Efesios 2

Cristomena Catire Cʉore

1Sʉgueropʉre mʉjã mʉjãcã Jesucristore wedewõãtosʉgueropʉre Manigʉ̃rẽ cametʉanʉcãrã ninirã, ñañarẽrẽ tirecʉtiriara ninirã Manigʉ̃cã ĩñacorore cõwõãriarara abiro nigatiyu.#Col 2:13. 2Mʉjã atibʉreco macãrãcã ñañarẽ tirere tiquetatura, cʉ̃jãrã abirora ñañarẽrẽ tirecʉtiriara niwʉ̃ wãtĩã nirũpʉ̃cã dotirepere, cʉ̃cã borepere tiquetatura. Cʉ̃rã cʉ̃yara wãtĩãrẽ, atibʉreco macãrã nipetira basocare Manigʉ̃rẽ cametʉonʉcãrãrẽ dotigʉ ñawĩ.#Jn 12:31; 2Co 4:4; Ef 4:27; 6:11-12, 16; Col 3:6-7. 3Tiwãmerã marĩ nipetirapʉra tosʉgueropʉre marĩcã Jesucristore wedewõãtosʉguerore cʉ̃jãrã abirora tirecʉti, nirẽcʉticucũwʉ̃. Nobore marĩpʉre ñañarẽ tirugare nirĩwãmerã, marĩya ũpʉ̃cã ñañarẽ tirugariwãmerã ĩñerõcã marĩye wãcũrẽpʉ ñañarẽ tirugare nirĩwãmerã tira nicucũwʉ̃. Queorojoropʉare ãpẽrãcã Manigʉ̃rẽ cʉ̃ye cuaremena ñañarõ tiyoanarã abiro marĩcã atieye wapara ñañarõ tiyoboanarã niriara nimiwʉ̃.#Ro 7:14-25; Ga 5:19-21; Col 3:6. 4Buri tairo nicapetacã Manigʉ̃pe bopacaĩñarẽ cʉocametʉagʉ ninigʉ̃ cʉ̃cã bʉtoro marĩrẽ maĩrẽ cʉoremenarã 5Cristore cõwõãrigʉpʉre masõ upatuti catire nʉniriarora abirora marĩcãrẽ Cristomena ĩcãrõ nirã eañerõcã ti, catire mamarẽ nʉnirigʉ niwĩ. Atiere anorã abiro tirigʉ niwĩ tocawatoapʉre marĩcã ñañarẽ tirigue wapamenarã cʉ̃cã ĩñacorore cõwõãriarara abiro nicapetacã. Tie cʉ̃cã mʉjãrẽ ñurõ tibosariguemena wadora mʉjã cametʉoyoriara ña.#Ro 5:6, 8; Col 2:13. 6Manigʉ̃ Jesucristore cõwõãrigʉpʉre masõriarora abirora marĩcãrẽ masõ ʉmʉãwesepʉ Jesucristomena ĩcãrõ dotiduianarã abiro niñerõcã tirigʉ niwĩ Cristocã topʉ dotiduirora abiro. Manigʉ̃ atiere abiro tirigʉ niwĩ marĩrẽ cʉ̃cã Cristomena ĩcãrõ nirã eañerõcã tiremena.#Ef 1:20; Mt 19:28; Ro 5:17; 8:37; Col 3:1; 2Tm 2:12; Ap 22:3-5. 7Atiwãmerã abiro cʉ̃cã marĩrẽ Jesucristomena ĩcãrõ nirã eañerõcã tiremena cʉ̃cã ĩñamaĩrẽrẽ marĩrẽ eñorigʉ niwĩ nipetirare, siropʉ macãrãcãrẽ cʉ̃cã ñurõ tiriguere “¡nipetiresotoa nicametʉanʉcãrẽ nocʉ̃ñepaca ñarĩ!” ĩ ĩñatora abiro. 8Manigʉ̃cã marĩrẽ ñurõ tibosariguemena wadora marĩ cametʉoyoriara niwʉ̃. Marĩcã Jesucristore wedewõrã earemena marĩrẽ tairo tirigʉ niwĩ. Marĩbasurupe marĩcã tiremena bʉariguemerã ña. Manigʉ̃basurupera marĩrẽ ñurõ tibosagʉ wapa bohegʉra cʉ̃cã marĩrẽ nʉni, cametʉorigue ña.#Ro 3:22-25; 4:5; 6:23; 9:16, 30; 1Pe 1:5. 9Marĩcã ñurẽrẽ tiriasiromerẽna marĩrẽ cametʉorigʉ niwĩ. Tairo tigʉ icãta ĩcʉ̃no “yʉcã ñurẽrẽ tirigue wapamenarã Manigʉ̃ yʉre cametʉowi” ĩboyemasĩherigawi.#Ro 3:27-28; 4:2, 5; 1Co 1:28-31; Ga 2:16; 2Tm 1:9; Tit 3:5. 10Cʉ̃ Manigʉ̃rã ñawĩ marĩrẽ marĩcʉoro anorã abiro nirãrẽ tirigʉ. Jesucristomena marĩcã ĩcãrõ nirã earemenarã marĩrẽ catire mamarẽ nʉnirigʉ niwĩ cʉ̃cã mamarõpʉra “tairo tigʉacu” ĩriarora abirora marĩrẽ ñurẽrẽ tairo tirucũmocãrãrã niãro ĩgʉ̃.

Manigʉ̃cã Cristomenarã judío basocare, judío basoca niherare ĩcãrõrã neõrĩgue

11Tairo tigʉ mʉjã judío basoca niherare judío basocare “cʉ̃jã ʉ̃sãrã abiro conerigʉ yapa macã caserore widetacõãrẽrẽ tiherinirã Manigʉ̃yamacã macãrãmerã ñawã” cʉ̃jãcã ĩyorare (tiecã sotoa ũpʉ̃ maquẽ wadore wasoa Manigʉ̃yamacã macãrã nirã eañerõcã tihericapetacã) “Jesucristore mʉjãcã wedewõrã eatosʉgueropʉ mʉjãcã niriguere wãcũña” ĩ.#Ro 2:28. 12Mʉjã ñurõ wãcũga. Tocawatoapʉre marĩcʉ̃ mʉjã Cristomena ĩcãrõ nihera, Israelyabumacãrãmenacãrẽ nihera tairora Manigʉ̃cã cʉ̃yamacã macãrãrẽ “mʉjãrẽ tairo tigʉda” ĩrigue pupeapʉcãrẽ nihera ĩñerõcã cʉ̃cã cʉ̃jãrẽ “mʉjãrẽ ñurõ wañerõcã tibosagʉda” ĩriguepʉcãrẽ nihera niriara niwʉ̃.#2:12 Anorẽ “mʉjãrẽ tairo tigʉda” ĩriguere pecamasãyemena pacto ĩrõ ya. Mʉjã atibʉrecopʉre “Manigʉ̃ ʉ̃sãrẽ cametʉogʉagawi” ĩrẽrẽ cʉohera, Manigʉ̃rẽ masĩhera niriara niwʉ̃.#Hch 3:25; Ro 9:4; Heb 8:8-13. 13Buri marĩcʉoropere mʉjã tosʉgueropʉre Manigʉ̃mena ñurõ niherimiriarare Manigʉ̃ mʉjãrẽ cʉ̃mena ñurõ nirã eañerõcã yawí. Merẽ mʉjã Jesucristomena ĩcãrõ nisia cʉ̃cã cõwõã cʉ̃ya dire mʉjãrẽ cõãbosarigue wapamena.#Ef 1:7-8; Col 1:20-22. 14Cʉ̃ Cristora marĩrẽ came ñurõ pʉtʉañerõcã yawí. Cʉ̃cã curusapʉ cõwõãriguemenarã ʉ̃sã judío basoca mʉjã judío basoca niheramena came ĩñatutiremena dicawatira niriguere necõã, pʉabumacãrãpʉ niriarare ĩcãmacã macãrãrã pʉtʉañerõcã tirigʉ niwĩ.#Jn 10:16. 15Judío basocaye dotirecã paje dotirere Cristo cʉ̃cã cõwõãriguemena wapamanirẽ pʉtʉañerõcã tirigʉ niwĩ tiemena marĩrẽ pʉabupʉ nimiriarare ĩcãbumacãrãrã pʉtʉañerõcã tigʉ. Abiro tiremena marĩrẽ came ĩñatutiherara ñurõ pʉtʉañerõcã tirigʉ niwĩ.#Ro 8:3; Col 2:14. 16Cristo cʉ̃cã curusapʉ cõwõãriguemena judío basocare, judío basoca niherare marĩ pʉabupʉ macãrã came ĩñatuti ĩñarugaheririguere peoticõã, ĩcãmacã macãrãrã nirã eañerõcã tirigʉ niwĩ. Ĩñerõcã tairora marĩ pʉabumacãrã niriarare Manigʉ̃yara nirã eañerõcã tinigʉ̃ cʉ̃mena ñurõ nirã eañerõcã tirigʉ niwĩ.#Ro 5:10; 2Co 5:18-20; Col 1:20-22. 17Cristo atibʉrecopʉre watigʉ Manigʉ̃mena came ñurõ pʉtʉañerõcã tirere ñucametʉare quetirena#Is 52:7. wederigʉ niwĩ. Marĩ nipetirare: mʉjã judío basoca nihera Manigʉ̃mena ñurõ niheririarare, ʉ̃sã judío basoca Manigʉ̃yamacã macãrã nimiriaracãrẽ wederigʉ niwĩ.#2:17 Ĩñaña 2:13 judío basoca nihera yoaropʉ nirã ĩrõrẽ; ĩñerõcã judío basoca nirãpe pʉtogã nimiriara ĩrõrẽ Is 57:19. 18Jesucristocã marĩrẽ tibosariguemenarã marĩ nipetira judío basoca nihera, judío basoca nirã ĩcʉ̃rã Espíritu Santo marĩpʉre nigʉ̃mena Manigʉ̃ marĩ Pacʉ cʉtirore sãmasĩrẽrẽ cʉo. Cʉ̃rã mʉjãrẽ, ʉ̃sãrẽ titamuwĩ.#1Co 12:13; Ef 3:12; 4:4; Col 1:12; Heb 4:16; 10:19; 1Pe 3:18. 19Tairo tira marĩcʉorore mʉjã sua judío basoca nihera apero macãrã ĩñañamanirãpʉra abiro niheri. Mʉjã ʉ̃sãmena ĩcãmacã macãrãrã abiro Manigʉ̃yara ña. Tairo tira ĩcʉ̃pũnarã ña.#Ga 6:10; Flp 3:20. 20Marĩ nipetira Jesucristore wedewõrĩbumacãrã Manigʉ̃cã ĩcãwi pairiwi wenʉcõwʉmʉãriwira abiro nirã ña. Jesucristocã cʉ̃ye quetire buedotigʉ beseyoriaracã bueriguera, Manigʉ̃ye quetire wederibasocacã bueriguera ña tiwire wʉ̃mʉõrã wecũriabaparora abiro nirẽ. Jesucristora ñawĩ tiwire ʉ̃tãpe wapacʉtiripecã siotutuañerucũrõrã abiro nigʉ̃.#Sal 118:22; Mt 16:18; 1Co 3:9-11; 1Pe 2:4-5; Ap 21:14. 21Tairora nipetire tiwire wetuwʉmʉãrẽcã ʉ̃tãpe wapacʉtiripemena ĩcãrõ siotutuarucũrõrã abiro marĩ nipetiracã ĩcãrõ ña, Cristomena ĩcãrõ nirã eariara ninirã. Cʉ̃rã tiwire pairiwi Manigʉ̃yawi ñañarẽ cʉoheriwi wañerõcã yawí tiwipʉ nigʉ̃dagʉ.#1Co 3:16-17; 12:28; 2Co 6:16; Ef 4:11, 16. 22Cristomena ĩcãrõ nirã eariguemenarã mʉjã judío basoca niheracã tiwimacãrã nirã earara abiro ãpẽrã nipetira Jesucristore wedewõrãmena Manigʉ̃yara pʉtʉa Manigʉ̃cã Espíritu Santomena mʉjãpʉre niyora nirã eanirã.

Currently Selected:

Efesios 2: yui

Highlight

Copy