2 Corintios 6
6
1Tairo tira ʉ̃sã Manigʉ̃yere padedebosaribasocara ninirã mʉjãrẽ “Manigʉ̃cã cʉ̃ye ĩñamaĩrẽmenarã mʉjãrẽ ñurõ titamuriguere buri nirẽrẽ tirara abiro tidiocõãherimocãña; cʉ̃yere tairo tirucũmocãña” ĩ sãĩ.#1Co 3:9; 2Co 5:20; Heb 12:15. 2Merẽ Manigʉ̃ cʉ̃ye wederucũrẽrẽ ojayoriapũpʉra abiro ĩrigʉ niwĩ:
«Yʉcã yaye ĩñamaĩrẽmena ĩñarĩwatoa earemenarã
mʉjãcã yʉre sãĩrẽrẽ yʉ yʉgʉacu.
Yʉcã cametʉoribʉreco eariwatoarena
yʉ mʉjãrẽ titamugʉacu»#Is 49:8.
ĩ ojayore ña.
¡Mʉjãrẽ wede! Marĩcʉoro Manigʉ̃cã anorã abiro ñurõ tiwatoa niñerõcãrã basocare cʉ̃jãcã Manigʉ̃rẽ “¡yʉre titamuña!” ĩ sãĩrãrẽ cʉ̃cã tʉorugariwatoa nirõ ya. Marĩcʉoro cʉ̃rẽ “¡yʉre cametʉoya!” ĩ sãĩrãrẽ cʉ̃cã cametʉoriwatoa nirõ ya.#Jn 8:56; Heb 11:3.
Pablo cʉ̃cã tirecʉti nirẽmenarã nirõrã Jesucristocã cʉ̃ye quetire buedotigʉ cũyorigʉ nirẽrẽ cʉ̃cã eñorẽ
3Ʉ̃sã ãpẽrãrẽ ʉ̃sãcã Manigʉ̃yere padederere ñañarõ wederucũri ĩrã basocare icãta ñañarẽrẽ tiẽñoheri; tairo tiremena Manigʉ̃rẽ wedewõrã eaheribogawa ĩrã.#Ro 14:13; 1Co 9:12; 10:32. 4Buripe nipetirere ʉ̃sãcã tiremenarã Manigʉ̃rẽ ʉ̃sãcã padedecotera nirẽrẽ ãpẽrãrẽ masĩñerõcã bora ʉ̃sã abirope ya: cʉ̃yere buewõnorã ʉ̃sãcã ñañarõ posarere, ʉ̃sãcã borere icãta cʉohera, ʉ̃sãrẽ wisioro warere ñurõmenarã wãcũtutua apõtĩõ nʉcãmocã. 5Apewatoare ʉ̃sãrẽ bapewa. Peresupʉ newa biadopowa. Apewatoare basocacã pajʉ neãporopʉ ʉ̃sãrẽ cua ʉ̃sãrẽ sĩãrugara ticãwã. Apewatoare bʉtoro posaremena padederecʉti. Apewatoare canirõ manirõ bʉtoro ʉaboaremena padede.#2Co 11:23; Hch 13:50; 16:23; 17:5; 19:23-41. 6Tairora ʉ̃sã Manigʉ̃rẽ padedecotera nirẽrẽ basocare masĩñerõcã bora atiecãrẽ ya: cʉ̃jãrẽ cʉ̃yere buera ñeno ñañarẽnopere ʉ̃sãpʉre cʉoherara ñurẽ wadore tirugaremena ticã, diamacã maquẽ nirẽrẽ ʉ̃sãcã masĩrẽmenarã, bopacaĩñarẽ cʉoremenarã, titamurugaremenarã, Espíritu Santo ʉ̃sãpʉre nigʉ̃cã ʉ̃sãrẽ siosʉguerora abirora, queoro maĩrẽrẽ cʉoremenarã ticã, 7queoro nirẽ quetire ʉ̃sãcã wederemenarã ĩñerõcã Manigʉ̃ye tutuaremenarã ʉ̃sã cʉ̃yere bueicã. Ĩcʉ̃ basocʉ cʉ̃cã wãmocʉtirenomena cʉ̃mena camequẽrugagʉre apõtĩõrõrã abiro diamacã maquẽrẽ ʉ̃sãcã tiremenarã wãmocʉtinirã ʉ̃sãrẽ Manigʉ̃ye quetire wederere acutaranorẽ apõtĩõmasĩ, acutamasĩ bira ea.#2Co 4:2; 10:4; Ef 6:11, 13. 8Ʉ̃sãcã basocare bueñerõcã apewatoare ʉ̃sãrẽ ĩcãrã wedewõrẽmena ĩñawã; buri apewatoapere ãpẽrãpe ʉ̃sãrẽ wedewõheriwa. Tairora apewatoapere ʉ̃sãrẽ ĩcãrã ñurõ wederucũwã; buri apewatoapere ãpẽrãpe ʉ̃sãrẽ ñañarõ wederucũwã. Diamacã maquẽ nirẽrẽ ʉ̃sãcã queoro buecapetacãrã apewatoare ʉ̃sãrẽ “ĩritoremena bueribasoca ñawã” ĩ ĩñawã. 9Ʉ̃sãrẽ ñurõ ĩñamasĩcaperãcãrã ĩcãrãpe ʉ̃sãrẽ “buri nirã ñawã” ĩnirã ʉ̃sãrẽ ĩñamasĩherara abiro ĩñaicãwã. No ʉ̃sãcã waro ʉ̃sãrẽ sĩãrugacapetacãrã ʉ̃sã cati marĩcʉ̃. Ʉ̃sãrẽ bʉtoro ñañacametʉaro yawa; buri tairo ticaperacãrã ʉ̃sãrẽ sĩãheriwa.#Ro 8:36; 2Co 1:8-10; 4:10-11. 10Ʉ̃sã wãcũpasʉtiremena nirã baumi; buri queorojoropʉare tairo nicaperacãrã toquẽrĩpʉra ʉsearemena nirucũmocã. Basocacã ʉ̃sãrẽ bopacaribasocara abirojoro ĩñacapetacãrã ʉ̃sãpe ʉ̃sãcã buerere tʉorare nipetirere cʉopetirara abiro wapapacarere cʉora eañerõcã ticã. Basocacã ʉ̃sãrẽ atibʉreco maquẽ ñenojorore cʉoherijomocãrã abiro ĩñacapetacãrã ʉ̃sãpe Manigʉ̃ye ñurẽ nipetirere cʉopetimocãrãrã nirã ya.#Ro 8:32; 1Co 1:4-5; 3:21; Lc 12:15, 21; Ef 2:7; 3:8; Flp 4:19; Col 2:3. 11Yara, mʉjã Jesúre wedewõrã Corinto macãrãrẽ ʉ̃sã ojara yajioro manirõ ʉ̃sãcã mʉjãrẽ wãcũrẽrẽ wedepetimocã. Merẽ ʉ̃sãye yeripũnarĩpʉmenarã ʉ̃sãcã mʉjãrẽ maĩrẽ cʉorere eñopetimocã.#2Co 7:3. 12Merẽ ʉ̃sãpʉa ʉ̃sãcã maĩrẽ cʉore nipetiremenarã mʉjãrẽ maĩ; mʉjãrẽ nocãrõgãrã maĩrẽ cʉomocã tiheri. Mʉjãpe doca ʉ̃sãrẽ mʉjãcã maĩrẽ cʉore nipetiremenarã ʉ̃sãrẽ maĩherara; pẽrõgãrã maĩrẽ cʉora nimocã. 13Tairo tigʉ yʉ marĩcʉorore ĩcʉ̃ pacʉcã pũnarẽ sãĩrõrã abiro mʉjãrẽ abiro sãĩgʉ̃da: ʉ̃sãcã mʉjãrẽ diamacãrã maĩrẽ cʉorora abirora mʉjãcã ʉ̃sãrẽ maĩrẽ cʉoya.#1Co 4:14.
Ñañarẽrẽ piticõãmocãña
14Mʉjã Jesucristore wedewõhẽramena came wãcũpʉtʉa cʉ̃jãmena ĩcãrõ nirã eaherimocãña. Mʉjãcã tʉoiñañerõcã ¿ñurẽ ñañarẽmena ĩcãrõ ñurõ nicamejiamasĩrĩ? O tairora ¿bowerecã naĩtĩãrẽmenarã ĩcãrõrã ñurõ nicamejiamasĩrĩ?#Dt 7:2-3; 1Co 5:9-10; Ef 5:7, 11; 1Jn 1:6. 15Jesucristore wãtĩã nirũpʉ̃mena ĩcãrõrã came ñurõ bapucʉtireno icãta manijomocã. Tairora Jesucristore queorora wedewõquetatugʉnocã ĩcʉ̃rẽ Jesucristore wedewõhegʉnorẽna yagʉ ĩ pisumasĩheriwi. 16Manigʉ̃wi cʉ̃cã nirĩwĩ basocacã cʉ̃jãcã wedewõãtere queore weyoriguemena ĩcãrõ wãcũpʉtʉa nimasĩheri. Merẽ marĩrã cʉ̃ Manigʉ̃ catirucũgʉ̃cã nirĩwira nirã ya. Cʉ̃ Manigʉ̃basurupera abiro ĩsiarigʉ niwĩ: «Yʉ cʉ̃jãmenarã nirucũ; cʉ̃jãrẽ bapurucũmocãgʉacu. Yʉra cʉ̃jãya Manigʉ̃ nigʉacu; cʉ̃jãpe yamacã macãrã nirõãgawa» ĩwĩ.#Jer 31:1; Ez 37:27; 1Co 3:16; 6:19. 17Tairo tigʉ Nirũpʉ̃ Manigʉ̃ marĩrẽ cʉ̃ye wederucũrẽrẽ ojayoariapũmenarã abiro ĩnemowĩ:
«Ñañarẽ tiramena niherara cʉ̃jãrẽ witiya,
cʉ̃jãcã ñañarẽ tirere tiheradara.
Mʉjãcã tora abiro ñañarẽrẽ tiheriñerõcãrã
yʉ mʉjãrẽ ñurõ boca ñegʉacu.#Is 52:11; Ap 18:4.
18Yʉ mʉjã Pacʉra nigʉacu.
Mʉjãpe yʉpũnarã nirõãcu;
yʉ atiere mʉjã Nirũpʉ̃ Manigʉ̃ nipetirasotoare tutuacametʉanʉcãgʉ̃rã abiro ĩ» #Is 43:6; Os 1:10; 2Sa 7:14.
ĩwĩ.
Currently Selected:
2 Corintios 6: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
