Mateo 18
18
Manigʉ̃cã cʉ̃yarare dotiropʉre wapacʉticametʉanʉcãgʉ̃ye maquẽ
(Mc 9:33-37; Lc 9:46-48)
1Tibʉrecora ʉ̃sã Jesús buera cʉ̃ cʉtiro wa, cʉ̃rẽ abiro ĩ sãĩñawʉ̃:
—¿Noã ʉ̃sãwatoare Manigʉ̃cã cʉ̃yarare dotiropʉre ãpẽrãsotoa wapacʉticametʉagʉ ñarĩ?
2Ʉ̃sãcã tairo ĩñerõcã tʉogʉ Jesús ĩcʉ̃ wĩmagʉ̃rẽ pisuco, ʉ̃sãdecopʉ wejenʉcõ 3ʉ̃sãrẽ ĩwĩ:
—Yʉ mʉjãrẽ atiere diamacãrã wedegʉda. Mʉjãcã nirẽcʉtirere wasoahera, wĩmarãrã abiro ‘ʉ̃sã ãpẽrãsotoa niheri’ ĩ wãcũrẽrẽ cʉohera, icãta pẽrõgãno Manigʉ̃cã cʉ̃yarare dotiropʉre sãwaheriga.
4”Buripe doca ãni wĩmagʉ̃rã abiro ãpẽrãsotoa nirẽrẽ wãcũhegʉnope Manigʉ̃cã cʉ̃yarare dotiropʉre ãpẽrãsotoa wapacʉticametʉanʉcãgʉ̃ ñawĩ. 5Ĩcʉ̃ yagʉre ãni wĩmagʉ̃rã abiro nigʉ̃rẽ ya wãmemena ñurõ boca ñegʉ̃ yʉrena ñurõ boca ñegʉ̃ yawí.
Jesúcã “Ãpẽrãrẽ ñañarẽrẽ tiñerõcã tiherimocãña” ĩrẽ
(Mc 9:42-48; Lc 17:1-2)
6”Buri ĩcʉ̃norẽ yʉre wedewõrãrẽ ãnijã wĩmarãrã abiro nirãrẽ cʉ̃jãrẽ ñañarẽrẽ tiñerõcã tigʉnorẽ bʉtoro ñañacametʉaro waroacu. Tairo tiro cʉ̃cã ãpẽrãrẽ ñañarẽrẽ tiñerõcã tiato sʉgueropʉra basoca cʉ̃pe docare ʉ̃tãpe pairipemena cʉ̃ya wãmʉãnʉcõpʉ siatutu, dia pairiya ʉ̃cʉ̃ãrõpʉ duanecoñerõcã ñujoboyu. 7Basocare ñañarẽrẽ tiñerõcã tire nirucũmocãrõãcu. Tairo nirucũcapetacã ãpẽrãrẽ ñañarẽrẽ tiñerõcã tigʉnope ñañarõjoro tiyogʉagawi. 8Mʉjãrẽ diamacãrã wede. Nipetire mʉjãcã atiditapʉre ‘tairo niheriga’ ĩrẽ, tairora ʉmʉãwesepʉcãrẽ Manigʉ̃cã ‘tairo niheriga’ ĩyore nirõãcu. Ĩñerõcã nipetire atiditapʉre mʉjãcã ‘tairora nirõãcu’ ĩrẽ, tairora ʉmʉãwesepʉcãrẽ Manigʉ̃cã ‘tairora nirõãcu’ ĩyore nirõãcu. 9Cotoarora mʉrẽ mʉya cape ñañarẽrẽ sio tiñerõcã ticapere bʉawecõãmocãña. Atiditapʉre mʉrẽ ĩcã capere ticapecã ñañarẽrẽ sio tirewapa ditiremena, ĩcã capemenarã Manigʉ̃ cʉtiropʉ wañerõcã ñujoroacu. Buripe pʉacapemenape petiheri pecamepʉ cõãyoronorẽ tigʉ.
Jesúcã oveja ditirigʉmena queore buerigue
(Lc 15:3-7)
10”Ãnijã wĩmarãrẽ ĩcʉ̃noperena buri ĩñacõãherimocãña. Yʉ mʉjãrẽ wede: Ʉmʉãwesepʉre Manigʉ̃rẽ wedecotera ãnijãgãrẽ cotera yʉpacʉmena nirucũmocãwã cʉ̃cã cʉ̃jãrẽ titamudotirere tiradara.
11”Yʉ Nipetira Sõwʉ̃ petiheri pecamepʉ waditiboariarare cametʉogʉ watigʉ tiwʉ.#18:11 Ĩcãye ojayorigue anorẽ cʉoheri. Apeye cʉo. Ĩñaña Lc 19:10.
12”¿Mʉjã atiere dairo wãcũrĩ? ¿Ĩcʉ̃ ovejare coteribasocʉ cien oveja cʉogʉ, cʉ̃rẽ ĩcʉ̃ oveja ditiñerõcã ĩñagʉ̃, ãpẽrã noventa y nuevepere buropʉ quenocũmocã oveja ditiarigʉre amagʉ̃ waherigarĩ? 13Mʉjãrẽ diamacãrã wede: Cʉ̃rẽ bʉagʉ, ãpẽrã oveja noventa y nueve ditiheriariarasotoape ĩcʉ̃ oveja ditiarigʉmenape bʉtoro ʉseagawi. 14Anorã abirora marĩ Pacʉ ʉmʉãwesepʉ nigʉ̃cã wĩmarãrẽ icãta ĩcʉ̃norẽ ditiñerõcã boheriwi.
Acõbore maquẽ
(Lc 17:3)
15”Mʉyagʉ mʉrẽ ñañarõ tiñerõcã ãpẽrã tʉoheropʉ cʉ̃mena wadora wa ‘mʉ ñañarõ tiawʉ’ ĩ wederucũña. Cʉ̃cã tora abiro ñañarõ tiariguere tʉomasĩgʉ̃ ea, ñurõmena ‘Tairora ña. Yʉ mʉrẽ ñañarõ tiatiwʉ; yʉre tiere acõboya’ ĩ yʉñerõcã mʉjã upatuti ʉsea, came wederucũrõãcu tamʉ. 16Buri cʉ̃cã tʉorugaheriñerõcã ĩcʉ̃ o pʉ̃ãrãrẽ sio, upatuti cʉ̃ cʉtiropʉ waya. Topʉ cʉ̃jãcã tʉocoropʉ cʉ̃cã mʉrẽ ñañarõ tiariguere wedeya. Tairo tiñerõcã cʉ̃ ĩcʉ̃ o cʉ̃jã pʉ̃ãrã ‘cʉ̃cã ĩrõrã abirora ña’ ĩmasĩrõãgawa. Tora abiro tigʉ Manigʉ̃ye wederucũrẽ ojariapũpʉ dotirora abiro queoro tigʉ tigʉacu. 17Cʉ̃jãcãrẽ cʉ̃cã tʉorugaheriñerõcã nipetira yʉre wedewõrã neãporopʉ cʉ̃cã ñañarẽ tiariguere wedeya. Cʉ̃jãcã tʉocoropʉcãrẽ cʉ̃cã tʉorugaheriñerõcã docare cʉ̃rẽ ĩcʉ̃ Manigʉ̃rẽ wedewõhegʉre ĩñarĩwãme o Roma macãrã nirũpʉ̃rẽ niyeru wapasebosaribasocʉ ñañagʉ̃rẽ ĩñarĩwãme ĩñaña.
18”Mʉjãrẽ diamacãrã wede. Nipetire mʉjãcã atiditaropʉre ‘tairo niheriga’ ĩrẽ tairora ʉmʉãwesepʉcãrẽ Manigʉ̃cã ‘tairo niheriga’ ĩyore nirõãcu. Ĩñerõcã nipetire atiditaropʉre mʉjãcã ‘tairora nirõãcu’ ĩrẽ tairora ʉmʉãwesepʉcãrẽ Manigʉ̃cã ‘tairora nirõãcu’ ĩyore nirõãcu.
19”Apeyecãrẽ mʉjãrẽ wede. Atiditapʉre no pʉ̃ãrã ĩcãrõpe wãcũrẽmena ‘Manigʉ̃rẽ atiere sãĩrãda’ ĩ sãĩñerõcã yʉpacʉ ʉmʉãwesepʉ nigʉ̃ mʉjãcã sãĩrẽnorẽna nʉnigʉagawi. 20Yʉre wedewõrã pʉ̃ãrã o itiãrã no cʉ̃jãcã neãporo yʉ cʉ̃jãmenarã tora ña ―ĩwĩ Jesús.
21Cʉ̃cã tairo ĩñerõcã tʉogʉ Pedrope Jesús cʉtiro wa cʉ̃rẽ abiro ĩ sãĩñawĩ:
—Yʉ Nirũpʉ̃, yagʉ yʉre ñañarẽrẽ tirecãrõ cʉ̃rẽ acõborucũmocã. ¿Topʉare noquẽrĩjoro cʉ̃cã yʉre ñañarẽrẽ tiñerõcã acõbobogari? ¿Cʉ̃cã yʉre ñañarẽ tirere sieterijorora acõbotʉogʉagari? ―ĩwĩ.
22Jesús cʉ̃rẽ yʉwi:
—Mʉrẽ ‘sieterijorora acõboya’ ĩheri. Buripe ‘Cʉ̃cã mʉrẽ ñañarẽrẽ tirecãrõ acõboya’ ĩ.
Jesúcã ĩcʉ̃ padedecoteribasocʉ acõborugaheririgʉmena queore wederigue
23”Tairo tiro mʉrẽ acõboro bo. Manigʉ̃cã cʉ̃yarare dotire atie queorera abiro ña: Ĩcʉ̃ nirũpʉ̃ cʉ̃ya ditare padedecoteribasocare cʉ̃jãcã cʉ̃rẽ wapamorẽrẽ wapatira eañerõcã boyugʉ cʉ̃jãcã wãcũpʉtʉariarora abiro. 24Cʉ̃jãcã cʉ̃rẽ wapamorẽrẽ cʉ̃cã quenosocoriwatoa ãpẽrãpe ãpĩ cʉ̃rẽ padedecotegʉrena niyeru pairo wapamocametʉanʉcãgʉ̃rẽ cʉ̃ cʉtiro nejeayura. 25Cʉ̃cã wapamorẽrẽ ñenomena wapatimasĩheriñerõcã ĩñagʉ̃ nirũpʉ̃ ãpẽrã cʉ̃rẽ padedecoterare: ‘Cʉ̃rẽ, cʉ̃ nʉmorẽ, cʉ̃pũnarẽ, cʉ̃cã cʉore nipetiremena ãpẽrãrẽ ĩcʉ̃ dotiepeyoribasocʉra abiro duaya. Tie wapamenapʉ cʉ̃cã yʉre wapamorẽrẽ wapatigʉagawi’ ĩyugʉ. 26Tairo ĩñerõcã tʉogʉ padedecoteribasocʉ pairo wapamogʉ̃pe boyeromena cʉ̃ nirũpʉ̃ cʉtiro ãsʉ̃rʉ̃poperimena eacumuã, cʉ̃rẽ bʉtoro abiro ĩ sãĩyugʉ: ‘Yʉ Nirũpʉ̃, mʉ yʉre pẽrõ bopacaĩñarẽmena yueya marĩcʉ̃. Nipetire yʉcã mʉrẽ wapamorẽrẽ wapatipetimocãgʉda’ ĩyugʉ. 27Nirũpʉ̃pe cʉ̃cã tairo ĩñerõcã tʉogʉ cʉ̃rẽ padedecotegʉre bopacaĩñagʉ̃ cʉ̃cã wapamorẽrẽ acõbomocãyugʉ. Tairo tigʉ ‘Ñurõãcu. Mʉcã wapamorẽrẽ wapatihegʉcã, wapamohegʉ pʉtʉaya’ ĩyugʉ.
28”Buri cʉ̃ padedecoteribasocʉ tore witiagʉra ãpĩ cʉ̃menamacʉ̃ padedecoteribasocʉre cʉ̃rẽ pẽrõgã cien niyerutirigãrã wapamogʉ̃rẽ bʉajeayugʉ. Cʉ̃rẽ bʉajeagʉ, mata cʉ̃ya wãmʉãnʉcõpʉ ñe: ‘Mʉcã yʉre wapamorẽrẽ boyeromena wapatisiroticoya’ ĩyugʉ. 29Cʉ̃cã tairo ĩñerõca tʉogʉ cʉ̃menamacʉ̃pe cʉ̃ cʉtiro ãsʉ̃rʉ̃poperimena eacumuwa, cʉ̃rẽ bʉtoro abiro ĩ sãĩyugʉ: ‘Mʉ yʉre pẽrõ bopacaĩñarẽmena yueya marĩcʉ̃. Nipetire yʉcã mʉrẽ wapamorẽrẽ wapatipetimocãgʉda’ ĩyugʉ. 30Cʉ̃cã tairo ĩ sãĩcapetacãrã cʉ̃pe icãta boheriyugʉ. Buripe nirũpãrãpʉre wedesã, peresupʉ sonedotiyugʉ. ‘Yʉre cʉ̃ wapamowĩ. Cʉ̃cã tiere wapatipetiñerõcãpʉ cʉ̃rẽ wiocoya’ ĩyugʉ. 31Ãpẽrã padedecoteribasocape pairo wapamoãrigʉ pẽrõgã wapamogʉ̃pere tora abiro tiñerõcã ĩñarã bʉtoro wãcũpasʉti cʉ̃cã tairo tiarigue nipetirere cʉ̃jã nirũpʉ̃pʉre wedera wayura. 32Tiere tʉogʉ cʉ̃jã nirũpʉ̃ pairo wapamomoãrigʉre siodotico, cʉ̃rẽ abiro ĩyugʉ: ‘Mʉ padedecoteribasocʉ ñañacametʉanʉcãgʉ̃rẽ mʉcã yʉre sãĩñerõcã mʉcã pairo yʉre wapamomoãriguere yʉ mʉrẽ acõbopetiawʉ. 33¿Dairo tigʉ mʉpe yʉcã mʉrẽ bopacaĩñariarora abirora cʉ̃ mʉmenamacʉ̃cãrẽ pẽrõgãno bopacaĩñaherijomocãrĩ?’ ĩyugʉ. 34Nirũpʉ̃ cʉ̃mena bʉtoro cuagʉ peresu nirãrẽ coteribasocapʉre wiyoyugʉ. ‘Cʉ̃rẽ bʉtoro ñañarõ tiya. Pʉ cʉ̃cã wapamorẽrẽ wapatipetiropʉ ñañarõ tiduya’ ĩyugʉ ―ĩ wedewi Jesús. 35Siro Jesús abiro ĩrẽmena wedetuwacowi:
—Mʉjãmenacãrẽ yʉpacʉ ʉmʉãwesepʉ nigʉ̃ anorã abirora ĩcʉ̃ ĩcʉ̃mena tigʉagawi mʉjãcã mʉjãyarare ñurĩ yeripũnamena bopacaĩña, acõboheriñerõcã ―ĩwĩ.
Currently Selected:
Mateo 18: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Mateo 18
18
Manigʉ̃cã cʉ̃yarare dotiropʉre wapacʉticametʉanʉcãgʉ̃ye maquẽ
(Mc 9:33-37; Lc 9:46-48)
1Tibʉrecora ʉ̃sã Jesús buera cʉ̃ cʉtiro wa, cʉ̃rẽ abiro ĩ sãĩñawʉ̃:
—¿Noã ʉ̃sãwatoare Manigʉ̃cã cʉ̃yarare dotiropʉre ãpẽrãsotoa wapacʉticametʉagʉ ñarĩ?
2Ʉ̃sãcã tairo ĩñerõcã tʉogʉ Jesús ĩcʉ̃ wĩmagʉ̃rẽ pisuco, ʉ̃sãdecopʉ wejenʉcõ 3ʉ̃sãrẽ ĩwĩ:
—Yʉ mʉjãrẽ atiere diamacãrã wedegʉda. Mʉjãcã nirẽcʉtirere wasoahera, wĩmarãrã abiro ‘ʉ̃sã ãpẽrãsotoa niheri’ ĩ wãcũrẽrẽ cʉohera, icãta pẽrõgãno Manigʉ̃cã cʉ̃yarare dotiropʉre sãwaheriga.
4”Buripe doca ãni wĩmagʉ̃rã abiro ãpẽrãsotoa nirẽrẽ wãcũhegʉnope Manigʉ̃cã cʉ̃yarare dotiropʉre ãpẽrãsotoa wapacʉticametʉanʉcãgʉ̃ ñawĩ. 5Ĩcʉ̃ yagʉre ãni wĩmagʉ̃rã abiro nigʉ̃rẽ ya wãmemena ñurõ boca ñegʉ̃ yʉrena ñurõ boca ñegʉ̃ yawí.
Jesúcã “Ãpẽrãrẽ ñañarẽrẽ tiñerõcã tiherimocãña” ĩrẽ
(Mc 9:42-48; Lc 17:1-2)
6”Buri ĩcʉ̃norẽ yʉre wedewõrãrẽ ãnijã wĩmarãrã abiro nirãrẽ cʉ̃jãrẽ ñañarẽrẽ tiñerõcã tigʉnorẽ bʉtoro ñañacametʉaro waroacu. Tairo tiro cʉ̃cã ãpẽrãrẽ ñañarẽrẽ tiñerõcã tiato sʉgueropʉra basoca cʉ̃pe docare ʉ̃tãpe pairipemena cʉ̃ya wãmʉãnʉcõpʉ siatutu, dia pairiya ʉ̃cʉ̃ãrõpʉ duanecoñerõcã ñujoboyu. 7Basocare ñañarẽrẽ tiñerõcã tire nirucũmocãrõãcu. Tairo nirucũcapetacã ãpẽrãrẽ ñañarẽrẽ tiñerõcã tigʉnope ñañarõjoro tiyogʉagawi. 8Mʉjãrẽ diamacãrã wede. Nipetire mʉjãcã atiditapʉre ‘tairo niheriga’ ĩrẽ, tairora ʉmʉãwesepʉcãrẽ Manigʉ̃cã ‘tairo niheriga’ ĩyore nirõãcu. Ĩñerõcã nipetire atiditapʉre mʉjãcã ‘tairora nirõãcu’ ĩrẽ, tairora ʉmʉãwesepʉcãrẽ Manigʉ̃cã ‘tairora nirõãcu’ ĩyore nirõãcu. 9Cotoarora mʉrẽ mʉya cape ñañarẽrẽ sio tiñerõcã ticapere bʉawecõãmocãña. Atiditapʉre mʉrẽ ĩcã capere ticapecã ñañarẽrẽ sio tirewapa ditiremena, ĩcã capemenarã Manigʉ̃ cʉtiropʉ wañerõcã ñujoroacu. Buripe pʉacapemenape petiheri pecamepʉ cõãyoronorẽ tigʉ.
Jesúcã oveja ditirigʉmena queore buerigue
(Lc 15:3-7)
10”Ãnijã wĩmarãrẽ ĩcʉ̃noperena buri ĩñacõãherimocãña. Yʉ mʉjãrẽ wede: Ʉmʉãwesepʉre Manigʉ̃rẽ wedecotera ãnijãgãrẽ cotera yʉpacʉmena nirucũmocãwã cʉ̃cã cʉ̃jãrẽ titamudotirere tiradara.
11”Yʉ Nipetira Sõwʉ̃ petiheri pecamepʉ waditiboariarare cametʉogʉ watigʉ tiwʉ.#18:11 Ĩcãye ojayorigue anorẽ cʉoheri. Apeye cʉo. Ĩñaña Lc 19:10.
12”¿Mʉjã atiere dairo wãcũrĩ? ¿Ĩcʉ̃ ovejare coteribasocʉ cien oveja cʉogʉ, cʉ̃rẽ ĩcʉ̃ oveja ditiñerõcã ĩñagʉ̃, ãpẽrã noventa y nuevepere buropʉ quenocũmocã oveja ditiarigʉre amagʉ̃ waherigarĩ? 13Mʉjãrẽ diamacãrã wede: Cʉ̃rẽ bʉagʉ, ãpẽrã oveja noventa y nueve ditiheriariarasotoape ĩcʉ̃ oveja ditiarigʉmenape bʉtoro ʉseagawi. 14Anorã abirora marĩ Pacʉ ʉmʉãwesepʉ nigʉ̃cã wĩmarãrẽ icãta ĩcʉ̃norẽ ditiñerõcã boheriwi.
Acõbore maquẽ
(Lc 17:3)
15”Mʉyagʉ mʉrẽ ñañarõ tiñerõcã ãpẽrã tʉoheropʉ cʉ̃mena wadora wa ‘mʉ ñañarõ tiawʉ’ ĩ wederucũña. Cʉ̃cã tora abiro ñañarõ tiariguere tʉomasĩgʉ̃ ea, ñurõmena ‘Tairora ña. Yʉ mʉrẽ ñañarõ tiatiwʉ; yʉre tiere acõboya’ ĩ yʉñerõcã mʉjã upatuti ʉsea, came wederucũrõãcu tamʉ. 16Buri cʉ̃cã tʉorugaheriñerõcã ĩcʉ̃ o pʉ̃ãrãrẽ sio, upatuti cʉ̃ cʉtiropʉ waya. Topʉ cʉ̃jãcã tʉocoropʉ cʉ̃cã mʉrẽ ñañarõ tiariguere wedeya. Tairo tiñerõcã cʉ̃ ĩcʉ̃ o cʉ̃jã pʉ̃ãrã ‘cʉ̃cã ĩrõrã abirora ña’ ĩmasĩrõãgawa. Tora abiro tigʉ Manigʉ̃ye wederucũrẽ ojariapũpʉ dotirora abiro queoro tigʉ tigʉacu. 17Cʉ̃jãcãrẽ cʉ̃cã tʉorugaheriñerõcã nipetira yʉre wedewõrã neãporopʉ cʉ̃cã ñañarẽ tiariguere wedeya. Cʉ̃jãcã tʉocoropʉcãrẽ cʉ̃cã tʉorugaheriñerõcã docare cʉ̃rẽ ĩcʉ̃ Manigʉ̃rẽ wedewõhegʉre ĩñarĩwãme o Roma macãrã nirũpʉ̃rẽ niyeru wapasebosaribasocʉ ñañagʉ̃rẽ ĩñarĩwãme ĩñaña.
18”Mʉjãrẽ diamacãrã wede. Nipetire mʉjãcã atiditaropʉre ‘tairo niheriga’ ĩrẽ tairora ʉmʉãwesepʉcãrẽ Manigʉ̃cã ‘tairo niheriga’ ĩyore nirõãcu. Ĩñerõcã nipetire atiditaropʉre mʉjãcã ‘tairora nirõãcu’ ĩrẽ tairora ʉmʉãwesepʉcãrẽ Manigʉ̃cã ‘tairora nirõãcu’ ĩyore nirõãcu.
19”Apeyecãrẽ mʉjãrẽ wede. Atiditapʉre no pʉ̃ãrã ĩcãrõpe wãcũrẽmena ‘Manigʉ̃rẽ atiere sãĩrãda’ ĩ sãĩñerõcã yʉpacʉ ʉmʉãwesepʉ nigʉ̃ mʉjãcã sãĩrẽnorẽna nʉnigʉagawi. 20Yʉre wedewõrã pʉ̃ãrã o itiãrã no cʉ̃jãcã neãporo yʉ cʉ̃jãmenarã tora ña ―ĩwĩ Jesús.
21Cʉ̃cã tairo ĩñerõcã tʉogʉ Pedrope Jesús cʉtiro wa cʉ̃rẽ abiro ĩ sãĩñawĩ:
—Yʉ Nirũpʉ̃, yagʉ yʉre ñañarẽrẽ tirecãrõ cʉ̃rẽ acõborucũmocã. ¿Topʉare noquẽrĩjoro cʉ̃cã yʉre ñañarẽrẽ tiñerõcã acõbobogari? ¿Cʉ̃cã yʉre ñañarẽ tirere sieterijorora acõbotʉogʉagari? ―ĩwĩ.
22Jesús cʉ̃rẽ yʉwi:
—Mʉrẽ ‘sieterijorora acõboya’ ĩheri. Buripe ‘Cʉ̃cã mʉrẽ ñañarẽrẽ tirecãrõ acõboya’ ĩ.
Jesúcã ĩcʉ̃ padedecoteribasocʉ acõborugaheririgʉmena queore wederigue
23”Tairo tiro mʉrẽ acõboro bo. Manigʉ̃cã cʉ̃yarare dotire atie queorera abiro ña: Ĩcʉ̃ nirũpʉ̃ cʉ̃ya ditare padedecoteribasocare cʉ̃jãcã cʉ̃rẽ wapamorẽrẽ wapatira eañerõcã boyugʉ cʉ̃jãcã wãcũpʉtʉariarora abiro. 24Cʉ̃jãcã cʉ̃rẽ wapamorẽrẽ cʉ̃cã quenosocoriwatoa ãpẽrãpe ãpĩ cʉ̃rẽ padedecotegʉrena niyeru pairo wapamocametʉanʉcãgʉ̃rẽ cʉ̃ cʉtiro nejeayura. 25Cʉ̃cã wapamorẽrẽ ñenomena wapatimasĩheriñerõcã ĩñagʉ̃ nirũpʉ̃ ãpẽrã cʉ̃rẽ padedecoterare: ‘Cʉ̃rẽ, cʉ̃ nʉmorẽ, cʉ̃pũnarẽ, cʉ̃cã cʉore nipetiremena ãpẽrãrẽ ĩcʉ̃ dotiepeyoribasocʉra abiro duaya. Tie wapamenapʉ cʉ̃cã yʉre wapamorẽrẽ wapatigʉagawi’ ĩyugʉ. 26Tairo ĩñerõcã tʉogʉ padedecoteribasocʉ pairo wapamogʉ̃pe boyeromena cʉ̃ nirũpʉ̃ cʉtiro ãsʉ̃rʉ̃poperimena eacumuã, cʉ̃rẽ bʉtoro abiro ĩ sãĩyugʉ: ‘Yʉ Nirũpʉ̃, mʉ yʉre pẽrõ bopacaĩñarẽmena yueya marĩcʉ̃. Nipetire yʉcã mʉrẽ wapamorẽrẽ wapatipetimocãgʉda’ ĩyugʉ. 27Nirũpʉ̃pe cʉ̃cã tairo ĩñerõcã tʉogʉ cʉ̃rẽ padedecotegʉre bopacaĩñagʉ̃ cʉ̃cã wapamorẽrẽ acõbomocãyugʉ. Tairo tigʉ ‘Ñurõãcu. Mʉcã wapamorẽrẽ wapatihegʉcã, wapamohegʉ pʉtʉaya’ ĩyugʉ.
28”Buri cʉ̃ padedecoteribasocʉ tore witiagʉra ãpĩ cʉ̃menamacʉ̃ padedecoteribasocʉre cʉ̃rẽ pẽrõgã cien niyerutirigãrã wapamogʉ̃rẽ bʉajeayugʉ. Cʉ̃rẽ bʉajeagʉ, mata cʉ̃ya wãmʉãnʉcõpʉ ñe: ‘Mʉcã yʉre wapamorẽrẽ boyeromena wapatisiroticoya’ ĩyugʉ. 29Cʉ̃cã tairo ĩñerõca tʉogʉ cʉ̃menamacʉ̃pe cʉ̃ cʉtiro ãsʉ̃rʉ̃poperimena eacumuwa, cʉ̃rẽ bʉtoro abiro ĩ sãĩyugʉ: ‘Mʉ yʉre pẽrõ bopacaĩñarẽmena yueya marĩcʉ̃. Nipetire yʉcã mʉrẽ wapamorẽrẽ wapatipetimocãgʉda’ ĩyugʉ. 30Cʉ̃cã tairo ĩ sãĩcapetacãrã cʉ̃pe icãta boheriyugʉ. Buripe nirũpãrãpʉre wedesã, peresupʉ sonedotiyugʉ. ‘Yʉre cʉ̃ wapamowĩ. Cʉ̃cã tiere wapatipetiñerõcãpʉ cʉ̃rẽ wiocoya’ ĩyugʉ. 31Ãpẽrã padedecoteribasocape pairo wapamoãrigʉ pẽrõgã wapamogʉ̃pere tora abiro tiñerõcã ĩñarã bʉtoro wãcũpasʉti cʉ̃cã tairo tiarigue nipetirere cʉ̃jã nirũpʉ̃pʉre wedera wayura. 32Tiere tʉogʉ cʉ̃jã nirũpʉ̃ pairo wapamomoãrigʉre siodotico, cʉ̃rẽ abiro ĩyugʉ: ‘Mʉ padedecoteribasocʉ ñañacametʉanʉcãgʉ̃rẽ mʉcã yʉre sãĩñerõcã mʉcã pairo yʉre wapamomoãriguere yʉ mʉrẽ acõbopetiawʉ. 33¿Dairo tigʉ mʉpe yʉcã mʉrẽ bopacaĩñariarora abirora cʉ̃ mʉmenamacʉ̃cãrẽ pẽrõgãno bopacaĩñaherijomocãrĩ?’ ĩyugʉ. 34Nirũpʉ̃ cʉ̃mena bʉtoro cuagʉ peresu nirãrẽ coteribasocapʉre wiyoyugʉ. ‘Cʉ̃rẽ bʉtoro ñañarõ tiya. Pʉ cʉ̃cã wapamorẽrẽ wapatipetiropʉ ñañarõ tiduya’ ĩyugʉ ―ĩ wedewi Jesús. 35Siro Jesús abiro ĩrẽmena wedetuwacowi:
—Mʉjãmenacãrẽ yʉpacʉ ʉmʉãwesepʉ nigʉ̃ anorã abirora ĩcʉ̃ ĩcʉ̃mena tigʉagawi mʉjãcã mʉjãyarare ñurĩ yeripũnamena bopacaĩña, acõboheriñerõcã ―ĩwĩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.