2 Corintios 1
1
Ñudoticore
1Yʉ Pablo, Manigʉ̃cã boriarora abiro Jesucristocã cʉ̃ye quetire buedotigʉ beseyorigʉ#1Co 1:1; Ga 1:1. marĩyagʉ Timoteomenarã mʉjã Manigʉ̃rẽ wedewõrĩbumacãrãrẽ Corinto macãpʉ nirãrẽ ĩñerõcã ãpẽrã nipetirare Jesucristore wedewõrãrẽ Acaya ditapʉ nirãcãrẽ ñudotico.#Flp 1:1; Col 1:1; 1Tm 1:1; 2Tm 1:1; Hch 16:1; 18:5. 2Manigʉ̃ marĩ Pacʉ ĩñerõcã marĩ Nirũpʉ̃ Jesucristo mʉjãrẽ ñurẽrẽ nʉniãro#1:2 Torena aperore ñurõ tiaro, ĩñamaĩrẽ cʉoaro ĩ wede. tairora yerisãrẽrẽ mʉjãrẽ nʉniãro.#Ro 1:7; 1Co 1:3; Ga 1:3; Ef 1:2; Jn 14:27; 20:19.
Paje wisiore wariwatoare ĩñerõcã ñañarõ cametʉarere Manigʉ̃cã titamurẽ
3Manigʉ̃ marĩ Nirũpʉ̃ Jesucristo Pacʉre ʉseapeorada. Merẽ cʉ̃rã ñawĩ marĩ Pacʉ marĩrẽ bopacaĩñagʉ̃ ĩñerõcã cʉ̃rã Manigʉ̃ ñawĩ marĩrẽ toquẽrĩpʉra yʉsʉo wãcũtutuañerõcã tirucũgʉ̃.#Ro 15:5; Ef 1:3; 1Pe 1:3. 4Cʉ̃rã ʉ̃sãrẽ nipetire wisiore wañerõcãcãrẽ, ʉ̃sãrẽ ʉ̃sãcã nipetire ñañarõ cametʉa posarecãrẽ ʉ̃sãrẽ yʉsʉo wãcũtutuañerõcã yawí; cʉ̃cã ʉ̃sãrẽ tiariarora abirora ʉ̃sãcãrẽ ãpẽrãrẽ ñañarõ cametʉa posarare cʉ̃jãcãrẽ yʉsʉo wãcũtutuañerõcã tiaro ĩgʉ̃.#2Co 4:10; 7:6-7, 13; Col 1:24. 5Queorojoropʉare Jesucristocã ñañarõ cametʉa posariarora abirora ʉ̃sãcãrẽ tiwãmerã paca ñañarõ cametʉa posare earo ya. Buri tamʉ tiwãmerã cʉ̃ Jesucristomenarã Manigʉ̃cã ʉ̃sãrẽ tiere yʉsʉo wãcũtutuañerõcã tirecã dʉsaro manirõ ea.#2Co 4:10; Col 1:24. 6Ʉ̃sã ñañarõ cametʉa posara, mʉjãrẽna wãcũtutuara niñerõcã bosãrãrã ya ĩñerõcã cametʉoyoanarã nirã eañerõcã bosãrãrã ya. Manigʉ̃ ʉ̃sãrẽ yʉsʉo wãcũtutuarere nʉniwĩ ʉ̃sãcãrẽ tiwãmerã mʉjãrẽ yʉsʉo wãcũtutuara nirã eañerõcã tiaro ĩgʉ̃. Tora abiro tiñerõcãrã mʉjãcã ʉ̃sãcã tirora abiro wisiorere cametʉacaperacãrã, ñañarõ cametʉa posacaperacãrã tutuaromena nʉcãmasĩmocãrõãcu.#2Co 4:15. 7Merẽ ʉ̃sã mʉjãmenarẽ “cʉ̃jã ĩcãdiamacãrã queoro tiroagawa” ĩ wãcũyuesia. Tairo tira ʉ̃sã atiere “marĩcã ñañarõ cametʉa posarora abirora cʉ̃jãcã ñañarõ cametʉa posañerõcã Manigʉ̃cã marĩrẽ yʉsʉo wãcũtutuañerõcã tirora abirora cʉ̃jãcãrẽ Manigʉ̃ yʉsʉo wãcũtutuañerõcã tigʉagawi” ĩmasĩsia.#Ro 8:17; 2Tm 2:12. 8Yara, ʉ̃sã mʉjãrẽ ʉ̃sãcã Asia ditapʉ nocãrõ ñañacametʉaro posara eariguere mʉjãrẽ masĩrã eañerõcã boga. Ʉ̃sãrẽ topʉre ñuhericametʉaro, dairo ti nʉcãcũtimasĩña manirõpʉ biro eawʉ. Tairo tiro ʉ̃sãrẽ “marĩ anorã cõwõãsupeña, marĩ catiremena anorẽ witipeñaheri” ĩrõpʉ biro eawʉ.#Hch 19:23-41; 1Co 15:32; 16:9. 9Queorojoropʉare cʉ̃jãcã sĩãcõãyoanapʉra abiro tʉoiñarã eawʉ. Buri atiera anorã abiro ʉ̃sãrẽ warera niwʉ̃ ʉ̃sãrẽ “ʉ̃sãbasurupera ʉ̃sã atiere abiro timasĩrõãcu” ĩ wedewõrã eañerõcã tirono tiro buripe Manigʉ̃pere cõwõãriarare masõgʉ̃pere “marĩrẽ cʉ̃ doca titamu cametʉomasĩgʉagawi” ĩ ʉ̃sãrẽ wãcũtutuañerõcã tinirõ cʉ̃pere wedewõmasĩrã nirã eañerõcã tiro.#Jer 17:5, 7. 10Tairo tigʉ cʉ̃ Manigʉ̃pʉra ʉ̃sãrẽ cametʉowi bʉtoro cuwioro cʉ̃jãcã sĩãcõãyoanapʉra abiro ʉ̃sãcã nirã eariwatoare. Tairo tira marĩcʉorocãrẽ, siropʉcãrẽ ʉ̃sãrẽ tora abiro ñañarõ tirugañerõcãcãrẽ cʉ̃rã ʉ̃sãrẽ tairo cametʉorucũmocãgʉagawi ĩ wedewõrucũmocã.#2Pe 2:9. 11Buri tora abiro tigʉagawi mʉjãcã ʉ̃sãrẽ pẽrõ Manigʉ̃rẽ sãĩ ñubuebosarucũmocãñerõcã. Mʉjãcã tora abiro ʉ̃sãye niãte maquẽrẽna pajʉmena Manigʉ̃rẽ ñubue sãĩbosañerõcãrã tamʉ pajʉ nirõãgawa Manigʉ̃cã ʉ̃sãrẽ mʉjãcã ñubuebosaremenarã ʉ̃sãrẽ cʉ̃cã ñucametʉaro wañerõcã tirere ĩñanirã Manigʉ̃rẽ “mʉcã cʉ̃jãrẽ titamurẽ ñucametʉasu” ĩnirã cʉ̃rẽ ʉ̃sãrẽ ʉseare nʉnibosara.#Ro 15:30; 2Co 4:15; Flp 1:19.
Pablo cʉ̃cã Corintopʉ waheririguere wedere
12Marĩcʉorore abiro nirã ña ĩmasĩrãrã nirã ya, merẽ ʉ̃sãye wãcũrẽpʉra mʉjã ñenojoro wapa cʉoheri ĩ wederora abirora atibʉrecopʉre ʉ̃sã basocare tiritoro manirõrã cʉ̃jãmenarẽ ñurĩwãmerã nirucũ. Queorojoropʉare mʉjãmenapera tiritoro manirõrã, ñucametʉariwãmepera Manigʉ̃cã ñañarẽ cʉoheremenarã, cʉ̃ye tiritoremanirẽmenarã ʉ̃sã mʉjãmenarẽ nirucũrã eawʉ. Atie ʉ̃sãcã tirere, ʉ̃sãbasurupe ʉ̃sãcã masĩrẽ cʉoremenarã tisʉgue nimasĩrã earemerã ña; buripe Manigʉ̃cã titamurẽmenape, cʉ̃ye maĩrẽmenarã ʉ̃sãrẽ ñucametʉaro wañerõcã tiremenape doca ʉ̃sãcã nimasĩrã eare ña.#1Co 1:17-31; 2:4, 13; 2Co 2:17; Hch 18:11. 13Ʉ̃sã mʉjãrẽ ojara toquẽrĩpʉra mʉjãcã tiere buera tʉomasĩheriboriwãmepʉmerã ojahericã; buripe mʉjãcã bue tʉomasĩboriwãmerã mʉjãrẽ ojaicã. Tairo tigʉ yʉ mʉjãrẽ atie nipetirepʉrena nirĩwãmerã mʉjãrẽ ñurõ tʉomasĩrã eañerõcã bogʉ cati; 14merẽ ĩcãyerena mʉjãcã ʉ̃sãye maquẽrẽ to mʉjã watoapʉre ʉ̃sãcã nirĩwãmerẽna mʉjãcã tʉomasĩrã eariarora abiro. Mʉjãcã tairo tiñerõcãrã marĩ Nirũpʉ̃ Jesucristocã upatuti watiriwatoare ʉ̃sãcã mʉjãmenarẽ mʉjãcã tiriguemenarã ʉseara nirã eatiwãmerã mʉjãcã ʉ̃sãmenarẽ ʉ̃sãcã tiriguemenarã ʉseara nirã earoacu.#1Co 1:8; 1Ts 2:19-20. 15Atiere tigʉra, atiere tairora waroacu ĩmasĩnigʉ̃rã yʉ mʉjã cʉtiropera mʉjãpere ĩñagʉ̃ wasocorugamiwʉ̃; yʉcã tora abiro mʉjãrẽ ñurõ tiremena yʉcã mʉjãrẽ pʉãrĩpʉ ĩñayora earemena mʉjãrẽ ñucametʉaro wayora nirã earo ĩgʉ̃.#Ro 1:11; 15:29; 1Co 4:19. 16Yʉ anorã abiro ĩgʉ̃ Macedonia ditapʉ wagʉra mʉjãrẽ ĩñatʉawʉmʉãsocoro boga ĩ wãcũmiwʉ̃. Siro tamʉ topʉ earigʉ coepʉtʉatigʉra upatutira ĩñanemogʉ̃da ĩ wãcũmiwʉ̃. Yʉcã tora abiro tiñerõcãrã yʉcã tomenarã tʉawʉmʉãgʉ̃ Judea ditapʉ wagʉ yʉcã cõwõãte maquẽrẽ mʉjãrẽ titamumasĩrõãgawa ĩmiwʉ̃.#1Co 16:5-7. 17Yʉcã topʉ wagʉda ĩriasiro nicapetacã yʉcã topʉ eawaheriñerõcã ĩñarã yʉre ¿cʉ̃ queoro wabo ĩgʉ̃merã, matapʉra queoro wãcũhericapeicãrã tairo ĩyuri cʉ̃ ĩrĩ mʉjã? o ¿mʉjã yʉre Manigʉ̃rẽ ĩñamasĩheranorã abiro wagʉda ĩãrigʉ nicapeicã waheri ĩgʉ̃no ñawĩ ĩrã yari quepa? Mʉjãcã tairo ĩrẽ queoro niheri.#2Co 10:2-3. 18Merẽ Manigʉ̃rã cʉ̃cã tigʉda ĩrẽrẽ queoro tigʉra ʉ̃sãcã tiheriaterena tihericu ĩriwãmerã ʉ̃sãcã ĩcãdiamacãrã mʉjãrẽ queoro tirere ñurõ masĩwĩ. Tairora ĩcãdiamacãrã ʉ̃sãcã tiaterena tiroacu ĩriwãmerã ʉ̃sãcã mʉjãrẽ queoro tirecãrẽ ñurõ masĩwĩ.#1Co 1:9; 2Co 2:17. 19Merẽ Manigʉ̃ Macʉ̃ Jesucristora Silvanocã, Timoteocã ĩñerõcã yʉbasurupera ʉ̃sãcã mʉjãrẽ cʉ̃ye quetirena bueyogʉra nocãrõgãmerã cʉ̃cã wãcũrẽrẽ wasoaicãheriwi. Buripe cʉ̃ ĩcãdiamacãrã toquẽrĩpʉra cʉ̃cã ĩrẽrẽ queorora tirucũmocãgʉ̃ ñawĩ.#1:19 Anorẽ Silvanorã aperopʉre Silas wãmecʉtigʉ ñawĩ (Hch 15:22; 18:5; Mt 16:16; Mc 1:1; Lc 1:35; Heb 13:8). 20Merẽ Manigʉ̃ cʉ̃cã noquẽrẽ “abiro tigʉda” ĩriguere cʉ̃ macʉ̃ Jesucristora ñawĩ tiere queorora biro eapetiñerõcã tigʉ. Tairo tira atieye wapamenarã marĩ Jesucristoyara cʉ̃ya wãmemenarã Manigʉ̃rẽ “Tairora ña, mʉmacʉ̃ Jesucristomenarã mʉ ʉ̃sãrẽ ñucametʉaro tibosayu” ĩ ʉseapeo.#Ro 1:25; 15:8-9; 1Co 14:16. 21Cʉ̃ Manigʉ̃rã ñawĩ ʉ̃sãrẽ tairo ĩñerõcã mʉjãcãrẽ Jesucristore ĩcãdiamacãrã pitiro manirõrã marĩrẽ wedewõrucũmocãñerõcã tigʉ. Ĩñerõcã cʉ̃rã marĩrẽ besecũrigʉ niwĩ Cristoyarara nirã earo ĩgʉ̃.#Ex 28:41; 1Sa 16:13; Is 61:1; 1Co 1:8; 1Jn 2:20, 27. 22Tairo tigʉ marĩrẽ “cʉ̃yara ñawã” ĩ ĩñamasĩgʉ̃dagʉ Espíritu Santore marĩmena niñerõcã tirigʉ niwĩ; cʉ̃rẽ marĩrẽ ticosʉgueremenarã cʉ̃cã tairo tigʉacu ĩriguere mʉjã queorora ñerõãcu ĩ masĩdotigʉ.#2Co 5:5; Ef 1:13, 14; 4:30; Ro 8:23. 23Yʉ mʉjã cʉtiro Corintopʉre wagʉda ĩrigʉ nicapeicã topʉre wahegʉ cati. Tairo tigʉ yʉcã topʉ dairo binigʉ̃ waherere mʉjãrẽ diamacãrã wedegʉda. Mʉjãrẽ wedewõquĩgʉ̃no wadora, mʉjãrẽ mʉjãcã ñañarẽ tirecʉtire wapare tutiboga ĩnigʉ̃ wadora mʉjã cʉtiropʉre waheriwʉ; yʉcã tairo tiremena mʉjãrẽ boboro cametʉa, wãcũpasʉtira pʉtʉañerõcã tiboga ĩnigʉ̃. Merẽ Manigʉ̃rã atiere yʉcã ano ĩrẽrẽ ñurõ masĩwĩ.#Ga 1:20; 1Co 4:21; 2Co 2:1. 24Ʉ̃sã mʉjãrẽ bʉtoro dotiremena “mʉjã Jesucristore wedewõrã abirope tiro bo” ĩrugaramerã ya. Merẽ mʉjã cʉ̃ Jesucristorena ĩcãdiamacãrã pitiro manirõrã ñurõ wedeworẽ cʉorucũsiarapʉra nirã ya. Tairo tira ʉ̃sã mʉjãrẽ buripe cʉ̃menarã sotoa ʉseare cʉora nirã eañerõcã bonirãpe mʉjãrẽ ʉ̃sã ñurõ titamurugarape ya.#Ro 11:20; 1Co 3:5; 15:1; 1Pe 5:3.
Currently Selected:
2 Corintios 1: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 1
1
Ñudoticore
1Yʉ Pablo, Manigʉ̃cã boriarora abiro Jesucristocã cʉ̃ye quetire buedotigʉ beseyorigʉ#1Co 1:1; Ga 1:1. marĩyagʉ Timoteomenarã mʉjã Manigʉ̃rẽ wedewõrĩbumacãrãrẽ Corinto macãpʉ nirãrẽ ĩñerõcã ãpẽrã nipetirare Jesucristore wedewõrãrẽ Acaya ditapʉ nirãcãrẽ ñudotico.#Flp 1:1; Col 1:1; 1Tm 1:1; 2Tm 1:1; Hch 16:1; 18:5. 2Manigʉ̃ marĩ Pacʉ ĩñerõcã marĩ Nirũpʉ̃ Jesucristo mʉjãrẽ ñurẽrẽ nʉniãro#1:2 Torena aperore ñurõ tiaro, ĩñamaĩrẽ cʉoaro ĩ wede. tairora yerisãrẽrẽ mʉjãrẽ nʉniãro.#Ro 1:7; 1Co 1:3; Ga 1:3; Ef 1:2; Jn 14:27; 20:19.
Paje wisiore wariwatoare ĩñerõcã ñañarõ cametʉarere Manigʉ̃cã titamurẽ
3Manigʉ̃ marĩ Nirũpʉ̃ Jesucristo Pacʉre ʉseapeorada. Merẽ cʉ̃rã ñawĩ marĩ Pacʉ marĩrẽ bopacaĩñagʉ̃ ĩñerõcã cʉ̃rã Manigʉ̃ ñawĩ marĩrẽ toquẽrĩpʉra yʉsʉo wãcũtutuañerõcã tirucũgʉ̃.#Ro 15:5; Ef 1:3; 1Pe 1:3. 4Cʉ̃rã ʉ̃sãrẽ nipetire wisiore wañerõcãcãrẽ, ʉ̃sãrẽ ʉ̃sãcã nipetire ñañarõ cametʉa posarecãrẽ ʉ̃sãrẽ yʉsʉo wãcũtutuañerõcã yawí; cʉ̃cã ʉ̃sãrẽ tiariarora abirora ʉ̃sãcãrẽ ãpẽrãrẽ ñañarõ cametʉa posarare cʉ̃jãcãrẽ yʉsʉo wãcũtutuañerõcã tiaro ĩgʉ̃.#2Co 4:10; 7:6-7, 13; Col 1:24. 5Queorojoropʉare Jesucristocã ñañarõ cametʉa posariarora abirora ʉ̃sãcãrẽ tiwãmerã paca ñañarõ cametʉa posare earo ya. Buri tamʉ tiwãmerã cʉ̃ Jesucristomenarã Manigʉ̃cã ʉ̃sãrẽ tiere yʉsʉo wãcũtutuañerõcã tirecã dʉsaro manirõ ea.#2Co 4:10; Col 1:24. 6Ʉ̃sã ñañarõ cametʉa posara, mʉjãrẽna wãcũtutuara niñerõcã bosãrãrã ya ĩñerõcã cametʉoyoanarã nirã eañerõcã bosãrãrã ya. Manigʉ̃ ʉ̃sãrẽ yʉsʉo wãcũtutuarere nʉniwĩ ʉ̃sãcãrẽ tiwãmerã mʉjãrẽ yʉsʉo wãcũtutuara nirã eañerõcã tiaro ĩgʉ̃. Tora abiro tiñerõcãrã mʉjãcã ʉ̃sãcã tirora abiro wisiorere cametʉacaperacãrã, ñañarõ cametʉa posacaperacãrã tutuaromena nʉcãmasĩmocãrõãcu.#2Co 4:15. 7Merẽ ʉ̃sã mʉjãmenarẽ “cʉ̃jã ĩcãdiamacãrã queoro tiroagawa” ĩ wãcũyuesia. Tairo tira ʉ̃sã atiere “marĩcã ñañarõ cametʉa posarora abirora cʉ̃jãcã ñañarõ cametʉa posañerõcã Manigʉ̃cã marĩrẽ yʉsʉo wãcũtutuañerõcã tirora abirora cʉ̃jãcãrẽ Manigʉ̃ yʉsʉo wãcũtutuañerõcã tigʉagawi” ĩmasĩsia.#Ro 8:17; 2Tm 2:12. 8Yara, ʉ̃sã mʉjãrẽ ʉ̃sãcã Asia ditapʉ nocãrõ ñañacametʉaro posara eariguere mʉjãrẽ masĩrã eañerõcã boga. Ʉ̃sãrẽ topʉre ñuhericametʉaro, dairo ti nʉcãcũtimasĩña manirõpʉ biro eawʉ. Tairo tiro ʉ̃sãrẽ “marĩ anorã cõwõãsupeña, marĩ catiremena anorẽ witipeñaheri” ĩrõpʉ biro eawʉ.#Hch 19:23-41; 1Co 15:32; 16:9. 9Queorojoropʉare cʉ̃jãcã sĩãcõãyoanapʉra abiro tʉoiñarã eawʉ. Buri atiera anorã abiro ʉ̃sãrẽ warera niwʉ̃ ʉ̃sãrẽ “ʉ̃sãbasurupera ʉ̃sã atiere abiro timasĩrõãcu” ĩ wedewõrã eañerõcã tirono tiro buripe Manigʉ̃pere cõwõãriarare masõgʉ̃pere “marĩrẽ cʉ̃ doca titamu cametʉomasĩgʉagawi” ĩ ʉ̃sãrẽ wãcũtutuañerõcã tinirõ cʉ̃pere wedewõmasĩrã nirã eañerõcã tiro.#Jer 17:5, 7. 10Tairo tigʉ cʉ̃ Manigʉ̃pʉra ʉ̃sãrẽ cametʉowi bʉtoro cuwioro cʉ̃jãcã sĩãcõãyoanapʉra abiro ʉ̃sãcã nirã eariwatoare. Tairo tira marĩcʉorocãrẽ, siropʉcãrẽ ʉ̃sãrẽ tora abiro ñañarõ tirugañerõcãcãrẽ cʉ̃rã ʉ̃sãrẽ tairo cametʉorucũmocãgʉagawi ĩ wedewõrucũmocã.#2Pe 2:9. 11Buri tora abiro tigʉagawi mʉjãcã ʉ̃sãrẽ pẽrõ Manigʉ̃rẽ sãĩ ñubuebosarucũmocãñerõcã. Mʉjãcã tora abiro ʉ̃sãye niãte maquẽrẽna pajʉmena Manigʉ̃rẽ ñubue sãĩbosañerõcãrã tamʉ pajʉ nirõãgawa Manigʉ̃cã ʉ̃sãrẽ mʉjãcã ñubuebosaremenarã ʉ̃sãrẽ cʉ̃cã ñucametʉaro wañerõcã tirere ĩñanirã Manigʉ̃rẽ “mʉcã cʉ̃jãrẽ titamurẽ ñucametʉasu” ĩnirã cʉ̃rẽ ʉ̃sãrẽ ʉseare nʉnibosara.#Ro 15:30; 2Co 4:15; Flp 1:19.
Pablo cʉ̃cã Corintopʉ waheririguere wedere
12Marĩcʉorore abiro nirã ña ĩmasĩrãrã nirã ya, merẽ ʉ̃sãye wãcũrẽpʉra mʉjã ñenojoro wapa cʉoheri ĩ wederora abirora atibʉrecopʉre ʉ̃sã basocare tiritoro manirõrã cʉ̃jãmenarẽ ñurĩwãmerã nirucũ. Queorojoropʉare mʉjãmenapera tiritoro manirõrã, ñucametʉariwãmepera Manigʉ̃cã ñañarẽ cʉoheremenarã, cʉ̃ye tiritoremanirẽmenarã ʉ̃sã mʉjãmenarẽ nirucũrã eawʉ. Atie ʉ̃sãcã tirere, ʉ̃sãbasurupe ʉ̃sãcã masĩrẽ cʉoremenarã tisʉgue nimasĩrã earemerã ña; buripe Manigʉ̃cã titamurẽmenape, cʉ̃ye maĩrẽmenarã ʉ̃sãrẽ ñucametʉaro wañerõcã tiremenape doca ʉ̃sãcã nimasĩrã eare ña.#1Co 1:17-31; 2:4, 13; 2Co 2:17; Hch 18:11. 13Ʉ̃sã mʉjãrẽ ojara toquẽrĩpʉra mʉjãcã tiere buera tʉomasĩheriboriwãmepʉmerã ojahericã; buripe mʉjãcã bue tʉomasĩboriwãmerã mʉjãrẽ ojaicã. Tairo tigʉ yʉ mʉjãrẽ atie nipetirepʉrena nirĩwãmerã mʉjãrẽ ñurõ tʉomasĩrã eañerõcã bogʉ cati; 14merẽ ĩcãyerena mʉjãcã ʉ̃sãye maquẽrẽ to mʉjã watoapʉre ʉ̃sãcã nirĩwãmerẽna mʉjãcã tʉomasĩrã eariarora abiro. Mʉjãcã tairo tiñerõcãrã marĩ Nirũpʉ̃ Jesucristocã upatuti watiriwatoare ʉ̃sãcã mʉjãmenarẽ mʉjãcã tiriguemenarã ʉseara nirã eatiwãmerã mʉjãcã ʉ̃sãmenarẽ ʉ̃sãcã tiriguemenarã ʉseara nirã earoacu.#1Co 1:8; 1Ts 2:19-20. 15Atiere tigʉra, atiere tairora waroacu ĩmasĩnigʉ̃rã yʉ mʉjã cʉtiropera mʉjãpere ĩñagʉ̃ wasocorugamiwʉ̃; yʉcã tora abiro mʉjãrẽ ñurõ tiremena yʉcã mʉjãrẽ pʉãrĩpʉ ĩñayora earemena mʉjãrẽ ñucametʉaro wayora nirã earo ĩgʉ̃.#Ro 1:11; 15:29; 1Co 4:19. 16Yʉ anorã abiro ĩgʉ̃ Macedonia ditapʉ wagʉra mʉjãrẽ ĩñatʉawʉmʉãsocoro boga ĩ wãcũmiwʉ̃. Siro tamʉ topʉ earigʉ coepʉtʉatigʉra upatutira ĩñanemogʉ̃da ĩ wãcũmiwʉ̃. Yʉcã tora abiro tiñerõcãrã yʉcã tomenarã tʉawʉmʉãgʉ̃ Judea ditapʉ wagʉ yʉcã cõwõãte maquẽrẽ mʉjãrẽ titamumasĩrõãgawa ĩmiwʉ̃.#1Co 16:5-7. 17Yʉcã topʉ wagʉda ĩriasiro nicapetacã yʉcã topʉ eawaheriñerõcã ĩñarã yʉre ¿cʉ̃ queoro wabo ĩgʉ̃merã, matapʉra queoro wãcũhericapeicãrã tairo ĩyuri cʉ̃ ĩrĩ mʉjã? o ¿mʉjã yʉre Manigʉ̃rẽ ĩñamasĩheranorã abiro wagʉda ĩãrigʉ nicapeicã waheri ĩgʉ̃no ñawĩ ĩrã yari quepa? Mʉjãcã tairo ĩrẽ queoro niheri.#2Co 10:2-3. 18Merẽ Manigʉ̃rã cʉ̃cã tigʉda ĩrẽrẽ queoro tigʉra ʉ̃sãcã tiheriaterena tihericu ĩriwãmerã ʉ̃sãcã ĩcãdiamacãrã mʉjãrẽ queoro tirere ñurõ masĩwĩ. Tairora ĩcãdiamacãrã ʉ̃sãcã tiaterena tiroacu ĩriwãmerã ʉ̃sãcã mʉjãrẽ queoro tirecãrẽ ñurõ masĩwĩ.#1Co 1:9; 2Co 2:17. 19Merẽ Manigʉ̃ Macʉ̃ Jesucristora Silvanocã, Timoteocã ĩñerõcã yʉbasurupera ʉ̃sãcã mʉjãrẽ cʉ̃ye quetirena bueyogʉra nocãrõgãmerã cʉ̃cã wãcũrẽrẽ wasoaicãheriwi. Buripe cʉ̃ ĩcãdiamacãrã toquẽrĩpʉra cʉ̃cã ĩrẽrẽ queorora tirucũmocãgʉ̃ ñawĩ.#1:19 Anorẽ Silvanorã aperopʉre Silas wãmecʉtigʉ ñawĩ (Hch 15:22; 18:5; Mt 16:16; Mc 1:1; Lc 1:35; Heb 13:8). 20Merẽ Manigʉ̃ cʉ̃cã noquẽrẽ “abiro tigʉda” ĩriguere cʉ̃ macʉ̃ Jesucristora ñawĩ tiere queorora biro eapetiñerõcã tigʉ. Tairo tira atieye wapamenarã marĩ Jesucristoyara cʉ̃ya wãmemenarã Manigʉ̃rẽ “Tairora ña, mʉmacʉ̃ Jesucristomenarã mʉ ʉ̃sãrẽ ñucametʉaro tibosayu” ĩ ʉseapeo.#Ro 1:25; 15:8-9; 1Co 14:16. 21Cʉ̃ Manigʉ̃rã ñawĩ ʉ̃sãrẽ tairo ĩñerõcã mʉjãcãrẽ Jesucristore ĩcãdiamacãrã pitiro manirõrã marĩrẽ wedewõrucũmocãñerõcã tigʉ. Ĩñerõcã cʉ̃rã marĩrẽ besecũrigʉ niwĩ Cristoyarara nirã earo ĩgʉ̃.#Ex 28:41; 1Sa 16:13; Is 61:1; 1Co 1:8; 1Jn 2:20, 27. 22Tairo tigʉ marĩrẽ “cʉ̃yara ñawã” ĩ ĩñamasĩgʉ̃dagʉ Espíritu Santore marĩmena niñerõcã tirigʉ niwĩ; cʉ̃rẽ marĩrẽ ticosʉgueremenarã cʉ̃cã tairo tigʉacu ĩriguere mʉjã queorora ñerõãcu ĩ masĩdotigʉ.#2Co 5:5; Ef 1:13, 14; 4:30; Ro 8:23. 23Yʉ mʉjã cʉtiro Corintopʉre wagʉda ĩrigʉ nicapeicã topʉre wahegʉ cati. Tairo tigʉ yʉcã topʉ dairo binigʉ̃ waherere mʉjãrẽ diamacãrã wedegʉda. Mʉjãrẽ wedewõquĩgʉ̃no wadora, mʉjãrẽ mʉjãcã ñañarẽ tirecʉtire wapare tutiboga ĩnigʉ̃ wadora mʉjã cʉtiropʉre waheriwʉ; yʉcã tairo tiremena mʉjãrẽ boboro cametʉa, wãcũpasʉtira pʉtʉañerõcã tiboga ĩnigʉ̃. Merẽ Manigʉ̃rã atiere yʉcã ano ĩrẽrẽ ñurõ masĩwĩ.#Ga 1:20; 1Co 4:21; 2Co 2:1. 24Ʉ̃sã mʉjãrẽ bʉtoro dotiremena “mʉjã Jesucristore wedewõrã abirope tiro bo” ĩrugaramerã ya. Merẽ mʉjã cʉ̃ Jesucristorena ĩcãdiamacãrã pitiro manirõrã ñurõ wedeworẽ cʉorucũsiarapʉra nirã ya. Tairo tira ʉ̃sã mʉjãrẽ buripe cʉ̃menarã sotoa ʉseare cʉora nirã eañerõcã bonirãpe mʉjãrẽ ʉ̃sã ñurõ titamurugarape ya.#Ro 11:20; 1Co 3:5; 15:1; 1Pe 5:3.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.