Romanos 9

Israelyabumacãrãye maquẽ 9:1–11:36

Manigʉ̃cã ñeyoria macã macãrã

1Yʉ Jesucristore wedewõgʉ̃rã ninigʉ̃ queorora mʉjãrẽ wedegʉ ya. Icãta ĩritoheri. Espíritu Santo yʉmena nigʉ̃rã yʉre ya tʉoiñarẽpʉre ñurõ masĩñerõcã tisʉguegʉ yʉcã ĩrẽrẽ “queorora ña” ĩ masĩñerõcã yawí yʉre.#2Co 1:23; 11:10; 1Tm 2:7. 2Nirõrã ya wedera Israelyabumacãrãcã Jesúre wedewõheriñerõcã ĩñagʉ̃ bʉtoro wãcũpasʉtirecʉti ya yeripũnapʉre ñañarõ pũnirõ tʉoiñarẽcʉtirucũmocã. 3Tairo tigʉ ya wedera diamacã niñerõcã cʉ̃jãrẽ titamurugagʉ yʉbasurupera cʉ̃jãrẽ wasoare pecamepʉ ñañarõ ticõãyo Cristomena dicawatigʉ nigʉ̃ earugamiga. Yʉcã anorã abiro tiremenape cʉ̃jãrẽ Jesucristore wedewõrã eañerõcã timasĩboreno niñerõcãpʉare.#Ex 32:32. 4Cʉ̃jãrã cʉ̃jã ñecʉ̃ Israel pãrãmerã ñawã; Manigʉ̃ cʉ̃jãrẽna cʉ̃pũna diamacãrã abiro nirã pʉtʉaro ĩgʉ̃ beserigʉ niwĩ; cʉ̃ Manigʉ̃rã cʉ̃jã watoare cʉ̃ye tutuaremena, asibateremena nirucũrigʉ niwĩ. Tairora cʉ̃jãrẽna “marĩ abiro came pʉtʉarada” ĩpʉtʉarigʉ niwĩ; cʉ̃jãrẽna cʉ̃ye dotirere Moisémena cũrĩgʉ niwĩ; cʉ̃jãrẽna cʉ̃yawipʉ cʉ̃rẽ diamacã wãme ñubueriwãmerẽ cũrĩgʉ niwĩ ĩñerõcã cʉ̃jãrẽna “mʉjã pãrãmerã nitutiarapʉcãrẽ ñurõ titamurucũmocãgʉ̃da” ĩrigʉ niwĩ.#Sal 147:19; Hch 3:25; Heb 9:1. 5Cʉ̃jãrã Abraham, Isaac ĩñerõcã Jacob pũna doce pãrãmerã nitutiara ñawã. Jesucristocã tamʉ tibumacãrãmenarã atiũpʉ̃mena bajuarigʉ ninigʉ̃ cʉ̃jã pãrãmi nitutiagʉra nirigʉ niwĩ. Cʉ̃rã Manigʉ̃ nimocãnigʉ̃ nipetirare, nipetirere dotimasĩgʉ̃ ñawĩ. Tairo tira cʉ̃rẽ “¡mʉrã ñucametʉagʉ ña!” ĩ ʉseare nʉnirucũmocãrãda. Tairora tirada.#Jn 1:1; Ro 1:25; Col 1:16, 19. 6Atiemena yʉ “Israelyabumacãrãrẽ Manigʉ̃ cʉ̃cã cʉ̃jãrẽ abiro tigʉda ĩriguere queoro tiheriwi” ĩgʉ̃merã ya. Buripe abiro bi: nipetira Israel pãrãmerã nitutiarapʉra Manigʉ̃yamacã macãrãjoro niheriwa.#Nm 23:19; Ro 2:28-29; Ga 6:16. 7Tairora Abraham pãrãmerã nitutiarapʉcã nipetirapʉra cʉ̃ pãrãmerã diamacã niheriwa. Atierena Manigʉ̃cã Abrahamrẽ ĩrigue queoro eño. Cʉ̃rẽ abiro ĩrigʉ niwĩ: “Isaamenape mʉ pãrãmerã diamacã nirõãgawa” ĩrigʉ niwĩ.#Ga 4:22-23; Heb 11:17-18. 8Anorã abiro niñerõcã “ʉ̃sã tibumacãrã ña o cʉ̃jã pãrãmerã ña” ĩrẽye wapamena wadora Manigʉ̃ pũna nirã eamasĩheriwa; buripe Manigʉ̃cã Abrahamrẽ “abiro tigʉda” ĩriguere wedewõrã doca Abraham pãrãmerãjorora ñawã.#8:14; Ga 3:29; 4:28. 9Atiera ña Manigʉ̃cã Abrahamrẽ “abiro tigʉda” ĩrigue: «Apecʉmarẽ anocawatoanorã eagʉacu; tocawatoamena mʉnʉmo Sara ĩcʉ̃ macʉ̃cʉtigoagago»#Gn 18:10. ĩrigue ña cʉ̃ macʉ̃cã bajuatere. 10Atie wadomerã niheri. Isaacã Rebecamena nʉmocʉtiriasiro co ʉmʉã pʉ̃ãrã sʉdʉariarare pũnacʉtirigo nigõ. Cʉ̃jã Isaac ĩcʉ̃pũnarã niriara niwã; cʉ̃rã ʉ̃sã ñecʉ̃ nirigʉ niwĩ.#Gn 25:21-26. 11Cʉ̃jãcã bajuatosʉgueropʉra ñurẽrẽ o ñañarẽrẽ cʉ̃jãcã tiheropʉra Manigʉ̃ cʉ̃cã borora abiro cʉ̃basurupera cʉ̃cã besemasĩgʉ̃ nirẽrẽ eñogʉ̃ 12cʉ̃jãcã tirere ĩñagʉ̃merã cʉ̃cã sioriguepʉre tigʉ Rebecare abiro ĩrigʉ niwĩ: «Cʉ̃ sõwʉ̃pe cʉ̃ bajire padedecotegʉ nigʉagawi» ĩrigʉ niwĩ. 13Tiera Manigʉ̃ye wederucũrẽrẽ ojayoriapũpʉ queorora abiro ĩ ojayo: «Jacopere yʉ besewʉ. Esaúpere yʉ beseheriwʉ»#Mal 1:2-3. ĩ. 14¿Topʉare marĩ atiemenarã Manigʉ̃ queoro tihegʉ ñawĩ ĩrõãgari? ¡Icãta tairo ĩheriga! Manigʉ̃ queoro tigʉ ñawĩ.#2Cr 19:7. 15Merẽ Manigʉ̃ Moisére abiro ĩrigʉ niwĩ: «yʉcã ĩñamaĩrẽmena ĩñamaĩrugarare ĩñamaĩgʉ̃da. Yʉcã bopacaĩñarẽmena bopacaĩñarugarare bopacaĩñagʉ̃da»#Ex 33:19. ĩrigʉ niwĩ. 16Tairo tiro cʉ̃cã tora abiro besere basocacã cʉ̃jãbasurupe beseñerõcã boremerã ña; cʉ̃jãcã ñurẽrẽ tireye wapamenape beseremerã ña; buripe Manigʉ̃cã cʉ̃cã bopacaĩñarẽmenape besere ña.#Ef 2:8. 17Merẽ tiemaquẽrẽna Manigʉ̃ cʉ̃ye wederucũrẽrẽ ojayoriapũpʉ abiro ĩrigʉ niwĩ Egipto macãrã nirũpʉ̃ faraónrẽ: «Yʉcã borora abirora tigʉ mʉrẽ Egipto macãrã nirũpʉ̃ sonewʉ̃ mʉmena yʉcã tutuarere nipetirare eñogʉ̃dagʉ. Nipetiro macãrãrẽ yʉcã tutuagʉ nirẽrẽ masĩdotigʉ tairo tiwʉ»#Ex 9:16. ĩrigʉ niwĩ. 18Tairo tiro Manigʉ̃cã tigʉda ĩriwãmepe wado wa: Manigʉ̃ cʉ̃cã bopacaĩñarẽ cʉorugaranorẽ bopacaĩñarẽ cʉowi. Tairora cʉ̃cã dotirere tʉorugaheranorẽ nemorõrã tʉorugaheriñerõcã yawí. 19Buri yʉcã abiro ĩrẽrẽ tʉogʉ ĩcʉ̃no abiro sãĩñabogawi: Topʉare Manigʉ̃ basocare cʉ̃cã boriwãmepe tiñerõcã ticapeicã, cʉ̃cã tirugarere acutamasĩña manicapetacãrã ¿dairo binigʉ̃ basocʉre mʉ wapa cʉogʉ ña ĩgʉagari?#2Cr 20:6; Job 23:13; Dn 4:35. 20Yʉ cʉ̃rẽ abiro ĩ yʉboga: mʉ ñerũwʉ̃nojoro niheri Manigʉ̃cã tigʉda ĩriwãmerã cʉ̃cã tirere ¿dairo tigʉ tairo yari? ĩmasĩbogʉ. Sotʉbʉcʉrʉ tirʉre werigʉre ¿dairo tigʉ yʉre tairo yari? ĩmasĩheriga.#Is 29:16; 64:8. 21Dimena weribasocʉ dibʉrʉamena cʉ̃cã boriwãme timasĩwĩ. Tairo tigʉ ĩcãrʉ cʉ̃cã bosebʉrecorimena wado ñeãtirʉre tirugagʉ tirʉre timasĩgawi. Tiwãmerã tibʉrʉamenarã cʉ̃cã bʉrecoricãrõ ñeãtirʉre tirugagʉ tirʉre timasĩgawi. Weribasocʉcã dimena cʉ̃cã tirora abirora Manigʉ̃cã basocare cʉ̃cã tirugarora abirora yawí.#Pr 16:4; Jer 18:6; 2Tm 2:20. 22Manigʉ̃ tora abiro nigʉ̃ ninigʉ̃ basocacã cʉ̃jãcã ñañarẽ tirecʉtire wapamena ñañarõ ticõãyo, pecamepʉ cõãyoana nimocãcapetacãrã cʉ̃jãrẽ cʉ̃ye tutuarere eñogʉ̃ bʉtoro ñañarõ ticõãmasĩboarigʉ nicapeicã buripe nʉcãrẽmena patacãrõ manirõ tairo ĩñamocãrigʉ niwĩ marĩcʉ̃.#2:4; 1Ts 5:9; 1Pe 2:8; Jud 1:4. 23Buripe cʉ̃cã tiere tairo tirodocara marĩrẽ cametʉorugagʉ cʉ̃ye paca maĩrẽrẽ, cʉ̃ye tutuarere eñorigʉ niwĩ. Tairo tirigʉ niwĩ marĩrẽ cʉ̃cã bopacaĩñarẽmena ĩñayorapere cʉ̃cã ñucametʉagʉ nirẽrẽ masĩãro ĩgʉ̃. Cʉ̃ merẽ marĩrẽ mamarõpʉra cʉ̃ye bopacaĩñarẽmena marĩrẽ besesiarigʉ niwĩ cʉ̃mena tairo nirucũmocãnarã nirã eañerõcã tigʉ.#2:4; 8:29-30; Ef 1:7; Col 1:27. 24Tiere tigʉ ãnijã wadorena tairo tigʉda ĩheririgʉ niwĩ. Buripe judío basocare, judío basoca niheracãrẽ siorigʉ niwĩ cʉ̃yamacã macãrãrã nirã earo ĩgʉ̃.#3:29. 25Manigʉ̃ye wederucũrẽrẽ ojayoriapũpʉ cʉ̃yere wedesʉgueribasocʉ Oseas abiro ĩ ojasiarigʉ niwĩ merẽ: «Ya macã macãrã niherimiriararena ya macã macãrãrã niñerõcã tigʉacu; yʉcã maĩheririararena yʉcã maĩrãrã niñerõcã tigʉacu» ĩwĩ ĩ ojarigʉ niwĩ.#Os 2:23; 1Pe 2:10. 26Ĩñerõcã torena aperore «“mʉjã ya macã macãrãmerã ña” yʉcã ĩyoridita macãrãpʉcãrẽ tairora “Manigʉ̃ catirucũgʉ̃ pũnarã ñawã” ĩyora niñerõcã tigʉacu»#Os 1:10. ĩwĩ ĩ ojarigʉ niwĩ. 27Tairo ña judío basoca niheraye maquẽrẽ wederepe. Buri Israelyabumacãrãye maquẽpere Manigʉ̃yere wedesʉgueribasocʉ Isaíacã abiro ĩ ojarigʉ niwĩ: «Israel pãrãmerã nitutiaracã ditatuparigʉ maquẽ paje ditatuparira abiro pajʉ nicapetacã nocʉ̃gãmerã cametʉoyoroagawa.#Gn 2:17; Is 10:22-23; Ro 11:5; Os 1:10. 28Merẽ Nirũpʉ̃ cʉ̃cã ĩriarora abirora queoro tigʉ nocãrõgãmerã atibʉreco macãrã nipetirare ñañarõ tigʉagawi»#Is 28:22. ĩ ojarigʉ niwĩ. 29Tiemaquẽrẽna Isaíara tosʉgueropʉre abiro ĩ wede ojasʉguesiarigʉ niwĩ merẽ: «Manigʉ̃ nipetiresotoa tutuacametʉanʉcãgʉ̃cã marĩ ñecʉ̃sʉmʉã nitutiarare nocʉ̃gãmerẽna cametʉoheririasiropʉare marĩ nipetira judío basocacã Sodomarã abiro, Gomorrara abiro cõãyoriarapʉ niboga»#Is 1:9; 13:19; Jer 50:40. ĩ ojarigʉ niwĩ.

Judío basocacã Jesucristore wedewõhere

30¿Marĩ atiere dairo ĩ yapatiroagari? Abiro ña. Judío basoca nihera cʉ̃jãcã Manigʉ̃rẽ “mʉjã ñurã wapa cʉoherara abiro nirã ña” ĩrẽrẽ amahericapetacã buripe cʉ̃jãcã Jesucristore wedewõrẽ cʉoremenape Manigʉ̃ cʉ̃jãrẽ ñurã wapa cʉoherara abiro nirã eañerõcã yawí.#Ga 2:16; Heb 11:7. 31Buri judío basocapere Manigʉ̃ “mʉjã ñurã wapa cʉoherara abiro nirã ña” ĩheririgʉ niwĩ cʉ̃jãcã cʉ̃jãbasurupera Moisére dotire cũriguere queoro tipetirugarucũrẽmenape Manigʉ̃rẽ “mʉjã ñurã wapa cʉoherara abiro ña” ĩrẽrẽ amarã niñerõcã.#10:2-3; Ga 5:4. 32¿Dairo tigʉ Manigʉ̃ cʉ̃jãrẽ mʉjã ñurã wapa cʉoherara abiro ña ĩheriyuri? Cʉ̃jã cʉ̃jãcã tiremenape Manigʉ̃rẽ “mʉjã ñurã wapa cʉoherara abiro ña” ĩñerõcãpere bora tiyura; Jesucristore wedewõrẽmenape Manigʉ̃rẽ “mʉjã ñurã wapa cʉoherara abiro ña” ĩrẽpere amaheriyura. Tairo tigʉ Cristo cʉ̃jãrẽ ĩcã ʉ̃tãpe cʉ̃jãcã dʉpotua ñacũmuãyoripera abiro pʉtʉarigʉ niwĩ.#1Pe 2:6, 8. 33Manigʉ̃ye wederucũrẽrẽ ojayoriapũpʉra merẽ abiro ĩ ojayo: «Ĩñaña yʉ Jerusalénpʉre ĩcã ʉ̃tãpe cũ. Pajʉ cʉ̃rẽ wedewõherape tipemena dʉpotua ñarãrã abiro nirãgawa; buri cʉ̃rẽ wedewõrãpere Manigʉ̃ “mʉjã burijorora cʉ̃rẽ wedewõwʉ̃” ĩherigawi»#Is 28:16; Mt 21:42; Ro 10:11. ĩ ojayoyu.

Currently Selected:

Romanos 9: yui

Highlight

Copy