Popular Bible Verses from 2 Corintios 6

Share

Mʉjã Jesucristore wedewõhẽramena came wãcũpʉtʉa cʉ̃jãmena ĩcãrõ nirã eaherimocãña. Mʉjãcã tʉoiñañerõcã ¿ñurẽ ñañarẽmena ĩcãrõ ñurõ nicamejiamasĩrĩ? O tairora ¿bowerecã naĩtĩãrẽmenarã ĩcãrõrã ñurõ nicamejiamasĩrĩ?

Manigʉ̃wi cʉ̃cã nirĩwĩ basocacã cʉ̃jãcã wedewõãtere queore weyoriguemena ĩcãrõ wãcũpʉtʉa nimasĩheri. Merẽ marĩrã cʉ̃ Manigʉ̃ catirucũgʉ̃cã nirĩwira nirã ya. Cʉ̃ Manigʉ̃basurupera abiro ĩsiarigʉ niwĩ: «Yʉ cʉ̃jãmenarã nirucũ; cʉ̃jãrẽ bapurucũmocãgʉacu. Yʉra cʉ̃jãya Manigʉ̃ nigʉacu; cʉ̃jãpe yamacã macãrã nirõãgawa» ĩwĩ.

Tairo tigʉ Nirũpʉ̃ Manigʉ̃ marĩrẽ cʉ̃ye wederucũrẽrẽ ojayoariapũmenarã abiro ĩnemowĩ: «Ñañarẽ tiramena niherara cʉ̃jãrẽ witiya, cʉ̃jãcã ñañarẽ tirere tiheradara. Mʉjãcã tora abiro ñañarẽrẽ tiheriñerõcãrã yʉ mʉjãrẽ ñurõ boca ñegʉacu. Yʉ mʉjã Pacʉra nigʉacu. Mʉjãpe yʉpũnarã nirõãcu; yʉ atiere mʉjã Nirũpʉ̃ Manigʉ̃ nipetirasotoare tutuacametʉanʉcãgʉ̃rã abiro ĩ» ĩwĩ.

Jesucristore wãtĩã nirũpʉ̃mena ĩcãrõrã came ñurõ bapucʉtireno icãta manijomocã. Tairora Jesucristore queorora wedewõquetatugʉnocã ĩcʉ̃rẽ Jesucristore wedewõhegʉnorẽna yagʉ ĩ pisumasĩheriwi.