó twiiŋí na Yésusu ójó vá béráanámó anáá Etómá yá Irɔŋgɔ? Vá ma wundyé bimé orɔŋgɔ anáá: «O me ondáánámó na koroso!» 23Piráta a ma wó súsé anáá: «Owaté wobé kówo a mó éŋga?» Kó vámwané vá ma wundé okésyé orume na ŋguru anáá: «O ondáánámó na koroso!» 24Piráta a ma ená anáá vato vá ta kate me vátɔ́rɔ́ kó hónó iwuru iwuru é káte naátaná, a ma wɔ́rɔ́ matéyá, osowa embɔɔ́ na aŋgísó rá moto uŋgimé aye nawó anáá: «Noó ta timbé ihusí na nugwé ná moto omójo, maró má vinó amáma.» 25Vato bimé vá ma me wundíyé anáá: «To atɔ́wɔmó, miné máa má ámó na icé ra visó kó na icé ra vaná vá viso!» 26Kó Piráta a ma húmyé Barábasa na mboo, weŋga anáá vá núbé Yésusu kaá o wó hwá anáá vá me ondáana na koroso.
Visímbi ví kpeérámó Yésusu
(Már 15:16-20; Rúk 23:11; Yoh 19:2-3)
27Visímbi vyá Piráta ví ma endá na Yésusu naáté yá yanje yá ŋgɔ́mɔnɔ, owónjéena visimbi bimé na kɔ́ŋgɔ́ raá. 28Vá ma uríyé Yésusu cunú ráa, o me vaá cunú éjé boótoto, 29kó va ma nová ekátá yá céndé o me hɔ́kéena na ucé, owunde o me whá ntɔ́ŋɔ́ ra igoó na ombɔɔ́ rá enémé, kaá vá ma kútyé munú na wusó wáa okésyé o me kpeére vá járá anáá: «Ahumu rá va Yúdene wo a húmáaa!» 30Vá ma me cáká metí, kó vá ma wɔ́rɔ́ ntɔ́ŋɔ́ ra igoó eméje o me nubé na ucé. 31Na nime rá ekpeere vá ma me uryé cunú éjé vá ma me váá boótoto, owunde omo váá cunú ráá kó vá ma enda náá na ondo me ondáana ówó na koroso.
Vá ondáanámó Yésusu na koroso
(Már 15:21-32; Rúk 23:26-43; Yoh 19:16-24)
32Ará vá katé húmé na Yésusu kó vá ma ena Símono moto ojó na Syrene, vá járámó naá anáá a aka Yésusu obyá owó koroso na obiriki. 33Ko vá ma enda o hume na pandó ebérááná anáá Gorogóta, o tirevenamo anáá homo wá ekpókóró yá ucé, 34Vá ma me hwá mɔwɔ́ báyétérí na matéyá ámá má nyámó, ará a ma maá kó a ta ma díŋge anáá a vényú. 35Ará vá ma maná o me ondáana na kóroso kó vá ma nɔɔ́ mbe na cunú ráa. 36Na níme raá, vá ma nuumaná vá te o me gíré. 37Vá ma tiré ucé raá ra nugwe na nobámá ováá na máná ra koroso anáá: «Oojó a ámó Yésusu ahumu rá va Yúdene.» 38Vá ma ondááná hónó vaŋgúbí váváné na kɔ́ŋgɔ́ ra Yésusu, omo na ombɔɔ́ rá enémé omo na ombɔɔ́ rá vakótó. 39Vato ává vá kate tómbána vá katé me seyá vá jíye ucé. 40Vá járá anáá: «Mámó ójó, o báŋgónámó yanje yá Irɔŋgɔ owunde ohaá na mesí matátó, o vaswetyámó sɔ́ mámó mate, ŋge o omó Mwaná wa Irɔŋgɔ, sisé na koroso!» 41Tɔɔ vayéere vá mbéndɔ́, vagónó ává na edɔŋgɔ na vagónó vá vacekiye mómí vá kate kpeére Yésusu vá njará anáá: 42«A katé oswetye vasɔ́ɔ́, a te ane ovaswetye o mwané mate! Kesí a ámó ahumu rá Ísayéere, ŋgá a sise sɔ́ tetee ojó na koroso, ɔ́wɔ́ to né me atɔwɔmó. 43A ma váá ipití ráa na Irɔŋgɔ, ŋgé Irɔŋgɔ a me diŋgámó, a me sótyé sɔ́ tetee ojó ámó a ma járá anáá: Ndo ámó Mwaná Irɔŋgɔ!» 44Tɔɔ vaŋgubí ává vá ma ríi na koroso na kɔ́ŋgɔ́ raá vá katé me seyá vá járá ámó vasɔ́ɔ́.
Nugwé ná Yésusu
(Már 15:33-39; Rúk 23:44-48; Yoh 19:28-30)
45Ará twéfe a ma húmé, mbínó e ma obá na cí iŋgíme okésyé ówó na twéfe ohúmé na maworo mátátó. 46Wenda ówó na maworo matátó, Yésusu a ma rumátá mií na máná anáá: «Érí, Éri rema sabatani.» Wó tírevenámó anáá: «Irɔŋgɔ wame, Irɔŋgɔ wame, na wusó wá até kówo o mó céŋgítye?» 47Vato vámó ává vá ma ová ámó Yésusu a katé rumé vá ma késyé ojárá anáá: «Óváno a béráanámó Eríyasa!» 48Ikɔkɔ ka tómbá, umwesií ójó na vámwané a ma bárá otétá ondo wɔ́rɔ́ pumbú ra cunú ojuumiye naáté yá matéyá ámá má gárámó, kaá owótá na ntɔ́ŋɔ́ ra igoó o me tóndíye anáá a vényú. 49Kó vasɔ́ɔ́ vá katé járá naá anáá: «Gíré to ená ŋgé Eríyasa a vaŋgámó ondo me sótyé.» 50Yésusu a ma wunde orumata na ŋguru kó a ma tómbá ogwé. 51Na itíndíkáná mwané, cunú ra ohótó éjé e katé rií na yanje yá Irɔŋgɔ e ma saréyá okésyé ówó na máná ohúmé na cí, cí ononoŋgórá, nkomó rá atááné osareyána, 52Vivérá obunuwana, ombunu rá va mwáŋ mwáŋ ává vá ma gwááná ohonowana. 53Na nimé ra ehonowa yá Yésusu, va mwáŋ mwáŋ amáva vá ma húmáná na vivérá, kó vá ma endáná na Yerúsareme ójó mwáŋ mwáŋ wa oŋgórá, ombunu rá vato ó ma wó ená. 54Ará ogónó wa visimbi na vasɔ́ɔ́ ává vá katé gíré Yésusu vá ma ená cí e veérye, owunde wená até yimé éyé é ma tómbávéná, ekáné yá wokótó wó ma wó ambááná kó vá ma járá anáá: «Na vatɔ́ɔ́tɔ́, na vatɔ́ɔ́tɔ́, moto ojó a katé rií Mwaná Irɔŋgɔ.»
Vá títánámó Yésusu
(Már 15:40-47; Rúk 23:49-56; Yoh 19:25-42)
55Ombunu rá vakótó ójó ó katé byɔɔnɔ Yésusu okésyé ówó na Gariréya hɔrɔ́ vá me nɔnɔɔwena vá ma téréméná urehí vá néména. 56Na raaté wawó, Maréyá ójó na Magadára a ma ríi ɔ́wɔ́, na Maréyá ójó netí Yáka na Yóseve, na netí embwene ra Sébede. 57Ará enéŋgá é ma sisé, mbútí ra moto ondo uré ówó na oŋgórá ójó vá béráanámó anáá Arimatéya, a je rií anáá ómwané hónó a ma ríi a etá ehoóhóná yá Yésusu, vá me béráana anáá Yóseve. 58Kó a ma endá ondo súsé Piráta mbimbe ra Yésusu. Ko Piráta a ma me atɔ́wéná anáá a wɔ́rɔ́. 59Yóseve a ma wɔ́rɔ́ mbimbe ohíté na mkpámáká ra sande. 60Kó a ma endá o me títána na mkpámáká ra evérá éyé a ma tímé naáté yá nkómó ra itááné kó a ma bútyááná yiŋgááná na ekáné yá itááné kaá wenda. 61Na itíndíkáná mwané, Maréyá ójó na Magadára na Maréyá ojomo vá katé rií vindindíi vá néména evérá.
Vá gírámó evérá yá Yésusu
62Má iveri máa, isí éyé anáá vá má komesaná sábata ijó, vagónó vá vacekiye mómí na va pariséne vá ma endá na Piráta 63váye naá anáá: «Ogoó, to mó búŋge enjárá éjé ovááváná omójo a katé járá hɔrɔ́ a hwené anáá: Na mesí mátátó, ŋgo né honowámó na nugwé noó owunde na esɔ́tɔ́. 64Erééná ŋguru anáá vá giré evérá yáá mamba na meŋgí vihoóhóná vyáa ví endá ibé mbimbe raá kaá vá járá anáá: A mó háteena na vigwé. Kaá eméye eváná o ne tómbá yá wusó.» 65Piráta a ma wó wundíyé anáá: «Ŋgo nó hwámó visimbi, ndáno gíré evérá ámó no káte vaŋga.» 66Ko vá ma enda sɔ́ obendeena itááné wusi na wusi, kaá ovaá visimbi anáá ví gíré evérá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL