2 Corintios Atipũ abiro tiro ojayoyu
Atipũ abiro tiro ojayoyu
Ĩcã cʉma apecʉma decosiro Pablo Corintopʉ niwʉmʉãgʉ̃rã tomacãrã watoare Jesúre wedewõrĩbu macãrã nirã eañerõcã tigʉra (Hch 18:11), cʉ̃ye padederere tiwʉmʉãgʉ̃ Éfesopʉ wayugʉ. Pablo cʉ̃cã itiacʉmajoro Éfesopʉ nirĩwatoarena (Hch 18:18–19:41; 20:31) Corinto macãrãrẽ ĩcãpũ ojapeñayi; tipũrã ditiriapũ ña. Cʉ̃ tipũrẽ 1Co 5:9-13pʉre wederucũwĩ. Tairo tiro marĩcã “Corinto macãrãrẽ ojasocoriapũrã ña” ĩ marĩcã wãme pisuripũrã queorojoropʉare cʉ̃cã tipũsirope cʉ̃jãrẽ ojacoriapũpe nirõ ya. Ĩñerõcã atipũ 1 Corintios Corinto macãrãcã Pablore paje maquẽrẽ cʉ̃rẽ sãĩñacoriguere tiere cʉ̃cã yʉgʉ ojacoripũ nirõ ya.
Pablo 1Co 16:3-6pʉre cʉ̃jã Corinto macãrãrẽ cʉ̃cã ĩñagʉ̃ wate maquẽrẽ, cʉ̃cã cʉ̃jãmena yoariwatoasãñurõpʉra nigʉacu ĩrẽrẽ wedewi. Buri 2Co 1:15-23 wederora abiro Pablo cʉ̃cã tairo wagʉda ĩriarorena sirope wagʉdagʉ wasoamocãyi. Buri bicapetacãrã Corintopʉre bʉtoro wãcũ tʉoiñarẽcʉtire bire eañerõcã Pablo wãcũña manirõ cʉ̃jãrẽ ĩñagʉ̃ wayi. Tora cʉ̃jãrẽ cʉ̃cã ĩcãrĩsiro ĩñagʉ̃ wariarora nipeñayu cʉ̃jãrẽ cʉ̃cã ĩñagʉ̃ eariaro bʉtoro pũnirõ biro eanirõ cʉ̃menarẽ ĩñerõcã cʉ̃jã Corinto macãrã wedewõrãmenarẽ bʉtoro quẽsõã biñerõcã tiro eariaro (2Co 2:1). Tairo tigʉ Pablo 2Co 2:4 wederora abiro cʉ̃jãrẽ ĩñagʉ̃ wagʉ cʉ̃jãmenarẽ yoariwatoapʉra nigʉ̃da cʉ̃cã ĩriarore warono tigʉ, buripe wãcũña manirõ cʉ̃jãrẽ ĩñagʉ̃ wanigʉ̃ bʉtoro pũnirõ biro eañerõcã tiariarore coejeagʉra, bʉtoro otirewatoamenarã, Éfesopʉmenarã Pablo cʉ̃jãrẽ ĩcãpũ (pʉapũsiro niboaripũrẽ) ojacoyi cʉ̃jãrẽ mʉjãcã tairo tirecʉtirere wasoamocã merĩãpe nirẽcʉtiya ĩ bʉtoro sãĩcoremena (2:3-9; 7:6-15; 8:6).
Atipũrẽ Titomena ticoriasiro Pablo Éfesomena Tróadepʉ wayugʉ (2Co 2:12) upatuti tamʉ Titomenarã came bʉajeagʉdagʉ. Buri bicapeicãrã Titore Tróadepʉre bʉajeaherinigʉ̃ diamacãrã tore tʉawʉmʉã Macedoniapʉ eagʉ wayugʉ. Topʉ Tito Pablore bʉajeagʉ eayugʉ; tairo tigʉ Corinto macãrã Jesúre wedewõrãcã cʉ̃jãcã wãcũrẽrẽ wasoariguere ĩñerõcã cʉ̃jãcã Pablomenarẽ came queno ñurõ pʉtʉarugarere (2Co 7:5-13) cʉ̃rẽ ñurẽ quetire nejeayugʉ. Tairo tigʉ Pablo Macedoniapʉmenarã 2 Corintios nirĩpũrẽ ojacoyugʉ (bapubisari waripũ Corinto macãrãrẽ ojacoriapũrẽ) Titomenarã ticoyoatipũrẽ. Ĩñerõcã Titore “mʉ abiro tigʉacu” ĩ wedecoyugʉ cʉ̃cã topʉre Jesúre wedewõrãrẽ titamunigʉ̃ cʉ̃jãcã niyeru titamurã neõãtere neõyuesiariguepʉ cʉoyuearo ĩgʉ̃. Pablo tierena Jesúre wedewõrã Jerusalén macãrã (2Co 8:16-20) bopacarare newagʉdagʉ tiyugʉ; cʉ̃cã Corinto macãrãrẽ ĩñagʉ̃ eanigʉ̃ (itiãrĩ cʉ̃cã cʉ̃jãrẽ ĩñagʉ̃ earemena) cʉ̃jãmenarẽ yoariwatoasãñurõ ni, cʉ̃jãmenarẽ came queno ñujearosirope niñerõcã. Pablo dairo tihegʉjoro sua anorẽ cʉ̃cã “wagʉda” ĩãriaronorã Corintopʉre wayugʉ Hch 20:2 wederora abiro. Ĩritoremena bueribasocacã Corinto macãrã Jesúre wedewõrĩbu macãrã watoapʉ sãnʉcãnirã “Pablo Jesúcã buedotigʉ ñeyorigʉmerã ñawĩ” ĩnirã Jesúcã ñeyoheririara nicaperacãrã “ʉ̃sãpe doca Jesúcã ñeyoriarasotoape nirã ña” ĩpãmarĩbasocare Pablo atipũmenarã Jesucristobasurupera cʉ̃rẽ cʉ̃yere buedotigʉ ñeyorigʉ nirẽrẽ abirope niwʉ̃ ĩ wedewi ĩñerõcã tairora noborora ĩritoremena bueribasocacã cʉ̃rẽ wedesãpãmarẽcãrẽ abirope bi ĩ wedewi. Cʉ̃jã ĩritoremena bueribasoca Pablocã Jesúre wedewõrã Corinto macãrãrẽ ĩñagʉ̃ wagʉda ĩriguere cʉ̃cã waheririguere bʉtoro wedepasʉtiyura, cʉ̃rẽ “cʉ̃ queoro ĩgʉ̃nomerã ñawĩ” cʉ̃rẽ tʉo wedewõherimocãrõ bo ĩnirã. Ĩñerõcã tairora “cʉ̃ mʉjãrẽ Corinto macãrã Jesúre wedewõrãrẽ niyeru neõña Jerusalén macãrã bopacarere titamurãdara ĩgʉ̃ tairo ĩmocãgʉ̃ yawí; buripe tairo ĩritonirã cʉ̃jãye neãrãdara yawa” ĩ wedesãyura. Pablo tiere apõtĩõgʉ̃dagʉ Corinto macãrã Jesúre wedewõrãrẽ cʉ̃cã mamarõpʉ cʉ̃jãrẽ Jesúye quetire cʉ̃cã wedegʉ easocoriguere cʉ̃jãrẽ wãcũñerõcã yawí. Ĩñerõcã tairora cʉ̃cã ĩcãcʉma decojoro cʉ̃jãmenarẽ nirẽcʉtiriawãmerẽ wãcũñerõcã yawí. Tairora ĩritoremena bueribasocarena cʉ̃jãcã ĩritoyora earere cʉ̃jãrẽ tutiwi, cʉ̃jãcã cʉ̃rẽ noborora wedesãpãmarẽrẽ cʉ̃perena acutatamu cʉ̃jãcã tiheriñerõcã. Cʉ̃cã topʉ eatosʉguero ĩritoremena buepãmarĩbasocare apõtĩõña ĩwĩ; mʉjãcã tiheriñerõcã yʉ tigʉda ĩwĩ. Ĩñerõcã tiwãmerã aicʉmapʉ niyeru neõsocoriguere tituwanʉcõña ĩwĩ; yʉmena Jesúre wedewõrã Jerusalén macãrã bopacarare ticomasĩrãdara ĩwĩ.
Atie maquẽrẽ atipũ wede:
1. Ñudoticore 1:1-2
2. Paje wisiore wariwatoare ĩñerõcã ñañarõ cametʉarere Manigʉ̃cã titamurẽ 1:3-11
3. Pablo cʉ̃cã Corintopʉ waheririguere wedere 1:12–2:4
4. Ñañarõ tidocatuarigʉre acõbodotire 2:5-11
5. Pablocã Tróadepʉre nimasĩheririgue 2:12-13
6. Pablocã Manigʉ̃rẽ ʉseare nʉnirẽ 2:14-17
7. Jesucristocã basocare cametʉore quetire wedewõrẽ 3:1-18
8. Jesucristoye quetire wederibasoca 4:1-6
9. Ñañarõ cametʉare watoa nicapetacã Jesucristore wedewõrẽ cʉorucũmocãrẽ 4:7-18
10. Ʉmʉãwesepʉre nirã eate maquẽ 5:1-10
11. Manigʉ̃menamacãrã nirã eare 5:11–6:2
12. Pablo cʉ̃cã tirecʉti nirẽmenarã nirõrã Jesucristocã cʉ̃ye quetire buedotigʉ cũyorigʉ nirẽrẽ cʉ̃cã eñorẽ 6:3-13
13. Ñañarẽrẽ piticõãmocãña ĩrẽ6:14–7:1
14. Pablocã Corinto macãrãmena ʉsearigue 7:2-16
15. Nʉnirugari yeripũnamena ãpẽrãcã borere titamurẽ 8:1-15
16. Titore cʉ̃menamacãrãmena Corintopʉ ticorigue 8:16-24
17. Niyeru neõrẽ maquẽ 9:1-15
18. Manigʉ̃cã Pablore dotimasĩrẽ nʉnirigue 10:1-18
19. Pablocã ĩritoremena bueribasocaye maquẽrẽ wedere 11:1-15
20. Pablocã Jesucristora cʉ̃ye quetire bueribasocʉ niãcʉ cũyorigʉ ninigʉ̃ ñañarõ cametʉa bʉtoro posarigue 11:16-33
21. Pablocã quẽgʉ̃rã abiro ĩñarigue 12:1-10
22. Pablocã Jesúre wedewõrã Corinto macãrãrẽ bʉtoro wãcũrẽ 12:11-21
23. Pablocã “mʉjãrẽ tiere tiherimocãña ĩ wedesiawʉ” ĩ wedetʉocore 13:1-10
24. Pablocã uitʉocore 13:11-13
Pablocã
Corinto macãrãrẽ ĩcãpũsiro ojacoriapũ
Currently Selected:
2 Corintios Atipũ abiro tiro ojayoyu: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios Atipũ abiro tiro ojayoyu
Atipũ abiro tiro ojayoyu
Ĩcã cʉma apecʉma decosiro Pablo Corintopʉ niwʉmʉãgʉ̃rã tomacãrã watoare Jesúre wedewõrĩbu macãrã nirã eañerõcã tigʉra (Hch 18:11), cʉ̃ye padederere tiwʉmʉãgʉ̃ Éfesopʉ wayugʉ. Pablo cʉ̃cã itiacʉmajoro Éfesopʉ nirĩwatoarena (Hch 18:18–19:41; 20:31) Corinto macãrãrẽ ĩcãpũ ojapeñayi; tipũrã ditiriapũ ña. Cʉ̃ tipũrẽ 1Co 5:9-13pʉre wederucũwĩ. Tairo tiro marĩcã “Corinto macãrãrẽ ojasocoriapũrã ña” ĩ marĩcã wãme pisuripũrã queorojoropʉare cʉ̃cã tipũsirope cʉ̃jãrẽ ojacoriapũpe nirõ ya. Ĩñerõcã atipũ 1 Corintios Corinto macãrãcã Pablore paje maquẽrẽ cʉ̃rẽ sãĩñacoriguere tiere cʉ̃cã yʉgʉ ojacoripũ nirõ ya.
Pablo 1Co 16:3-6pʉre cʉ̃jã Corinto macãrãrẽ cʉ̃cã ĩñagʉ̃ wate maquẽrẽ, cʉ̃cã cʉ̃jãmena yoariwatoasãñurõpʉra nigʉacu ĩrẽrẽ wedewi. Buri 2Co 1:15-23 wederora abiro Pablo cʉ̃cã tairo wagʉda ĩriarorena sirope wagʉdagʉ wasoamocãyi. Buri bicapetacãrã Corintopʉre bʉtoro wãcũ tʉoiñarẽcʉtire bire eañerõcã Pablo wãcũña manirõ cʉ̃jãrẽ ĩñagʉ̃ wayi. Tora cʉ̃jãrẽ cʉ̃cã ĩcãrĩsiro ĩñagʉ̃ wariarora nipeñayu cʉ̃jãrẽ cʉ̃cã ĩñagʉ̃ eariaro bʉtoro pũnirõ biro eanirõ cʉ̃menarẽ ĩñerõcã cʉ̃jã Corinto macãrã wedewõrãmenarẽ bʉtoro quẽsõã biñerõcã tiro eariaro (2Co 2:1). Tairo tigʉ Pablo 2Co 2:4 wederora abiro cʉ̃jãrẽ ĩñagʉ̃ wagʉ cʉ̃jãmenarẽ yoariwatoapʉra nigʉ̃da cʉ̃cã ĩriarore warono tigʉ, buripe wãcũña manirõ cʉ̃jãrẽ ĩñagʉ̃ wanigʉ̃ bʉtoro pũnirõ biro eañerõcã tiariarore coejeagʉra, bʉtoro otirewatoamenarã, Éfesopʉmenarã Pablo cʉ̃jãrẽ ĩcãpũ (pʉapũsiro niboaripũrẽ) ojacoyi cʉ̃jãrẽ mʉjãcã tairo tirecʉtirere wasoamocã merĩãpe nirẽcʉtiya ĩ bʉtoro sãĩcoremena (2:3-9; 7:6-15; 8:6).
Atipũrẽ Titomena ticoriasiro Pablo Éfesomena Tróadepʉ wayugʉ (2Co 2:12) upatuti tamʉ Titomenarã came bʉajeagʉdagʉ. Buri bicapeicãrã Titore Tróadepʉre bʉajeaherinigʉ̃ diamacãrã tore tʉawʉmʉã Macedoniapʉ eagʉ wayugʉ. Topʉ Tito Pablore bʉajeagʉ eayugʉ; tairo tigʉ Corinto macãrã Jesúre wedewõrãcã cʉ̃jãcã wãcũrẽrẽ wasoariguere ĩñerõcã cʉ̃jãcã Pablomenarẽ came queno ñurõ pʉtʉarugarere (2Co 7:5-13) cʉ̃rẽ ñurẽ quetire nejeayugʉ. Tairo tigʉ Pablo Macedoniapʉmenarã 2 Corintios nirĩpũrẽ ojacoyugʉ (bapubisari waripũ Corinto macãrãrẽ ojacoriapũrẽ) Titomenarã ticoyoatipũrẽ. Ĩñerõcã Titore “mʉ abiro tigʉacu” ĩ wedecoyugʉ cʉ̃cã topʉre Jesúre wedewõrãrẽ titamunigʉ̃ cʉ̃jãcã niyeru titamurã neõãtere neõyuesiariguepʉ cʉoyuearo ĩgʉ̃. Pablo tierena Jesúre wedewõrã Jerusalén macãrã (2Co 8:16-20) bopacarare newagʉdagʉ tiyugʉ; cʉ̃cã Corinto macãrãrẽ ĩñagʉ̃ eanigʉ̃ (itiãrĩ cʉ̃cã cʉ̃jãrẽ ĩñagʉ̃ earemena) cʉ̃jãmenarẽ yoariwatoasãñurõ ni, cʉ̃jãmenarẽ came queno ñujearosirope niñerõcã. Pablo dairo tihegʉjoro sua anorẽ cʉ̃cã “wagʉda” ĩãriaronorã Corintopʉre wayugʉ Hch 20:2 wederora abiro. Ĩritoremena bueribasocacã Corinto macãrã Jesúre wedewõrĩbu macãrã watoapʉ sãnʉcãnirã “Pablo Jesúcã buedotigʉ ñeyorigʉmerã ñawĩ” ĩnirã Jesúcã ñeyoheririara nicaperacãrã “ʉ̃sãpe doca Jesúcã ñeyoriarasotoape nirã ña” ĩpãmarĩbasocare Pablo atipũmenarã Jesucristobasurupera cʉ̃rẽ cʉ̃yere buedotigʉ ñeyorigʉ nirẽrẽ abirope niwʉ̃ ĩ wedewi ĩñerõcã tairora noborora ĩritoremena bueribasocacã cʉ̃rẽ wedesãpãmarẽcãrẽ abirope bi ĩ wedewi. Cʉ̃jã ĩritoremena bueribasoca Pablocã Jesúre wedewõrã Corinto macãrãrẽ ĩñagʉ̃ wagʉda ĩriguere cʉ̃cã waheririguere bʉtoro wedepasʉtiyura, cʉ̃rẽ “cʉ̃ queoro ĩgʉ̃nomerã ñawĩ” cʉ̃rẽ tʉo wedewõherimocãrõ bo ĩnirã. Ĩñerõcã tairora “cʉ̃ mʉjãrẽ Corinto macãrã Jesúre wedewõrãrẽ niyeru neõña Jerusalén macãrã bopacarere titamurãdara ĩgʉ̃ tairo ĩmocãgʉ̃ yawí; buripe tairo ĩritonirã cʉ̃jãye neãrãdara yawa” ĩ wedesãyura. Pablo tiere apõtĩõgʉ̃dagʉ Corinto macãrã Jesúre wedewõrãrẽ cʉ̃cã mamarõpʉ cʉ̃jãrẽ Jesúye quetire cʉ̃cã wedegʉ easocoriguere cʉ̃jãrẽ wãcũñerõcã yawí. Ĩñerõcã tairora cʉ̃cã ĩcãcʉma decojoro cʉ̃jãmenarẽ nirẽcʉtiriawãmerẽ wãcũñerõcã yawí. Tairora ĩritoremena bueribasocarena cʉ̃jãcã ĩritoyora earere cʉ̃jãrẽ tutiwi, cʉ̃jãcã cʉ̃rẽ noborora wedesãpãmarẽrẽ cʉ̃perena acutatamu cʉ̃jãcã tiheriñerõcã. Cʉ̃cã topʉ eatosʉguero ĩritoremena buepãmarĩbasocare apõtĩõña ĩwĩ; mʉjãcã tiheriñerõcã yʉ tigʉda ĩwĩ. Ĩñerõcã tiwãmerã aicʉmapʉ niyeru neõsocoriguere tituwanʉcõña ĩwĩ; yʉmena Jesúre wedewõrã Jerusalén macãrã bopacarare ticomasĩrãdara ĩwĩ.
Atie maquẽrẽ atipũ wede:
1. Ñudoticore 1:1-2
2. Paje wisiore wariwatoare ĩñerõcã ñañarõ cametʉarere Manigʉ̃cã titamurẽ 1:3-11
3. Pablo cʉ̃cã Corintopʉ waheririguere wedere 1:12–2:4
4. Ñañarõ tidocatuarigʉre acõbodotire 2:5-11
5. Pablocã Tróadepʉre nimasĩheririgue 2:12-13
6. Pablocã Manigʉ̃rẽ ʉseare nʉnirẽ 2:14-17
7. Jesucristocã basocare cametʉore quetire wedewõrẽ 3:1-18
8. Jesucristoye quetire wederibasoca 4:1-6
9. Ñañarõ cametʉare watoa nicapetacã Jesucristore wedewõrẽ cʉorucũmocãrẽ 4:7-18
10. Ʉmʉãwesepʉre nirã eate maquẽ 5:1-10
11. Manigʉ̃menamacãrã nirã eare 5:11–6:2
12. Pablo cʉ̃cã tirecʉti nirẽmenarã nirõrã Jesucristocã cʉ̃ye quetire buedotigʉ cũyorigʉ nirẽrẽ cʉ̃cã eñorẽ 6:3-13
13. Ñañarẽrẽ piticõãmocãña ĩrẽ6:14–7:1
14. Pablocã Corinto macãrãmena ʉsearigue 7:2-16
15. Nʉnirugari yeripũnamena ãpẽrãcã borere titamurẽ 8:1-15
16. Titore cʉ̃menamacãrãmena Corintopʉ ticorigue 8:16-24
17. Niyeru neõrẽ maquẽ 9:1-15
18. Manigʉ̃cã Pablore dotimasĩrẽ nʉnirigue 10:1-18
19. Pablocã ĩritoremena bueribasocaye maquẽrẽ wedere 11:1-15
20. Pablocã Jesucristora cʉ̃ye quetire bueribasocʉ niãcʉ cũyorigʉ ninigʉ̃ ñañarõ cametʉa bʉtoro posarigue 11:16-33
21. Pablocã quẽgʉ̃rã abiro ĩñarigue 12:1-10
22. Pablocã Jesúre wedewõrã Corinto macãrãrẽ bʉtoro wãcũrẽ 12:11-21
23. Pablocã “mʉjãrẽ tiere tiherimocãña ĩ wedesiawʉ” ĩ wedetʉocore 13:1-10
24. Pablocã uitʉocore 13:11-13
Pablocã
Corinto macãrãrẽ ĩcãpũsiro ojacoriapũ
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.