2 Corintios 8
8
Nʉnirugari yeripũnamena ãpẽrãcã borere titamurẽ
1Yara yʉcã maĩrã ʉ̃sã mʉjãrẽ marĩcʉorore Manigʉ̃cã cʉ̃ye ĩñamaĩrẽmenarã Macedonia ditapʉ macãrã Jesúre wedewõrĩbu macãrãrẽ cʉ̃cã cʉ̃jãrẽ ñurõ titamurẽmenarã cʉ̃jãcã ãpẽrãrẽ titamurẽrẽ mʉjãrẽ masĩñerõcã tiruga.#Hch 16:9. 2Cʉ̃jã bʉtoro wisiore ñañarẽ ñapeayo bʉtoro posare cametʉacaperacãrã cʉ̃jã bʉtoro ʉsearemena nirucũwã. Cʉ̃jã icãta apeyenorẽ cʉoherijomocãrã nicaperacãrã paje bʉere cʉoribasocara abiro ñurõ nʉnirugari yeripũnamena ãpẽrãrẽ cʉ̃jãcã borere titamurãdara neõĩcãwã.#2Co 9:11; 1Ts 1:6; 2:14; 2Ts 1:4-5. 3Merẽ yʉra cʉ̃jãcã cʉoro eatuarocãrõ cʉ̃jãcã nʉnirãda ĩãriarosotoape neõñerõcã ĩñawʉ̃. Cʉ̃jãrẽ mʉjã tairo tiya ĩrõmerẽna cʉ̃jãcã wãcũrĩwãme tairo tira tiwa.#1Co 16:2. 4Cʉ̃jã ʉ̃sãrẽ ĩcãrĩmerã “Manigʉ̃yara bopacarare titamurẽrẽ tiñerõcã tira ʉ̃sãcãrẽ niyerure neõ cʉ̃jãrẽ ticoñerõcã tiya” ĩ sãĩwã.#Hch 24:17; Ro 15:25-26, 31; 2Co 9:1. 5Cʉ̃jã tiere tira ʉ̃sãcã wãcũriarosotoape tiwa. Marĩcʉ̃ cʉ̃jã cʉ̃jãbasurupe Nirũpʉ̃pere “mʉcã bore wadorena tirada” ĩ cʉ̃rẽ wiyosocowa. Tosirope ʉ̃sãcãrẽ “mʉjãcã dotirere Manigʉ̃cã borora abirora tirada” ĩwã. 6Cʉ̃jãcã tairo tiriguere ĩñanirã ʉ̃sã Titore tamʉ mʉjã cʉtiro Corintopʉra watora abiro quenorãrã ya. Merẽ tosʉguero mʉjã cʉtiropʉ nigʉ̃ ñeno cʉohera bopacarare titamugʉ̃dagʉ niyeru neõrẽrẽ tisocosiarigʉ niwĩ. Tairo tira ʉ̃sã mʉjãcã tora abiro ñurõ tisocoriarora abirora tiere tituwanʉcõãro ĩrã cʉ̃rẽ ticoro wãcũrã ya.#2Co 7:5-7; 8:16; 12:18. 7Mʉjã merẽ Manigʉ̃ye nipetirepʉrena ñurõ timasĩpetiwʉmʉãrãrã ña. Cʉ̃rẽ ĩcãdiamacãrã wedewõrẽ cʉora ña. Cʉ̃ye quetire cʉ̃cã masĩrẽ nʉnirẽmenarã queoro bue. Cʉ̃cã borora abirora ãpẽrãrẽ ñurõ titamurugarere cʉora ña. Ʉ̃sãrẽ maĩrẽ cʉora ña. Tairo tira mʉjã tiere ñurõ timasĩpetiwʉmʉãrõrã abirora ñeno cʉohera bopacarare titamurãdara neõrẽmaquẽcãrẽ ñurõ timasĩpetiwʉmʉãrucũrãrã niña.#1Co 1:4-7; 12:13; 2Co 9:8. 8Yʉcã anorã abiro ĩdisuaremena tiere mʉjãrẽ dotirera abiro tidoticũgʉ̃merã ya. Buripe ãpẽrã Jesúre wedewõrĩbumacãrãcã ñeno cʉohera bopacarare titamurẽ maquẽrẽ wede; cʉ̃jãcã tirora abirora mʉjãcãrẽ mʉjãcã maĩrẽ ĩritoro manirõ cʉorere eñorã tiwãmerã ãpẽrã Jesúre wedewõrĩbumacãrãrẽ titamurãdara neõrẽmaquẽrẽ timasĩrãrã nirã earo ĩgʉ̃.#1Co 7:6. 9Mʉjã merẽ atiere masĩga. Marĩ Nirũpʉ̃ Jesucristo nipetire ʉmʉãwesepʉ maquẽrẽ cʉopetigʉ nicapeicã marĩrẽ maĩnigʉ̃, marĩye maquẽ ñurẽ niãtere bosãnigʉ̃ atiditapʉre watigʉ ñeno cʉohegʉ bopacagʉra abiro nigʉ̃ earigʉ niwĩ; tora abiro cʉ̃cã tigʉ eariguemenarã marĩpere paje bʉere cʉoribasocara abiro nipetire ʉmʉãwesepʉ maquẽrẽ cʉopetira nirã eañerõcã tigʉ.#2Co 13:14; Flp 2:6-7. 10Tairo tigʉ yʉ mʉjãrẽ ñurõ bosãgʉ̃, yʉcã wãcũrĩwãmerã mʉjãrẽ atie maquẽrẽ abirope tiñerõcã ñuboga ĩ: yʉcã ĩñañerõcã mʉjãrã niwʉ̃ aicʉmarẽ bʉtoro tiruga ʉsearemenarã ñeno cʉohera bopacarare titamurãdara niyeru neõrẽ maquẽrẽ ãpẽrã sʉguero tisocora.#Pr 19:17; Mt 10:42; 1Co 16:2-3; 2Co 9:2; 1Tm 6:18-19; Heb 13:16. 11Tairo tira mʉjã, mʉjãcã tora abiro bʉtoro tiruga ʉsearemena tiere neõsocoriarora abirora marĩcʉorocãrẽ tiere tiyapaticomocãña. ¡Mʉjãcã cʉoro eatuarocãrõ nʉniña!#2Co 9:2. 12Ĩcʉ̃nocã nʉnirugari yeripũnamena cʉ̃cã nʉnirugarocãrõ nʉniñerõcã Manigʉ̃ mʉjãrẽ mʉjãcã tairo tirere bʉtoro peñarẽmena tiere ñurõ boca ñegʉagawi. Buri Manigʉ̃ marĩcã cʉoherenopʉrena marĩrẽ nʉniñerõcã yueheriwi.#Mc 12:43-44; Lc 21:3; 1Co 16:1-2. 13Yʉ mʉjãrẽ ãpẽrã ñeno cʉohera bopacarare titamunirã mʉjãpere apeyeno dʉsayora pʉtʉara earo ĩgʉ̃merã ya. Buripe mʉjãrẽ dʉsarenogãrẽ ĩcãrõpe cʉora niña ĩgʉ̃pe ya. 14Nipetirapʉra ĩcãrõpe nirẽcʉtiaro ĩgʉ̃ tiere tairo ĩ. Marĩcʉorore mʉjãcã cʉorenomena ñeno cʉohera bopacarare mʉjã titamumasĩrãrã nirã ya. Siropʉpere tamʉ cʉ̃jãrã mʉjãcã borere mʉjãcã cʉoheriñerõcã mʉjãrẽ cʉ̃jãcã cʉorenomenarã mʉjãrẽ titamumasĩrõãgawa. Mʉjã anorã abiro came nʉnirã mʉjãcã borere cʉopetimocãrõãcu.#2Co 9:12. 15Merẽ atie maquẽrẽna Manigʉ̃ye wederucũrẽrẽ ojayoriapũpʉ abiro ojayore ña: «Pairo serigʉcã pairo cʉocametʉagʉ eamocã tiheriwi. Tairora pẽrõgã serigʉcã dʉsayomocã tiheriwi» ĩ ojayore ña.#Ex 16:18.
Titore cʉ̃menamacãrãmena Corintopʉ ticorigue
16¡Manigʉ̃rẽ ñucametʉasu ĩ! Merẽ Titocã mʉjãrẽ titamurugagʉ mʉjãrẽ bʉtoro wãcũrẽcʉtigʉra ñawĩ yʉcã mʉjãye maquẽrẽna wãcũrẽcʉtirora abirora. 17Tairo tigʉ Tito ʉ̃sãcã cʉ̃rẽ mʉjã cʉtiropʉ wadotiñerõcã cʉ̃cã mata yʉriarora abirora, mʉjãrẽ titamurugagʉ warugasiarigʉ ninigʉ̃ marĩcʉorore cʉ̃cã wãcũrõ mʉjã cʉtiropʉra mʉjãrẽ tamʉ ĩñagʉ̃ wagʉ yawí. 18Cʉ̃ Titomenarẽ ãpĩ marĩyagʉ Jesucristore wedewõgʉ̃rẽ tico; cʉ̃rã nipetiro macãrãpʉra Jesucristore wedewõrĩbumacãrãrẽ “cʉ̃ Jesucristocã basocare cametʉore quetire ñurõ buegʉ ñawĩ” ĩ ñurõ wederucũyogʉ ñawĩ.#2Co 12:18. 19Ĩñerõcã cʉ̃rã Jesucristore wedewõrĩbumacãrãrẽ ñeyoarigʉ ñawĩ; niyeru neõyoariguere newãñerõcã ʉ̃sãrẽ bapuawʉmʉãcʉ. Ʉ̃sã atiere mʉjãcã ãpẽrãmena niyerure neõãriguere bopacarare titamurã ya ãpẽrã basocacã “marĩ Nirũpʉ̃ Manigʉ̃rẽ ñurõ titamugʉ̃ ñawĩ” ĩãtora abiro. Ĩñerõcã tairora ʉsãcã ʉsearemena titamurugarere eñorã tairo tira ya.#1Co 16:3-4. 20Ʉ̃sã tie niyerure mʉjãcã pairo neõãriguere ñurĩwãme newa ñeno cʉohera bopacarare queoro wiyoroacu; ãpẽrãcã ʉ̃sãrẽ “queoro tiheriayuwa diomocãyuwa” ĩ wedepasʉtipãmañerõcã bohera. 21Merẽ ʉ̃sã Nirũpʉ̃ Manigʉ̃cã ĩñacoro wadorena ʉ̃sãcã apõtĩõrõcãrõrã diamacã wãme tirugarucũrã niheri; basocacã ĩñacorocãrẽ tiwãmerã diamacã nirĩwãmerã tirugarucũrã ya.#Pr 3:4; Ro 12:17; 14:18. 22Cʉ̃jã Titojãmenarã ãpĩ marĩyagʉre Jesucristore wedewõquetatugʉre ʉ̃sãrẽ paje wãmerĩpe ʉ̃sãrẽ titamurugaicãgʉ̃rẽ tico. Marĩcʉoro docare sua cʉ̃ mʉjãrẽ “queorora tiroagawa” ĩmasĩnigʉ̃ cʉ̃cã tiariaronosotoape mʉjãrẽ tiwãmerã titamugʉ̃ warugagʉ yawí. 23Yʉ Titopere “yʉmenamacʉ̃, mʉjãye maquẽrẽ tigʉ yʉ̃menarã padederigʉ ñawĩ” ĩ. Tairora ãpẽrã pʉ̃ãrã marĩyarapere “Jesúre wedewõrĩbumacãrãcã ticoyora Jesucristoyere tiquetaturemenarã ãpẽrãrẽ Jesucristo ‘ñucametʉasuwi’ ĩ ʉseañerõcã tira ñawã” ĩ. 24Tairo tira mʉjã Corinto macãrã mʉjãcã maĩrẽ cʉorere nirõrã eñorã ãnijã ʉmʉã itiãrãrẽ ñucametʉaro boca ñeña. Mʉjãcã tora abiro tiremena cʉ̃jãrẽ ticoariara Jesucristore wedewõrĩbumacãrãcã ʉ̃sãcã mʉjãye maquẽrẽ wederucũboyeariarora abirora mʉjãrẽ “queorora cʉ̃jã tiayuwa” ĩ cʉ̃jãcã masĩãtora abiro.#2Co 7:14; 9:2.
Currently Selected:
2 Corintios 8: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 8
8
Nʉnirugari yeripũnamena ãpẽrãcã borere titamurẽ
1Yara yʉcã maĩrã ʉ̃sã mʉjãrẽ marĩcʉorore Manigʉ̃cã cʉ̃ye ĩñamaĩrẽmenarã Macedonia ditapʉ macãrã Jesúre wedewõrĩbu macãrãrẽ cʉ̃cã cʉ̃jãrẽ ñurõ titamurẽmenarã cʉ̃jãcã ãpẽrãrẽ titamurẽrẽ mʉjãrẽ masĩñerõcã tiruga.#Hch 16:9. 2Cʉ̃jã bʉtoro wisiore ñañarẽ ñapeayo bʉtoro posare cametʉacaperacãrã cʉ̃jã bʉtoro ʉsearemena nirucũwã. Cʉ̃jã icãta apeyenorẽ cʉoherijomocãrã nicaperacãrã paje bʉere cʉoribasocara abiro ñurõ nʉnirugari yeripũnamena ãpẽrãrẽ cʉ̃jãcã borere titamurãdara neõĩcãwã.#2Co 9:11; 1Ts 1:6; 2:14; 2Ts 1:4-5. 3Merẽ yʉra cʉ̃jãcã cʉoro eatuarocãrõ cʉ̃jãcã nʉnirãda ĩãriarosotoape neõñerõcã ĩñawʉ̃. Cʉ̃jãrẽ mʉjã tairo tiya ĩrõmerẽna cʉ̃jãcã wãcũrĩwãme tairo tira tiwa.#1Co 16:2. 4Cʉ̃jã ʉ̃sãrẽ ĩcãrĩmerã “Manigʉ̃yara bopacarare titamurẽrẽ tiñerõcã tira ʉ̃sãcãrẽ niyerure neõ cʉ̃jãrẽ ticoñerõcã tiya” ĩ sãĩwã.#Hch 24:17; Ro 15:25-26, 31; 2Co 9:1. 5Cʉ̃jã tiere tira ʉ̃sãcã wãcũriarosotoape tiwa. Marĩcʉ̃ cʉ̃jã cʉ̃jãbasurupe Nirũpʉ̃pere “mʉcã bore wadorena tirada” ĩ cʉ̃rẽ wiyosocowa. Tosirope ʉ̃sãcãrẽ “mʉjãcã dotirere Manigʉ̃cã borora abirora tirada” ĩwã. 6Cʉ̃jãcã tairo tiriguere ĩñanirã ʉ̃sã Titore tamʉ mʉjã cʉtiro Corintopʉra watora abiro quenorãrã ya. Merẽ tosʉguero mʉjã cʉtiropʉ nigʉ̃ ñeno cʉohera bopacarare titamugʉ̃dagʉ niyeru neõrẽrẽ tisocosiarigʉ niwĩ. Tairo tira ʉ̃sã mʉjãcã tora abiro ñurõ tisocoriarora abirora tiere tituwanʉcõãro ĩrã cʉ̃rẽ ticoro wãcũrã ya.#2Co 7:5-7; 8:16; 12:18. 7Mʉjã merẽ Manigʉ̃ye nipetirepʉrena ñurõ timasĩpetiwʉmʉãrãrã ña. Cʉ̃rẽ ĩcãdiamacãrã wedewõrẽ cʉora ña. Cʉ̃ye quetire cʉ̃cã masĩrẽ nʉnirẽmenarã queoro bue. Cʉ̃cã borora abirora ãpẽrãrẽ ñurõ titamurugarere cʉora ña. Ʉ̃sãrẽ maĩrẽ cʉora ña. Tairo tira mʉjã tiere ñurõ timasĩpetiwʉmʉãrõrã abirora ñeno cʉohera bopacarare titamurãdara neõrẽmaquẽcãrẽ ñurõ timasĩpetiwʉmʉãrucũrãrã niña.#1Co 1:4-7; 12:13; 2Co 9:8. 8Yʉcã anorã abiro ĩdisuaremena tiere mʉjãrẽ dotirera abiro tidoticũgʉ̃merã ya. Buripe ãpẽrã Jesúre wedewõrĩbumacãrãcã ñeno cʉohera bopacarare titamurẽ maquẽrẽ wede; cʉ̃jãcã tirora abirora mʉjãcãrẽ mʉjãcã maĩrẽ ĩritoro manirõ cʉorere eñorã tiwãmerã ãpẽrã Jesúre wedewõrĩbumacãrãrẽ titamurãdara neõrẽmaquẽrẽ timasĩrãrã nirã earo ĩgʉ̃.#1Co 7:6. 9Mʉjã merẽ atiere masĩga. Marĩ Nirũpʉ̃ Jesucristo nipetire ʉmʉãwesepʉ maquẽrẽ cʉopetigʉ nicapeicã marĩrẽ maĩnigʉ̃, marĩye maquẽ ñurẽ niãtere bosãnigʉ̃ atiditapʉre watigʉ ñeno cʉohegʉ bopacagʉra abiro nigʉ̃ earigʉ niwĩ; tora abiro cʉ̃cã tigʉ eariguemenarã marĩpere paje bʉere cʉoribasocara abiro nipetire ʉmʉãwesepʉ maquẽrẽ cʉopetira nirã eañerõcã tigʉ.#2Co 13:14; Flp 2:6-7. 10Tairo tigʉ yʉ mʉjãrẽ ñurõ bosãgʉ̃, yʉcã wãcũrĩwãmerã mʉjãrẽ atie maquẽrẽ abirope tiñerõcã ñuboga ĩ: yʉcã ĩñañerõcã mʉjãrã niwʉ̃ aicʉmarẽ bʉtoro tiruga ʉsearemenarã ñeno cʉohera bopacarare titamurãdara niyeru neõrẽ maquẽrẽ ãpẽrã sʉguero tisocora.#Pr 19:17; Mt 10:42; 1Co 16:2-3; 2Co 9:2; 1Tm 6:18-19; Heb 13:16. 11Tairo tira mʉjã, mʉjãcã tora abiro bʉtoro tiruga ʉsearemena tiere neõsocoriarora abirora marĩcʉorocãrẽ tiere tiyapaticomocãña. ¡Mʉjãcã cʉoro eatuarocãrõ nʉniña!#2Co 9:2. 12Ĩcʉ̃nocã nʉnirugari yeripũnamena cʉ̃cã nʉnirugarocãrõ nʉniñerõcã Manigʉ̃ mʉjãrẽ mʉjãcã tairo tirere bʉtoro peñarẽmena tiere ñurõ boca ñegʉagawi. Buri Manigʉ̃ marĩcã cʉoherenopʉrena marĩrẽ nʉniñerõcã yueheriwi.#Mc 12:43-44; Lc 21:3; 1Co 16:1-2. 13Yʉ mʉjãrẽ ãpẽrã ñeno cʉohera bopacarare titamunirã mʉjãpere apeyeno dʉsayora pʉtʉara earo ĩgʉ̃merã ya. Buripe mʉjãrẽ dʉsarenogãrẽ ĩcãrõpe cʉora niña ĩgʉ̃pe ya. 14Nipetirapʉra ĩcãrõpe nirẽcʉtiaro ĩgʉ̃ tiere tairo ĩ. Marĩcʉorore mʉjãcã cʉorenomena ñeno cʉohera bopacarare mʉjã titamumasĩrãrã nirã ya. Siropʉpere tamʉ cʉ̃jãrã mʉjãcã borere mʉjãcã cʉoheriñerõcã mʉjãrẽ cʉ̃jãcã cʉorenomenarã mʉjãrẽ titamumasĩrõãgawa. Mʉjã anorã abiro came nʉnirã mʉjãcã borere cʉopetimocãrõãcu.#2Co 9:12. 15Merẽ atie maquẽrẽna Manigʉ̃ye wederucũrẽrẽ ojayoriapũpʉ abiro ojayore ña: «Pairo serigʉcã pairo cʉocametʉagʉ eamocã tiheriwi. Tairora pẽrõgã serigʉcã dʉsayomocã tiheriwi» ĩ ojayore ña.#Ex 16:18.
Titore cʉ̃menamacãrãmena Corintopʉ ticorigue
16¡Manigʉ̃rẽ ñucametʉasu ĩ! Merẽ Titocã mʉjãrẽ titamurugagʉ mʉjãrẽ bʉtoro wãcũrẽcʉtigʉra ñawĩ yʉcã mʉjãye maquẽrẽna wãcũrẽcʉtirora abirora. 17Tairo tigʉ Tito ʉ̃sãcã cʉ̃rẽ mʉjã cʉtiropʉ wadotiñerõcã cʉ̃cã mata yʉriarora abirora, mʉjãrẽ titamurugagʉ warugasiarigʉ ninigʉ̃ marĩcʉorore cʉ̃cã wãcũrõ mʉjã cʉtiropʉra mʉjãrẽ tamʉ ĩñagʉ̃ wagʉ yawí. 18Cʉ̃ Titomenarẽ ãpĩ marĩyagʉ Jesucristore wedewõgʉ̃rẽ tico; cʉ̃rã nipetiro macãrãpʉra Jesucristore wedewõrĩbumacãrãrẽ “cʉ̃ Jesucristocã basocare cametʉore quetire ñurõ buegʉ ñawĩ” ĩ ñurõ wederucũyogʉ ñawĩ.#2Co 12:18. 19Ĩñerõcã cʉ̃rã Jesucristore wedewõrĩbumacãrãrẽ ñeyoarigʉ ñawĩ; niyeru neõyoariguere newãñerõcã ʉ̃sãrẽ bapuawʉmʉãcʉ. Ʉ̃sã atiere mʉjãcã ãpẽrãmena niyerure neõãriguere bopacarare titamurã ya ãpẽrã basocacã “marĩ Nirũpʉ̃ Manigʉ̃rẽ ñurõ titamugʉ̃ ñawĩ” ĩãtora abiro. Ĩñerõcã tairora ʉsãcã ʉsearemena titamurugarere eñorã tairo tira ya.#1Co 16:3-4. 20Ʉ̃sã tie niyerure mʉjãcã pairo neõãriguere ñurĩwãme newa ñeno cʉohera bopacarare queoro wiyoroacu; ãpẽrãcã ʉ̃sãrẽ “queoro tiheriayuwa diomocãyuwa” ĩ wedepasʉtipãmañerõcã bohera. 21Merẽ ʉ̃sã Nirũpʉ̃ Manigʉ̃cã ĩñacoro wadorena ʉ̃sãcã apõtĩõrõcãrõrã diamacã wãme tirugarucũrã niheri; basocacã ĩñacorocãrẽ tiwãmerã diamacã nirĩwãmerã tirugarucũrã ya.#Pr 3:4; Ro 12:17; 14:18. 22Cʉ̃jã Titojãmenarã ãpĩ marĩyagʉre Jesucristore wedewõquetatugʉre ʉ̃sãrẽ paje wãmerĩpe ʉ̃sãrẽ titamurugaicãgʉ̃rẽ tico. Marĩcʉoro docare sua cʉ̃ mʉjãrẽ “queorora tiroagawa” ĩmasĩnigʉ̃ cʉ̃cã tiariaronosotoape mʉjãrẽ tiwãmerã titamugʉ̃ warugagʉ yawí. 23Yʉ Titopere “yʉmenamacʉ̃, mʉjãye maquẽrẽ tigʉ yʉ̃menarã padederigʉ ñawĩ” ĩ. Tairora ãpẽrã pʉ̃ãrã marĩyarapere “Jesúre wedewõrĩbumacãrãcã ticoyora Jesucristoyere tiquetaturemenarã ãpẽrãrẽ Jesucristo ‘ñucametʉasuwi’ ĩ ʉseañerõcã tira ñawã” ĩ. 24Tairo tira mʉjã Corinto macãrã mʉjãcã maĩrẽ cʉorere nirõrã eñorã ãnijã ʉmʉã itiãrãrẽ ñucametʉaro boca ñeña. Mʉjãcã tora abiro tiremena cʉ̃jãrẽ ticoariara Jesucristore wedewõrĩbumacãrãcã ʉ̃sãcã mʉjãye maquẽrẽ wederucũboyeariarora abirora mʉjãrẽ “queorora cʉ̃jã tiayuwa” ĩ cʉ̃jãcã masĩãtora abiro.#2Co 7:14; 9:2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.