Mateo 17
17
Jesús cʉ̃cã baurere wasoarigue
(Mc 9:2-13; Lc 9:28-36)
1Seis bʉrecorisiro Jesús cʉ̃ mena Pedrore, Santiagore, cʉ̃ baji Juanrẽ emʉãrĩburopʉ newʉmʉãwĩ topʉ cʉ̃jã wado nirãdara. 2Tiburosotoapʉ cʉ̃jãcã mʉãjeariasiro Jesús cʉ̃cã baurere wasoasuyugʉ.#17:2 Anorẽ Jesúre Pacʉpʉra niyugʉ cʉ̃cã baurere wasoañerõcã tigʉ. Cʉ̃ya wãnimacã bʉrecomacʉ̃ muĩpʉ̃ asibaterera abiro asiyayuro. Cʉ̃ye suticã ñurõ botire, bʉpo wãyoñerõcã ñurõ botire warera abiro baure wayuro. 3Tairo wariwatoa sʉguerimacãrãpʉ niriarare Moisére, Elíare Jesúmena wederucũrãrẽ ĩñayura. 4Tiere ĩñagʉ̃ Pedro Jesúre ĩyugʉ:
—Ʉ̃sã Nirũpʉ̃, marĩcã anopʉ niñerõcã ñucametʉasu. Mʉcã boñerõcã anorẽ itiawigã tigʉda: ĩcãwi mʉyawi, apewi Moiséyawi, apewi Elíayawi.
5Pedrocã tairo ĩ wederucũriwatoara ñurõ asibateri ʉ̃mebʉrʉa duiati cʉ̃jãrẽ tubiatoasuyuro. Ti ʉ̃mebʉrʉapʉmena ĩcã wederucũrẽrẽ abiro ĩ wederucũñerõcã tʉoyura:
—Ãnirã ñawĩ yʉmacʉ̃ yʉcã bʉtoro maĩyogʉ. Cʉ̃rã yʉcã beserigʉ ñawĩ. Cʉ̃cã wederucũrẽrẽ tʉoya ―ĩyuro.
6Tiere tʉora cʉ̃ buera bʉtoro ʉcʉara, ditaropʉ munibiacũmuãyura. Cuira icãta ĩñaemʉõcopãmaheriyura. 7Jesús cʉ̃jãrẽ ĩñagʉ̃ cʉ̃jã cʉtiropʉ wa, cʉ̃jãrẽ ñapeo “Wʉmʉnʉcãña; cuiherimocãña” ĩyugʉ.
8Topʉ munibiacõãriara, ĩñacora, ãpẽrãrẽ ĩñaheriyura. Jesús ĩcʉ̃rẽna ĩñayura.
9Tiburopʉ niãriara duiatiriwatoa Jesús cʉ̃jãrẽ “abiro tiroacu mʉjã” ĩ wedeyugʉ: —Marĩcʉoro mʉjãcã ĩñarĩguere marĩcʉ̃ icãta ãpẽrãrẽ wederamerã tiwa pʉ yʉ Nipetira Sõwʉ̃cã cõwõã masãmʉãriasiropʉ doca tiere wedeawa ―ĩyugʉ.
10Cʉ̃cã tairo ĩñerõcã cʉ̃ buera cʉ̃rẽ sãĩñayura: —¿Dairo tira Moisécã ojariguere bueribasoca ‘Manigʉ̃cã beseyorigʉ Cristocã watiatosʉguero Elías watisʉguegʉagawi’ ĩrĩ?
11Jesús cʉ̃jãrẽ yʉyugʉ:
—Queorora ña. Mʉjãcã ĩrõrã abirora Elíara watisʉguegʉagawi nipetirere quenoyuegʉdagʉ.#Mal 3:1; Is 40:3. 12Buri yʉpe mʉjãrẽ ĩgʉ̃da: Merẽ Elías easiawi. Cʉ̃cã eacapetacãrã basoca cʉ̃rẽ ĩñamasĩheriwa. Tairo tira cʉ̃jãcã tirugariwãme cʉ̃rẽ ñañarõ tisiawa. Tiwãmerã yʉ Nipetira Sõwʉ̃cãrẽ cʉ̃jã ñañacametʉaro cametʉañerõcã tiroagawa ―ĩyugʉ.
13Cʉ̃cã tairo ĩñerõcã tʉorapʉra cʉ̃ buera: “Cʉ̃ ‘Elías easiawi’ ĩgʉ̃, Juan basocare wãmeõtiribasocʉ nirigʉre ĩgʉ̃ yawí” ĩ tʉomasĩrã eayura.#Mal 4:5-6; Mt 3:3; Mc 1:2-3; Lc 1:17.
Jesúcã wĩmagʉ̃ wãtĩ sãyorigʉre cametʉorigue
(Mc 9:14-29; Lc 9:37-43)
14Pajʉ basoca nirõpʉ duijeañerõcã ĩcʉ̃ ʉmʉ̃ Jesús cʉtiropʉ ea, ãsʉ̃rʉ̃poperimena eacumuwa, cʉ̃rẽ ĩwĩ:
15—Yʉ Nirũpʉ̃, yʉmacʉ̃rẽ bopacaĩñaña. Cʉ̃ ñamadiare cʉogʉ, ñañacametʉaro cametʉaicãwĩ. Pajeri pecamepʉre ñacũmuãrucũĩcãwĩ; diapʉcãrẽ ñañuãrucũĩcãwĩ. 16Yʉ mʉ buerare cʉ̃rẽ neãtimoãwʉ̃. Cʉ̃jã cʉ̃rẽ ñujeañerõcã timasĩheriawa ―ĩwĩ.
17Cʉ̃cã tairo ĩñerõcã yʉgʉ Jesús cʉ̃jã nipetirapʉre abiro ĩwĩ:
—Mʉjã marĩcʉoro macãrã yʉre icãta wedewõrẽ cʉohera, diamacã maquẽrẽ icãta tʉomasĩhera ña. ¿Mʉjãcã yʉre wedewõrugahericapetacãrã nocãrõ yoariwatoapʉ mʉjãmena nigʉagari? ¿Mʉjãcã yʉre wedewõrugaherere nocãrõ yoariwatoa apõtĩõgʉagari yʉ? Cʉ̃ wĩmagʉ̃rẽ anope neãtiya ―ĩwĩ.
18Cʉ̃rẽ nejeañerõcã Jesús wĩmagʉ̃pʉre wãtĩ sãrigʉre witiadotiwi. Wãtĩ wĩmagʉ̃pʉre niãrigʉ witiaremenarã, wĩmagʉ̃ cametʉoyoarigʉpʉ pʉtʉawi. 19Siro ʉ̃sã cʉ̃ buera cʉ̃ cʉtiro wa ãpẽrã tʉoheropʉ cʉ̃rẽ sãĩñawʉ̃:
—¿Dairo tira ʉ̃sãpe cʉ̃ wãtĩrẽ cõãwiocomasĩheriayuri? ―ĩwʉ̃.
20Jesús ʉ̃sãrẽ yʉwi:
—Mʉjã Manigʉ̃rẽ pẽrõgã wedewõrẽ cʉora ninirã cʉ̃rẽ cõãwiocomasĩheriayu. Yʉ mʉjãrẽ diamacãrã wede. Mʉjã pẽrõ wedewõrẽ cʉorapʉa pẽrõ mostaza capegãrã abiro niñerõcãpʉare mʉjã atiburore: ‘anorẽ mʉcã nirõrẽ wũãwʉmuã, õpe nirõ waya’ ĩmasĩboga. Mʉjãcã dotiriwãmerã tiburo waboga. Mʉjãcã wedewõrẽ cʉoñerõcã nipetire timasĩrẽ wado nirõãcu. 21Buri ãnino wãtĩrẽ cõãwiocomasĩrõãcu, beti, Manigʉ̃rẽ bʉtoro ñubueremena wadora#17:21 Ĩcãye ojayorigue anorẽ cʉoheri. Apeye cʉo. Ĩñaña Mc 9:29. ―ĩwĩ.
Jesús cʉ̃cã cõwõãtere upatuti wedenemorigue
(Mc 9:30-32; Lc 9:43-45)
22Marĩcʉ̃ ʉ̃sãcã ĩcãrõmenarã Galilea ditapʉ camesãrĩwatoa Jesús ʉ̃sãrẽ ĩwĩ:
—Yʉ Nipetira Sõwʉ̃ ãpẽrãpʉre yʉre ĩñatutirapʉre wiyoyogʉacu. 23Cʉ̃jãpʉ yʉre sĩãcõãmocãrãgawa. Buri itiabʉrecosiromenarã masãmʉãsugʉacu tamʉ ―ĩwĩ.
Tiere tʉora ʉ̃sã cʉ̃ buera bʉtoro wãcũpasʉtira pʉtʉawʉ.
Manigʉ̃wi maquẽ niãte niyeru wapaserere sãĩñarigue
24Jesúcã, ʉ̃sã cʉ̃ bueramena Capernaúmpʉ eariasiro Manigʉ̃wi maquẽ niãtere niyeru wapaseribasoca Pedro cʉtiropʉ ea cʉ̃rẽ abiro ĩ sãĩñayura:
—¿Mʉjãrẽ buegʉ Manigʉ̃wi maquẽ niãtere niyeru wapatiri? ―ĩyura.#Ex 30:13; 28:26; Neh 10:32-33.
25Pedro cʉ̃jãrẽ:
—Wapatiwi ―ĩ yʉyugʉ.
Siro Pedrocã wipʉ nipetira nirõpʉ sãjeañerõcã Jesúpe cʉ̃rẽ wederucũsocogʉ cʉ̃rẽ sãĩñawĩ:
—Simón wedeya. ¿Tiere dairo ĩrĩ, mʉ? ¿Atidita macãrã nirũpãrã niyeru wapasera noãrẽ wapaseri? ¿Cʉ̃jãya dotiropupeapʉ nirãrẽ o apero dotiropupeapʉ nirãrẽ? ―ĩwĩ.
26Pedro cʉ̃rẽ yʉwi:
—Apero dotiropupeapʉ nirãrẽ wapatidotigawa ―ĩwĩ.
Jesús cʉ̃rẽ:
—Topʉare tairo niñerõcãpʉare cʉ̃jãya dotiropupeapʉ nirãrẽ wapaseherora abiro marĩ docare Manigʉ̃cã dotiropupeapʉ nirãrẽ nemorõrã wapatire manimiga. 27Buri tairo nicapetacãrã cʉ̃jãrẽ merĩã wãcũdotihera, wapatirada. Mʉ weriada nenigʉ̃, upatarapʉ wai sĩãgʉ̃ waya. Yasocogʉre sĩã, cʉ̃ya ʉseropʉre bʉawogʉ, topʉ ĩcã niyerutire bʉagʉacu. Titire nenigʉ̃, marĩ pʉ̃ãrãyere Manigʉ̃wi maquẽ niãtere wapaseribasocare wapatigʉ waya ―ĩwĩ.
Currently Selected:
Mateo 17: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Mateo 17
17
Jesús cʉ̃cã baurere wasoarigue
(Mc 9:2-13; Lc 9:28-36)
1Seis bʉrecorisiro Jesús cʉ̃ mena Pedrore, Santiagore, cʉ̃ baji Juanrẽ emʉãrĩburopʉ newʉmʉãwĩ topʉ cʉ̃jã wado nirãdara. 2Tiburosotoapʉ cʉ̃jãcã mʉãjeariasiro Jesús cʉ̃cã baurere wasoasuyugʉ.#17:2 Anorẽ Jesúre Pacʉpʉra niyugʉ cʉ̃cã baurere wasoañerõcã tigʉ. Cʉ̃ya wãnimacã bʉrecomacʉ̃ muĩpʉ̃ asibaterera abiro asiyayuro. Cʉ̃ye suticã ñurõ botire, bʉpo wãyoñerõcã ñurõ botire warera abiro baure wayuro. 3Tairo wariwatoa sʉguerimacãrãpʉ niriarare Moisére, Elíare Jesúmena wederucũrãrẽ ĩñayura. 4Tiere ĩñagʉ̃ Pedro Jesúre ĩyugʉ:
—Ʉ̃sã Nirũpʉ̃, marĩcã anopʉ niñerõcã ñucametʉasu. Mʉcã boñerõcã anorẽ itiawigã tigʉda: ĩcãwi mʉyawi, apewi Moiséyawi, apewi Elíayawi.
5Pedrocã tairo ĩ wederucũriwatoara ñurõ asibateri ʉ̃mebʉrʉa duiati cʉ̃jãrẽ tubiatoasuyuro. Ti ʉ̃mebʉrʉapʉmena ĩcã wederucũrẽrẽ abiro ĩ wederucũñerõcã tʉoyura:
—Ãnirã ñawĩ yʉmacʉ̃ yʉcã bʉtoro maĩyogʉ. Cʉ̃rã yʉcã beserigʉ ñawĩ. Cʉ̃cã wederucũrẽrẽ tʉoya ―ĩyuro.
6Tiere tʉora cʉ̃ buera bʉtoro ʉcʉara, ditaropʉ munibiacũmuãyura. Cuira icãta ĩñaemʉõcopãmaheriyura. 7Jesús cʉ̃jãrẽ ĩñagʉ̃ cʉ̃jã cʉtiropʉ wa, cʉ̃jãrẽ ñapeo “Wʉmʉnʉcãña; cuiherimocãña” ĩyugʉ.
8Topʉ munibiacõãriara, ĩñacora, ãpẽrãrẽ ĩñaheriyura. Jesús ĩcʉ̃rẽna ĩñayura.
9Tiburopʉ niãriara duiatiriwatoa Jesús cʉ̃jãrẽ “abiro tiroacu mʉjã” ĩ wedeyugʉ: —Marĩcʉoro mʉjãcã ĩñarĩguere marĩcʉ̃ icãta ãpẽrãrẽ wederamerã tiwa pʉ yʉ Nipetira Sõwʉ̃cã cõwõã masãmʉãriasiropʉ doca tiere wedeawa ―ĩyugʉ.
10Cʉ̃cã tairo ĩñerõcã cʉ̃ buera cʉ̃rẽ sãĩñayura: —¿Dairo tira Moisécã ojariguere bueribasoca ‘Manigʉ̃cã beseyorigʉ Cristocã watiatosʉguero Elías watisʉguegʉagawi’ ĩrĩ?
11Jesús cʉ̃jãrẽ yʉyugʉ:
—Queorora ña. Mʉjãcã ĩrõrã abirora Elíara watisʉguegʉagawi nipetirere quenoyuegʉdagʉ.#Mal 3:1; Is 40:3. 12Buri yʉpe mʉjãrẽ ĩgʉ̃da: Merẽ Elías easiawi. Cʉ̃cã eacapetacãrã basoca cʉ̃rẽ ĩñamasĩheriwa. Tairo tira cʉ̃jãcã tirugariwãme cʉ̃rẽ ñañarõ tisiawa. Tiwãmerã yʉ Nipetira Sõwʉ̃cãrẽ cʉ̃jã ñañacametʉaro cametʉañerõcã tiroagawa ―ĩyugʉ.
13Cʉ̃cã tairo ĩñerõcã tʉorapʉra cʉ̃ buera: “Cʉ̃ ‘Elías easiawi’ ĩgʉ̃, Juan basocare wãmeõtiribasocʉ nirigʉre ĩgʉ̃ yawí” ĩ tʉomasĩrã eayura.#Mal 4:5-6; Mt 3:3; Mc 1:2-3; Lc 1:17.
Jesúcã wĩmagʉ̃ wãtĩ sãyorigʉre cametʉorigue
(Mc 9:14-29; Lc 9:37-43)
14Pajʉ basoca nirõpʉ duijeañerõcã ĩcʉ̃ ʉmʉ̃ Jesús cʉtiropʉ ea, ãsʉ̃rʉ̃poperimena eacumuwa, cʉ̃rẽ ĩwĩ:
15—Yʉ Nirũpʉ̃, yʉmacʉ̃rẽ bopacaĩñaña. Cʉ̃ ñamadiare cʉogʉ, ñañacametʉaro cametʉaicãwĩ. Pajeri pecamepʉre ñacũmuãrucũĩcãwĩ; diapʉcãrẽ ñañuãrucũĩcãwĩ. 16Yʉ mʉ buerare cʉ̃rẽ neãtimoãwʉ̃. Cʉ̃jã cʉ̃rẽ ñujeañerõcã timasĩheriawa ―ĩwĩ.
17Cʉ̃cã tairo ĩñerõcã yʉgʉ Jesús cʉ̃jã nipetirapʉre abiro ĩwĩ:
—Mʉjã marĩcʉoro macãrã yʉre icãta wedewõrẽ cʉohera, diamacã maquẽrẽ icãta tʉomasĩhera ña. ¿Mʉjãcã yʉre wedewõrugahericapetacãrã nocãrõ yoariwatoapʉ mʉjãmena nigʉagari? ¿Mʉjãcã yʉre wedewõrugaherere nocãrõ yoariwatoa apõtĩõgʉagari yʉ? Cʉ̃ wĩmagʉ̃rẽ anope neãtiya ―ĩwĩ.
18Cʉ̃rẽ nejeañerõcã Jesús wĩmagʉ̃pʉre wãtĩ sãrigʉre witiadotiwi. Wãtĩ wĩmagʉ̃pʉre niãrigʉ witiaremenarã, wĩmagʉ̃ cametʉoyoarigʉpʉ pʉtʉawi. 19Siro ʉ̃sã cʉ̃ buera cʉ̃ cʉtiro wa ãpẽrã tʉoheropʉ cʉ̃rẽ sãĩñawʉ̃:
—¿Dairo tira ʉ̃sãpe cʉ̃ wãtĩrẽ cõãwiocomasĩheriayuri? ―ĩwʉ̃.
20Jesús ʉ̃sãrẽ yʉwi:
—Mʉjã Manigʉ̃rẽ pẽrõgã wedewõrẽ cʉora ninirã cʉ̃rẽ cõãwiocomasĩheriayu. Yʉ mʉjãrẽ diamacãrã wede. Mʉjã pẽrõ wedewõrẽ cʉorapʉa pẽrõ mostaza capegãrã abiro niñerõcãpʉare mʉjã atiburore: ‘anorẽ mʉcã nirõrẽ wũãwʉmuã, õpe nirõ waya’ ĩmasĩboga. Mʉjãcã dotiriwãmerã tiburo waboga. Mʉjãcã wedewõrẽ cʉoñerõcã nipetire timasĩrẽ wado nirõãcu. 21Buri ãnino wãtĩrẽ cõãwiocomasĩrõãcu, beti, Manigʉ̃rẽ bʉtoro ñubueremena wadora#17:21 Ĩcãye ojayorigue anorẽ cʉoheri. Apeye cʉo. Ĩñaña Mc 9:29. ―ĩwĩ.
Jesús cʉ̃cã cõwõãtere upatuti wedenemorigue
(Mc 9:30-32; Lc 9:43-45)
22Marĩcʉ̃ ʉ̃sãcã ĩcãrõmenarã Galilea ditapʉ camesãrĩwatoa Jesús ʉ̃sãrẽ ĩwĩ:
—Yʉ Nipetira Sõwʉ̃ ãpẽrãpʉre yʉre ĩñatutirapʉre wiyoyogʉacu. 23Cʉ̃jãpʉ yʉre sĩãcõãmocãrãgawa. Buri itiabʉrecosiromenarã masãmʉãsugʉacu tamʉ ―ĩwĩ.
Tiere tʉora ʉ̃sã cʉ̃ buera bʉtoro wãcũpasʉtira pʉtʉawʉ.
Manigʉ̃wi maquẽ niãte niyeru wapaserere sãĩñarigue
24Jesúcã, ʉ̃sã cʉ̃ bueramena Capernaúmpʉ eariasiro Manigʉ̃wi maquẽ niãtere niyeru wapaseribasoca Pedro cʉtiropʉ ea cʉ̃rẽ abiro ĩ sãĩñayura:
—¿Mʉjãrẽ buegʉ Manigʉ̃wi maquẽ niãtere niyeru wapatiri? ―ĩyura.#Ex 30:13; 28:26; Neh 10:32-33.
25Pedro cʉ̃jãrẽ:
—Wapatiwi ―ĩ yʉyugʉ.
Siro Pedrocã wipʉ nipetira nirõpʉ sãjeañerõcã Jesúpe cʉ̃rẽ wederucũsocogʉ cʉ̃rẽ sãĩñawĩ:
—Simón wedeya. ¿Tiere dairo ĩrĩ, mʉ? ¿Atidita macãrã nirũpãrã niyeru wapasera noãrẽ wapaseri? ¿Cʉ̃jãya dotiropupeapʉ nirãrẽ o apero dotiropupeapʉ nirãrẽ? ―ĩwĩ.
26Pedro cʉ̃rẽ yʉwi:
—Apero dotiropupeapʉ nirãrẽ wapatidotigawa ―ĩwĩ.
Jesús cʉ̃rẽ:
—Topʉare tairo niñerõcãpʉare cʉ̃jãya dotiropupeapʉ nirãrẽ wapaseherora abiro marĩ docare Manigʉ̃cã dotiropupeapʉ nirãrẽ nemorõrã wapatire manimiga. 27Buri tairo nicapetacãrã cʉ̃jãrẽ merĩã wãcũdotihera, wapatirada. Mʉ weriada nenigʉ̃, upatarapʉ wai sĩãgʉ̃ waya. Yasocogʉre sĩã, cʉ̃ya ʉseropʉre bʉawogʉ, topʉ ĩcã niyerutire bʉagʉacu. Titire nenigʉ̃, marĩ pʉ̃ãrãyere Manigʉ̃wi maquẽ niãtere wapaseribasocare wapatigʉ waya ―ĩwĩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.