2 Corintios 7
7
1Yara Jesucristore wedewõrã yʉcã maĩrã atiera ña cʉ̃cã marĩrẽ abiro tigʉda ĩriguere marĩcã cʉore. Tairo tira ñañarẽrẽ tinirã, ñañarẽrẽ mamarã nirã eaherimocãrãda marĩya ũpʉ̃rĩpʉre, marĩya yeripũnarĩpʉcãrẽ ñañarẽ manirãrã nirãdara. Manigʉ̃rẽ cuwiopesaremena ĩña cʉ̃rẽ wedewõrã cʉ̃rã abiro ñañarẽ manirã nirã earadara bʉtoro marĩcã apõtĩõrõcãrõ cʉ̃cã tiñerõcã boreperena yʉrucũmocãrãda.#1Co 6:17-18; 1Ts 4:7; 1Jn 3:3.
Pablocã Corinto macãrãmena ʉsearigue
2Ʉ̃sãrẽ mʉjã mʉjãye yeripũnarĩpʉra bʉtoro maĩrẽ cʉo tʉoiñaña. Merẽ ʉ̃sã icãta ĩcʉ̃norẽna mʉjãrẽ ñañarõ tiheri; icãta ĩcʉ̃norẽna mʉjãrẽ ʉ̃sãcã bueremena ñañarẽrẽ tiñerõcã tinirã posoheri; icãta mʉjã nipetirarena mʉjãrẽ ĩritonirã mʉjãyere nemocã tiheri.#2Co 6:11-13; 11:4-13; 12:17. 3Yʉ mʉjãrẽ anorã abiro ĩdisuagʉ “mʉjãcã ñañarẽrẽ tirigue wapa wapa cʉorara ña” ĩ wedepasʉtigʉmerã ya. Yʉcã mʉjãrẽ tosʉgueropʉ ĩriarora abirora yʉ ya yeripũnapʉmenarã mʉjãrẽ maĩrẽ cʉo. Tairo tiro yʉcã mʉjãrẽ maĩrẽ cʉorere cõwõãrẽrã, catirera icãta acutamasĩheriroacu.#2Co 6:11-12. 4Yʉ mʉjãrẽ ñurẽrẽ tira yawa ĩrẽquetire tʉogʉ eagʉ “cʉ̃jã diamacãrã tairora queoro tirucũmocãrõãgawa” ĩ mʉjãyere wederucũboyemasĩgʉ̃rã nigʉ̃ ea. Tairo tira ʉ̃sã ʉ̃sãcã ñañarõ cametʉarucũrõ doca nicapetacãrã wãcũtutua bʉtoro ʉseacametʉasura ña.#2Co 1:4, 14; 3:12; Flp 2:17; Col 1:24. 5Ʉ̃sã Macedoniapʉre eara icãta pẽrõgãno ʉ̃sãye ũpʉ̃rĩrẽ yerĩsãrẽno cʉoherijomocãrã nirã eawʉ. Buripe no ʉ̃sãcã waro nipetiropʉ ʉ̃sãrẽ yerisãnʉcãrõ manirõjoro ñañarẽ ʉ̃sãrẽ ñapea, no nirẽ wisiore biwʉ. Ãpẽrã ʉ̃sãmena cuaseo biwa. Tie watoara ʉ̃sãpecã mʉjãrẽ ʉ̃sãcã bueriarare wacurã bʉtoro wacupasʉtira nirã eawʉ.#Dt 32:25; 2Co 2:12-13; 4:8. 6Tairo bicapetacãrã buri Manigʉ̃pe wãcũpasʉtirare wãcũtutuañerõcã tigʉpe Titocã ʉ̃sã cʉtiropʉ eawaremena ʉ̃sãrẽ wãcũtutuara nirã eañerõcã tiwí.#2Co 1:3-4; 2:13. 7Cʉ̃cã ano ʉ̃sã cʉtiropʉ earemena wadore ʉ̃sãrẽ ʉseañerõcã tiheriwʉ. Mʉjãcã cʉ̃rẽ wãcũtutuañerõcã tiriguere ʉ̃sãrẽ cʉ̃cã wedere earecã tairora ʉ̃sãrẽ bʉtoro ʉseañerõcã tiwʉ. Cʉ̃ ʉ̃sãrẽ mʉjãcã yʉre ĩñarugarere, mʉjãcã yʉmena wãcũpasʉtira nirẽrẽ, mʉjãcã yaye maquẽrẽ wãcũbosarere ʉ̃sãrẽ wedejeawi. Atiera nipetire cʉ̃cã wederera yʉre sotoajoro ʉseagʉ niñerõcã tiro eawʉ. 8Yʉ, yʉcã mʉjãrẽ mʉjãcã ñañarẽ tirere ojacoriapũmena mʉjãrẽ bʉtoro wãcũpasʉtira nirã eañerõcã tiwʉ. Yʉcã tiere tairo tiriasiro nicapetacãrã marĩcʉorore yʉ cʉ̃jãrẽ ñañarõ tigʉ tiyu ĩ wãcũpasʉtiheri. Tora abiro mʉjãcã bira eañerõcãrã marĩcʉ̃ yʉre “cʉ̃jãrẽ tora abiro ojaherimocãrõ bomiyu quẽna” ĩrõ eamiwʉ̃. Buri marĩcʉoropere sua tairo wãcũheri. Mʉjãrẽ tora abiro wãcũpasʉtira nirã eañerõcã ticãpeicã queorojoropʉare mʉjãrẽ yoariwatoa wãcũpasʉtira nirã eañerõcã tiheriyu.#2Co 2:2, 4. 9Tairo tigʉ marĩcʉorore yʉcã mʉjãrẽ tora abiro wãcũpasʉtira nirã eañerõcã tiriguere wãcũgʉ̃ buripe ʉsea. Merẽ tie wãcũpasʉtirera mʉjãrẽ mʉjãcã ñañarẽ tiriguere wasoara eañerõcã tinirõ Manigʉ̃rẽ acõbore sãĩrã eañerõcã ya. Mʉjãcã tora abiro wãcũpasʉtira nirã eariguera Manigʉ̃cã borora abirope waro tiyu. Tairo tira ʉ̃sãpʉa ñenojororena cʉ̃jãrẽ ñañarõ biñerõcã tira marĩ tairo ojayu ĩ wãcũheri. 10Manigʉ̃pʉra cʉ̃cã borora abirora ñañarẽye wapamenarã wãcũpasʉtira nirã eara tiñerõcã tiere wãcũasiara pʉtʉara eaherimocãña. Cʉ̃cã tairo tirera tie ñañarẽrẽ wasoamocã, cʉ̃rẽ acõbore sãĩrã eañerõcã tinirõ pecamepʉ tairo posarucũrã eaboariarare cametʉoyoanarã nirã eañerõcã ya. Atibʉreco macãrã Jesúre wedewõhera cʉ̃jãcã ñañarẽ tirecʉtiriguere wãcũpasʉtira eacaperacãrã wasoaheriwa. Icãta ñañarẽrẽ tiduheriwa. Tairo tiro cʉ̃jãcã tairo tirera cʉ̃jãrẽ pecamepʉra posarucũrã wana niñerõcã ya.#Hch 11:8. 11Manigʉ̃cã borora abirora mʉjãrẽ wãcũpasʉtira nirã eañerõcã tiriguere mʉjã sua ĩñaña. ¡Tiera mʉjãrẽ merĩãwãmepe wasoa ñurẽrẽ tiñerõcã tiro ea! Tairo biñerõcãpʉra yʉre “cʉ̃ ñeno ñañarẽ marĩrẽ tiheriyi” ĩ masĩrã eayu. Tairora “marĩrẽ wariguere quenorãda; marĩ queoro tiheriayu; queoro tirada sua” ĩrã eayuro. Mʉjã, mʉjã watoapʉ wariguere ĩñarã cuayuro sua; ĩñerõcã “tieye wapamenarã Manigʉ̃ marĩrẽ ñañarõ tigʉagawi” ĩ cuire cʉorara nirã eayuro. Yʉpʉrena mʉjãrẽ ĩñagʉ̃ wañerõcã bora eayuro; diamacã maquẽrẽ tirugara nirã eayuro; ñañarẽ tirigʉre diamacãrã ñañarõ tiayuro. Tairo tira mʉjã mʉjãcã anorã abiro atie nipetirere tira earemenarã mʉjã watoare ñañarẽ bire eariguere mʉjãcã wapa cʉohera nirẽrẽ masĩrã eañerõcã tiayu.#Ro 3:5; 2Co 2:6. 12Tairo tigʉ yʉ mʉjãrẽ tosʉguero ĩcãpũ ojacogʉ mʉjã watoa ñañarẽ tirigʉ wadorena ĩñerõcã cʉ̃cã ñañarõ tidocatuyogʉ wadorena wãcũnigʉ̃ ojacogʉmerã tiwʉ. Buripe mʉjã nipetirare ojacogʉ tiwʉ mʉjãrẽ “Manigʉ̃cã ĩñacorore ʉ̃sã queorora yʉmirĩ” ĩ masĩdotigʉ.#1Co 5:1-2; 2Co 2:3, 9. 13Tie nipetirera ʉ̃sãrẽ ñurõ yʉsʉo wãcũtutuara nirã eañerõcã ya. Buri atie ʉ̃sãcã wãcũtutuare watoarena mʉjãcã Titore wãcũpasʉtigʉ nirẽrẽ cʉ̃ya yeripũnarẽ mama wãcũtutuare nʉniriguemena cʉ̃cã ʉsea wãcũtutuagʉ nirẽrẽ ĩñarã tiemenapecãrẽ ʉ̃sã sotoajoro ʉsea wãcũtutuara nirã ea.#1Co 16:18. 14Merẽ yʉ Titore cʉ̃cã mʉjã cʉtiropʉ watosʉgueropʉra mʉjãmena yʉcã ʉsea wãcũboyegʉ nirẽrẽ cʉ̃rẽ wedesiawʉ. Tairo tira mʉjã yʉre ñañarõ pʉtʉañerõcã tiheriayu. Cʉ̃cã topʉ eawañerõcã yʉcã wederiarora abirora queoro tiayuro. Tairo tiro nipetirepʉrena ʉ̃sãcã mʉjãrẽ wederigue queoro nirorã abirora Titore ʉ̃sãcã mʉjãye maquẽrẽ wederiguẽcã queorora nirõ eayu. 15Cʉ̃cã mʉjã cʉtiropʉ eawañerõcã mʉjã nipetirapʉra cʉ̃rẽ ñurõ boca ñeãyuro. Cʉ̃cã dotirere ñurõ cuwiopesaremena yʉayuro. Tairo tigʉ cʉ̃ mʉjãcã tairo tiriguere wãcũgʉ̃ cʉ̃cã mʉjãrẽ maĩrẽ cʉogʉ eariarosotoape mʉjãrẽ bʉtoro bowi.#2Co 2:9; Flp 2:12. 16Tairo tigʉ yʉcã mʉjãrẽ mʉjãcã ñurẽ tirere “nipetire wãmerĩpʉrena queoro tiroagawa” ĩ wedewõrẽ cʉonigʉ̃ bʉtoro ʉseagʉra nigʉ̃ ea.#2Ts 3:4.
Currently Selected:
2 Corintios 7: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 7
7
1Yara Jesucristore wedewõrã yʉcã maĩrã atiera ña cʉ̃cã marĩrẽ abiro tigʉda ĩriguere marĩcã cʉore. Tairo tira ñañarẽrẽ tinirã, ñañarẽrẽ mamarã nirã eaherimocãrãda marĩya ũpʉ̃rĩpʉre, marĩya yeripũnarĩpʉcãrẽ ñañarẽ manirãrã nirãdara. Manigʉ̃rẽ cuwiopesaremena ĩña cʉ̃rẽ wedewõrã cʉ̃rã abiro ñañarẽ manirã nirã earadara bʉtoro marĩcã apõtĩõrõcãrõ cʉ̃cã tiñerõcã boreperena yʉrucũmocãrãda.#1Co 6:17-18; 1Ts 4:7; 1Jn 3:3.
Pablocã Corinto macãrãmena ʉsearigue
2Ʉ̃sãrẽ mʉjã mʉjãye yeripũnarĩpʉra bʉtoro maĩrẽ cʉo tʉoiñaña. Merẽ ʉ̃sã icãta ĩcʉ̃norẽna mʉjãrẽ ñañarõ tiheri; icãta ĩcʉ̃norẽna mʉjãrẽ ʉ̃sãcã bueremena ñañarẽrẽ tiñerõcã tinirã posoheri; icãta mʉjã nipetirarena mʉjãrẽ ĩritonirã mʉjãyere nemocã tiheri.#2Co 6:11-13; 11:4-13; 12:17. 3Yʉ mʉjãrẽ anorã abiro ĩdisuagʉ “mʉjãcã ñañarẽrẽ tirigue wapa wapa cʉorara ña” ĩ wedepasʉtigʉmerã ya. Yʉcã mʉjãrẽ tosʉgueropʉ ĩriarora abirora yʉ ya yeripũnapʉmenarã mʉjãrẽ maĩrẽ cʉo. Tairo tiro yʉcã mʉjãrẽ maĩrẽ cʉorere cõwõãrẽrã, catirera icãta acutamasĩheriroacu.#2Co 6:11-12. 4Yʉ mʉjãrẽ ñurẽrẽ tira yawa ĩrẽquetire tʉogʉ eagʉ “cʉ̃jã diamacãrã tairora queoro tirucũmocãrõãgawa” ĩ mʉjãyere wederucũboyemasĩgʉ̃rã nigʉ̃ ea. Tairo tira ʉ̃sã ʉ̃sãcã ñañarõ cametʉarucũrõ doca nicapetacãrã wãcũtutua bʉtoro ʉseacametʉasura ña.#2Co 1:4, 14; 3:12; Flp 2:17; Col 1:24. 5Ʉ̃sã Macedoniapʉre eara icãta pẽrõgãno ʉ̃sãye ũpʉ̃rĩrẽ yerĩsãrẽno cʉoherijomocãrã nirã eawʉ. Buripe no ʉ̃sãcã waro nipetiropʉ ʉ̃sãrẽ yerisãnʉcãrõ manirõjoro ñañarẽ ʉ̃sãrẽ ñapea, no nirẽ wisiore biwʉ. Ãpẽrã ʉ̃sãmena cuaseo biwa. Tie watoara ʉ̃sãpecã mʉjãrẽ ʉ̃sãcã bueriarare wacurã bʉtoro wacupasʉtira nirã eawʉ.#Dt 32:25; 2Co 2:12-13; 4:8. 6Tairo bicapetacãrã buri Manigʉ̃pe wãcũpasʉtirare wãcũtutuañerõcã tigʉpe Titocã ʉ̃sã cʉtiropʉ eawaremena ʉ̃sãrẽ wãcũtutuara nirã eañerõcã tiwí.#2Co 1:3-4; 2:13. 7Cʉ̃cã ano ʉ̃sã cʉtiropʉ earemena wadore ʉ̃sãrẽ ʉseañerõcã tiheriwʉ. Mʉjãcã cʉ̃rẽ wãcũtutuañerõcã tiriguere ʉ̃sãrẽ cʉ̃cã wedere earecã tairora ʉ̃sãrẽ bʉtoro ʉseañerõcã tiwʉ. Cʉ̃ ʉ̃sãrẽ mʉjãcã yʉre ĩñarugarere, mʉjãcã yʉmena wãcũpasʉtira nirẽrẽ, mʉjãcã yaye maquẽrẽ wãcũbosarere ʉ̃sãrẽ wedejeawi. Atiera nipetire cʉ̃cã wederera yʉre sotoajoro ʉseagʉ niñerõcã tiro eawʉ. 8Yʉ, yʉcã mʉjãrẽ mʉjãcã ñañarẽ tirere ojacoriapũmena mʉjãrẽ bʉtoro wãcũpasʉtira nirã eañerõcã tiwʉ. Yʉcã tiere tairo tiriasiro nicapetacãrã marĩcʉorore yʉ cʉ̃jãrẽ ñañarõ tigʉ tiyu ĩ wãcũpasʉtiheri. Tora abiro mʉjãcã bira eañerõcãrã marĩcʉ̃ yʉre “cʉ̃jãrẽ tora abiro ojaherimocãrõ bomiyu quẽna” ĩrõ eamiwʉ̃. Buri marĩcʉoropere sua tairo wãcũheri. Mʉjãrẽ tora abiro wãcũpasʉtira nirã eañerõcã ticãpeicã queorojoropʉare mʉjãrẽ yoariwatoa wãcũpasʉtira nirã eañerõcã tiheriyu.#2Co 2:2, 4. 9Tairo tigʉ marĩcʉorore yʉcã mʉjãrẽ tora abiro wãcũpasʉtira nirã eañerõcã tiriguere wãcũgʉ̃ buripe ʉsea. Merẽ tie wãcũpasʉtirera mʉjãrẽ mʉjãcã ñañarẽ tiriguere wasoara eañerõcã tinirõ Manigʉ̃rẽ acõbore sãĩrã eañerõcã ya. Mʉjãcã tora abiro wãcũpasʉtira nirã eariguera Manigʉ̃cã borora abirope waro tiyu. Tairo tira ʉ̃sãpʉa ñenojororena cʉ̃jãrẽ ñañarõ biñerõcã tira marĩ tairo ojayu ĩ wãcũheri. 10Manigʉ̃pʉra cʉ̃cã borora abirora ñañarẽye wapamenarã wãcũpasʉtira nirã eara tiñerõcã tiere wãcũasiara pʉtʉara eaherimocãña. Cʉ̃cã tairo tirera tie ñañarẽrẽ wasoamocã, cʉ̃rẽ acõbore sãĩrã eañerõcã tinirõ pecamepʉ tairo posarucũrã eaboariarare cametʉoyoanarã nirã eañerõcã ya. Atibʉreco macãrã Jesúre wedewõhera cʉ̃jãcã ñañarẽ tirecʉtiriguere wãcũpasʉtira eacaperacãrã wasoaheriwa. Icãta ñañarẽrẽ tiduheriwa. Tairo tiro cʉ̃jãcã tairo tirera cʉ̃jãrẽ pecamepʉra posarucũrã wana niñerõcã ya.#Hch 11:8. 11Manigʉ̃cã borora abirora mʉjãrẽ wãcũpasʉtira nirã eañerõcã tiriguere mʉjã sua ĩñaña. ¡Tiera mʉjãrẽ merĩãwãmepe wasoa ñurẽrẽ tiñerõcã tiro ea! Tairo biñerõcãpʉra yʉre “cʉ̃ ñeno ñañarẽ marĩrẽ tiheriyi” ĩ masĩrã eayu. Tairora “marĩrẽ wariguere quenorãda; marĩ queoro tiheriayu; queoro tirada sua” ĩrã eayuro. Mʉjã, mʉjã watoapʉ wariguere ĩñarã cuayuro sua; ĩñerõcã “tieye wapamenarã Manigʉ̃ marĩrẽ ñañarõ tigʉagawi” ĩ cuire cʉorara nirã eayuro. Yʉpʉrena mʉjãrẽ ĩñagʉ̃ wañerõcã bora eayuro; diamacã maquẽrẽ tirugara nirã eayuro; ñañarẽ tirigʉre diamacãrã ñañarõ tiayuro. Tairo tira mʉjã mʉjãcã anorã abiro atie nipetirere tira earemenarã mʉjã watoare ñañarẽ bire eariguere mʉjãcã wapa cʉohera nirẽrẽ masĩrã eañerõcã tiayu.#Ro 3:5; 2Co 2:6. 12Tairo tigʉ yʉ mʉjãrẽ tosʉguero ĩcãpũ ojacogʉ mʉjã watoa ñañarẽ tirigʉ wadorena ĩñerõcã cʉ̃cã ñañarõ tidocatuyogʉ wadorena wãcũnigʉ̃ ojacogʉmerã tiwʉ. Buripe mʉjã nipetirare ojacogʉ tiwʉ mʉjãrẽ “Manigʉ̃cã ĩñacorore ʉ̃sã queorora yʉmirĩ” ĩ masĩdotigʉ.#1Co 5:1-2; 2Co 2:3, 9. 13Tie nipetirera ʉ̃sãrẽ ñurõ yʉsʉo wãcũtutuara nirã eañerõcã ya. Buri atie ʉ̃sãcã wãcũtutuare watoarena mʉjãcã Titore wãcũpasʉtigʉ nirẽrẽ cʉ̃ya yeripũnarẽ mama wãcũtutuare nʉniriguemena cʉ̃cã ʉsea wãcũtutuagʉ nirẽrẽ ĩñarã tiemenapecãrẽ ʉ̃sã sotoajoro ʉsea wãcũtutuara nirã ea.#1Co 16:18. 14Merẽ yʉ Titore cʉ̃cã mʉjã cʉtiropʉ watosʉgueropʉra mʉjãmena yʉcã ʉsea wãcũboyegʉ nirẽrẽ cʉ̃rẽ wedesiawʉ. Tairo tira mʉjã yʉre ñañarõ pʉtʉañerõcã tiheriayu. Cʉ̃cã topʉ eawañerõcã yʉcã wederiarora abirora queoro tiayuro. Tairo tiro nipetirepʉrena ʉ̃sãcã mʉjãrẽ wederigue queoro nirorã abirora Titore ʉ̃sãcã mʉjãye maquẽrẽ wederiguẽcã queorora nirõ eayu. 15Cʉ̃cã mʉjã cʉtiropʉ eawañerõcã mʉjã nipetirapʉra cʉ̃rẽ ñurõ boca ñeãyuro. Cʉ̃cã dotirere ñurõ cuwiopesaremena yʉayuro. Tairo tigʉ cʉ̃ mʉjãcã tairo tiriguere wãcũgʉ̃ cʉ̃cã mʉjãrẽ maĩrẽ cʉogʉ eariarosotoape mʉjãrẽ bʉtoro bowi.#2Co 2:9; Flp 2:12. 16Tairo tigʉ yʉcã mʉjãrẽ mʉjãcã ñurẽ tirere “nipetire wãmerĩpʉrena queoro tiroagawa” ĩ wedewõrẽ cʉonigʉ̃ bʉtoro ʉseagʉra nigʉ̃ ea.#2Ts 3:4.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.